食過2次，第一次去食野食已經好有驚喜，今次去食水準仍然係好高
🍽香芹白胡椒牛油煮鮮蜆 $128
每隻蜆都好肥美，食得出好鮮味，係其中一隻蜆有沙其他都冇，個汁好鮮甜好味
🍟芝士松露炸薯條 $68
呢個真心大班人必叫，首先佢分量好大碟，加上落咗芝士松露醬，好邪惡但又好好食！薯條係粗薯又好脆，係連底層既薯條都係脆架👍🏽👍🏽👍🏽唯獨係食到尾會唔夠松露醬。如果每層薯條都沾滿哂醬汁就無得彈👍🏽👍🏽👍🏽
🍽香燒紐西蘭嫩羊架配薄菏黑醬 $248
我夠膽講，呢個係我食過其中一個最好食既羊架！佢肉質鮮嫩，調味和熟的程度剛剛好，配的薄荷黑醬亦好特別，和羊肉好夾，令羊架提升到另一個層次！佢的配菜和薯蓉也是十分美味！
🍹菠蘿椰子沙冰 $45
唔算大杯的飲品，但飲得出用新鮮生果打出來的。 幾好飲！
不得不提，呢間餐廳的食物除咗好食，擺盤伴碟也是十分靚，令整餐飯的層次提升了不少。
