陳記石磨腸粉

营业中

休息中

作為粉嶺友一直都支持小店，今晚想清淡地食下粥同腸粉，經過呢度，就畀黃色嘅特色小牆而吸引到，立即加分！親切感UP!雞粥$38~一睇粥底嘅顏色就知道非常夠味，一打開，油香四溢，雞件亦都啖啖肉。招牌腸粉$28~即叫即整嘅腸粉夠曬熱辣辣，而且皮薄多餡，當中有非常開胃嘅菜莆，淋上獨門醬汁，立即將腸粉昇華至另一個層次！生菜牛肉餅湯飯$42~牛肉餅嘅牛味非常香濃同時有口感，絕對唔係粉多過肉嘅行貨！一口一件，非常方便。海豐小米~第一次食呢個小食，外皮晶瑩剔透有彈性，肉餡係豬肉做成，內有微微嘅汁液，鮮味濃郁。現磨豆漿$8~水同豆嘅比例恰到好處，口味比起市售嘅，豆味更加香濃。