hosiksik的个人专页

喺Open Rice 訂左枱，到達時得我地一枱。叫左個海葡萄沙律，生牛肉他他，蟹肉牛油果多士，牛肩肉，蘋果金寶。食食下，開始多人，本身間舖細，好快差唔多坐滿。食到去主菜牛扒，職員突然間走黎話叫我地起身轉去另一張枱，因為出面黎左個walkin 5位客，佢想要我地張枱拍俾人。老實講，其實如果你走黎有禮貌問，我真係無所謂的，但你唔係問，係order咁，果下真係覺得好奇怪，最後都幫佢轉左枱。其實個客已經食到一大半，你需要個客幫你轉枱你應該先問客個意願，基本禮貌，茶餐廳都識得咁做，唔係老馮咁囉。我同我老公食野其實好快，唔係坐喺度慢慢吹果啲，成餐飯，由頭到尾食埋甜品，1個鐘就已經走人。呢度野食唔錯，正常水準，但又唔算係特別出色。兩個人埋單$900。呢個價錢 ，出面有更多更好選擇。…查看更多

見呢間野新開，行去望下有咩蛋糕。見到Poster介紹個新出嘅白桃法式芝士撻，好似好吸引咁。行去雪櫃睇實物，有2個擺喺度，其中一個啲桃嘅顏色有啲異樣，揀左個樣正常啲嘅。返到屋企，即刻開黎食，點知。。瀨野。冇咩芝士味，中間芝士層嘅味道同textile同一般cream差唔多，但唔難食的。但最差係個撻皮係淋嘅，真係超淋，口感好似食緊蛋糕多過似食撻 ,完全唔掂🤮…查看更多

第二次黎呢度獨毒樂。要搵地方適合自己一個人嘅火鍋，選擇真係好少。如果唔係任食嘅，一個人真係好難叫野食。任食嘅，食品質素又通常一般般。終於俾我搵到呢間小鍋霸，第一次食喺一家3口喺將軍澳分店，試過唔錯。之後就成為我獨食火鍋嘅首選。揀左$308果個價錢，已經包晒湯底，任飲同任食，仲要無限時。不過我一個人，時間對我黎講無咩concern, 基本上唔駛個半鐘都一定食飽走人。講返個鍋底，兩次我都揀麻辣蕃茄牛肉湯底，我食小辣都覺得幾辣，好濃好正。至於佢地嘅火鍋配料，係我選擇呢度嘅主因，佢地有啲高質配料，唔係其他任食火鍋經常見到的，例如蟲草花，紫蘿蔔，羽衣金藍，炸有骨魚皮，手打墨魚滑。基本上我次次淨係食呢幾樣野。至於牛肉，我揀最平果個餐係US Prime grade, 都已經滿足到我。無限時，但7pm前埋單有8折，折實$278。…查看更多

突然好想食牛什，喺炮台山附近逛來逛去，見到呢間‘樂園’。知道佢都有唔少分店，應該唔會太差卦。叫左碗什面加豬手。碗野黎到呆左。只係見到舊仲有好多豬毛嘅豬腳仔喺面，跟住兩舊肚，1舊膀浮游住。嘩，雙併豬手加$10，俾舊仔咁嘅野我會唔會有啲過份。味道無特別，份量少，不会再光顧。…查看更多

在中學同學群組得知，珍姐重返藍田，仲話係佢親自出山，落舖打點。初時都半信半疑，叫住附近嘅娘親去打聽下，最終確實無誤，仲話珍姐都認得佢，同佢打招呼星期六，終於返娘家諗住一齊去食珍姐，搵返啲童年回憶，可惜撞正夜晚禁堂食，最終只能買外賣。夜晚約7點去買外賣，門口企左好多人，落單時話因為單多，要等耐少少，店員細心問我地介唔介意留低電話，話攪掂call我黎拎，梗係唔介意啦，落完order就喺滙景商場行住等。大概過左30分鐘，收到電話話攞得，都唔算等得太耐。講返食物，我地叫左：海南雞半隻：啲雞好滑，肉質都，伴盒有幾粒豬紅送，好好味。串燒：我地要左一半豬一半雞，醃得好入味，又大串，抵食。蝦餅：蝦肉彈牙，不過始終係外賣，外皮已經唔太脆口，堂食嘅話應該會好好多。咖喱炒大頭蝦：本身諗住叫咖哩蟹，但店員話蟹要預訂，叫我地試下大頭蝦。又真係無介紹錯，一份有5邊大頭蝦，蝦有啲膏，唔錯唔錯，啲咖喱汁又好正，用黎撈白飯無得頂。泰式炒什菜：普通蒜蓉炒，無咩特別。滷水豬手：豬手起晒骨，啖啖肉，炆得夠焾又入味，配菜個酸菜都好好味。酸辣無骨鳳爪：娘親好like呢個，不過我就覺得辣得滯。招牌鹹豬肉炒飯：呢個真係無得輸，菜粒炒飯加埋脆卜卜嘅鹹豬肉，連我個仔都話好好食。其實仲有好多野想試，聽人講燒魚同燒雞都好正，不過外賣又好似唔好食，留待重開堂食後再試。…查看更多

自己本身好鐘意食牛什，行過幾次見到佢有個牛雜煲賣230幾蚊，又標籤係該店嘅招牌3寶之外，一直都想搵機會試。今日機會終於黎喇，抱住期待嘅心情去買呢個牛什煲，首先230蚊嘅份量係得一碗，都唔緊要，可能好好味呢，拎對筷子撩幾下，啲所謂牛什好似廚餘咁，濕濕碎碎。搵下我最鍾意食嘅牛肺同牛膀先，搵黎搵去都搵唔到，牛什煲竟然無牛肺同牛膀😭。成碗野入面得啲硬晒柴嘅牛柏葉，苦同硬嘅牛腸，一兩舊碎濕濕嘅牛筋，一啲碎濕濕嘅牛腩，牛肚同牛舌。吖，仲有粒牛丸，真係9唔搭8。所有野都好硬柴，似煮過好耐，又或是翻煮再翻煮。味道方面，啲料完全唔入味。好彩佢另外有俾個辣醬，呢個辣醬反而味道不錯，似食街邊速魚蛋果啲辣汁。一句講晒，呢間野無下次。…查看更多

一直以來都好想試Palco嘅afternoon, 3個月前曾經成功訂位for慶祝小姐生日，最後因為活動調動而cancel左booking。之前就一直都book唔到。幸運地，在社交平台 group 見到咁啱有group 友book左但去唔到，好好彩地成功轉讓左個booking 俾我，終於有幸可以一試喇。平時食親afternoon tea set, 我都會食淨晒啲甜點，因為自己本身唔係特別好甜，但呢個set, 無論鹹點同甜品都好出色，係我暫時最高評價嘅一間afternoon tea.同場加影該店嘅Signature Spaghetti, 巴馬臣芝士松露意粉。發現佢個價錢短短幾個月間由$298加到$498😵，但都忍唔住要叫黎試下，係幾好食嘅，不過$500蚊又真係貴左啲。呢度個afternoon tea係令我絕對想再黎encore, 佢黎緊連weekdays都會供應，希望容易啲book位啦。…查看更多

行開K11 Musea, 經過呢間野，上網睇下comments 先，見到都多好評，決定買黎試下。買左兩日Original Scones, 另加百香果jam 及Clotted cream, 共$70,價錢合理。上返酒店，即食，冇得整熱。口感ok, 但味道就失望，完全冇牛油香，只有麵粉味，失望。不過個cream同jam就ok。…查看更多

我地一家，一向是敏華冰廳的常客，通常我自己就一係食黯然銷魂飯，一係就食夠薑豬潤牛肉米。今日揀左食薑豬潤牛肉米。敏華冰廳呢啲連鎖式嘅餐廳，水準一向較一般茶記穩定，但今日個豬潤牛肉米真係好唔掂。一向鐘意食呢個係因為鐘意佢個湯底夠濃，但今日個湯底同滾水係無咩分別嘅，再試食牛肉同豬潤，都係無味嘅，灰左。諗緊繼唔繼續哽埋碗野去，都係攪唔掂，放棄。放低雙筷，戴返口罩，起身埋單走人。跟手過隔離街食碗小鍋米線無咁嬲。…查看更多

我自己本人好鐘意食船河，我like 重口味。夠gus喺香港開間舖專賣船粉，我諗點都有啲料卦。第一次幫襯，叫左牛丸船粉，酸辣鳳爪，凍泰式奶茶。奶茶最先上枱，一啖飲落去，咁淡嘅，原來未落糖，枱面有糖槳，自己加。但加來加去都飲唔返平時泰式奶茶果隻味，怪怪的。好喇，到碗牛丸粉上枱，第一時間梗係試個湯底啦，又係偏淡，完全做唔到一般船粉湯底果隻味，又算，夾粒牛丸試下，ok la,冇咩問題，跟住夾起著金邊粉，咦，一pat 野咁嘅，鼓起勇氣擺落口，漿糊咁，好明顯啲粉overcook，食晒啲牛丸就算，放棄。至於個酸辣鳳爪，正常嘅，但食食下發現有隻蚊滋原來都一齊食緊😪一次就夠。…查看更多

今日去開上環做野，下午茶時間路過地鐵站見到呢一間舖。想食碗酸辣米線開下胃，就入左去。舖頭細，坐位迫，唔緊要，最緊要啲野好食。叫左碗金牌腩肉，豬大腸，冬菇酸辣米線，46蚊加凍檸茶要加9蚊。食任何湯粉面，我覺得個湯底係最緊要。點知。。。。無味嘅。。真係接受唔到酸辣米線個湯底咁淡茂茂囉。至於啲餸。。。Ok la,正正常常但又唔覺特別好咪囉。最後，食左啲餸，成碗米線冇食過，下午茶埋單$55走人，唔會有下次囉。…查看更多

放工返到寶林搵食，原本諗住去食靠×住，點知經過商場門口，見到德美招牌先工知喺度開左，唔駛諗，即刻去試二。之前都係喺尖沙咀食lunch,質素唔錯，所以今次都有啲期望。去到門口，當時晚上9點40分，問侍應關左未，佢話未，11點先關。我示意佢兩位，佢指一指店內一張比較迫狹的細枱，而張枱又未抹乾淨。其實當時舖內仲有好多張吉枱。坐下了，睇完餐牌，要點菜。叫左幾次都冇人應，啲員工係明明聽到見到都唔理你果隻。個黑色衫類似經理嘅小姐，坐喺壽司bar枱同一個類似自己朋友嘅女人喺度飲酒，又係度高談闊論，同個壽司bar嘅男員工一齊大聲講大聲笑，嘻嘻哈哈，仲叫埋另一個女侍應一齊擘酒。個女侍應見到聽到我地叫佢落單都唔理，不知所謂。成個食飯過程都覺得佢地好騷擾，所以快速地食左半個鐘即走人。我見當時店內的幾枱客都不太滿意佢地。講返食物，係唔錯嘅。我地叫左兩個定食，一個碎吞拿魚蓉丼，另一個唔記得左咩魚生丼。另外再加左燒牛舌，燒雞皮及燒雞腎。魚生丼份量足，用料新鮮。串燒我冇食，係老公食，佢話都ok 。食緊先記得影相…查看更多

之前已經聽聞佢重開，但一直就唔到時間去。相隔五六年，終於找回它的味道。我的娘家在藍田，由2座街市檔到啟田地舖，它一直陪著我成長。過往，每星期終會最少食兩次。直至6年前珍味盞結業，當時墟冚的情況歷歷在目。可能是緣份，數月前它們竟在筲箕灣東大街重開，就在我老爺家附近，我知道後開心到彈起，但又有啲懷疑究竟係咪舊班底，食物質素如何。。。今日，趁幫老公拎藥俾奶奶後，攝左時間黎呢到。舖位坐落在東大街尾位置，行到門口，看見門口貼著的食物照就認得是它了。下午3點多，客人數目不多，只有三四枱。過黎落單的員工問我是否藍田客?她竟然認得我，之後仲見到其他舊員工，大家都話認得我，很親切呢。今日得自己一個人，叫唔到太多野食，淨係叫左我嘅favourite 鴨太。原本諗住食咸肉鴨太，但原來果時係下午茶時間，鴨太有優惠，我呢啲師奶，梗係唔蝕底。鴨粉附送幾舊豬紅，久違了的豬血依然出色，入味嫰滑，一個字"正"。鴨嘅水準依然保持，35蚊一個餐連埋野飲，咁嘅食物質素邊度搵。講開又講，佢而家嘅湯底，比以前仲做得出色。太子女介紹左兩味signature food,海南雞同豬手。又真係見到好多人都食呢兩樣，又買外賣，下次堅要試下。已經book埋枱過兩星期同屋企人黎食晚飯，到時再分享。…查看更多

夜晚11點後，要在東大街搵食，選擇唔多。燒烤堂係我同老公嘅心水之選。推介食物有:燒菠蘿: 其實唔係有咩特別，主要係我鐘意食菠蘿。燒雞皮: 脆卜卜，好似食薯片嘅口感。雞泡魚干: 抵食，好食。芝士年糕: 最like 係佢配練奶食。燒羊架: 羊肉燒完唔好乾晒，好juicy.…查看更多

喺度買外賣返屋企食，叫左個生牛肉湯河，加配生菜。越式春卷，糯米釀雞翼。打開袋外賣，啲湯瀉晒，原來個蓋冇蓋好。糯米釀雞翼: 4隻入面有2隻啲肉未熟。春卷: 正常。總結: 唔會再幫襯佢買外賣。…查看更多