啫喱妹妹's Profile

最近想食得健康啲，成日都會上網睇下有咩健康飲食🍴經過商場見到Jollibean開咗一段時間，於是買啲豆乳同家人分享。見餐牌豆乳飲品及甜品種類選擇很多，每款都好有興趣🤗新出的特色面煎糕串，係新加坡特產X香港口味，我點咗咖央醬面煎糕串加茶記菠蘿包皮，有套餐加8蚊配微甜濃豆乳，食落似香港的雞蛋仔，裡面加咖央醬，面頭有脆脆菠蘿包皮，唔太甜幾好味😋🥭香芒小宇宙，有芒果、西米、小丸子，食落清爽鮮甜🍨山藥百合西米露，唔太甜，養顏首選🥤樽裝木瓜雪耳雪梨豆乳，錫紙蓋唔怕倒瀉，一開即飲夠方便🍵茉莉花茶豆乳，淡淡的茉莉花茶配上微甜豆乳，飲落好清爽@jollibean.hk #世一豆乳 #豆乳之鬼 #古早味 #面煎糕 #冷糕 #砂糖夾餅 #國民美食 #懷舊 #街頭小食 #掃街 #麻糬 #花生醬 #咖央 #芒果 #fusion #豆乳 #甜品 #JollibeanHK #石磨樂豆 #啟德體育園 #形點 #裕民坊 #德福廣場 #都會駅 #圍方…Read More

中午經過見到新開的綠茶餐廳，裝修古色古香，門口仲有個古箏和涼亭雅座，詩情畫意，好似去咗古代用餐咁，很有趣。座位被安排靠窗的位置，感覺很開揚，以手機QR Code下單，好方便。原本想點黑醋脆皮牛腩，可惜已售罄，點了蔥香脆皮烤鴨、鮮果鵝肝塔殼和黑松露牛肉炒飯，兩個人食份量剛剛好。鮮果鵝肝塔殼以脆餅盛載著凍鵝肝粒，最上層有芒果蓉，的骰造型作頭盤是好選擇。蔥香脆皮烤鴨脆皮烤鴨外層圍了滿滿的香蔥和蔥油，鴨身比較細隻，皮脆肉嫩，味道調教得很好，推介。黑松露牛肉炒飯未上枱黑松露味已撲鼻而來，炒飯粒粒分明，味道偏濃，配上龍井綠茶解解膩。第一次在香港品嚐江浙菜，感覺好新鮮，期待下期叫多啲朋友一齊試多啲不同款式。…Read More

齊柏林在旺角開咗一間牛丼家，主打牛肉飯，最近同朋友行街經過上去醫醫肚！距離旺角站只有一個街口，十分方便，見到價錢嚇咗一跳，一客牛丼飯(M)都只係29蚊，仲有試業優惠，買五張套票平均一客牛丼飯都只係20蚊，好抵呀！第一次必試牛丼飯，牛肉味比平時另一間食開的濃好多，牛肉份量滿滿的，飯就唔算好多，女仔食好足夠，原來有分S/M/L Size，想食多啲、食少啲都無問題！仲有一款我見好多人都點，就係和牛漢堡扒飯，可以加多隻溫泉蛋，仲有牛汁加落飯度，和牛漢堡扒好有口感，一啖漢堡一啖飯，仲配幾片薑片消消油膩感，性價比絕對一流！套餐有飲品，仲可以優惠價加配青菜、公魚仔或炸雞，配搭自由！除咗牛丼飯，牛丼家仲有豚肉、鰻魚、雞肉，如果公司附近有間牛丼家就Prefect！…Read More

週末中午想約朋友傾吓偈Chill吓，在網上搵到銅鑼灣The Grill Room，餐廳晌銅鑼灣廣場二期，港鐵站出口行約2-3分鐘就到，超級方便。上到去環境都好寬敞，空間感足夠，大家傾偈感覺上都唔會好嘈，今次叫咗Semi-buffet Lunch，前菜沙律、通粉、小食、甜品都晌出面以自助形式任食，主菜、湯和飲品另上。餐湯蕃茄湯湯身較為杰身並帶有好酸的蕃茄味，味道較為單薄，都係磨菇湯啱我多啲燒紐西蘭10安士肉眼扒配薯條生熟度剛剛好，食落好淋身亦好有牛肉味，餐廳用上大馬士革鋼刀，切得好流暢。薯條亦好吸引，外面脆卜卜，裡面軟軟的香煎三文魚柳伴菠菜苗及枝豆三文魚皮煎得好香脆，魚肉熟咗少少，不過配埋白汁非常可口，菠菜及枝豆亦加添健康感餐飲咖啡及凍檸檬茶咖啡需要另加$28，香濃的咖啡，配上La Perruche 甘蔗方糖，市面上已經好少有地方提供方糖，兒時回憶返晒嚟…Read More

原本打算去荃灣捐血，點知太晏已經關咗門，見肚餓去咗捐血站對面的一生懸麵食沾麵，去到等咗一陣就可以入座，我哋坐在向牆邊的吧枱位，靜靜地自成一閣，傾吓計幾舒服。餐廳點菜以手機自助下單，因為太掛住日本的沾麵，所以2個都叫沾麵懷緬一番。特濃豚骨沾麵+叉燒+半熟蛋點咗標準硬度的麵底，麵質比較粗身，但爽滑度一流，沾上特濃沾汁真心好味，叉燒表面燒過帶點香口，肉質半肥半瘦入口即溶海老沾麵+半熟蛋沾汁上舖滿濃濃的櫻花蝦，食落每一口都有櫻花蝦，加上沾麵汁口感很豐富，竹筍片亦增加了層次感，因為鍾意食蛋每碗都額外加多一隻煎餃子小食叫咗煎餃子，每碟有5隻，上枱時熱焫焫，餃底煎得香脆，要趁熱食呀飲品都有多款不同特別飲品，我哋叫咗有氣蘋果桂花烏龍&桂花烏龍原片茶葉冷泡茶，兩款都好解膩，與沾麵好夾…Read More

食放題有限時的話，我會專攻只食牛和豚肉的簡單類別，牛摩的特選美國牛肩胛就啱晒我啦，因為除咗牛肉、豚肉、羊卷肉、雞肉和牛摩飯可以在手機點餐之外，店內仲設有多款不同蔬菜、菇丸類及壽司泡菜等食材，以及多款不同飲品，已經足夠填滿我的胃，最重要係價錢只需$199，抵食呀！湯底揀咗沙嗲湯和壽喜燒，會附送一隻生雞蛋，壽喜燒最適合配牛肉，首先會送上一碟牛肉和一碟豚肉，其他的自行在手機下單，上肉的速度都好快，唔會有漏單的情況，牛肉和豚肉都不錯，牛摩飯味道一般，最後食埋北海道低脂乳酪，乳酪配料非常多，總有一款合心意，我就加埋新鮮爆谷、彩針和朱古力醬，時間剛剛好，夠晒滿足！。…Read More

十月份去完釜山旅行，好掛住當地的啤酒炸雞，經過元朗見到新沙洞店面裝修好有韓國食店感覺，入去食返餐止下癮先。店內裝飾也是滿滿的韓風感覺，播放著的韓國流行音樂仿如置身於韓國一樣，店內有醬油蟹推廣 $168（原價$248）包麻油紫菜飯，星期一至五全日供應，星期六日晚上七點前離座，可惜要提早致電預約，唯有下次再試。鐵板燒濟州黑毛豬配生菜以鐵板烤熟黑毛豬，豬肉半肥半瘦，以生菜、韓式辣醬、辣椒、生蒜包著食，口感滿滿，好有豬肉香味，正啊醬油蟹膏蟹肉拌飯蟹膏、蟹肉、蟹籽、紫菜，再加埋生雞蛋拌勻，每一啖都很滿足，份量很大很足料醬油八爪魚配沙律菜八爪魚配上新鮮沙律菜，加上醬汁很配搭，清新之選招牌炸雞（甜辣）最期待的炸雞，味道不輸韓國當地食的炸雞，外脆內軟，啖啖肉手工啤酒炸雞與啤酒是絕配，我選的這款好香的麥味，容易入口菠蘿乳酸罐裝飲品比較甜，沒有乳酸味…Read More

晌社交平台經常見到好多靚靚打卡Cafe，PHI Coffee & Pancake係我一直想去的咖啡店，除咗美食咖啡，仲有好想食的梳乎厘，於是搵埋朋友一齊去打卡。玄米茶提子無花果梳乎厘期間限定的梳乎厘，被佢的無花果同提子吸引咗，感覺好健康，梳乎厘香軟細滑，食落好有質感，作餐後甜品好滿足PHI全日早餐全日早餐好豐富，有我喜歡的煙三文魚和牛油果，香腸、煙肉、啡菇、太陽蛋、小蕃茄和茄汁豆，多士香脆配埋蜜糖好好味燒牛肉向日葵三文治三文治餡料有燒牛肉和芝士，味道超夾，非常香口，仲有太陽蛋賣相即時提升，我亦好喜歡牛油果醬，口感滿滿Godiva朱古力酒咖啡（含酒精）Godiva 朱古力酒味道與咖啡配合得天衣無縫，酒味香醇濃厚，香氣四溢。提拉米蘇咖啡是提拉米蘇甜品與咖啡合二為一，上層有提拉米蘇甜品的口感，下層是香濃的黑咖啡，軟雪糕的造型配上手指餅打卡一流…Read More

好耐無食韓燒，搵到校長燒肉有得燒又有得打邊爐，價錢唔係好貴，中午去試試。場內好多卡座，我地被安排坐靠窗的位置，食物及飲品在外面自取，全部自助餐形式，食物選擇繁多包括魚生壽司、冷盤沙律、熟食、燒烤及打邊爐的生肉、甜品等等，除咗啤酒、汽水之外，仲有比較少有的清酒、梅酒和花茶。侍應會預先開爐，爐上放有一張圓紙可以放食物在上面燒，圓紙可以自行更換，不會痴底也較衛生。熟食有章魚小丸子、炸雞軟骨、地瓜丸、台式香腸，仲有點心、茶葉蛋、鹽焗蛋等等燒烤肉類醃得不錯，仲有多款蔬菜例如翠玉瓜，粟米等。火鍋湯底有壽喜燒、日式豬骨同日式清湯，仲有多款醬料提供，啱晒不同口味的人甜品選擇也不少，最特別有台式撈涼粉，冰粉，自助形式，可以調教自己喜歡的味道…Read More

上網見到好多人推介秋香煲仔飯，即刻訂位試試，不過地點不太方便，搭輕鐵仲要行一段路先到。入座時已經好多人，好彩有訂到位，舖仔細細但餐牌都有好多選擇，見到隔離枱叫咗人氣推介辣三文魚他他爆脆大混醬，我地都叫一份；仲有馳名煲仔飯係必點，我揀咗玉子蟹肉蟹柳蟹膏大混戰煲仔飯，試下有幾混戰；另外叫一串澳洲和牛牛舌芯同埋兩杯飲品。辣三文魚他他爆脆大混醬混有辣味的三文魚配上卜卜脆餅，沾埋醬汁，脆餅和辣三文魚一硬一軟，口感豐富。玉子蟹肉蟹柳蟹膏大混戰煲仔飯主角煲仔飯有玉子、蟹肉、蟹柳、蟹膏，混和一起再加有飯焦的煲仔飯，超級惹味，見到隔離枱的白鱔煲仔飯都不錯，下次可以試下澳洲和牛牛舌芯和牛牛舌外皮燒得好香脆，內裡軟軟的，調味剛剛好黎明來到見到個名好想試下，味道似雜果賓治，好好味柚子青檸梳打青檸配柚子清新怡人，消暑解膩一流…Read More

經過大圍圍方見到牛気新店開張，每次經過都人頭湧湧，好熱鬧！上星期決定去牛気打邊爐，提早晌手機取票，到差不多有位先過去，可以周圍睇下嘢先真係好方便！我哋叫咗人氣之選LV4澳洲穀飼黑安格斯牛＋SRF美國極黑牛＋海鮮放題，任飲任食90分鐘，午市惠顧仲可以每位減40元，湯底叫咗北海道昆布清湯&月見壽喜燒。火鍋配料除咗可以於手機下單之外，外面仲有多款蔬菜及丸類，夏日限定的海帶結、黑木耳、大丁苦瓜；仲有熟食及多款飲品，醬汁亦是自取，全部可以任飲任食，最吸引係全線牛気推出馬來西亞榴槤甜品系列，一定要留肚食甜品火鍋未到先食啲熟食，有魚蛋、豬手、炸物外，仲有關東煮，非常多款式。最讚係澳洲穀飼黑安格斯牛，用北海道昆布清湯涮10秒，超有牛味！SRF美國極黑牛雖然無澳洲穀飼黑安格斯牛咁重牛味，但係一樣夠淋夠香！另一推介手機下單的脆鯛魚片，好有魚味又脆口，Order咗幾轉！大蝦大大隻幾新鮮又爽口最後食埋榴槤炸彈、榴槤雪條同芒果糯米飯作結尾，大滿足！…Read More

約咗朋友去屯門市廣場shopping，見到有間韓式pizza炸雞店好多人排隊，見未係好肚餓就拎飛等一陣，大約15分鐘就有位了！兩個人叫咗pizza、炸雞、小食炸軟殼蟹，仲有兩杯飲品！Pizza叫咗經典口味Margherita，有車厘茄、火箭菜、水牛芝士、馬蘇里拉芝士、意大利香芹和意大利黑醋醬，Regular 10" 好夠食，入口好香芝士味，餅底係蕃茄醬，香氣泗溢，配料亦相當夾配，不錯！炸雞點選6件蒜香甜辣秘製炸雞，送到上枱熱辣辣，每件的外皮都沾上了醬汁，好香的蒜味加上甜辣醬，雞皮香脆可口，裡面的肉亦好嫩滑，我比較喜歡雞腿啖啖肉。餐牌有寫叫炸雞，絕配飲品組合係Lychee Makgeolli，見佢介紹我都試一試，飲品含有酒精，如果有小朋友就記得小心，我叫咗一杯試下，好香的荔枝味，甜甜地凍冰冰好消暑，真係同炸雞好相配，推介推介！朋友就叫咗Classic Mojito，都係含有酒精成分，飲落有好香的薄荷味，淡淡的酒味，就算唔係好飲得酒都可以淺嚐一下。小食叫咗釜山炸軟殼蟹，配上田園沙律及泡菜蛋黃醬，軟殼蟹沾上泡菜蛋黃醬非常惹味，炸粉加上軟殼蟹外脆內軟，是不錯的小食！…Read More

夏日熱辣辣好想消暑，經過牛太有夏祭活動幾吸引，任食燒肉放題有啱晒夏天消暑的波子汽水及波子汽水雪糕、超長拉絲芝士、千本引挑戰！任食燒肉放題有82款食品任點任食，手機落單好容易，仲有自助吧食品及任飲汽水& ASAHI罐裝啤酒，甜品生果。芝士ｘ辛辣牛肋肉、豬頸肉、壼漬一本牛肋肉係必點，芝士加上辣汁好過癮；小朋友唔食得辣都有芝士拉絲選擇，手羽、芝士腸、竹輪等等，長長的拉絲好玩又好味，我最鍾意燒牛舌，有厚有薄任君選擇，海鮮類有海老、火灸帆立貝、墨魚仔，最特別係坊間少有的博多豚骨湯牛腸，加上韮菜，回憶返晒嚟！限時任食任飲二小時，最後食埋燒菠蘿同鯛魚燒，仲有波子汽水雪糕，大滿足！…Read More

大圍村最近新開咗一間小店，名叫羽田小店，售賣日式烏冬、拉麵，仲有壽司和各式小食，店舖細細間有幾個位可以立食，我就外賣買返去食，等候期間仲可以欣賞兩邊牆上的噴畫，畫得好靚唔想食咁多澱粉質，叫咗一客2件左口魚裙邊壽司，一客炒雜菜，一客炸雞和炸雞軟骨，等咗大約15分鐘就可以拎左口魚裙邊壽司，師傅用火槍輕輕焫過，食落好有魚油味，入口溶化炒雜菜有椰菜、幾款菇類、粟米、洋蔥，面頭仲有芝麻，炒過的菇類特別好味，加上椰菜，健康得嚟容易入口炸雞一客有四件，炸起香氣泗溢，蘸上沙律醬同食，雞肉啖啖肉，外脆內軟炸雞軟骨係送酒恩物，可惜中午時間不宜飲酒，唯有改飲綠茶，但同樣夠晒滋味，食到停唔到口…Read More

天氣熱成咁，個人就快溶啦，悶悶不樂無晒胃口，唔食嘢又唔得喎!上星期去咗石門搵食，見到有夏威夷蓋飯，夏威夷蓋飯是夏威夷人的一種料理生魚的方法，將生魚切塊，然後用醬汁醃漬後蓋於米飯上，啱晒依家咁熱的天氣廚柜有多款不同種類的配料自選DIY，亦有已訂好的蓋飯，啱晒選擇困難的人我擇咗Vicotria Secret，有吞拿魚和紅菜頭組合，仲加多一份三文魚，想要健康啲唔食殿粉質，可以選擇黃薑椰菜花，健康首選，吞拿魚和三文魚都係醬漬，配黃薑椰菜花容易入口，仲有紅菜頭和羽衣甘藍同事擇咗Red Phoenix，係慢煮天多利雞和蛋黃組合，黃薑椰菜花，再加三文魚山藥湯，慢煮雞肉唔會鞋口，加上少少辣汁夠晒醒胃，配菜清爽可口三文魚山藥湯加熱即可飲用，配有三文魚碎和粒粒山藥，好濃郁…Read More