CHUNGHEIMok的个人专页

上環老店羅富記今天去左上環個頭，因為太餓，見到在電車路旁的這間羅富記，就行左入去食，點知又中小伏😅店內環境光猛，兩個人坐在卡位還好，四個人的話就應該會太逼了！我地今晚叫左個牛腩撈麵，雲呑河，一碟油菜$21牛腩撈麵$47無瀝水, 搞到成碟麵都係水，賣相不討好！食落個鹼水麵，鹼水味重到好D浸左個人落鹼水缸甘，除鹼的程序不足, 令個麵帶苦味！牛腩香味欠奉，又不夠淋！牛筋還好！雲吞河$32傳統造法，雲呑放在麵下👍🏾雲呑一口一粒，細細粒， 外皮夠滑，蝦肉爽口，用好小豬肉包👍🏾 湯就同水無咩分別麵質好淋，有小小煮過頭，而且份量很小，男人完全唔會飽埋單HKD100, 雖然雲吞做得唔錯！但overall來說不好食！不會有下次！…查看更多

假日法國餐 Bistro East 難得放假, 今次揀咗去呢間法國餐廳食brunch! 對住藍天白雲，好Chill☀☁因為呢度有露天座位，所以兩隻毛孩都可以開開心心吹下海風，大人就可以傾下計！今次食午市套餐，包括沙律或湯 及 主菜連免費飲料! 跟蘑菇湯有配上麵包！有濃濃的蒜蓉香味👍🏾 .炸魚薯條🍟炸粉很薄，魚質很嫩滑！薯條夠脆夠熱👍🏻慢烤半隻燒雞🐔烤雞算幾大隻，配上雜菌汁，不錯！肉質不會”太孩”肉眼牛扒🐮肉眼扒要左五成熟，燒得剛剛好好。店裡人不算多，很適合傾下計，不錯！…查看更多

靜靜地飲咖啡— N.O.T Specialty Coffee 唔中意去大牌coffee shop既我....🤣🤣🤣中意呢度靜靜地又少人！店入面有七張高椅Bar枱，店外有沙發！今日十點令鐘同朋友呢左呢間咖啡店。雖然店面不大，但坐得舒服！好啱傾吓計！👭我叫左杯Mocha 好飲👍🏾👍🏾👍🏾 朱古力味好濃！但飲落朱古力味又唔會蓋過咖啡既香，甜度剛好！完美既Good morning!!!😍😍😍😍…查看更多

保齡中的甘棠燒鵝早排去左位於南華會保齡球場的「甘棠燒鵝」食飯！今日就來一個Review!金錢鷄金錢雞係中國的傳統食物！今次係我第一次試食「甘棠燒鵝」的金錢雞！雞肝外圍微燶！入口時，肥豬肉與雞肝馬蹄 及蜜汁調和得很好！加入馬蹄令金錢雞整體上減少油膩感👍🏾招牌叉燒厚身既叉燒，面層是一層厚厚的肥膏，黏著半肥瘦的肉。雖然食落好邪惡，但呢個叉燒真係必點！西洋菜生魚湯西洋菜都煲到溶哂，連外貌都見到個湯深綠色！飲落味道非常濃郁👍🏾👍🏾👍🏾甘棠燒鵝燒鵝肥瘦適中，但温度略差，冷掉了！整體來說，味道是可以的！蝦子札在腐皮卷中包裹著蝦子，味道很鮮！這個菜真的很特别！值得一試！潤腸和皮蛋我向來都不愛吃，雖然有食，但就不加評論了！鵝腸墨魚比較普通！鵝腸有肥膏！墨魚沒有什麼味道！整體來講，間中一次就好，食材都是三高之選😅😅😅 但味道是可以的！不喜歡食內臟的人就未必太多選擇了！…查看更多

4 Guys食5 Guys終於去左K11 Musea 試FIVE GUYS！係香港開咗咁耐都無去食, 係因為怕排隊！但今日朋友suggest 食呢間就去左試！呢間分店唔迫，好有空間感！等候期間有花生放題🥜🤭我地今次四個人去叫左四款Burger, 四款試哂😍😍😍1. 單層漢堡2. 單層芝士漢堡3. 單層煙肉漢堡4. 單層煙肉芝士漢堡5. 大薯條6. 汽水 (無限添飲)7. Milkshake 我覺得四款Burger入面最好食就係Little Cheese Hamburger 🍔 個包超厚配mayo+ 🥬生菜+番茄🍅+炒蘑菇🍄 +炒洋蔥🧅 + 🥒酸瓜！塊牛肉超厚, 食落有肉汁！ 我覺得Bacon個味似豬肉乾，而且脆口好乾身！個人認為不用加! 🍟FRIES (Large size) $60薯條份量好多，我地食個人食個Large剛剛好！我地無要辣🌶 因為有朋友唔食得辣😭薯條又粗又大條，連皮用花生油炸過2次！雖然好多人都話好好食，但不是我喜歡的薯條款！🤭🤭🤭Oreo Milkshake $55總結係超級甜! 好大杯，飲完好飽!😂而且奶味好重! 總結黎講，可以一試👍🏾…查看更多

Chef lemon 🍋 16shell 16 shell 係由謝霆峰設計餐單, 主打意大利菜! 之前已經試過一次，但未寫食評！今日就事隔一年再試16 shell啦!竹炭黑蒜麵包(Black Garlic Bread)真心出色！必叫！麵包夠熱，咬落去好鬆軟，但麵包外圍脆脆的！黑蒜嘅蒜味帶少少酸味，蒜蓉味好夠，好濃郁。白酒牛油煮蜆一上桌就聞到好濃牛油味，用它的醬汁沾著麵包吃，正呢👍🏾👍🏾👍🏾👍🏾 食落白酒味都仲好勁。蜆肉爽口唔霉。另外叫左個Lunch Set! 雜菌松露牛油意大利麵！麵質好彈牙，正！好濃既松露味，雜菌既份量都好多 唯一係淡左小小，加小小鹽更好食👍🏾 跟餐有一個湯/沙律，加一杯飲品！個湯好好飲吖，係蘑菇湯！飲落好creamy好濃！💕總括而言，16 shell可以encore 👍🏾…查看更多

日式 菜菜鍋 康怡3樓有一間日本火鍋叫菜菜鍋。佢有幾個價錢俾你選擇唔同級數嘅牛肉！鍋底也可以選擇一人一鍋，/ share鍋底！一人一鍋既話就可以每人選擇兩個湯底，最近就新出左黑松露冬菇豆乳湯(白色果款)！湯底好重黑松露味，又唔會太咸，正！另外仲簡左壽喜燒味，正常發揮！另外，今次我地簡咗最平個款牛肉試！$129加一！牛同豬都可以任食！呢度既配菜同醬料都算多，菜，丸，汽水都係自己係出面拎，選擇好多👍🏾牛肉方面，油脂分佈平均，唔會太肥/太瘦！所以我地食左14碟牛！🤭食到最後仲有雪糕！總括而言，抵食！會encore!…查看更多

UGkitchen? Gg kitchen朋友介紹今晚來九龍城廣場內的有機廚房「UG Kitchen 」食個晚餐。餐廳用有機食材做賣點，主打有機蔬菜同自家農場走地雞！但唔好以為可以用”有機”呢兩個字就可以難食先得架😕 餐廳有自助沙律bar，餐湯、餐包、凍意粉、沙律、青瓜、蕃茄仔、甜品都可以任食! 沙律有4款醬汁、麵包粒、芝士粉、煙肉粒、等配料。今晚既餐湯有南瓜湯，粟米磨菇忌廉湯和雜菜湯三款，三款我都有飲! 南瓜湯同雜菜湯正正常常！但粟米磨菇忌廉湯就好似生粉水咁🤮餐包旁邊有部麵包焗爐，可以焗麵包。甜品方面有奶凍: 椰子味，綠茶味，薄荷味，牛奶味，阿華田味！仲有燉蛋，Tiramisu! 全餐唯一食得落口既應該係甜品，但其實都係好普通既放題質素！店員極力推介葡汁有機走地雞上枱既時候真係好吸引，仲有個火熱住！一打開蓋，漿糊黎架？但唔緊要！賣相唔係最重要，重要既係好食！Sorry! 一放入口食，雞還雞汁還汁！擺明係煮完D雞加入去！有無激素係d雞道我唔知，淨係知唔好食！店員仲推介左德國鮮軟鹹豬手，我地脆既同軟既每樣要左一份！兩款豬手都有配酸菜！呢兩隻豬手店員話即叫即整，所以要四十分鐘！豬手切片上，份量十足，有英式芥辣在旁邊！脆片豬手落太多蜜糖焗，甜到好其怪！但口感軟硬適中，也不會太鹹！《美國安格斯牛柳配香煎鵝肝伴菠菜薯蓉》$268鵝肝中間係仲有血的🤮，感受它在口中溶化的感覺。牛柳話要七成，但黎到係四五成！味道正常！《牛肝菌帶子忌廉汁闊條麵》$198闊條麵，等左幾耐？豬手都上埋食埋都未有得食！姐係四十分鐘後！。兩隻帶子係幾大隻既，闊條麵既麵都煮得啱啱好，但我嚴重懷疑廚師唔記得落塩！個麵完全無味，食左兩啖就成碗無食！《紐西蘭羊鞍堡雲酥》 $288羊肉焗得不錯，但份量不算唔多！最後，服務真係不敢恭維！我地二十一個人黎食！俾左間房我地，但set場set到咁！仲要態度好差咁話我地阻住佢set枱！😂😂😂重點係，我食完之後痾左成晚，真係唔知佢用d咩有機食材同特別煮法可以搞到咁！NVM 絕無下次！差評無誤！…查看更多

名過其實—康瑞甜品出深水埗食飯，一於食埋糖水先走！由於有人話呢間嘅芋圓好好食，所以今日終於去到試！呢道環境有小小逼，但係都正常既，細細間糖水舖！今日我地就叫左兩款糖水！特式仙草百配(凍) $26百配有仙草，西米，紅豆，珍珠，薏米 , 芋圓，地瓜圓，小丸子，糖水小甜，芋圓(小許芋頭味) 與地瓜圓(小許蕃薯味) ！椰奶無咩味。份量都幾大碗幾足料！叫咗好快有得食！但我不覺得佢嘅芋圓特別好食，但係係好過一般糖水舖小小既！仙草反而幾好食！椰汁西米露配芋圓（ $26 ）都係好大碗啊，但無咩椰汁味！配上西米同芋圓，份量較小！總括來講，正常！質素Okay的！但不會特別推介！試過一次就夠！…查看更多

亞洲50大coffee shop—NOC之前上網見到NOC打入左亞洲50大coffee shop, 咁岩係附近就去試左兩次！啲裝修好簡約，一入去其實已經覺得好chill, 揀左個打卡位坐🤭第一次店員推介叫左杯cold dirty ($40)，點餐既時候，店員會俾你簡咖啡豆！fruity 生果酸味 Vs nutty 堅果味重我就簡左Nutty咖啡豆，個人認為有一點酸，但牛奶和咖啡的比例剛剛好！奶同啡有層次！第二次叫左杯Hot Latte ($40)同樣要左Nutty咖啡豆，因個人不是太喜歡太重酸味！呢杯latte的咖啡味幾香，但奶泡唔夠滑，亦一般咖啡店細杯！總括來講，這家的咖啡味尚算濃，但個人認為附近有另一間coffee shop質素更好！所以俾左兩次機會，未必會再回頭！但一試無妨！…查看更多

中伏大不同今日同屋企人普通食晚飯，叫左個鹹魚肉餅煲仔飯, 炒芥蘭，蠔餅，椒塩鮮魷！鹹魚肉餅煲仔飯煲仔飯正常發揮，肉餅味道適中，但豉油無咩味！價錢尚算合理！但完全對唔住上過冬要要排隊食煲仔飯個個水準！炒芥蘭普通炒菜，油落得比較多！但出得黎食野都預左，所以合格！蠔餅完全唔係個回事！變左好似煎蛋餅咁！仲要燶燶地甘，但係d蠔又整到唔係幾夠熟！所以我食左兩啖都無食了！椒塩鮮魷收咁貴價錢，但係得幾舊！食兩舊就無哂🤷🏻‍♀ 而且炸粉太厚，所以唔係太好食！總括來講之前食過呢間的早餐，合格的！但晚餐我就不會再黎了🤦🏻‍♀🤦🏻‍♀🤦🏻‍♀…查看更多

Pepe小店—Villa Villa今日係平日夜晚，去左一間位於北角叫做 Villa Villa 既餐廳！餐廳坐滿客人好full！我地三個人等左30-45mins先入到去！Villa Villa 有自己的食物排行榜！我地參考左Top5 之後就落單了。落完order, 餐廳就為每個客人送上一份多士<香草包>及西湯<蘑菇忌廉湯>。湯有蘑菇粒，但味道正常，不夠熱！但麵包有驚喜，入口好軟綿，仲食到橄欖油既香味。1. 黃金炒薯條 $68三個人當然要嗌黃金炸薯條，黃金即係鹹蛋黃。餐廳用既係粗薯條，炸得好脆。每一條薯條都有好濃厚既鹹蛋黃味！邪惡! 2. 雙重芝士脆薄餅, $138 排行榜上既人氣No. 1! 當然要試一試! Pizza既餅底係黑色既，黑色既原因係因為加左墨魚汁! 薄薄既黑色脆餅底配上濃郁既雙重芝士！我地仲額外加左Parma ham (+$30)做Topping (可加自選餡料)! 火腿分量都好多，好滿足！3. 海鮮寛條蛋麵 龍蝦汁 $148餐廳將闊條麵煮到好有嚼勁，每條麵都好彈牙，再配上濃濃的龍蝦汁! 每條麵都完全沾上醬汁，用嘅仲係新鮮既海鮮! 個蝦好正🤤4. 法國皇牌蛋糕--皇牌朱古力蛋糕$48呢道有自己既餅房，佢地既蛋糕係自家製的，皇牌朱古力蛋糕表面有滿滿既朱古力醬，朱古力味好濃郁，但係又唔會太甜! 5.水果茶$68勁爆多生果係入面，又大杯！飲到人地收舖，我都未飲完😂😂😂抵飲👍🏾👍🏾👍🏾總括來講，呢間小店絕對要encore, 但係黎之前記得book定位喇！唔係就好似我地咁等左好耐🤭…查看更多

情調西餐廳—Ember細佬話請食飯，就簡左間有情調又可以飲下野傾下計既西餐廳！果然氣氛唔錯！呢道既樓底很高，牆上既設計有微微既黃光，好適合傾計！所以一坐低當然叫左飲品先！我地叫左杯Mocktail—Mango Tannin 細佬話琴晚已經想飲芒果味既飲品😅飲落好fresh的感覺！我就叫左杯 Cocktail — Grasshopper成杯好mint既Coctail，飲落有薄荷味，配上可可粉，增加成杯既甜味，同Vodka都幾夾！但唔中意飲甜既就千祈唔好叫呢杯😂😂😂【香煎鵝肝 】晚餐頭盤+$58 厚切鵝肝，調味做得好好。煎得啱啱好既鵝肝，香口但唔油膩，再配埋toast真係好正，焗得好夠脆！食落好有滿足感，旁邊仲有沙律菜做配菜👍🏾 好fresh! 【法式龍蝦湯】晚餐 + $35 升級晚餐有是日餐湯，但加 $35 可升級為龍蝦湯。龍蝦湯好濃！飲落好重龍蝦鮮味，湯入面仲要真係有好多龍蝦肉🤤 還配了兩片好香好脆既蒜蓉包，用來襯湯好正！超級推介叫呢個！Soup of the day (跟main course) 今日既是日精選餐湯係忌廉湯 口感creamy，正常發揮！牛油法包香脆鬆化！北海道鮮帶子香辣蒜片汁扁意粉意粉煮得恰到好處，有小小硬👍🏾。有三大粒北海道帶子大粒,有鮮味。另外配上煙肉，勝瓜，雲耳，車厘茄，辣椒乾！令整個意粉十分豐富。烤澳洲和牛內腹扒 $268上檯已經幫你切好左，伴碟係薯條/ 意粉! 除左本身跟既sause 仲有茄汁同mustard! 叫左五成，但黎到係七八成！食落ok唔錯！伴碟我地簡左粗薯條，薯味一般！不過粗身薯條口感唔錯，但唔夠脆身！總括可以encore, 食物同服務質素都唔錯！👍🏾👍🏾👍🏾…查看更多

Shari Shari 食評2.0 同細佬食完正餐，九點幾到達!已要排隊！last order 為10點半！我由佢初初開舖無人食，到宜家排到咁誇張，真係要俾個叻佢！👍🏾👍🏾👍🏾 雖然店舖好細，但因為食完就即刻要走既關係，所以都算幾快有位! 大概排20分鐘左右吧！門口有塊板俾客人自己寫名同人數做登記！到咁上下時間，就會有員工叫名落左單先！佢嘅menu一向都多味揀，我就試哂喇！你又食過哂未呢？🤭🤭🤭 每人最低消費$35! 我地今次就叫左抹茶忌廉焦糖刨冰！入到去收左錢先, 無耐就上冰了！抹茶忌廉焦糖味 $88由於老細建議影相最多20秒，影完之後就開動食啦🤭 D冰係日本運番黎！刨冰磨到好細，一入口係秒融！綠茶味夠濃，焦糖唔會太甜！一路食入去，中間係焦糖脆脆同餅乾碎，好好食！個冰唔會因爲溶冰而愈食愈淡👍🏾.總括而言，呢間絕對要回頭🤤🤤🤤抹茶控必食！…查看更多

性價比不高的西餐—Gotthard Base Restaurant & Lounge 一向喜歡試新餐廳既我，上星期六同屋企人黎左食呢間西餐！我地叫左午市套餐香煎紐西蘭西冷扒 配紅酒汁 ($148) 及黑松露菌意大利飯配鮮蝦($128) 今日的餐湯是雜菌忌廉湯！唔熱既湯，我真係可以俾好低分，餐湯仲要加$10，菌味是有的！旁邊還放了兩隻手指大細既蒜蓉包，不但止蒜味唔夠，還是淋的！不合格😅😅😅兩份主菜份量都唔算多！牛扒生熟度剛好，係五至六成！但可改善的是汁可以另上，因為汁淋上去後，蓋過牛既味道，上面還加了mustard! 雖知道有人是不喜歡mustard的！不喜歡mustard的人，記得叫佢走醬哦！飯唔合格，要改善，Rissotto食落應該係有嚼勁，米煮到仍保留米芯，但不是不熟哦！但今日呢個飯都得太軟身，完全唔似食緊risotto, 仲要無咩味，要自己落塩，但蝦食落係新鮮彈牙的！餐飲叫了凍檸茶，正常發揮！值得一讚的是，糖漿另上！👍🏾總結係價錢略貴，呢個價錢有更好既選擇！味道合格，環境okay! 整體來說ok，可以一試！但我會不會回頭？就未必了！…查看更多