節瓜的个人专页

睇人地食評話li度除左甜品，燉湯都唔錯，所以平日下午去食lunch set（$56-58）。當日約下午2：15去到，好可惜已賣晒燉湯。個意粉幾彈，都算多蝦，但個紅咖喱味就啖左啲，濃味嘅人可能要加啲芝士粉會夠味啲。食晒個意粉都好似仲有少少未夠，所以最後叫左我最中意嘅榴蓮鮮奶燉蛋白椰皇$55。好足料，丸子同椰果肉都好煙靭，榴蓮都有三大舊，好香。最好係唔甜的，啱晒唔係好食得好甜嘅人（我平時咖啡同檸茶都唔落糖的）。今餐大滿足。…查看更多

自從睇左大台節目認識左祥仔ricky後就係openrice睇下佢店舖係邊度，最近我嘅就係荔枝角分店。見佢午餐都唔平，成百幾蚊個餐，而見佢下午茶價錢比較合理就試下。門面十分吸引易認，入到去啲位都幾別緻之前見佢大滿足下午茶大約做緊$38，但唔包飲品。今次就見佢價錢貴左，包埋飲品。點都好，用甘嘅價錢可以試下祥仔手勢都無妨。全set野最好味係杯即磨咖啡，要讚下杯奶係暖的。其他食物就真係普通。睇張圖片以為個粉都算大碗，但實際上係個碗大，通粉比我想像少。通粉，炒蛋同豬扒真係普通茶餐廳質素，冇咩特別。可能下午茶祥仔落左場所以試唔到佢嘅手勢😊…查看更多

等左佢開幕好耐啦，琴日終於可以試下。下午6點到，完全冇人排隊。我地先係入座前俾晒錢，店員就會安排入座，等左陣食物就黎。我地叫左溏心蛋$12，牛舌$78同牛丼$88，兩款都配原味汁。十分有惊喜：牛舌個邊係脆架，而另一款牛味好濃，好好食。個人食得較濃，所以請侍應加左啲汁。牛嘅份量十分足夠，但牛角飯就少啲。溏心蛋同味噌湯十分普通ps 我一出門就已經好多人排隊lu 好在早啲去…查看更多

一點前入座，完全唔洗等位。menu選擇多，相片同真實賣相相約，完全乎合商物說明條例。揀左魚子蔥吞拿魚腩茸飯。D魚茸好厚，但魚茸本身鮮味不夠，所以要加埋魚子就能提升鮮味。D魚子大大粒，好咬口。碗飯都幾大碗。套餐包湯，沙律，甜品(雪米糍)。對於女仔黎講都幾飽下。如果店主可以修改下圖片中既文法就更好(Photos)下次有機會試下其他套餐…查看更多

食得肉太多，係時候食下素。父母知道素食一家前排易手，轉左新老闆，所以揀左近旺角既素食一家。約7時入座，點菜期間，人客開始入黎，過左陣就坐滿晒。菜牌既相影得好靚，好吸引。上菜時，D送同張相差唔多，完全冇呃人。健談既老闆好好，佢介紹左幾樣送俾我地。第一樣就係芋頭煲，好香椰香味，D芋頭好林，個汁一D都唔肥膩，同茶餐廳或茶樓既芋頭煲爭好遠。Li個煲味道完全唔覺有味精，少盬少糖，完完全全係食材本身既味。第二樣係蓮藕餅，炸得香脆，熱辣辣上枱。同個煲一樣，完全唔會食到滿口油。第三樣係燒餅，根本同日式餐廳食既冇分法。唯一唔同就係日式餐廳粉漿太多，li度就以菜為主，所以食落啖啖菜，又係少油少鹽，好健康。第四樣係雞絲炒金邊粉。Li樣就味道唔錯，又係少油少鹽，D雞絲真係幾似平日食開既真雞絲。LI度既甜品真係異常出色，一定要試，就算飽都係咁話。師傅刀工好犀利，可以將個豆腐切到幼，好似朵菊花。味道唔太甜，不過薑味多D會好D，記得要趁熱飲。2件餅都咁好食。媽媽好怕食Cheesecake，怕佢陣騷味。但2件餅一d都唔騷，出奇地好食。我同媽媽鍾意食Apple crumble多D，鍾意有D果肉食下，又唔甜。爸爸就鍾意另一款，茶味夠。…查看更多

第一次係8號風球食，排左約40分鐘就有得食。但當日只賣剩原味，所以只試得一款。原味味道稍甜，cream打得好滑，表面有層薄薄既焦糖，賣相靚。如自己一個食真係幾漏。今次係第2次食，因為要陪堂妹試下名媛蛋糕。我地約3:40pm去排隊，5點先有位。我地叫左抹茶同檸檬味。抹茶味既cream全部都加入抹茶粉，但始終都唔夠中村藤吉既抹茶咁濃，而且個cream都係略甜。檸檬味唔太出，同原味差唔多，如果檸檬味再多D會好D。同其他味道一樣，個cream都係略甜。另外，因為排得太耐，為左唔好蝕，我地想叫多幾件蛋糕外賣。但店員話外賣quota已經冇晒，唔做外賣，只做堂食。但當我問佢攞個盒同紙袋自己將堂食蛋榚包走就得，佢地幫你pack就唔得，真奇怪。好在佢地冇因為我攞左個盒同紙袋而收我錢。…查看更多

因為媽咪有enjoy card既下午茶買3送1既coupon，所以今日尊登同屋企人去旺角食。這間pizza hut係新裝修，環境唔錯，坐得幾舒服。我地3個人食左4個餐，平日下午茶3-6pm，星期六日就至到5:30pm。5:20pm入座，見眼人流唔算多。食物份量比起我地係四小龍食既大份，咖啡亦都好滑，但就油左D。D藍貝幾好食同juicy。Carbonara幾好味，唔會畀D芝士同忌廉搶晒D味。如果鐘意食芝士，可以用每枱提供既芝士粉加料。Pizza熱辣辣，好好食，批邊脆。個焗飯較遜色，味道較淡。食過咁多次pizza hut，都係tea set最抵食。…查看更多

朋友一直推介和花庭，放假就同家人一行3人去試。我地叫左2個刺身火灸壽司同1個雜錦刺身飯。3個食品賣相唔錯，但味道一般，冇咩大驚喜。刺身尚算厚肉，但火灸壽司味道就冇咩火灸味。以午餐咁既價錢算可接受(如唔洗加一)，但晚市應該唔會幫親了。 …查看更多