敏華冰廳 (已結業)

我地一家，一向是敏華冰廳的常客，通常我自己就一係食黯然銷魂飯，一係就食夠薑豬潤牛肉米。今日揀左食薑豬潤牛肉米。敏華冰廳呢啲連鎖式嘅餐廳，水準一向較一般茶記穩定，但今日個豬潤牛肉米真係好唔掂。一向鐘意食呢個係因為鐘意佢個湯底夠濃，但今日個湯底同滾水係無咩分別嘅，再試食牛肉同豬潤，都係無味嘅，灰左。諗緊繼唔繼續哽埋碗野去，都係攪唔掂，放棄。放低雙筷，戴返口罩，起身埋單走人。跟手過隔離街食碗小鍋米線無咁嬲。