Angela Ma的个人专页

媽媽生日，想簡簡單單食餐海鮮！要推介就係佢個{{超值海鮮剔剔套餐}}$1188 for 6位！有好多款海鮮選擇，龍蝦都有得揀！{{上湯龍蝦伊麵}}好入味， 龍蝦炸過再燴伊麵，好索汁！龍蝦肉質彈牙，推介！{{清蒸海老虎班}}條魚估唔到都大條，啖啖肉，而且蒸得好滑，推介！{{蒜茸蒸大聖子}}好爽唔un， 蒜茸粉絲蒸海鮮係最夾既！一定好食，而且真正大聖子，有成隻手掌咁長！{{古法炆羊腩煲}}另一推介，熱辣辣有個爐滾住上，羊腩好淋好入味，啖啖肉，枝竹豆腐索哂d汁，冬天必食！…查看更多

終於完成一系列既考試，essay, 可以放鬆chill 下！好少去酒吧餐廳食飯，會覺得酒吧餐廳得小食，而且都係d 下酒菜，點知去到餐廳，好surprise， 不單止地方好大，一d 都唔迫，仲好多野食野飲既選擇！我地叫完野食就問waiter 打機係點計錢，原來係任玩架，當然要係冇人排隊的情況下。佢有6個位打機，有得玩switch 既game 例如overcooked, mario cart, mario party, 仲有街霸， fifa 等game , 平日星期一至四都會比較少人，星期五，六就會多人d. 當然佢仲有標機，beer pong, 真係好啱幾個frd 收工過來relax 下! 講翻野飲野食，野飲選擇多到令人選擇困難症！我最後揀咗呢杯般若波羅蜜🍹 $78入面係有菠蘿汁，青檸汁，芒果，仲有熱情果醬mix 出來的mocktail, 佢好大杯，送型仲好搞鬼， 味道調得剛剛好，酸甜的比例好好，我會推介比唔飲酒的朋友！至於男朋友就叫咗荔枝台🍹 $108唔好睇杯野個名同造型好女仔，其實都啃架！好勁酒精！有薄菏，薑，青檸，伏特加，荔枝酒，薑啤mix 成，都不錯架！坐咗一陣，終於有野食了✌🏽泰式小拼盤 $118雖然係泰式，但放心，唔辣架，入面有墨魚餅，春卷同咖哩角！我最中意個墨魚餅！入面既墨魚粒粒真係好有咬口！而個春卷係網皮春卷， 勁脆口好好味！明太子雞翼 $88雞翼入面塞滿明太子餡料, 小小辣，好惹味！唔洗lur 骨啱哂我✌🏽個伴碟沙律係明太子𥖁沙律，口感好特別好好味！黑松露牛油炒雜菇 $78我哋睇少咗呢碟野嘅份量！ 一上枱，好大碟好香呀！下次真係要叫多幾個friend一齊share先得！海膽忌廉意粉 🍝好好食！冇諗過酒吧都整整到好食嘅意粉。d 海膽好新鮮好肥美，有足足三大片，仲要火灸過，超好食！ 意粉比海膽忌廉汁包圍着，好Creamy 好好味！下次最好就係叫多2個frd 來個Happy Friday✌🏽…查看更多

在市集中的右邊行到最入，你就會見到一間泰菜叫 #啊萊啊萊 ， 唔知大家知唔知點解咁多泰菜店個店名都有「啊萊」字眼呢？因為泰文 好食 既讀音就係啊萊！呢間泰國小店選擇不多，但就真係經濟實惠！原本想叫個無骨豬手飯 🐷🖐🏽 $51 , 可惜早已賣哂！ (點解小編成日去食野飲野想叫嗰樣都賣哂！) 結果叫咗黃咖哩豬 🐷 $48真心抵！有一碗黃咖哩，黃咖哩雖然唔夠杰，但都幾好味！ 入面有切件既香茅豬扒，都幾大舊下，亦好好食，仲有d 青椒等配菜！仲有碗飯，湯，油菜同小食。 以$48 既價錢有咁大份野食，真係糧尾精選！加8蚊仲可以加特飲，有得揀珍多冰龍眼冰等！…查看更多

今日去開東港城，見到一芳新開張，都係有黑糖珍珠野飲，快d 買杯試下先！每日限量100杯架！😝黑糖粉圓鮮奶 M $30黑糖粉圓鮮奶茶 L $33一開始，黑糖粉圓沉在底, 鮮奶在面。 珍珠分量佔咗成1/3杯架，啱哂珍珠控既我！😋 搖勻後， 成杯野都有好靚既琥珀紋 😍飲第一啖，不得了！珍珠超級QQ, 黑糖味好香亦不會過甜，鮮奶好濃厚，好滑！ 成杯野同小編在台灣飲既珍煮丹有9成9似，除咗珍珠係細珍珠之外，味道係一樣架！好Yeah, 唔駛排隊長龍都有好野飲啦！超級推介！小編仲外賣咗古釀冬瓜茶 M $17 俾媽媽我飲咗啖，幾清甜，有好香既薏米味，真係好有台灣既感覺啊！😆…查看更多

今日特登去大圍新開的搵食市集 ，為大家直擊一下試業情況！市集在大圍站A 出口一出望右手邊就見到。有2層，就好似food court 咁，中間係坐位，旁邊全部係檔口。最多人排隊既就係台灣夜市的ET 鹽水雞。而熟悉小編既人就知道小編係好怕排長龍，所以我係冇試到既！ 首先，小編就介紹下新開的王牌冰茶 ！小編心儀想試既飲品係焦脆奶蓋東美人， 但店員一告知已經一早賣哂，頓時晴天霹靂，有選擇困難症的小編唯有望多次個Menu, 見到有桂花珍珠 , 雙眼發光了，就亂點咗 桂花珍珠東美人 $27可能桂花珍珠所剩冇幾，杯中的珍珠少得可憐！只見杯底有珍珠。 珍珠係超細粒，但桂花味出奇地出同香！聽店員講東美人係紅茶，茶味雖冇comebuytea 的茶咁濃郁，但也幾清香！小貼士： 如果大家想試到桂花珍珠的味，我建議配綠茶如觀音王可能會更好！我今次叫半糖走冰剛剛好，可以試真茶味同桂花珍珠味！小編下次一定要飲到焦脆奶蓋架！下編再講下市集抵食之選！…查看更多

星期五， 去咗The Cheesecake Factory 晚餐。仲諗住熱潮已過，應該不用排好耐。可是我太低估佢！當日收工後6:00已到門口排隊，排隊只係做個登記，登記完告知我要等多100分鐘才有得用餐😱！幸好預計齊人的時間也是差不多，便登記電話等佢打俾我。餐廳環境其實好大，環境比較暗的。近門口有個蛋糕櫃，可以外賣cheesecake 的，蛋糕勁吸引！未叫野食前一行六人本來想order 3款蛋糕，但最後正餐太飽所以只淺嘗一件🤣。美國菜的特色便是每道菜的份量都超大的，絕對對得住價錢！黑糖麵包 Free 🥖入到去坐低，便上了黑糖麵包和普通麵包各一條，個黑糖包超級好食，係內軟外脆，好香黑糖味，又唔會太甜！我地忍唔住再來多一條黑糖包！好神奇地落完order 冇耐，d 野食就一次過陸續送達，上菜速度勁快! 一眨眼成枱都係野食！炸芝士通心粉球 Fried Macaroni and Cheese $128 餐廳既Signature Dish 之一, 強烈建議4人以上先好order! 首先，佢芝士味好濃郁，但呢隻芝士味喜愛與否真係因人而異。另外其實佢好滯，食完一整個真係唔駛試其他野食。意式肉腸及蝦粗管通粉 🍝 Pasta with Shrimp and Sausage $204幾好食既一個pasta, 蝦好爽，有茄醬酸酸地冇咁滯！加洲風味牛油果醬沙律 🥗 $148食咁多芝士野，真係需要一個沙律中和下！好大碟，撈勻牛油果肉超正！烤肉眼牛排 🥩 $298牛肉敏感，淨係試咗一啖，好好食，好淋亦好香肉味！正！芝樂坊粟米片好好食，牛油果醬， 莎莎醬同Sour cream, 仲有勁多芝士連住！推介！要讚一讚，牛油果既質素好高！水牛城香辣雞翼反而覺得呢個雞翼既調味麻麻，唔太好食！最後，大家都已經飽到上心口，問店員拎了些外賣盒打包，但當然也order 了最出名的芝士蛋糕！青檸芝士蛋糕 🍰 $76好酸，但因大家都好滯，淺嘗下也ok, 可能下次主食不要食太飽反而可以好好試下佢既蛋糕👍🏽…查看更多

吃貨團團友生日，有7折，所以就有一年一度的食咗成千兩之行！*講真，性價比好低，講下幾樣特別野食啦！活帆立貝三點刺身 $220其實，係有3種味既帶子刺身，但我認為原味已經最好食！我唔覺得呢碟野特別新鮮！👎🏽活魷魚刺身呢個刺身先叫做值回票價，明顯地食得出好新鮮同好味！可以一試！👍🏽芝士年糕 熱，芝士流心，正！👍🏽黑松露🥚蛋好食，但個芝士沙律醬太咸，整走d 醬就剛剛好明太子就一d 都唔好食👎🏽麥粒青瓜🥒個青瓜好新鮮，可惜個醬太咸，我自己唔太like, 因為佢有少少似腐乳醬嗰種味，但我朋友就好like, 仲要Encore!燒番薯仔🍠您睇佢好似冇乜野咁，夾來睇下先見到背面濃哂，咁都可以拎上枱俾人食👎🏽😡😡😡鰻魚天婦羅卷 $58未夾已經好散，成舊野根本係散既，冇乜特別，性格比低！仲有好多野食，不過無謂講，都冇特別！反而，佢d 甜品係幾好食！菠蘿雪葩🍍 $68好Fresh , 好食！椰子雪葩🥥濃濃的椰子味，好滑，似雪糕多過雪葩，勁like👍🏽👍🏽👍🏽👍🏽日本蜜瓜🍈配柚子🍋雪葩或movenpick 雲尼拿雪糕🍨個蜜瓜好甜，配上雪糕食正啊！2款雪糕雪葩都好正！唔計甜品，去食翻元氣得架啦！…查看更多

話說和氣食堂有2間分店，分別在黃大仙同大圍，2間食完後我都高度評價！*唐揚雞軟骨 $42*好食到停唔到口，好香口，唔油！而且份量好多！*鰻魚牛油果班戟 4件 $98*呢個真係見仁見智，唔可以話好食，但又未去到難食，幾特別既，但只可以話性價比不高！*火灸芝士三文魚腩 $32*冇食到，評論唔到！*火灸三色丼 $88*來和氣食堂必點丼飯，因為性價比超高！三色丼中的三文魚和蟹棒都不錯，唯一要講既係左口魚邊係筋位，唔好食！*牛油燒日本番薯仔 $18*推介必叫，番薯仔好甜，燒得好香，一定令您好想encore*By 尼露小編👱🏾‍♀️*以5分為滿分*_😋美味指數: 4📸環境/ 呃like 度: 3💰抵食指數: 4⚖️性價比: 4.5…查看更多

其實，我係好中意食🥐🍞🥖包，其本上，我早餐係一定會食包，所以，我對麵包都有一定既要求。*而呢間麵包店，來自日本，用湯種來做包，鬆軟好食又QQ, 今次買咗2款✌🏽*蒜香煙肉湯種包 $23🥖新產品，保持QQ水準，又香，好食，不過都係覺得甜味係會夾翻個包多d*提子條 $16🍇較為乾身咗d, 如果做得厚身d 會更好食！*呢間店的必食推介係芝士餃子包，綠茶黑豆湯種包同紫薯湯種包！包保您一試愛上！😋😋*…查看更多

永遠，食材好的餐品要試原味才能試出他的真味道！上次光顧百味堂，食咗佢既豆奶味同蜜瓜雪糕，當時佢仲係pop up store, 已感到十分美味。 今次試完佢既牛奶味雪糕，才發現原來牛奶雪糕係可以咁厚身咁好味！之前一食牛奶雪糕，一定有一個問題，就係好快溶，所以我知道自己又輪盡，一定唔可以要甜筒，但#百味堂 的 #牛奶雪糕 $48，不得不讚佢既雪糕好重牛奶味得來，又滑，又唔易溶，牛奶味仲要好好味！而佢個甜筒 🍦， 個筒個形狀設計好好，冇咁易滴👍🏽👍🏽👍🏽👍🏽…查看更多

4個麻甩女齊齊去食大牌檔慶生😝。第二次來食，第一次唔係唔好食，係咸咗d 姐，第二次總算好味👍🏽👍🏽👍🏽。 黃金蝦🍤。 邪惡的野食總係好好食既，佢每隻蝦都俾咸蛋黃包圍住，而蝦亦算新鮮，不錯👍🏽👍🏽。 蒜香西蘭花炒帶子🥦。 西蘭花炒得幾爽，清清地幾好食。椒鹽九肚魚。 越級香脆，好好食，明知熱氣都忍唔到口係咁食😋😋😋。沙拉骨。 忘記影相，分量幾大碟，而且幾好食！個醬汁好正！再加3碗飯，4個人食，$375 食到抱住個肚走，雖然未算超級好食，但勝在地區方便，都係一個好選擇來既…查看更多

經過荃灣，見到得5個人排隊，就諗住一試.因為諗唔到飲乜好，就試下佢既宇治抹茶玉露鮮奶 $32.結果，中伏了！成杯野一飲，首先成啖都係碎冰，只有頭幾啖有綠茶粉味，之後用飲管吸嗰d 綠茶珍珠，一吸真係不得了，成啖珍珠竟然夾雜咗d 砂糖😱😱😱！乜料啊！之後搞匀全杯野再飲，証實成杯野係冇味架！所謂的綠茶珍珠，冇綠茶味不特止，連d 珍珠係未煮熟架！個心係實架🤮🤮🤮🤮！而個奶係似加咗大量水既奶，冇乜奶味😓😓😓😓。總結一句，垃圾！…查看更多

西餐就食得多，能夠令人念念不忘呢間都算係我真心私藏西餐之一。食過2次，第一次去食野食已經好有驚喜，今次去食水準仍然係好高🍽香芹白胡椒牛油煮鮮蜆 $128每隻蜆都好肥美，食得出好鮮味，係其中一隻蜆有沙其他都冇，個汁好鮮甜好味🍟芝士松露炸薯條 $68呢個真心大班人必叫，首先佢分量好大碟，加上落咗芝士松露醬，好邪惡但又好好食！薯條係粗薯又好脆，係連底層既薯條都係脆架👍🏽👍🏽👍🏽唯獨係食到尾會唔夠松露醬。如果每層薯條都沾滿哂醬汁就無得彈👍🏽👍🏽👍🏽🍽香燒紐西蘭嫩羊架配薄菏黑醬 $248我夠膽講，呢個係我食過其中一個最好食既羊架！佢肉質鮮嫩，調味和熟的程度剛剛好，配的薄荷黑醬亦好特別，和羊肉好夾，令羊架提升到另一個層次！佢的配菜和薯蓉也是十分美味！🍹菠蘿椰子沙冰 $45唔算大杯的飲品，但飲得出用新鮮生果打出來的。 幾好飲！不得不提，呢間餐廳的食物除咗好食，擺盤伴碟也是十分靚，令整餐飯的層次提升了不少。…查看更多

去到元朗yoho mall 睇戲，剛好有張Godiva 雪糕飲品卷就到期，拿拿聲換咗佢！Yoho 內的Godiva , 有得俾人堂食，不過就要加一，環境係幾舒服的。諗都冇乜諗，就換咗支朱古力軟雪糕。 佢朱古力味好濃，雪糕🍦亦好細滑，個筒好脆，的確係好好食既。 不過，如果以正價$50 買呢支雪糕，就貴咗d 啦！附帶一提，我見佢雪糕卷買5送1以5分為滿分😋美味指數: 3.5📸環境/ 呃like 度: 3.5💰抵食指數: 1⚖️性價比: 2…查看更多

同好姊妹們幾乎每月都要見一次，講下是非，傾下點減肥(但又要繼續食食食)，咁又一個收工後既夜晚了。 是夜大雨，幸好姊妹已book 好位，提早上去，餐廳只有一枱客人，正好可以影下環境！環境幾舒適甫坐下，店員便端上熱茶，及帶來餐牌都幾得意，可以翻下牌仔，不過價錢都不平，黑目張要388, 但就唔知份量有幾多，所以我地都冇落order芝士年糕好食，超級好食，但得2件，3個人分，姊妹們知我鐘意食都俾咗一個我食。佢炸得好香，內面的芝士好流心，而mochi 好煙un軟軟， 好食而我發現呢間餐廳既食物份量比較細，所以大家落order 要留意牛舌和大葱串，2樣都係我唔食的東西銀雪魚西京燒好食，不過魚皮燒到變炭，唔食得，魚肉好香，唔算超滑但都幾好食和牛串係我唯一可以食既牛好好食，咬下去有牛既脂油香味，燒茄子，本身我唔食茄子的，但呢個整得幾好食到呢個壽司併盤，食完就認真好飽，亦好好食，因為我唔食生既魚，所以評論唔到d 魚，但其他壽司如蝦，北寄貝，三文魚子都好新鮮！整體來說，係不平，但係好食既而且冇限時坐，店員亦好好時常過來加茶，服務好好…查看更多