tim___bo's Profile

今日咁岩係附近收工經同事介紹就黎左龍德樓。一入店就比佢地既懷舊中式裝潢吸引左。🤗餐牌提供小菜選擇可媲美大排檔。種類多樣化。而我今次就嗌左。花旗參燉雞。夠火喉既中式老火湯。花旗參味唔會太濃。又帶出雞肉同豬肉既鮮甜味。黑椒牛仔骨煲。黑椒汁先至係重點。佢入口少少甜得黎黑椒味又唔會太搶。廚師拿捏岩岩好。肉質有嚼勁。牛肉味十足得黎冇雪藏味。蝦醬豬頸肉煲仔飯。飯粒分明。冇飯焦可以食到底。蝦醬味又唔會太重。豆卜吸收曬豬頸肉同蝦醬既精華。豬頸肉唔韌。有咬口。配上自行淋上既豉油。真係引唔住要嗌多個白飯黎食。…Read More

係機利臣街兩排街檔販中捐窿捐罅。發現到間拉麵店。見門口甚有特色。便推門而進。第一感覺。樓底好高。裝飾佈置有日本居酒屋味道。而且重播放住日文歌。黎到拉麵店。緊係要試一試拉麵啦。揀左個赤武士辣度1濃湯底配豚角煮。豚角煮。肥瘦比例剛剛好。入口咬落去有瘦肉口感得黎又有肥肉既油香走出黎。濃湯配搭細麵時。很容易蓋過其風味。但粗麵唔同。粗麵容易吸附湯汁。而且粗麵Ｑ彈有嚼口。所以我揀左粗麵。同埋佢哋既濃湯好Creamy。唔覺唔覺會飲多兩啖。赤武士辣到1唔太辣。但又有辣既香味。加埋流心蛋。芽菜。蒜蓉。7味粉。簡直一流。如果我係住係附近。我一定會成日幫襯。…Read More

經典之堡-即叫即整。但都唔代表要等候好耐。由落單到出餐。10分鐘左右搞掂。完符合美式快餐既要求。再配杯蜜桃特飲。講下個Burger先。個麵包皮用鐵板配上牛油既烤烘。香脆可口。重有陣淡淡蒜香味。有別於其他漢堡包店既做法。牛肉用左美國穀飼牛肉。美國車打芝士。新鮮生菜。大大片蕃茄。加上佢哋秘制Moo Moo汁。食到尾啲肉汁留曬係個袋到。可見其相當juicy。價錢大眾化。適合三五知己或者同同事收工黎round happy hour.…Read More

有間海南雞飯，唔係大馬路，當你過馬路嘅時候就會俾佢個招牌吸引住👀，大大個又白又綠既招牌🤣。特色椰香海南雞飯。雞唔會太肥膩👍🏻，雞件SIZE切得岩岩好，唔會太大件。食左幾件都冇碎骨又夠嫩滑🤤，飯有椰香又有雞味，而且香濃而不油膩😚。會不斷不斷咁爬飯🤣。加上醃製過既紅蘿白🥕同蘿蔔作為配菜，酸酸甜甜好開胃😌。麻辣牛展。係小食，分量唔算多，適中👍🏻。入口少少辣，但可以接受👌🏻。牛展唔會太韌，又有咬口。。日式胡麻醬手撕雞冷麵。我覺得食依啲要撈醬既野最忌係唔夠醬。但依個胡麻醬同冷麵既比例岩岩好👏🏻。夠撈麵得黎重可以點埋手撕雞黎食😋，手撕雞同海南雞都係咁嫩🤩。。時令菜芯苗。菜芯鮮甜，店主好細心咁剪過啲菜。令到可夾起返一啖放入口。。金羅漢果養生茶。幾清香，唔會太甜，仲有菊花同杞子👍🏻。。哈密瓜百合陳皮雪耳湯。幾香陳皮味😬，有雪耳既甜味，幾清潤既感覺👍🏻好味指數：⭐️⭐️⭐️⭐️回頭指數：⭐️⭐️⭐️⭐️…Read More

又到放假搵食時間。訓醒自然係open rice secah下醫下個肚啦。咁岩依間哈豆就出現左。見到地址又近近地。咁我二話不說就換衫出門口。 黎到餐廳門口。見到入面既佈置甚有特色。一邊牆身油上台灣地道明勝既圖畫。而另一邊擺放左隻大熊仔。加上翠綠色既牆身。係行文青路線。十分適合打卡。打開餐牌。都好多野揀。正餐。小食。甜品都有。對於我黎講牛肉麵或者滷肉飯依啲都老生常談。於是我決定嗌個5寶什錦醬乾拌麵。5寶中有。有花枝丸。貢丸。滷味豆腐。滷味雞翼。台灣腸。加上有少量滷肉。半隻滷蛋加幾條菜再配(麻辣醬+芝麻醬)。份量十分滿足。味道方面。滷味唔會太咸。而且滷得夠入味。芝麻醬唔會太糊。麻辣醬亦都唔會太辣。乾拌麵有咬口。整體黎講都相當唔錯。值得返卓。…Read More

放假就緊係四周圍行四周圍食架啦。今日黎到土瓜灣就發現左依間PIZZA店。見距離六點重有時間就行左入去食個早既晚餐。一入去就發現間食肆都有用心係裝飾佈置方面。環境舒服。佈置又有格調。未食野個人心情都開心啲。餐牌種類繁多。最特別莫過於佢地既心形PIZZA。咁特別。冇理由唔嗌佢架。揀左個怪獸多寶。勝在咩料都有。手製薄餅。餅夠脆口。唔似外面D連鎖店咁。蕃茄醬有埋啲蕃茄碎。入口感覺係唔同啲。酸酸甜甜加埋其他配料。好快咁我就食完一件。拎起第二件擺落口。烤雞配檸檬汁。真係估唔到依個配搭咁MATCH。檸檬味唔會太酸。配搭個JUICY烤雞。不得了。總括黎講都係值得推介。…Read More

最近要過九龍灣KITEC返工。到LUNCH時間就緊係落去EMAX搵食啦。依到既食肆集中係B1。地下。同2樓。款式都好多元化。經同事帶我行過一圈後。決定食依間 品味創意台灣料理 。(其實係同事同我講話佢地既鹽酥雞排大過塊面)所以我先揀佢。因為疫情關係。都係買外賣返公司食。買完之後同事先同我講話堂食塊雞排先大過塊面。外賣會細少少。不過唔緊要啦。能夠食到鹽酥雞排就可以了。鹽酥雞排飯鹽酥雞排咬落外脆內鬆軟又JUICY重要既唔太油膩。有兩件滷過既豆腐再加配滷汁係面既白飯。依個LUNCH太滿足啦。隨餐跟蜂蜜綠茶。。蜂蜜同綠茶既比例岩岩好。岩曬我口味。咁樣加埋都係48蚊。算係咁啦。…Read More

今日收工特登黎到灣仔依間HONBO店黎朝聖。雖然無堂食晚市。但都唔影響我黎會一會依個入選全球最佳漢堡既店鋪。環境一流。加上燈光。帶有美式風格。餐牌有多款漢堡同小食揀SOFT DRINK LIST嗌漢堡送beer or cider 。可惜我少飲酒。不過啤酒配漢堡。簡直係絕配。double cheese burger.漢堡皮鬆軟。係其他地方真係食唔到。咬落去肉汁唔會留到成手都係。因為塊包會索曬啲肉汁。牛肉口感一流唔會韌。牛味十足。又夠juicy。芝士味濃郁。加上洋蔥。青瓜同醬汁。不得了。依杯apple pie iced tea.真係似食緊蘋果批多過飲緊野。總括黎講。店員親切有禮。食物材料質素冇得彈。真心推介。…Read More

平時夜晚收工都比較晏。返屋企重要煮飯咁倒不如是是旦旦搵啲野買返屋企食咪重好。食慣X仔都想試下其他味道既米線。景霖係我其中一個選擇。揀完店舖又到揀食咩餸。正當開始選擇困難出現既時候就會揀金牌。皇牌。精選米線。因為佢已經配好曬餸比你。唔使諗食乜。其實我揀景霖重有個原因係因為鍾意佢既湯底。佢既湯底特別在唔似其他果啲鋪頭咁得個酸或者麻。甜甜哋。再加埋自選小小辣。唔覺唔覺會飲多兩啖。皇牌米線。(小小辣)魚片頭豬肉片平時堂食啲麵都有咬口。唔知係咪外賣啲麵浸湯浸耐左。冇曬咬口同埋易斷。食到底全部都係面碎。唯一不變就係個湯依然係。如果外賣可以分湯就好。…Read More

假日就係要出去食好野。今次黎到依間鋪頭就係有朋友介紹食過話好食。推介比我。見咁岩又係果頭就上去試一試佢。環境都算OK。可能早黎唔使等位。正。依間鋪頭係SELL魚湯。魚烏冬做主打。一D都唔好魚既朋友都有其他選擇。既然魚係主打就緊係ORDER返個關於魚有關既麵黎試下啦。於是嗌左個。秘制脆烤雞扒配魚湯加魚烏冬。特色前菜小食(冷盤).魚烏冬都係第一次食。入口彈牙。又有魚味係烏冬入面。真材實料。而個魚湯唔腥。又清甜又香。因為魚麵先主題。所以配菜(雞排)都變成次要。雞排咬落鬆軟。唔會太油膩。不過不失。總括黎講魚烏冬加魚湯唔腥又有益。一定會反食。…Read More

午餐諗唔到食乜之際見一粥麵唔使等位就入去試試佢。午市最麻煩就係要等位。因為大家lunch 時間都差唔多。得一個鐘。等位可能都佔你四份一時間。嗌餐等送餐。之後又要趕頭趕命咁食。打工仔真係命苦。好在我入坐前已經睇岩食乜。順手嗌埋就坐低等嗌號碼。香酥上海排骨，菜飯配肉燥四季豆加凍奶茶菜飯個份量可以再多少少就好啦。排骨唔夠熱。比較油膩。午市整定都明既。四季豆凍食還可以…Read More

又係早餐食麵包嘅時間，左揀右揀俾我見到依個芝士包，一條條嘅芝士係個包面焗咗咁嘅樣，賣相外型唔係咁靚仔😂，但係喺個包中間見到好似勁餡，所以就買來試吓😀。咬落口好鬆軟，超香濃既芝士味，加上少少煙肉嘅鹹味，鹹香味十足，真係唔錯，如果做下午茶嘅話就一流👍🏻…Read More

甘岩收工係堅尼地城。就緊係食埋野先返屋企啦。沿路行返去地鐵站見到依個餐牌。就決定食佢啦。入店後職員量體溫就安排入座。打開餐牌其實重多款式揀。最後揀左個招牌菜之一。越北綜合牛肉湯粉。賣相牛腩唔會太淋太韌生牛肉。用湯浸熟。口感牛肉丸。細細粒。彈牙。juicy加埋湯粉份量足夠填飽個肚。下次有機會都會試下其他野。…Read More

疫情底下夜晚冇咗堂食，好彩有開門做外賣，因為依種即叫即整嘅芝士飛魚子軍艦係最好食🤤。去到唔算多人，有四五個人喺度寫外賣紙，不過我有目標咁去買，所以我就可以打咗四五個人尖🤣，因為我已經揀完佢哋都仲喺度揀緊😆。等咗大概15分鐘就有。一番到去梗係即刻開餐啦🤤。嗌咗芝士飛魚子軍艦之外，嗌多個花之戀，腐皮壽司再加個甜品。芝士飛魚子軍艦，一件擺落口，芝士味爆滿，咬落去飛魚子撲撲聲咁響，正👍🏻。花之戀壽司，擺落口滿口沙律醬，好滿足😆。忌廉泡芙，薄薄嘅忌廉皮包住滿滿既忌廉，好full啊。食完呢餐好滿足即刻飽晒😆…Read More

麵包，三文治，燒賣，魚蛋，都係普羅大眾既早餐選擇。我都當然唔係例外🤣，行過聖安娜就買個包做早餐。佢而家成日都有呢啲小分量包裝嘅麵包，我覺得幾好，一包兩塊，食完就夠，唔使買一大袋方包食幾日。今次就試吓呢個三重芝士吐司，聲稱用紐西蘭同意大利嘅芝士，就試吓佢有幾巴閉😎。未開嚟食，已經透過包裝袋見到入邊一片多士有好多粒粒芝士🧀，見到就已經好吸引。一撕開個包裝袋就有好香嘅芝士味🤤，一片包起碼有8至10粒嘅芝士，好足料👍🏻。麵包好軟熟，香濃芝士味係好正，不過我本人對依粒芝士就麻麻哋，因為都有芝士酥味🤣，但如果對鍾意食芝士嘅人來講應該係幾好食😋…Read More