lemie的个人专页

Surprise~!見好多人講起呢間餐廳，都係講佢裝潢幾 Fancy／IGable，對佢嘅食物質素無咩期望。之前都食過一次 tea~ 嗰次不過不失，不過有朋友一路好想試，就搵咗一日去試真啲佢哋嘅主食～真心有驚喜！先講 menu有唔少選擇，直情令我有選擇困難～ 最後揀咗 香煎帶子芝士忌廉馬鈴薯麵糰 + 餐湯佢先上個湯同蒜蓉包，已經有 surprise～朋友本身無叫，都追加返~然後到主食：香煎帶子芝士忌廉馬鈴薯麵糰呢個香煎帶子芝士忌廉馬鈴薯麵糰一上枱，我心諗，死喇，揀錯咗，好似會好膩！食咗幾粒馬鈴薯麵糰，係好好味，但我仍然心諗，我無可能可以食到底~但估唔到，佢哋配帶子係有意思架~！因為佢嘅帶子係無沾到太多芝士忌廉個汁，所以食一口帶子，完全有種 refresh嘅感覺，於是又可以再食～不過要食得快係真嘅，凍咗就會無咁好味~但整體而言非常 surprise~ 仲要呢個價錢喎~反而係大家好推嘅環境~  可能我哋坐嘅位置喺樓梯附近，勁人出出入入，亦有啲迫，其實並無特別舒適～另外一提係服務，先係我同朋友之前想book係打唔到電話，後尾有日經過，咪諗住直接行入去 book，佢哋同事第一時間就係話，無得walk-in（有啲惡，想趕返我出去咁）跟住我話唔係呀，我唔係 walkin，我想 book 枱。之後佢另一個同事又衝埋來，再講今日無得 book 啦 full 晒，其實正常都唔會撞入來 book 即時啦...我知你哋多人 book ，但係係咪可以有返少少禮貌，問清楚先呢？…查看更多

「喂，我搵唔到間餐廳呀。」喺荔枝角區食過唔少餐廳，呢間一直係心目中嘅 TOP 3 之一。食過好多次，亦成日會約朋友去，不過通常朋友都會 SEND MSG話佢搵唔到間餐廳～ 因為佢其實係喺一間室內 GOLF 場入面。以前貪佢無乜人知，食物質素非常好，價錢亦唔算非常貴（特別係午市）～所以成日都去。但呢兩年佢哋裝修過，似乎亦多咗人識，所以唔止加咗價（以前午市會多啲100蚊左右嘅CHOICE，依家就未必次次都有），LUNCH仲幾乎一定要 BOOK 位先得~ 不過食物質素仲 KEEP 到~~上星期同朋友食LUNCH就同咗佢嚟呢度，叫咗個海澹汁大蝦意粉。出面都有好多餐廳話自己係大蝦意粉，但真係大隻啖啖肉仲彈牙嘅，真係無幾多間。個海膽汁亦非常好味，唔會太膩，但又唔會淡～啱啱好LUNCH SET 仲有湯同蒜蓉包~實際價錢其實唔記得咗，但應該150有找~仲坐得幾舒服~雖然有人話旁邊有人打GOLF 會好嘈，但我又覺得唔會噃，嗰日都同朋友坐走２個鐘。傾得好盡慶~…查看更多

好少出佐敦附近，咁啱嗰日有事做要出去，仲要喺嗰邊一個一逗留一個唔短嘅時間。周圍搵食，但原來嗰邊都有唔少鋪係星期日唔開嘅，見呢間無乜人，個裝修又幾靚，就撞咗入去。一個人食飯，其實環境真係比較重要。因為好想可以靜靜哋睇下書，諗下野。野食好味就係 bONUS~而嗰日係有驚喜嘅~三個ALL DAY BREAKFAST CHOICE都好吸引，最後揀咗中間嘅AMERICAN~有車厘茄，炒滑蛋，焗豆，煙肉，紐倫堡腸，芝士脆皮腸，煙三文魚，芝士大磨菇，BUTTER BRIOCHE車厘茄，焗豆，煙肉，紐倫堡腸，芝士脆皮腸，煙三文魚都正正常常~無乜可能出錯~而個炒蛋係好滑好好味，大磨菇亦係我嘅至愛，加埋CHEESE好夾，但最驚喜係個 BUTTER BRIOCHE脆脆地，口感好唔錯。嗰日有啲原因，無飯 COFFEE~ 叫咗個 CLASSIC CHOCOLATE~不過不失下次一次會再試佢哋嘅COFFEE至於服務，都算好唔錯～雖然因為我得一個人，所以安排咗坐 BAR 枱，但都唔會唔舒服~送餐嘅時候侍應都好好禮貌~ 加分~…查看更多

有朋友住附近，所以好幾年前已嚟過呢間餐廳，當時附近仲未有太多文青cafe，所以呢間店算好亮眼，裝潢有味道，菜式特別。我記得食過佢哋嘅腐乳意粉，好驚喜。有時叫個素嘅意粉，配菜都好好味道。相隔一段日子再來，卻有點失望。Menu上搵唔到特別想叫的。叫咗個蕃茄汁+肉腸嘅意粉 配玫瑰茶味道好普通，就是自己都煮到種程度。茶也是淡淡的。同佢個環境有啲似，好清靜。餐廳在內街，同同區其他排到勁長龍嘅 cafe 相比，佢價錢唔算貴＋環境 okay. 區內街坊去下無妨，仲幾  chill添，如果食物質素可以 keep 返以前水準就更好了。題外話，啲侍應唔知係咪太後生，好多都木口木面，或者會聚喺水吧嗰邊傾偈。無覺得服務特別好.…查看更多

全家人都好鐘意食海鮮, 所以之前母親節, 就同屋企人BOOK左呢間店食蟹, 都有上來爬文見咁多好評覺得應該都會OK. 點知都幾失望...一行4大2小, 上到去見到個場唔算大, 放左好多張大枱, 相當狹窄. 我地嗰日都算早, 而且一早訂左位, 但係即使仲有吉枱都好, 侍應都係安排左我地坐某一枱, 而嗰圍枱嘅櫈係無椅背, 成年人無乜所謂, 但一想到老人家同小朋友要咁樣坐成晚...就覺得唔係咁好. 再三追問下, 侍應都換左兩張櫈畀我地, 但係就係唔明, 隔離枱明明就未有人, 佢又唔換, 要老遠搵櫈, 後來開始多人先知原來係留左枱畀熟客....雖然理解. 但當自己都係客嘅時候... 就覺得呢種親疏有別嘅做法, 其實令客人觀感較差. 不過至少媽媽坐得舒服就算吧.叫左招牌避風塘炒蟹. 上枱嘅時候真係好期待, 因為賣相真係好好. 不過食落就唔係好明點解咁多好評...可能係我地要就小朋友叫左微辣, 但係都不應該至於無味掛...唔辣就唔做任何調味? 而且為了原隻上, 鋪得靚靚, 蟹鉗完全無整碎過, 我地難開之餘, 仲唔係好入味. 雖然多肉, 但係有啲乾, 基本上無乜肉汁... 覺得咁大隻蟹, 有啲浪費呢...咁多個人當然仲有叫其他小菜, 不過都唔係太令人驚喜. 呢個日本金瓜伴野菌...賣相好新奇...但係金瓜同番茄是生和凍的...原棵小棠菜也是不溫不冷. 到底是冷盤定熱食我已分不清楚... 也許是新穎的煮法, 但真的不懂欣賞....我們還叫了九肚魚和蟹黃炒面....雖然沒拍照但也略說一下...九肚魚...在炸過的粉團之下...似乎只有魚皮...量很少. 至於蟹黃炒面....又是賣相很好. 但吃下去... 別說蟹黃味, 是連一般調味都沒有...我們只好把避風塘炒蟹的蒜都撈在一起吃. (還是這才是店家的用意!?) 而其實那些蒜也不是特別惹味. 但總算OK. 不知是不是因為母親節, 客人太多的關係...所以會這樣. 打算之後再去一次, 試真一點. 希望不要再令人失望.…查看更多

跟很久沒見的朋友相約晚飯~ 至緊要搵個就腳又安靜的地方.在金鐘附近返工一直都沒為意這間法式甜品店後也有法國菜~朋友原來更是常客. 地方不算大, 但係好安靜, 可能我地七點前已經入座, 之後先慢慢多人, 所以感覺特別舒服~ 侍應招吸都好適時.兩個女生, 每人點左一個dinner set, 包一個前菜, 一個湯, 一個主菜/意粉, 一客甜品, 仲有餐飲. 價錢劃一368HKD一位,以PP這個地段來說, 可謂非常相宜. 而且同其他差不多價位的食店相比, 佢嘅份量唔算少, 女生食一個dinner set 真係好夠~  一坐底, 侍應就端來面包牛油, 熱辣辣~以下係朋友嘅dinner choice: 湯: 朋友的encore之選, 她說從未喝過這樣好味的洋蔥湯~上次她已經試過, 今次要再點心~喜歡CHEESE的話不能錯過~前菜: 生牛肉他他~ 我自己也試吃了一口, 好味道~ 但更喜歡他們的粗薯條~好香口~ 主菜: 大蝦扁意粉. 本來覺得這種菜式其他地方都有, 沒什麼特別, 但朋友分享了一口蝦給我, 很鮮味也很彈牙~ 雖然菜式不算特別, 但也真的烹調得很不錯~之後就到我的Dinner choice:前菜: 鴨肉批. 這是整晚唯一比較失色的. 雖然這樣的肉批也很特別, 但我本身不太喜歡軟軟的口感, 所以只能說是不合口味. 而非這道菜本身有什麼問題~湯: 龍蝦湯. 話說最近很想食龍蝦, 所以即使朋友如何推薦洋蔥湯, 我也決意要這個~ 不負期望~ 龍蝦湯不單味道濃郁, 而且口感好rich, 加上有些龍蝦肉在當中~ 這倒成了我的encore之選~主菜: 法國黃雞. 話說因為前陣子身體抱恙, 好一陣子沒有吃雞肉, 這次看到特別的煮法, 就試試看~ 一道菜有兩種煮法. 香煎和慢煮. 香煎的部份算是正常一般的口味, 而且選了嫩口的部份, 味道不錯,但就是不會有太大驚喜. 慢煮的部份, 用了我喜歡的雞胸肉. 啖啖肉, 但很多人都怕雞胸肉不夠嫩滑,但也許是慢煮的關係, 這道菜處理得很好. 加上醬汁配合, 絕對加分~!最後是甜點的部份:朋友說她上次可以自選, 但這次侍應很快便端來兩件甜點, 我們見反正都沒試過便沒再問有沒有其他選擇~ 我不太好甜吃,所以下面那件帶點苦味的就很好~ 上面那件應該比較適合有兩個胃的女生吧~…查看更多

最近公司搬了去金鐘一帶，想有多點午飯的選擇只好走遠一點去灣仔。朋友介紹這間糙米家，說難得健康之選，特別推介吃他們的湯飯。不過，第一次去吃的時候因為太餓，所以點了南瓜豬扒糙米飯。可惜飯菜到了，有點點失望……米飯的確滲進了紅米，本來在家就常吃，所以沒有覺得太硬，豬扒也一貫茶餐廳水準，並不難吃，但重點就在於「茶餐廳水準」——用了不少油，加上南瓜汁相常濃稠，伴菜就是超頹的白烚椰菜，雖然椰菜的營養價值不低，不過對比起來，份量不多，完全做不到多菜少肉的健康效果。（用汁撈飯本身就不太健康）然後，眼見朋友那碗湯飯有魚有菜，有菌類還有脆肉瓜，看上去清淡得多，似乎更健康，於是相隔一周左右，就自己再去一次。不過，又是失望而回。湯飯看起來還是很清淡，但吃下去，竟有濃郁的味精味。也許是平日都吃很清淡，所以對味精、鹽油特別敏感。而且外出都不會點飲料（熱檸水除外），叫了侍應拿水也沒有到（大抵是午飯時間太多人，顧及不了），所以越吃越鹹……步出餐廳時，不禁想，健康除了食材還包括很多東西，例如是調味、烹調方法等等，絕不是用了紅米就等於健康。不過當然，也的確比茶記會好一點，只是對於本身已吃很清淡的人來說，也許仍然不足夠呢………查看更多

香港食日本野嘅餐廳多到數都數唔晒，日式西餐都有好多選擇～但係西式日式Fusion菜又好似比較少有．嗰晚同 Farewell 舊同事，揀左呢間稚內日式創作料理居酒屋，位置唔算僻，但因為同酒吧做鄰居，有幾個朋友都行過左都唔知，但估唔到食落有啲驚喜，已決定擇日Encore。嗰日雖然係星期一，但小店都係訂位安全啲，所以去到唔洗等就入得，間鋪座位唔算多，開始仲覺得幾迫，但由七點半坐到Last order十點半，又覺得OK喎～而且我地因為等埋朋友所以都坐左一陣先落單，佢地都催我地要叫野食，反而仲幾熱心介紹有咩推介。【極上刺身盛】就係店員推介，的確唔錯，上嘅時候仲有乾冰嘅煙，好鬼有氣勢。我地傾得興起，食得有啲慢，但店員都會提醒我地要趁早食，而無比我地感覺係催我地～【鴨肶蒿麥麵】係最後我地忍唔住加單叫的，係11月限定嘅menu，鴨肶炆得相當稔，唔怕難分。加上蕎麥面係我至愛，所以特別喜歡呢一道菜。加單其實仲加左隻燒春雞，不過無影到相，佢釀左啲薯仔入去，好入味！我地走左之後醒起無影到大合照，走番入去問店員，店員都好好咁幫我地影相～！味道OK服務又OK，埋單又唔算貴，絕對值得Encore。…查看更多

成日上openrice搵好野食,但從來未試過有種衝動要自己寫番篇,估唔到第一次係比左呢間明師傅.不過唔係因為好食...而從未食過咁難食嘅糖水. 自問食野嘅要求唔算高, 嗰日都不過係同朋友睇完戲, 想搵個地方坐低傾下偈,,,見隔離嗰間"名店" 超多人, 就諗住試下隔離呢間明師傅,,,我同另一位朋友同樣叫左海底椰西米露,,,不過佢上枱嘅時候我以為自己叫左碗豆漿...因為就咁睇,,,,喺波平如鏡嘅碗面, 我幾乎睇唔到配料,,,用支匙羹撈一撈....hmmm. 都有西米露,,同海底椰嘅...不過成碗野稀到呢...隨便一"不", 係唔擔保你會撈到西米ga.....之但係比你撈到....你都會好疑惑...到底食唔食好......因為有啲西米係一舊舊...... 賣相極度反胃....唔食西米露,,,咁食下海底椰啦....errrrrr....講真, 叫海底木椰係貪佢有嚼口...但係呢間野嘅海底椰,,竟然可以入口融化,,,好似啫喱咁..食左兩舊我完全唔知自己食緊啲咩....已經完全放棄...作為食客, 食到啲咁嘅野, 感覺好不被尊重...…查看更多

呢幾年深水埗、長沙灣開左唔少Cafe，好似多左好多地方hea，不過始終都好難搵到一間真係好舒服，可以慢下來嘅地方。知道長沙灣開左間柚子做主題嘅Cafe，位置偏僻，所以諗住去試下。因為間鋪對住內街，所以一時唔為意都行多左個街口，不過就算偏僻，可能因為始終都係細，加上食晏時間，所以去到嘅時候都幾乎滿座，只能坐在吧枱，其實無所謂，有啲陽光，仲幾舒服TIM。不過，可能因為始終唔夠空間，喺吧枱對住無乜人嘅街，有陽光曬進來，好想好好享受嘅時候，後面嘅人聲卻此起彼落，有點剎風景。（都明唔關店主事，只怪香港真係好多人…）食物方面，基本上選擇唔多，主要係兩款All Day Breakfast，同埋各款多士（店用「吐司」，但梗係覺得「多士」感覺親切啲）。因為唔想食煙肉，所以叫左呢款素嘅ADB。有炒雜菇、茄汁豆、炒蛋、沙律同多士，咁就68蚊，其實以ADB來說價錢OK。不過呢，佢跟餐只配黑咖啡……對於唔飲咖啡嘅我黎講，就只可以加錢配其他野飲。既然黎得柚屋，梗係點柚子類飲品，今次點左柚子茶。不過咁樣一加，成個餐變左九十蚊。到佢送到過黎嘅時候，不禁覺得份量有點少。女仔一個，正值Keep Fit中，所以尚可。而且味道不錯！猶其喜歡炒雜菇、沙律同多士。但可能就係份量欠了那一點點，尚未有那種「好滿足」嘅感覺。又因為冷氣開太勁，食物凍很快，柚子茶都變凍飲了。可惜。但過程中見到都有唔少客人同店主好好傾，相信係熟客仔。小店就係有呢種好。臨走時見到店主捧左甜點出來，似乎係柚子嘅蛋糕，諗住下次要試下～…查看更多