love-eat的个人专页

2024-7-29, 9:30am 到店食早餐已經要排長龍，坐定定後想叫人落單，四眼小姐服務勁差，對客冇禮貌，叫佢落單叫我哋掃碼，我話要有要求佢當聽唔到，麻煩上級要對佢咁差既服務多加培訓！幸好仲有一位札頭髮壯健的女職員有禮貌地幫我落單！好彩有佢！…查看更多

好味又超抵食，鍾意食日本拉麵嘅朋友唔好錯過啦！真係共渡時艱，超值優惠，去日本食都冇咁平呀！抵抵抵！This is amazing Japanese noodle restaurant! Food serve fast & efficient, good service, all up to standard even special discount price!Not like other place when said discount try to minimize the size but this is Original Size and keeping everything standard just discount half price! Super good value, highly recommend!…查看更多

呢間做嘅鬆餅改好左，而家又大又好味呀！改善了好多!但係雞扒size卻越來越細塊了！管理層真的要認真睇睇價錢同份量是否合理！因為比以前個雞扒size 似減少了一半呀！有三位收銀服務阿姐都做左好多年，認真抵讚，對公司咁忠誠的員工是很值得表揚的！…查看更多

本人幫襯此餐廳吃客飯數次，絕對超值！由$64吃到現在減至$60，真心覺得好味又抵食！推介：鎮江骨、粟米魚塊但由於疫情，少了人去餐廳，粟米魚塊冇得做了，因為餐廳說「魚」要長期保持新鮮才好吃！希望疫情過去之後，可以在食返全港最好味的「粟米魚塊」啦！我之前推介朋友上司過嚟食晚飯，他們都對呢個「餸」讚口不絕！當然，我仍然會支持你地繼續做精美嘅客飯套餐，因為超級抵食呀，成日都會介紹朋友過來吃！有壺茶又有例湯餸，加上你哋嘅白飯每次都做得好好，真係每次都咁有水準，好香飯味，希望你可以繼續努力一起捱過疫情，加油啊！（記得之前三月疫情最嚴重嘅時候，你哋都要被逼休業，我都好擔心呀，你哋咁好食嘅餐廳，環境又乾淨舒服，都搵唔到第二間呀！比心機！好嘢自然會有人識欣賞的！…查看更多

很久沒來，改變了很多，但仍然有水準的-推介：牛肉鍋特色軟殼蟹壽司三文魚牛油果壽司特價帶子及蝦刺身和民沙律好多都改變左，我掛住豚肉燒呀（即豬肉燒餅）及靜岡刺身冷麵呀！希望再不斷出新產品，繼續堅持好多個廿年！Restaurant changed a lot and I highly recommend the beef Sukiyaki! Sashimi is also delicious as well as specialty sushi! I hope you can continue running business for many more 20 years!…查看更多

已吃多次，食物質素穩定，比其他McCafe 做得好！去過其他McCafe比較，一係個包唔夠熱，一係個包唔鬆脆，始終同呢間唔一樣！你地焗熱的牛角點解會比較鬆脆呢？其他McCafe應該要了解同學習一下，應該盡量做到全線統一？！推介食品：小龍蝦牛角包，Cappuccino.女咖啡員更特別細心，笑面迎人有親切感, Very Nice! 我會繼續支持你哋呢間餐廳的！Well Done! Keep it up!Thanks for your “heart-working”!…查看更多

第一次幫襯此餐廳係响幾個月前，一試便愛上，差唔多好多款意粉都好好味！我選擇的都係時時會再叫既～真心推介：1. 冬陰功鳳尾蝦意粉2. 香蒜蜆肉意粉3. 白汁煙三文魚意粉4. 蕃茄腸仔煙肉意粉5. 芝麻醬吞拿魚意粉6. 蘑菇湯第一次嚟幫襯嘅時候，都有同感覺得收銀小姐都幾惡下，但食多幾次之後，完全覺得你係「有需要」咁做！我鍾意你地呢間餐廳，唔係因為什麼服務，而是食物質素，餐廳乾淨、企理、整潔！老實講句，明知道你只會做到午市咁短暫時間既生意，連晚市都冇得開（因為根本唔會有生意），倘若你係任個個客人都慢慢食慢慢坐，你遲早都做唔落去！既然係真心欣賞你嘅食物，我自然想你繼續生意好，繼續好好咁做落去！就好似澳洲牛奶公司，夥計都成日俾人話唔好態度，難道想要酒店式招呼茶餐廳價錢嗎？你事實上提供了有效率的盡快入座及最緊要你經營好、返枱快，生意多，咁你就會keep到食物質素同保持繼續咁新鮮既意粉煮法，我係一定會繼續支持的，因為如果同朋友食飯要霸住張檯好耐既時候，我係唔會選擇去呢間細餐廳的，因為我想呢啲細餐廳都可以好好咁長遠經營落去，物有兩面，佢比你慢慢坐，唔計較生意或最後賺唔到錢唔做，誰損失？我唔想只食連所餐廳囉，所以特別珍惜舖頭仔！放心，真心喜歡你餐廳的顧客會完全明白你的，因為我唔想你由得人慢慢坐但我一直等位冇得食....如果我係老闆都只會多謝你，因為你幫左我手返檯等我可以開心經營！我唔知收銀小姐是老闆或打工，但只要你係為餐廳好，豈能盡如人意 ，但求無愧於心！開心啲啦，真心喜歡你餐廳的客人都會明白我講的！最後建議：如果你多生意到出唔切野飲，你主動轉外賣杯比客啦！我見到好多好客都唔太想霸住你張檯的，但飲品熱得濟飲唔切都冇計架....你唸唸啦，加油！love the food here!!!…查看更多