Wheel 臣的个人专页

同夫人去睇"Nine"，見仲有少少時間就去試下呢間「共和國」。其實間舖嘅位置都幾遠，係死角位，見到MENU又好多唔同組合，原本想試Fish & Chips但最後就咁叫左份Mozzarella Gravy + 藍莓Milk Shake。直入正題，好味過NY Fries，但係同瘋薯仲係差啲。鍾意薯條粗幼適中，Gravy唔會太咸～不過杯Milk Shake 呢．．我唔鍾意佢哋用太多雪糕搞到太「杰」！！ 令到杯Milk Shake其實係無藍莓味！！但係，以上嘅意見其實好小事因為味道唔差要返轉頭好易～～不過麻煩老闆提下同事做嘢可唔可以爽手啲？ 就算有禮貌但係得一個ORDER嘅情況下要等5分鐘先有杯Milke Shake，作為香港人嘅我真係不能接受．．．吖，最後．．．太貴，唔認同一盒薯條＋一杯無Blueberry 味嘅藍莓奶昔值＄63．．．暫時仲係瘋薯最吸引。…查看更多

係新記食完車仔麵行咗去隔離嘅Crumbs，其實佢哋賣嘅嘢好簡單就係Scone同埋Yogurt。叫咗兩件芝士味＋一件提子味Scone芝士味食落口比較稔身不過咸咸嘅味道感覺新鮮傳統嘅提子味咬落去好鬆軟，提子原粒焗製而且牛油唔會太多更加欣賞。英式傳純小食搖身一變成為街頭小食，利害～不過希望老闆有機會加多啲味道吖，Cranberry, Fig, Pumpkin 係我嘅最愛！！等你～～另一邊廂我哋都唔好忘記咗Yogurt，夫人加咗佢最愛嘅藍莓同Oreo～佢哋仲免費加咗crunch呢到嘅Yogurt texture 好好，至少唔會好似早幾日係銅鑼灣另一間六味乳酪咁快溶。雖然Toppings選擇依舊唔多但係夠大粒，食落感覺好爽！銅鑼灣區呢期最有Potential大熱嘅小食店，非佢莫屬。加油 …查看更多

食完渝酸辣粉，下一站向YOGO出發。:)到步後見到有六款唔同味揀 ﹣ 士多啤梨、綠茶、香蕉、杧果、荔枝同原味。香蕉味係其他YOGURT店未試過，所以同夫人決定要個香蕉 X 原味。TOPPINGS呢，唔夠YO MAMA多～最後揀咗士多啤梨、椰果、哈蜜瓜、OREO、CORN FLAKES。價錢方面＄15／100g，我地杯YOGURT磅出嚟要＄49．2 同其他YOGURT店差唔多。味道方面香蕉味恰當不過溶得好快，而且texture感覺上YO MAMA嚟得實在。如果TOPPINGS可以多啲OPTIONS同埋解決埋溶得快嘅問題就VERY GOOD。近日YOGURT店開始越開越多，無DIFFERENTIATION嘅話真係無得做。遲嚟真係未必先上岸特別係連後起嘅都KO唔到師兄就更加要留要喇～P.S. 我留意到舖入面係播緊Internet Radio sounds like Oz accent，唔知老闆係咪ABC? …查看更多

睇完最新一期「男女」，見到耀華街多左間餐廳插旗而且愛上老闆選用「渝」字比起血淋淋嘅重慶XXX多一份感覺。好奇心驅使下同夫人一心去試試！其實大家都知該處地舖餐廳一向做唔起，不過今次老闆選址近街口希望幫到忙。閒話少說，3時多入座，大概3 ﹣ 4檯入座率。夫人點咗碗牛肉麵，滷水雞翼，麻辣青瓜～而當我決定叫碗燃燒麵嘅時候，落單嘅姨姨就煞有介事咁提咗我一句︰「你食唔食得辣？好辣㗎喎」。本死無大礙，去馬！！不過都叫定杯凍檸茶看門口．．．麻辣青瓜先上，好味！比起坊間嘅青瓜製小食少咗麻油多咗麻辣味。滷水雞翼就唔係太入味，不過我寧可淡味都唔要咸到死嘅滷水味。但係份量嫌多，兩人食六隻雞翼有啲不知所措。老闆如果可以考慮變返四隻平返十元八塊就更好，諗諗計。主角兩碗麵送到檯面，一股麻辣香開始飄到去我個鼻。最後，我做錯決定先食燃燒麵！ 點解？因為將蔥絲、辣椒絲、肉碎同麵混和後放入口，真係好辣！ 但係我更愛佢辣得嚟唔辛苦，只要慢慢食其實還可以。不過我真係一邊食一邊流汗，唔太食得辣嘅朋友真係要小心。不過我好似仲未講點解唔食牛肉麵先係錯嘅決定係因為食完燃燒麵再食其他嘢基本上都唔知咩味喇。好彩，牛肉嘅質感我仲食得到～所以大家記得如果要試燃燒麵真係要放到最後先，唔係其他食物會試唔到味。最後想讚下杯凍檸茶，出奇地好香紅茶味！驚喜 :)係耀華街食嘢多咗一份休閒感，唔駛好似其他嘅餐廳趕頭趕命。大家可以襯佢地未有太多人去食嘅時候一試。…查看更多

09年嘅下半年真係好忙，好耐都無打到食評，呢段時間真係要多謝夫人嘅相助貢獻不少！！2009年最後一次同屋企人嘅飯局，夫人就提議去呢到試下。呢到係我第一次嚟食，到步後發現自己張檯安排係門口．．． 無計，真係好多人，唔訂檯WALK IN 基本上佢都係得兩個答案 ﹣ 等得就等 ／ 無位。點都好，今晚餐飯由夫人話事，5人食飯叫咗以下咁多嘢：1.（雜綿）拼盤2. 賽螃蟹3. 火腿津白4. 京燒羊肉5. 片皮鴨6. 叉子燒餅7. 蒸餃8. 拔絲蘋果（雜綿）拼盤由海蜇、牛𦟌、豆干、西芹、豬肉、荀拼出嚟嘅組合，穩陣之作。海蜇爽口，豆干、牛、豬當作前菜味道恰當，唔會一開飯就食到咁濃味，否則之後啲餸都唔知點算。賽螃蟹蛋白夠多，炒得夠滑唔會老，好味！因為坊間好多炒蛋白真係揸流灘㗎，炒完出嚟一條條柴咁。而且都欣賞醋嘅味道唔太濃～火腿津白正常無特別，間間差唔多～唯一係稍嫌金華火腿唔算太夠味京燒羊肉各位有機會真係要試試呢款餸，夠稔唔會太乾，適當騷味。有准鹽同自家調配醬汁揀，個人選擇就咁食！片皮鴨呢到嘅片皮鴨呢．．．師父片埋好多肉，唔知係因為太多人師父以快打快片成咁，定係無咩客兩食打算俾多啲肉我哋食，又抑或呢款片皮鴨先係正宗食法？？ 我自己就麻麻地太多肉，本身啲皮已經多油夠哂膩，包皮又係麵粉。真係食兩舊就收咗皮～叉子燒餅講穿咗即係炸菜肉鬆夾麵包，飽肚嘢。芝麻夠香～除此之外都無咩特別。蒸餃唔講，另一飽肚嘢因為皮夠厚！拔絲蘋果好味唔太甜，出面食到嘅舖越嚟越少～嚟到記得一試。其實呢到係咪特別好食呢，唔算。不過呢類飯店香港真係買少見少所以值得支持下嘅，而且埋單一計＄900有找算係咁。但係我發現到一個現象就係部長特別對遊客好，佢地好好發揮咗好客精神會幫遊客留位。本地人就一律「無位！無位喎！無位呀！」如果大家真係想試就一定要訂檯又或者去到同部長講句「すみません」…查看更多

好耐無寫食評喇，耐到連夫人都頂我唔順要自己開個A／C...Anyway, 今日上完堂又難得唔駛開工，接完夫人放學後就係炮台山附近摷嘢食。原本想搵山地人點知未搵到就己經俾“Toppings"吸引左入去。入面見到好美式漢堡店嘅格局，霓紅光管加上一張簡單嘅BAR檯～作為街坊小店感覺討好。抬頭一望見到十款唔同嘅選擇， 主要分開三款 ﹣ 三文治、熱狗同漢堡。夫人就要左份Chili Cheez Dog 而我就梗係堅守住食漢堡嘅堅持啦。Philly Cheez Burger + Mocha Smoothie 就係我嘅選擇。當時時間尚早只有兩檯客所以只係等咗十分鐘唔駛就有得食～起初都唔明呢間嘢點解叫"Toppings"，後來先知原來當食物READY後我哋可以自己加料上面。夫人就加咗蘑菇、粟米、煙肉碎、椰菜絲...先食咗份POUTINE CHILI FRIES...味道唔係太接受，可能係芝士嘅問題啦～麻麻。試啖熱狗先～OK喎，不過夫人覺得個包唔夠脆口。我自己就認為條腸咸咗少少。到個漢堡喇， 真係驚為天人！！ 去牛肉真係好多汁！！而且好夠牛肉味 （夫人︰仲夠哂胡椒味），＄55蚊嘅價錢真係抵食。不過個包都係唔夠脆，老闆睇到就麻煩跟進下喇～總括嚟講， "Toppings"嘅包真係好味， 不過薯條方面就要再多啲心機去研究下喇！…查看更多

成日想食糖百府不過十萬個唔願意去旺角，終於今日去左銅鑼灣食。舖仔細細，坐低打開MENU~有預先SET好左既建議組合，如果想自己做一個特別既出黎都得~不過就要靠估，因為佢有唔同既BASE, 之後再揀面既糖水、配料、生果...一個唔該真係唔知整左咩出黎~~夫人叫左個宇冶金時而我就自己拼左個薑汁底+黑糖汁+粟米片+青蘋果椰果+蜜瓜宇冶金時俾我既感覺都係傳統既刨冰好味好多~因為佢一片片既薄冰都係綠茶，無左煉奶而令我覺得有少少苦澀味，而且佢地用碟上令我地好難"BUT"黎食...到我個自選組合，一啖放落口~好濃好勁既薑汁味!!! :) 加埋黑糖真係好好味~!! 至少好味過佢地SET既組合 不過青蘋果椰果...唉也...甜味假到死~我始終都係唔多習慣呢款薄薄冰~不過係既，今年呢款甜品真係好受歡迎，不過成間舖都係得呢樣野賣~到冬天佢地又會點呢?! …查看更多

星期五既原本同夫人去做GYM，但係最後變左做食~哈哈夫人建議去恆河因為都好耐無食佢地既咖哩喇。係喎...數一數上次係佢地筲箕灣總店食飯已經係冬天既事...於是我地今次就去左另一間舖。入到去，又係坐門口!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! 不過算喇反正今晚唔算太熱，上次去食我記得又係好頭痛。因為我本身好怕揀野食，而且佢地個MENU真係好多野食~~不過最後都決定左︰1. 薯仔沙律2. 東咖哩海鮮3. 芝士薄餅4. 蒜蓉薄餅5. Q版鐵板雞薯仔沙律 - 用左SALSA醬汁去配搭炸過既薯仔，少少酸越食越辣好好味。咖哩海鮮 - 叫左個小辣，味道討好~不過始終唔夠佢地招牌菜咖哩羊膝，紅肉配咖哩感覺上永遠係最夾。芝士、蒜蓉薄餅 - 大家有機會黎食飯一家要叫，真係好好味架!!! 佢地既做法同出面一般印度餐廳既NAAN好唔同，首先無一口油先，二黎佢地比較厚身唔會好薄...有少少似上海式既蔥油餅。食落鬆軟唔多油，呢個真係一流。Q版鐵板雞 - 上菜既時候待應哥哥幫我地加左檸檬汁吊味~中和左鐵板燒個種好熱氣既感覺，雞肉算得上嫩~唔會好似其他餐廳一用鐵板就變得又乾又"UN"既問題，讚:)就算唔係住西灣河附近既你都要黎試下~真係得喎。P.S. 佢地落單都唔會用紙、筆寫得~但係又記到你既ORDER喎，利害。…查看更多

今日早左少少收工，同夫人去左銅鑼灣食飯。原本打算去金百利新開既「熊漢堡扒專門店」食飯，不過趕住有野做所以都係快食就黎左呢間六本木。一入到舖就俾人安排左近門口既死角位(又係咁...次次2個人食飯都要俾人編去坐呢D位)，夫人又好快咁幫我決定左食咩~錫哂妳:)我地叫左一個1. 牛肉鐵板飯 (唔記得MENU個名)2. 泡菜豬肉冷麵等左一陣有得食喇~見佢來勢兇兇好似PEPPER LUNCH咁圍哂紙條....點知...一落醬汁既時候個鐵板只係好行貨咁"喳"兩聲... 味道方面其實都食得出佢既牛肉都唔差既~不過份量真係好少，同一價錢PEPPER LUNCH起碼碗飯都大D丫陰功~~~~到左我碟冷麵喇~~一送到黎我面前摸一摸隻碟，咦OK喎夠凍...唔通咁有心雪凍埋隻碟做哂FULL PACKAGE? 一放啖麵落口，且~~原來又係煮完個麵過完冷河放落碟。成碟冷麵既味道好分明，麵、泡菜、豬肉同配菜好似大家唔識大家~撈埋左之後都唔覺好味。食到最後夫人見到隔離檯食雪糕，建議不如下一次黎試埋先決定呢間野以後仲食唔食。我即時話不如試埋啦，我唔想下次專登返黎試個甜品，於是我地就叫左個甜薯雪糕。好彩，呢個甜品都仲OK~不過雪糕既滑度同甜薯既香都係唔夠麻布...所以抵人家生意咁好。雖然甜品都OK~但係呢間野我相信同夫人會返黎食既機會就真係好少好少好少喇......中招...><…查看更多

難得星期日放假就梗係唔好哂左任何食既機會，所以下午茶時間就去左Sugar試下。可能間舖真係兜左去利時後面加上唔係糖水peak hour, 入到去都係得一檯人坐左係到~我地叫左一個椰皇雪山，餅碎奇緣~好搞笑...係餅碎奇緣旁邊加左句Caption - 「小心噎親」餅碎奇緣其實係一個由唔同朱古力餅, 布甸同埋軟雪糕加埋既甜品。夫人覺得唔夠麻布茶房滑同香~呢個都係事實~~好似食落去有d實...不過整體都合格，$39蚊呢個價錢尚可接受。反而椰皇雪山就真係有驚喜，夠凍，夠清甜。有涼粉同紅豆既出現配襯住椰皇既刨冰~呢個甜品呢幾日熱到嘔既時候食真係成個人即時涼哂~但係令我有d擔心既就係呢類型既甜品舖實在出現得太多太多太多~~點樣令自己係呢個市場上生存真係要拭目以待，加油!! :)…查看更多

星期日打算去科學館，原本都同夫人煩緊係尖東有咩好食~突然之間係我地面前出現左一間想試好耐位於旺角既十勝豚肉，竟然係我地面前出現即時二話不說就入左去!! 相信星期日既關係係尖東唔多人，成間舖都係得幾檯客。我地決定左叫吉列豬扒冷麵，夫人就叫左一份薄燒豬扒配原味燒汁~靜侯數分鐘，放係面前既好香炭燒味既豬扒飯。燒汁既味道配合得十分討好~唔會好似坊間有d舖...個汁甜死人，最重要既就係 a la carte 只係$30蚊~!!! 而我既吉列豬扒冷麵就反而麻麻地，件豬扒雖然係鬆脆不過唔係好夠肉味...下次有機會會去試埋朱古力咖哩飯~…查看更多

下晝去完禾輋試左個「十勝庵」... 真係有d失望~而且又有d肚餓，所以早早地就去左美麗華食晚飯~麵屋一平安係美麗華其中一間少數做左咁多年都係咁受歡迎既居酒屋，好味得黎又無樓上4/F 元氣一杯咁貴喎。叫左一份泠豆腐配山芋、滑蛋豬扒丼同埋一客腩肉拉麵拉麵同丼大家都食得多都唔駛講咩味道、口感啦~反而想分享一下就係山芋，呢個菜好特別~佢地切到好似青瓜絲咁樣。不過一夾起黎食既時候會見到一d透明既液體狀一絲絲咁拉起左，食落口滑滑地又好爽口。上網一查，原來係健康食品，營養價值好高...有減肥、健美、通便排毒既功效~去麵屋一平安食飯甚少甩拖~唔想煩諗食咩~就係呢間 …查看更多

早幾日上網睇yahoo見到十勝庵終於開左喇~之前一直都無機會所以星期六決定要特登入去沙田試下。間舖好易搵，基本上一入吉之島就會見到~當時5點半左右又唔算太多人，我地就叫左一個原味(紅豆)鲷魚燒同埋一個豆奶味既~可惜，個皮真係好一般~好"un"呀...點解一d都唔脆既? 明明係新鮮見住佢地做架...點解唔熱既...可能，新開舖，員工未熟習用料份量?可能，十勝庵既特色?下次...新開既舖都係睇定d「開飯」既report先去試...因為專登由九龍去禾輋仲會麻麻地好食...蝕左…查看更多

都有一排無係太古城食飯，囍宴同新開既toast box原本都係考慮之列~但由於土司工房呢排都食左好幾次~所以一於黎左呢到。雖然到步後時間尚早，但係都被安排坐近門口位置~可能太多訂檯關係?! 始終感覺唔多好~ 點解次次兩個人食飯，都要坐係門口架夫人用左極短既時間就已經決定好左要食D咩~太好喇，我地叫左︰1. 四囍拼盤2. 話梅花雕雞3. 擔擔麵 (唔辣)四囍拼盤 - 好開胃，話梅花雕雞 - 當送到我地面前既時候，第一個感覺~好大隻喎...第一啖放落口有好香既花雕味，雞肉好滑...夫人更表示由最初既酒香食到後來既甜味，應該係拜話梅所賜。比起其他上海菜既花雕醉雞少左幾分酒味，食起上來更愜意:)擔擔麵 - 最初放入口既時候，點解會有少少燶味既呢?! 但係食多兩啖呢，又無左喎~哈哈，我估可能係芝麻醬既問題? Jacky見到呢個post不如話我知丫~雪糕 - 都係囍宴既出名作之一，梗係唔可以唔試啦~ 我地叫左份牛奶雪糕配黑糖加咖啡啫喱同埋榴槤+雪糕牛奶雪糕既香同滑，其實出面有好多品牌都做得到~不過當配合埋咖啡啫喱既少少苦澀呢，出黎既效果又幾得意喎~唔會越多越甜。另外榴槤味道好濃，濃到其實要混埋雪糕一齊食...呢個會唔會就係囍宴既心思呢?!整餐飯既味道同服務都好好，不過衛生方面就真係差d~因為坐近門口關係成日都有「蚊滋」飛黎飛去~好煩呀!! 而且唔只一隻，仲要有幾隻~呢樣野Jacky睇到既話真係要諗諗計去解決，一係門口就咪鬼放咁多檯啦~ …查看更多

夫人翻睇返雜誌見到係PP附近有呢間蝦麵店，好似幾好味咁喎~食晏時候就過左去試下。12.15PM左右去到...搞錯...要我坐門口位，入面明明有位架喎~不過都算喇，鬼叫兩個人食咩...一坐低睇下MENU, 我地就叫左個辣既蝦麵同埋福建滷麵。大熱天時，梗係唔少得叫返杯青檸水同青檸梳打啦~落完ORDER...唔駛2分鐘，成碗熱氣騰騰既麵就放左係檯面~之不過...我碗福建麵...比想像中淡...其實係比想像中更淡...唔通我俾個「滷」字影響左?!夫人碗辣蝦麵...都係比坊間其他既淡青檸梳打同青檸水...又係無咩味...口味既野人人盡不同，不過呢個價錢呢個味道...點解佢又會咁多人排隊既呢...費解…查看更多