Kody yip的个人专页

其實從來未幫襯過敏華，因為look Threads見到黯然銷魂飯做緊堂食優惠$35（原價成$7X），所以就決定去試吓叉燒有5片，3片係半肥瘦，另外兩片偏瘦，加兩隻半熟蛋。份量唔算多，味道中規中矩，都唔錯。反而我想讚下班員工，唔知關唔關做緊優惠事，下午未到三點，門口都要排隊，食客一個接一個出出入入，下午茶時段都算忙，但由門口帶位到送餐每個員工態度都好好。會主動幫食客搵地方放大件物品，亦會幫推BB車嘅食客指引路線。到最後我埋單時，收銀姐姐做緊野，帶位姐姐怕我等都有主動幫我用自助收銀機付款。感覺呢間鋪啲員工應該做得幾開心，個個態度都唔似香港飲食業嘅員工😂😂😂…查看更多

星期日黃昏前入座，好似包場咁得我地一枱，餐廳環境不錯還有海景，打卡影相是必須的🤣，男職員一直面帶笑容亦有禮貌，還很專業找位置幫手影相。點了香煎帶子明太子忌廉意粉😋銀鱈魚配黑松露忌廉汁小食拼盤👎🏻炸得好燶好乾，章魚小丸子暗地裏換了炸春卷，但沒說明飲品買一送一，即每人起碼會有兩杯飲品。點了橙汁及蘋果汁，估計是果汁先生之類的果汁。總結係環境、價格及服務不錯，但食物質素一般。…查看更多

經OpenRice 外賣自取，落單一個大批夏威夷+$23拼啖啖肉，結果取貨回家打開發現整個都是夏威夷。致電店舖溝通，佢地話佢地自己落錯單做錯，話會即刻整返個啱嘅pizza，20分鐘後可以去取，我問佢地要唔要俾返個錯嘅pizza佢地，佢地初時話我食到就食，食唔到就俾返佢地。大約一兩分鐘左右佢地打返嚟叫我攞返個錯pizza落去換，我話個盒已經剪開左，佢問有冇食過，我話無食過但剪開左盒上蓋，佢地叫我攞返落去。其實我唔介意俾返佢地，只係希望佢地唔好拎去賣，因為始終仍然疫情，衛生好重要，雖然我哋無食過無摸到個Pizza，但有打開過。將心比心，我都唔想我買嘅pizza去過其他人手上再輾轉到我個胃。老實講，經過呢次體驗我真係唔敢再幫襯…查看更多

因為有生日優惠揀左呢間釣蝦場，當日係平日而且剛剛開舖所以場內只有兩枱人，職員好有耐性教我地點釣，連釣到點同隻蝦拆勾都教埋。最初都唔太明白，可能職員見我手勢唔正確，又好主動過嚟再教一次。之後奇蹟就開始出現，我竟然好好彩一箭雙雕同時釣到兩隻蝦🦐🦐有獎品送😆（飲品一支）之後開始越嚟越多人到場，其間大約加左3次蝦，其實係完全睇唔到池底，所以根本唔會知道邊個位有蝦，放左餌之後只能等，有時可能十分鐘都無蝦食，有時有蝦食釣上嚟果刻佢又會走左，當然因為職員嘅教導我都有跟從方法釣到十隻以上。不過後來聽到隔離羨慕嘅聲音大概知道我同朋友算係釣得多😄如果職員唔好咁趕可以俾時間我數數釣到幾隻就好喇😆…查看更多

用餐時間係平日第二輪7:30，成人每位$698享82折優惠。一開始響飲品區枱面見到一隻約兩粒米長度嘅小小強，訂位時宣傳聲稱是近江牛，到現場時改了飛驒牛，但價錢沒更改，食品款式少，性價比低。門口接待員工黑口黑面，裡面收碟員工工作效率高，但收碟時將碟上嘅汁倒了在我枱面及椅上亦沒留意到，希望快之餘可以留意一下動作帶來嘅後果。食物種類少，壽司款式極少，關東煮的福袋裡面年榚有點硬得像膠一樣，長腳蟹腳同龍蝦雪水不停流出雪味重，唯一推介壽喜燒同和牛壽司，其餘比二三百蚊嘅放題都不如，不值一提。…查看更多

點咖啡或朱古力星期六下午，陪媽媽食下午茶氹下老人家開心，帶媽媽嚟好多花裝飾嘅ASK Cafe打卡。呢度佈置好適合女性，隔離兩枱都係嚟打卡嘅女士們📸食物方面普遍偏鹹，唔算好出色，唯一特色係可以打印自選相片響咖啡或朱古力上面。為博媽媽一笑，點咗杯咖啡打印咗爸爸媽媽嘅相片上去🥰隔離兩枱客人見到亦立即點咗咖啡，增添咗店員工作量🙉🙉店內食物普遍屬精緻擺設，工序繁多需要時間較長，故店員都比較忙，但佢地整體都態度良好，尤其係女店員主動有禮值得表揚👍🏻…查看更多

電話book檯需要先落deposit ，因為有商場coupon所以都決定一試。去到見到三層下午茶架及食物已經預備好晒，只等待上檯。戶外風景加分，可惜天公不造美當日陰天。坐低後職員會先講下午茶可以選擇嘅飲品，隨即就上茶及三層架，並講解每一層有咩食物。我同朋友都好欣賞佢地嘅鹹點，全部都好味道。尤其係海膽撻，鵝肝馬卡龍，辣蟹肉脆餅最出色，龍蝦沙律，牛油果醬亦不錯。唯一唔識欣賞個凍湯。甜點我較欣賞伯爵茶卷同芒果撻，朋友則喜歡tiramisu 。檸檬雪葩比較酸，黑松露雪糕係一個味蕾同腦袋互相猜疑嘅感覺😂整體上好滿意👍🏻，環境舒適，食物不錯，職員服務態度亦比樓下paper moon好得多，下次生日或紀念日會考慮試試晚餐。…查看更多

平日下午兩點幾路過，見無乜人唔駛等就叫了個外賣午餐青瓜雞絲麵$48，雖然價錢唔貴，但青瓜同雞絲份量真係少得可憐，花生醬味濃好杰身，會漿住過嘴。總括嚟講份量少，味道好一般，唔會再幫襯。…查看更多

約兩星期前whatsapp預約outdoor 座位，當晚6點前準時到達，因為之前有落微雨Reception向我表示當日無開放outdoor 座位。於是安排左我地坐室內中間排位置，眼見當時附近座位全是空枱，於是問待應係咪只可坐這位置，待應問過Reception後回覆我隔離窗口位已有人book，於是唯有乖乖坐低。後來我發現outdoor 有一枱客人，見Reception經過即問佢點解，佢無回答我，行去同一個有肚腩嘅男職員講，男職員走過嚟問有咩幫到我，於是我就由book outdoor 開始講返，佢回應我因為之前outdoor 上面簷蓬仲滴緊水，同埋客人唔介意。咁點解Reception當時無問過我地介唔介意就直接同我地講無開放？而且我book 6點，7:45需交枱，但我坐到7:36隔離窗邊位置都係空嘅，後面窗邊位亦係7:30先有人入座，其實當我地問係咪只可坐這位置時可唔可以同我地講因為有客人book左7:30，如果換窗邊位需要7:30前交枱？好難理解佢地對座位嘅安排，整個晚餐過程讓我只能理解為熟客與新客嘅不同待遇🤷🏻‍♀️…查看更多

之前帶過媽媽食新派素食，佢老人家唔多like，話始終食慣傳統齋舖嘅齋🤷🏻‍♀️今日突然記起之前想嚟試呢間吉祥草，就帶媽媽嚟再試試新派素食，叫左個芝士火腿牛角包同埋烤大啡菇素排漢堡包。芝士火腿牛角包味道正正常常唔睇塊火腿其實係唔覺食緊齋嘅。烤大啡菇素排漢堡份量唔算細，啲大啡菇係切片應該炒過幾香，啲汁亦好好味，我同媽媽都好鍾意。雖然菜式選擇唔算好多，亦略嫌舖內播嘅佛經有點大聲，但我下次都會再去試吓其他。…查看更多

一直從未寫過食評，今次真的是被迫的。星期六晚上6:45，這次是第一次來到這家餐廳用餐，剛到的時候門口並沒有客人在等，我倆準備推門進入，就剛好有一名穿著制服的年輕男服務生捧著一箱看似垃圾的東西出來順道跟我們說“等等”，我倆只好乖乖在門外等。男生回店後，開始陸續有幾批客人出來，亦分別有三群人到，最遲來的一群率先開門進去，之後就來了個著制服的女服務生出來問我們一堆人幾位。這下我可火了，我們最先來，剛剛的叫我們等又不理，明明在門外看到最少有兩桌空檯不讓我們進去，現在出來的不理先後就隨便說句“你地幾位?”。各自報上人數拿號碼紙後又再繼續等了一會。之後我們被安排坐在門口附近，很熱，後來我發現就門口附近已經放有三把風扇，証明已作出補救。之後我們點了海蝦蕃茄醬意粉（$75）和雞扒蕃茄意粉（$72），老實說意粉軟硬適中味道亦好:)，蝦亦不錯，但雞扒炸得好燶，不僅呈深啡色，還又硬又乾:(。我一向對食物品質問題都會選擇啞忍，不吃罷了。但由於剛剛的不滿加上這雞扒意粉就只有一塊約四指闊的小雞扒，放棄就等於單吃意粉。於是我決定向服務員投訴，他很快就說替我更換並且說若更換了還是不滿意可以取消，後來的雞扒可以入口了只是沒味道。之後我們再點了香蕉朱古力雪糕窩夫（$62），這次是個沒穿制服的女職員，她很有禮貌:)，感覺好多了。窩夫外脆內軟又熱，雪糕只有一球所以不會太甜:)。…查看更多