wujoegame的个人专页

呢間上樓小店係朋友推薦，佢話環境簡約，料理亦非常有誠意，值得一去再去！日式和風沙律~份量比想像嘅多，菜葉亦都夠脆口，呢個脆嘅程度，保證新鮮！加上以半均勻的醬汁，略帶酸口，非常開胃！手打芝士安格斯漢堡蘭王蛋飯~手打嘅漢堡口感果然唔同，結實得嚟感覺較為鬆化，仲可以保留到肉汁，兩面煎至金黃色，配上其他配料簡直頂級享受！蘭王嘅蛋黃色澤夠曬奪目，一切開，蛋黃汁緩緩而下，配埋溫暖嘅白飯，蛋香四溢，令人食指大動！食到最後，每一隻碟都會有特別嘅字句，溫暖入心。日式慢煮豬軟骨飯~睇餐牌標榜咗係慢煮五小時！用慢煮嘅方式可以保留到肉嘅質感同時夠曬軟，重點係非常入味！我會稱之為精緻嘅烹調方式！…查看更多

朋友介紹大角咀有間好出名嘅泰國餐廳，話嗰度嘅裝修好有泰國風情而且卡位係咪tuk tuk既凳😚😚先來一個火龍果芝士沙冰，不過我就走咗芝士，但味道唔錯😚😚招牌焗黃咖喱麵包軟殼蟹⋯⋯ 咖喱味都香濃唔錯帶點甜🤭🤭跟麵包一起食就係perfect match 😜😂而軟殼蟹是新鮮即炸，熱辣辣啖啖肉好好味🤤泰式肉碎生菜包……個泰式肉碎炒得幾惹味，調味剛剛好，而且生菜跟肉份量都不少🤭🤭蒜蓉椰菜苗…夠鑊氣，蒜蓉味香濃…查看更多

朋友生日，當然要搵一間又好食又有得打卡嘅餐廳喇~做哂資料搜集，最終決定嚟呢度~泰式小食薈萃(香茅雞翼+泰式蝦多士+紅磚豆腐+炭燒豬頸肉)~每款都係雙數，剛剛好係二人份量，食到多種類嘅小食就係開心，每款口味都非常討好，但當中最推薦嘅會係紅磚豆腐，外脆內嫩，豆腐又香又滑。炭燒沙嗲（牛）~炭燒真係會有獨特嘅香味，牛燒到恰到好處，配上自家調制嘅沙嗲醬更加係佢嘅靈魂。酒香火焰骨~侍應會喺面前點火，夠哂氣氛，整個菜色共有8條骨，份量好澎湃，個汁料係酸酸辣辣同時帶有微微酒香，已經淆制到差不多骨肉分離嘅效果。泰式椰子鮮雞湯~椰子同雞件份量很多，雞湯香濃又夠哂鮮味，當中用上泰式嘅香料，口味可以升上另一個層次。泰胡椒和牛炒糯米河~河粉係一片片，炒到夠哂入味，火喉一點都不容忽視，連配料都好香口，非常滿足。黑糖椰子雪糕~雪糕非常多料，有竹庶茅根味嘅啫哩、美顏桃膠、黑糖漿、椰子雪糕同烤過嘅椰絲，口感非常豐富，甜度適中。不得不提呢度嘅侍應都非常有禮貌，每整個餐飲過程都喺一個愉快嘅氛圍當中渡過，而喺晚餐尾聲，竟然發現有戶外位，而且充滿打卡位，仲要係PET FRIENDLY，朋友係愛寵之人，立即話要約定下次帶埋狗狗嚟打卡添呀!…查看更多

朋友最鍾意食串燒，不過佢收工收得比較晏，所以八點半鐘先開始食，十級肚餓嘅情況底下，兩個人叫咗以下咁多嘢招牌經典烤羊肉串$36、招牌經典烤羊小排$56~~啖啖肉又得，鐘意咬骨又得，一啲都唔騷，而且燒到剛剛好，唔會過乾！猛火肥仔蠔$18~小米辣加上香蒜可稱為最佳拍檔，蠔非常飽滿！蒜香扇貝亦不遑多讓，絕對滿足！烤雞中翼$28~外脆內嫰，加上獨特嘅調味料更加惹味！甜蜜的腸腸$18~用上台灣腸，夠曬juicy，非常爆汁！仲點咗咩菇都有$28、烤五花腩$28、鹽燒櫻桃車厘串茄茄$28，每樣都好有水準爆汁燒乳鴿$88~原隻上，可以自己剪開，想四分一食又得，二分一食又得，成隻食都得juicy沙爹牛肋條$28~牛肋條非常有口感，配上香濃嘅沙嗲汁，大推！火燒惹味鮮甜菠蘿$18+超甜牛油粟米$8+日本清甜肥茄茄$28+厚肉多汁翠玉瓜$8~~蔬菜類別都要九點半後先有得食，菠蘿同翠玉瓜都非常多汁夠曬甜，下次嚟主力要食佢哋連埋加一都係$4××真係非常抵食，而且食物質素非常高，絕對係翻兜之選！…查看更多

一入餐廳已經見到佢哋出名嘅烤鴨由於時間尚早關係，可以安排到近窗口嘅卡位，不過其實場內嘅位都非常舒適寬敞南翔小籠包~小籠包皮薄多汁，外皮晶瑩剔透，肉汁足足有一湯羹嘅份量！上海粗炒~份量非常足夠，每一條麵條都沾上汁料，味道恰到好處！蒜子干貝時梳~清淡嘅菜式，用干貝去帶出菜嘅鮮甜，蒜子亦都別具風味！古琴酸菜魚~點了一個一位嘅份量,但魚嘅份量都非常多,金湯齒頰留香,魚片夠曬香滑並且無骨，底層墊了粉皮，吸滿金湯嘅味道，真係非常入味！古琴雅苑仲喺旺角開咗新分店有限時優惠添…查看更多

⭐永年大碗麵（超惹味永年辣醬~BB辣）餸菜款式非常多，包括：豬腸|豬紅|豬皮|雞翼|雞翼尖|魷魚|紅腸|魚蛋|蘿蔔|時菜，全部都非常新鮮好味，當中會推薦豬腸，乾淨企理之餘仲好彈牙！配上永年辣醬，更加有畫龍點睛之感。⭐南瓜汁海鮮焗意粉每條意粉都沾上非常香濃嘅南瓜汁，意粉軟硬度剛好，海鮮份量頗多，非常抵食，cp值極高。⭐永年辣汁牛腩牛腩夠曬淋，本身腩汁已經夠曬香，配上辣汁更加出眾。⭐腐乳通菜通菜夠曬青綠，腐乳汁咸度剛好⭐抹茶紅豆冰⭐薑汁豆花紅豆冰以上兩杯特飲都係紅豆冰，紅豆非常飽滿，用crossover嘅方式去調製，真係非常特別！…查看更多

去粉嶺探朋友，佢介紹一間非常地道嘅韓國餐廳，朋友最鍾意就係食韓國嘢，佢介紹得嘅，自然令我非常期待😬睇返餐牌，內容非常豐富，價錢相宜，絕對合理！炸雞石鍋飯~石鍋飯嘅精髓在於有唔同嘅配菜,拌勻後，口感真係非常豐富！仲可以因應自己口味，加上唔同份量嘅辣椒醬，驚喜位係飯焦非常多！正！炸雞部分亦都非常嫩滑，配上醬料，別具一番風味。特色韓國蛋捲（紫菜明太子口味）~明太子有獨特嘅海鮮鹹香味，配上香滑雞蛋卷，絕對係畫龍點睛！紫菜包飯~份量非常多，餡料亦都係我鍾意食嘅嘢！薄荷青檸梳打~口感非常清爽，食辣嘢一流，梳打水夠哂氣，薄荷口味非常清新藍天乳酸~酸酸甜甜嘅口味，令我更加有胃口…查看更多

朋友最鍾意食串燒，最近介紹我去呢間開咗唔係好耐嘅串燒店，地方乾淨企理，地點非常方便！睇返餐牌，每一樣都非常吸引，除咗肉類之外，仲會有海鮮、飯麵類、菜類....甚至飲品都非常多選擇！用qr code掃碼下單，快捷方便，重點係會有個烤爐一直暖住串燒，喺寒冷嘅天氣亦可以隨時食到暖笠笠嘅串燒，大愛！元氣森林水果茶~水果茶非常清爽，夠曬大杯，食燒烤最緊要有大量飲品！絕對可以解膩、解渴！日本梅酒梳打~朋友最鍾意飲返兩杯，香甜嘅梅酒加上充滿氣泡嘅梳打，亦都非常合適！小野人黑松露蘑菇烤飯~通常可以先落檸檬汁，感覺會比較清新，拌勻後再用紫菜包裹著，口感都唔同曬，可以一飯幾食😂小野人蒜蓉烤茄子~茄子已經烤到非常香軟，一梳梳茄子絲包裹著蒜蓉，非常入味！蒜蓉烤生鮮生蠔~生蠔非常新鮮，而且尺寸頗大！熱辣辣嘅時候食，一定係最好食！烤海中蝦~串燒方面，會highlight海中蝦，原隻食，唔使剝殼，外殼燒到非常香脆！同時亦覺新鮮，有滲出淡淡鮮味！…查看更多

喺門口已經有好多人喺度排隊，好彩鋪面就大好快就可以入去，裏面有少少嘅聖誕裝飾都好有氣氛聖誕有一個特別嘅menu當中開心果甜品非常吸引！chicken and cheese quesadilla~微焦嘅麵餅夾住帶有香料口味嘅雞肉，冇pizza咁漏，係比較清爽啲嘅口感，配上旁邊嘅醬汁，有錦上添花之感。Calamari squid ink pasta~芥末忌廉汁掛上每條墨魚汁意粉，口味非常獨特，配上新鮮嘅魷魚圈，鮮味滿滿！White wine mussels~青口嘅份量非常多,每一隻都幾大隻，而且吸滿曬醬汁，非常夠味！Pistachio American pancake~通常一個女仔係一餐裏面，最期待就係甜品，呢個pancake，層次分明，賣相一流，唔會過甜！旁邊嘅脆脆，應該係烘焙過後再製作，非常欣賞！食得咁豐富,收費總共590,絕對係合理水平！…查看更多

喺沙田做嘢，成日食嚟食去都係啲連鎖店，而且都係好大份量，對於細食嘅我嚟講，每一次都食淨，真係好有罪惡感，呢間百味章魚，主打唔同口味嘅章魚燒，分咗兩個價錢，分別係六粒/九粒，完全可以就返自己當時嘅胃口👍🏻兩個女仔share嚟食，嗌三盒啱啱好！可以食到唔同嘅味，真係開心好多！大阪章魚燒~經典嘅口味一定要食！每一粒都令我諗起去大阪旅行嗰時嘅心情😁食完即刻開心曬！裏面嘅章魚仲要有兩大粒！非常彈牙！同時反映到用料的確好新鮮！店家亦非常細心！將柴魚片放咗喺旁邊，唔會濕曬/淋曬！香蔥章魚燒~章魚燒上面鋪滿曬香蔥，真係非常震撼，而且汁醬令蔥粒可以黏滿曬整粒！簡直360度無死角！絕對係愛蔥人士必點！芝士章魚燒~芝士可以做到拉絲效果，經過灸燒之後，更加突顯芝士嘅奶香！加埋美乃滋，簡直係絕配！聽同事講，佢係旺角中心「真‧章魚無雙」同一班底，唔怪得知咁有水準啦！…查看更多

作為粉嶺友一直都支持小店，今晚想清淡地食下粥同腸粉，經過呢度，就畀黃色嘅特色小牆而吸引到，立即加分！親切感UP!雞粥$38~一睇粥底嘅顏色就知道非常夠味，一打開，油香四溢，雞件亦都啖啖肉。招牌腸粉$28~即叫即整嘅腸粉夠曬熱辣辣，而且皮薄多餡，當中有非常開胃嘅菜莆，淋上獨門醬汁，立即將腸粉昇華至另一個層次！生菜牛肉餅湯飯$42~牛肉餅嘅牛味非常香濃同時有口感，絕對唔係粉多過肉嘅行貨！一口一件，非常方便。海豐小米~第一次食呢個小食，外皮晶瑩剔透有彈性，肉餡係豬肉做成，內有微微嘅汁液，鮮味濃郁。現磨豆漿$8~水同豆嘅比例恰到好處，口味比起市售嘅，豆味更加香濃。…查看更多

喺觀塘真係有好多樓上餐廳，只要係好食，自然會識搵上門，朋友一直向我推介呢間Thai Fire,我當然會嚟探店啦！內在環境坐得幾舒服,唔會太迫，睇返價錢仲非常合理！柚子沙律~非常惹味辣度十足，非常過癮！柚子帶酸甜嘅汁可以中和辣味，而蝦都非常大隻,係誠意之作！紅咖哩牛腩配薄餅~薄餅非常酥脆並且熱辣辣，一定要盡快食！配搭上紅咖哩簡直係絕配,而牛腩炆得非常淋！內裏亦夠曬入味。蝦油海鮮炒飯~炒飯份量非常大，當中蝦油嘅香味沾上每一粒飯粒，粒粒分明，證實咗廚師嘅功夫。龍眼冰~龍眼夠曬juicy，份量算多，清甜順喉。班蘭水~微甜且帶有班蘭香味，令人回味。彩虹椰汁糕~每一層都有唔同顏色，呈現出七彩顏色，非常吸引，口感軟糯，打卡一流，值得推介！…查看更多

台式紅燒牛肉麵~牛肉麵湯底非常香濃！麵質實在，牛肉更加係煮到淋曬，將近入口即化嘅程度！麻辣鬼椒肉蛋芝士吐司~肉片帶有微辣椒香,夾上爆蛋黃漿既煎蛋，既juicy又惹味,非常推薦！芝士火腿肉鬆蛋餅~蛋餅嘅餅皮較為煙韌，口感十足！芝士嘅鹹香味道令人欲罷不能，配上火腿同肉鬆更加完美！留咗非常多嘅蔥，蔥香蛋香十足！花枝丸~金黃色嘅賣相已經領人食指大動，炸完不減彈牙嘅口感，加上調味料更加美味！冰火湯圓~湯圓細細粒，一口一粒，方便美味！另外，帶有桂花香嘅刨冰，只係唔微甜，非常啱女仔食！蜂蜜柚子乳酸梳打（主食+$18）+ 柚子梳打（主食+$15）~飲品唔會過甜，而且都係梳打水做基底，有氣嘅飲品，往往比人嘅感覺係可以消暑解渴，啱曬而家嘅天氣飲！…查看更多

用QRCode落單，快捷方便，另有報紙/雜誌外型嘅Menu,夠哂心思😬環境寬敞，坐得夠哂舒服，店面頗大，侍應人數都足夠，感覺招呼週到飲品方面當然要飲泰國最清熱解渴嘅椰青，另外朋友就選擇咗泰式椰奶咖啡，唔會死甜之外，散發出淡淡咖啡香同椰香👍🏻安格斯牛肉船麵~船麵嘅湯底非常濃郁，完全係泰國嘅味道！仲有好多唔同牛嘅部分，例如：牛腩、牛筋、牛丸、牛片....等等，絕對係牛魔王嘅恩物😬蟹肉炒飯~一直覺得拆蟹肉係非常艱巨嘅任務，而且要拆到完全冇碎骨，真係非常考功夫，所以極度欣賞呢個炒飯！重點係炒飯粒粒分明，完全夠曬鑊氣😌蟹膏蝦多士~多士非常酥脆，明顯係新鮮炸起，蟹膏嘅出現絕對令成件事提升到另一個程度，非常鮮味！份量亦都很足夠，滿滿地搽喺三角形上面，大滿足！串燒牛柳~由於係牛柳位置，非常嫩滑，配埋酸酸辣辣嘅醬汁，非常惹味😋…查看更多

朋友推介一間新開嘅泰式火鍋，地點位於沙田，非常方便！一坐低已經見到有我最鍾意食嘅蝦片，夠曬香脆！有鴛鴦湯底（$178）選擇，我哋一個食辣，一個唔食辣，同朋友可以分開兩種唔同口味，兩個都可以滿足到自己嘅需求👍🏻👍🏻👍🏻冬陰功湯底裏面有新鮮大蝦，淨係食蝦都夠曬開心，加埋微辣微酸嘅湯底，夠曬開胃朋友揀嘅椰奶湯底，亦有雞件同粟米......等等配料兩個人食呢個份量就覺得啱啱好！必須要大讚呢四粒丸（$59），每粒都有自己唔同嘅性格，口味、彈牙度都各有千秋，當中會highlight豬肉丸，肉香撲鼻，夠曬彈牙！牛板腱（$148），我會比較鍾意食牛板腱，唔會咁肥，罪惡感即時減半！而且牛板腱嘅口感亦都非常出色，牛味較為香濃。另外，有三款醬料亦都值得推介，特別係中間嘅百搭醬，點咩都咁好食😋手工韭菜餃子（$60）肉嘅份量會較為多，所以會比較飽滿，比例恰到好處！最後自製咗一碗泰式冬陰功河粉湯河😆河粉非常滑，而且夠曬正宗！食完夠曬飽飽😬…查看更多