sunnycity的个人专页

好多人都話依度的野唔好，我幫襯過好幾次，覺得有為它平反的需要。44.9元任食壽司，冇錯的飯算大左的，飯味也普通，不過配料都唔差，以呾價錢真係唔可以奄尖。不過我比較喜歡個$118放題，除佐刺身重有個火鍋，最仲意個火老天婦羅，好大的炸蝦，魚生都唔錯，我覺得咁價錢真係好抵食。我係去柯士甸道個間，氣氛好好，唔會好嘈。一分錢一分貨，如果你鐘意食日式食物，唔想太貴，又唔需要排場，我真心推介給你。…查看更多

之前有朋友係度包場，覺得幾好，今次特別來試試晚飯如何。個晚客人唔多，得幾檯都唔夠十個人。最特別係有人唱歌，唱的係經典中英文歌，唔會太大聲，夠晒浪漫啦，的人都好靜咁食飯。而家一般餐廳都好嘈，可以靜靜地食餐飯都係一種好享受。兩個人各點左個中式套餐（西式套餐係焗飯意粉類太普通啦）一個三杯雞同埋個咕嚕班球，連湯連飲品，飲品有花茶同一般啡茶個類，我地叫左兩種唔同花茶，每種用個壺載住重可以加水，幾得意。湯只有中湯沒選擇，兩碟小菜份量都夠，味道都算ok，樓上cafe不會有太高要求。服務人員唔多，不過服務態度幾好，起碼唔會見到成班伙記係度吹水。埋單每位連加一唔使一百蚊，本來都幾貴，不過有歌星唱歌，有咁靜局環境，咁就唔算貴啦，太平就會變雜左，都係咁樣好。只係生意咁淡靜好難賺錢，朋友話依度成日都包場，所以影響左平時生意，佢黎幫襯要先訂位，如果唔係就分分鐘撞正包場。真係另類地方。…查看更多

食店外觀不錯，裡面除了稍嫌溫暖了點其餘都不錯。今次是第三次光顧覺得值得推荐一下佢地個二人套餐真係抵食。上一次是下午茶時段食，己經覺得好好，今次食午餐，居然都可以$98元食依個套餐，真係相當超值。每人一個花旗參炖雞和瘦肉，味道唔錯。一個青菜，任選兩個點心，我地選左蝦蛟同燒賣，再選一個主食，我地叫個鴛鴦炒飯，再送甜品杏仁露。埋單$98元加一。我認為以地區和品質都算超值，無其他名堂收費，當然再加茶錢，都好抵食啦。…查看更多

最近光顧了不少酒唐餐廳，沒有特別值得推荐的，但是到了今天碰到這間餐廳，實在是歎為觀止，值得大書一筆。由於工作關係八點半才到達餐廳，因為知道供應到九時半，根據經驗用餐一個小時是足夠的，因為雖然不供應食物，但仍然可以食甜品和飲品，反正不是食得太多，到酒店式餐廳食自動餐，是因為夠格調，服務好，比較安靜。查詢時說明是營業時間到十二時，所以想著食完食物可以嘆杯茶，再享受一下甜品也不錯。論食物真的乏善可陳，阿拉斯加蟹腳算最有水準，三文魚品質太差完全不想碰，看那些切出來的純紅色半點油都沒有的好極有限，拿了一些蜆類，大部份只有殼或者打不開，是不新鮮証明。翡翠螺還好，最離譜是要拿珍而重之送賭的半邊波士頓龍蝦和鵝肝。龍蝦不吃絕對不是損失，完全淡而無味，我們四個人只吃了三客，剩下的一客沒有人敢要，鵝肝珍貴得像半片香口膠大小，過熟也由於太薄根本不合適食用，相信新鮮雞肝會更好味，三百多元的自助餐，送一片較似樣的鵝靬不為過份，否則不要供應更好。說實在今晚只選了蟹腳，燒蝦（不新鮮難食），少許壽司，三文魚粥，魚蛟( 豬骨湯得個鹹字）少許菜，其餘的因為太普通了都不想吃。本來也可以啦，因為吃自助餐本來就是喜歡看各種不同款式種類，不太計較，最多下次不來光顧。由於邊談邊吃吃得較慢，加以本來就準備一個小時內就吃完，然後慢慢享用甜品和飲品。不過九點十五分水果類欠奉啦，九點半Haagen-Dazs雪糕停止供應，要食就食細杯雀巢雪糕，當然是罷食啦，飲杯茶啦，只見伙記己用車急忙把飲品收起，我匆匆拿了一杯茶再從伙記的車上拿了二片檸檬。算是有杯飲品。最精彩的是九點半一過，頭上部份燈熄了，暗示請君離開？我們問伙記幾點打烊，答說十二點，那為什麼要關燈?伙記要答不答的沒有行動，經理來了也沒有表示什麼，在我們堅持下才勉強開了燈。在大伙兒趕收工氣氛影響下，九點四十五分只剩下我們一桌。當然我們也很識趣離開。值得一提是這裡埋單效率是很高的，九點十五分全場埋晒單，然後一心一意清場行動。從頭到尾一個鋰頭花三百多元一位食這樣的一頓自助餐真的是嘔血。如果是九點半開始趕客，而宣稱營業至十二時，真的有欺騙成分。我可以原諒食品粗劣，但是這種服務態度和行政處理方式真的難辭其咎。我真的不知道怎麼有食客說這麼服務不錯，就今晚所見只有一個廚師表現不錯，其餘的真是不相上下的一貫關人屁事態度（包括那位究制服的經理）真是近期最最最最勁差號的一間餐廳。光顧前請三思，如果有我一般氣憤不平的，你會高興我替你出一口氣吧。…查看更多

雲吞麵名店之一，最近在旁邊又開了一家類似的麵店，一碗收費$28元。我是故意光顧完旁邊那家再來品嘗這家老店，這裡賣$24元一碗，本來很多人說份量少，但比起旁邊那家己大一些。譙味道各有特色，都相當優良，旁邊那家的雲吞完全是號蝦肉，這裡就有些豬肉，感覺沒有那麼寡，而且更道地有嚼頭，我比較喜歡，湯底旁邊那家較濃，但這裡也不錯，麵條大家相若，旁邊那家較硬有嚼力，我認為都不錯，只是收費$28元太貴不值得。以前聽這家老闆說每年都會加價，好像太狠了點。麥文記也有缺點，換了個師傅就差了，所以一定要大師傅在才保持水準，有時真的吃到很一般的麵，可能是晚上太夜幫襯會撞到替工，麵會煮得太淋，不過我還是很喜歡這家的麵。…查看更多

不止一次黎幫襯，領佢唔係好嘈人比較少，唔使爭到煩。最喜歡依度的咖喱蟹，好好味，的汁撈飯食都好正。的糖水好多選擇，鐘意雪梨雪身同埋腐竹糖水。燒烤料好入味，種類也夠多。可能我唔鐘意同人逼啦，覺得依度真係可以慢慢食，好自在感覺。價錢都算合理。…查看更多

最近好多朋友攪p，依度係第一次黎，幾好呀，地方夠大好有氣氛。去過咁多樓上cafe依間好似最多空間，可能因為唔係擺到滿檯，全場大概只有十張檯，空間好多唔會逼。有一大塊空地仲可以玩遊戲，有卡拉ok（的歌都幾多架）但音響就好正，聽講好多人係度開小型音樂會，連超級巨星幫同埋星光成員都黎開過音樂會。不過只有數碼鋼琴，如果有多套鼓就更方便啦。講番食野個晚我地廿幾人有三盤飯意粉，瑞士雞翼，波羅腸仔，焗西蘭花，鮮果沙律，咖喱角著條，重有三文治，好多野食，重有橙同布甸甜品，大家都食得好飽份量真係幾夠，最抵讚係夠熱夠新鮮。原來真係即煮所以咁夠味。稍嫌甜品種類不夠多，多的選擇就更好啦。飲品有花茶同汔水果什類，任飲不過要用番同一個杯，雖然環保就麻煩左的。不供應酒精類飲品不過可以自己帶，都幾好。設備幾齊全連投彰機都有，不過要俾200呅，我地用佢地個電視機放poweRPoint就唔使錢。服務都唔錯，起碼唔會俾面色你睇，問佢乜野都好耐心幫手，真係算咁啦。每位收138全包無加一，算合理價錢，去過好多間包場cafe，我會推介依度。…查看更多