cyynthiachau的个人专页

帶咗長輩嚟食，老人家。服務好差，好似畀侍應歧視咁，再加上開閂櫃門、上菜都好大聲好趕客。一枱四個人，上菜時間完全唔同，其中一個人已經食完意粉但其他人嘅main完全未準備好。同茶記有得比意粉還好，正常，但唔係特別出色。可能始終賣點係意粉，所以牛扒完全唔ok, 叫五成熟畀咗七成，牛扒rest嘅時間完全唔夠，切嘅時候有好多肉汁流失，配菜完全冇調味，係白烚。Earl Grey Panna Cotta 還好，但有多餘嘅糖漿喺面，蓋過咗奶同茶剛剛好嘅平衡，而且奶凍本身唔夠細滑，覺得如果唔係lunch set $60有前菜同甜品都係唔好亂叫好過⋯⋯見餐廳裝修好似想做到高檔咁，但咁嘅服務同其他嘢只係一般，似乎離目標仲有一段好長嘅路。…查看更多

灣仔食lunch都算貴，見到有間新開嘅冰餐做緊優惠、裝修又幾靚就試下，叫咗個芝士漢堡日式咖哩蛋包飯。佢地標榜用日本米，所以啲白飯都幾好食，幾香。但所謂嘅蛋包飯就只係飯上面有滑蛋咁解😕 咖哩係好明顯開磚嗰種，但係個色幾透明，唔知係代表佢幾稀定點🙁 咖哩入面有啲薯仔、紅蘿蔔同茜芹。全部都仲係好生，勁爽脆😂 紅蘿蔔老到不得了，完全咬唔到，睇圖都見到有幾老🙂 芝士漢堡根本就係笑話，完全冇芝士，只係細塊啲嘅M記豬柳🫠 我只可以話$50以下喺灣仔有更好嘅選擇。呢個飯原價賣$60真係完全唔值得。…查看更多

放工諗住放鬆吓搵間bar坐低傾吓計食吓嘢，點知越食越肚餓食完仲要胃痛🥲 只係簡單咁嗌咗個牛舌、一碟大蝦意粉、同一杯雞尾酒。個牛舌等咗大概15分鐘就上，唔算熱，調味還好，但唔知係咪因為厚切所以好韌。仲要上到嚟大大件淨係比叉，完全冇比刀，完全唔知點樣食😂雞尾酒叫咗唔超過5分鐘就到了，算快個意粉等咗足足45分鐘，等到胃痛都未到。餐廳又唔俾水，侍應又淨係服侍老闆所謂嘅朋友，根本都唔會理啲街客。個麵食落好苦，然後先至食到少少調味，死咸咁樣。啲蝦都唔算大隻，食落有啲老。不過bar嘅嘢食都唔預佢好食㗎啦😂就係估唔到有咁嘅期望都可以咁難食姐其實一等咁耐係因為老闆仲有一個私人party要serve，以餐廳為門面實質就係一個私人party room, 完美咁樣避過晒所有599G🙂 但係party還party餐廳還餐廳係開party嘅同時都要確保餐廳質素同埋上菜時間先得㗎😂 都唔知點解可以食完晚餐仲餓過食之前😒一句講晒啦唔好俾佢係kolor搞就誤導咗多謝佢話我嘅減肥生涯貢獻呀😊…查看更多

因為其中一位同學係素食者，我地就揀咗呢間餐廳。最初都怕外國人會畀我地啲港式西餐嚇親，點知去到係出奇地好食。諗住叫啲薄餅、意粉嚇下個意大利交流生都失敗了😂 來自瑞士的素食同學對餐牌上林林種種嘅素食款式感到非常好奇，佢從來都冇諗過素煙肉可以咁好食、韓式泡菜辣辣地好得意😂 同埋就算我地其他人唔係素食者都覺得餐牌好多選擇，亦都唔會因為冇肉覺得今餐好空虛😊 要講唔好嘅可能係餐廳職員服務態度就正常，平時茶記水準咁，有種好急躁嘅感覺，同餐廳定位有少少唔夾🙈…查看更多

見冇人等位所以去食啦，點知入到去冇人畀茶，冇人落單。叫咗人畀茶好似完全冇咗回事咁。到最後食客全部衝曬出到一人一壺拎走就算，連坐VIP房咗人都成日行出嚟追單⋯⋯ 我地叫咗幾碟餸都要食兩個幾鐘先埋到單，搞到好似食法國菜咁⋯⋯講講個A4牛筋$68，係凍嘅，就好似喺日本嗰啲料理包咁，就咁開出嚟就算。仲要超級鹹⋯⋯其實佢大部份單點菜式都好現成，全部都可以好輕易喺屋企整得更加好食。建議如果想去就試佢地個芫茜火鍋，雖然隔離枱話冇乜茜味，不過點都好食過油淋淋嘅單點…查看更多

去到即使book咗枱都等好耐先有位，坐低冇水。見到餐牌大大個WeChat QR code 然後話自己係黃店係咩玩法⋯⋯我地叫咗三樣嘢食，等咗大半個鐘都未到，眼見隔離同我地一齊入嘅人啲嘢差不多到齊啦⋯⋯終於見到個拼盤喺廚房出嚟。點知去咗隔離枱，仲要同隔離枱食緊嘢嘅客距離好近，confirm咗唔係佢地嘅就送翻入廚房，好似全世界都唔知發生咩事咁樣。然後幫我哋落單嗰個姐姐就行過嚟問我其實我哋落咗啲乜嘢，係嗰一刻我哋先至知道原來佢將我哋嘅所有餸都落咗隔離枱。然後餐廳就將嗰碟遞咗過去隔離枱嘅餸帶返俾我哋，基於衛生考慮，我就好唔好意思咁同餐廳講：因為呢一碟餸已經去過隔離枱，我覺得有啲唔衛生。餐廳職員就好冇禮貌咁樣同我講：得，咁我叫廚房做過囉。 之後等咗差唔多半個鐘啲嘢先至再到齊返。到最後餐廳都冇同我哋講過一句唔好意思。拼盤材料唔算特別新鮮，法式焗雞又乾又硬又柴，完全同之前睇過嘅食評大相逕庭⋯⋯總括而言，對呢間餐廳真係好失望，除咗舖頭有少少文宣之外，完全睇唔出佢哋係一間良心小店。其實黃店只係一個口號，但係好唔好食真係要憑良心講。…查看更多