素食一家

食得肉太多，係時候食下素。父母知道素食一家前排易手，轉左新老闆，所以揀左近旺角既素食一家。約7時入座，點菜期間，人客開始入黎，過左陣就坐滿晒。菜牌既相影得好靚，好吸引。上菜時，D送同張相差唔多，完全冇呃人。

健談既老闆好好，佢介紹左幾樣送俾我地。

第一樣就係芋頭煲，好香椰香味，D芋頭好林，個汁一D都唔肥膩，同茶餐廳或茶樓既芋頭煲爭好遠。Li個煲味道完全唔覺有味精，少盬少糖，完完全全係食材本身既味。

1

椰汁芋香牛蒡煲

$72

第二樣係蓮藕餅，炸得香脆，熱辣辣上枱。同個煲一樣，完全唔會食到滿口油。

2

圍村蓮藕餅

$68

第三樣係燒餅，根本同日式餐廳食既冇分法。唯一唔同就係日式餐廳粉漿太多，li度就以菜為主，所以食落啖啖菜，又係少油少鹽，好健康。

日式野菜秋葵燒餅

$65

第四樣係雞絲炒金邊粉。Li樣就味道唔錯，又係少油少鹽，D雞絲真係幾似平日食開既真雞絲。

雞絲炒金邊粉

LI度既甜品真係異常出色，一定要試，就算飽都係咁話。

薑茶菊花

$38

師傅刀工好犀利，可以將個豆腐切到幼，好似朵菊花。味道唔太甜，不過薑味多D會好D，記得要趁熱飲。

煎茶芝士蛋糕&Apple Crumble

$22

2件餅都咁好食。媽媽好怕食Cheesecake，怕佢陣騷味。但2件餅一d都唔騷，出奇地好食。我同媽媽鍾意食Apple crumble多D，鍾意有D果肉食下，又唔甜。爸爸就鍾意另一款，茶味夠。