糖圈的个人专页

約咗三五知己食晚飯，雖然個個都話要減肥，結果呢⋯⋯個個都提議食d肥膩野。行吓行吓見到有個身材勁fit既靚女响到食漢堡（壁畫^0^），就決定衝入呢間餐廳食晚餐勒。Burgeroom之前都食過,上次食軟殼蟹漢堡經已覺得嘆為觀止，今次當然都唔例外。餐廳環境整齊乾淨有格調，環境幽暗寧靜卻不帶拘束感覺，一班朋友用膳傾計適合不過。Ohohoh~竟然有檸檬啤飲！之前响德國餐廳飲過一次，嗰種香氣同甜味到而家都仲好回味，真係好想飲呀！可惜最近皮膚實敏感實在太厲害，為咗避免爛面，唯有忍吓啦。我會返嚟架檸檬啤，等我呀⋯⋯OMG!原來Rose唔係淨係紅酒嚟，仲可以係啤酒。真係孤漏寡聞，所以有時間真係要多d出去見色吓。結果呢我揀咗Snapple，有好多口味可以揀，都唔錯0Y叫左個魚柳手指做餐前小食，上枱時熱辣辣，一口咬落外脆內軟，魚柳質感實淨又濕潤，好好味呀主菜叫咗鵝肝牛肉漢堡，超好食，真係有相逢恨晚既感覺！鵝肝入即溶，非常甘香。塊牛肉好厚呀，咬落又嫩又juicy，實在太太太好味勒！漢堡仲配埋沙律菜上，食飽又可以消吓滯，消咗滯又可以再食過，果然係最佳拍檔。…查看更多

今日落區做野，俾我响太子舊區發現到呢間卓爾不群、門面光鮮亮麗既餐廳，就俾佢出眾既外表吸引左入去。餐廳內既裝潢舒適簡約，乾淨整潔。而且設有吧枱座位，好有日式居酒屋既感覺。我覺得有吧枱位最大既好處係一個人食野都唔會覺得尷尬。服務方面真係冇得彈，d服務員真係非常主動又好笑容，教我點燒牛肉，又頻頻加茶，食完又拿拿淋清潔枱面，等我同同事坐得舒服d，真係好體貼。琥酌主打食吉列牛，有三個套餐可以選擇。飲品方面有特色口味既手工啤酒，有平時比較少見既口味。其實好想試，不過食完飯仲要做野就冇試勒。食物方面叫左個美國安格斯牛吉列套餐，賣相都唔錯。有個搓成一個波既龍蝦薯仔沙律，本菇漬物，麵豉湯，温泉蛋，同木魚片配白飯。隻温泉蛋可以點燒過既牛肉食，或者用黎撈飯都得。我就鐘意撈飯食，撈完d飯又滑又有蛋香。問過服務員其實d牛肉係可以生食既，不過燒一燒就會香好多，所以都建議我哋燒過先食。自己燒既好處係你鐘意燒幾生幾熟都得，想食嫩d嘅就燒短d時間，鐘意有𡁻口既就可以燒熟d。d牛肉冇乜脂肪，食落都唔覺得肥膩，肉香都唔錯。燒好既牛肉可以醮芝麻汁、芥末沙律醬、柚子醋、岩鹽、芥末或者柚子芥末食。各有特色，我就最鐘意柚子醋，酸酸地，開胃解油。…查看更多

今晚早收工，同事話要帶我去間有舊香港風味既餐廳吹水食雞煲。入到餐廳，d桌椅擺設好似以前d冬菇亭咁，真係令人十分回味。牆上掛左d富香港特式既掛飾，仲有九龍皇帝大字書法，好有心思。尚上下夏嘅雞煲竟然可以揀部位，鐘意雞味濃既可以揀雞件，鐘意啖啖肉既就可以揀雞胸，鐘意嫩滑雞肉就可以揀雞脾，好正好體貼！個雞煲非常惹味。花椒、八角同乾蔥又麻又香。除左嫩滑既雞肉，個煲仲有煮到入哂味既豬皮，真係好滋味，食到停唔到口。今次真係「話決心減肥，卻在食雞脾。」勒。食完個雞煲就加左個瑤柱群翅雞湯打邊爐。先嚟個手切極品靚牛皇。油脂分佈均勻，又滑又香。:)油炸鬼墨魚滑又幾鬼特別喎！脆卜卜既蟹籽，索哂火鍋湯汁既油炸鬼，加埋少少彈口墨魚滑，多重口感，好過癮呀！手打四寶丸有豬肉丸，墨魚丸，鯪魚球同蝦丸。手打丸結實彈牙，不錯！自家制即炸響鈴，真係熱辣辣上枱。侍應教我哋淋d汁上去食就得，響鈴炸得超級鬆脆，好好食！我最鐘意呢個四川苕粉，滑嘟嘟，口感煙韌，索埋美味既湯汁勁正！ 佢哋仲有樽裝可樂，真係好有舊大排檔風味。…查看更多

上班一族成日食無定時、OT挨夜，經常外出食飯，平日食埋食埋唔少油膩、重味精嘅食物，攪到腸胃皮膚差哂，容易滿面暗瘡。上星期朋友就帶左我去食健康好味既私房菜，餸菜健康少油，食完仲唔會覺得口渴，相信没有加味精。由於菜單由師傅發板，菜單會根據人數而有所不同，所以需要提早預約。若果有食物敏感或特別要求，可以預先通知餐廳。進入餐廳，環境光猛整潔。除咗大廳外，仲分設數間廂房，私隱度高，又唔怕嘈到其他人，好適合大伙兒聚餐。大白菜豬肺湯— 真係好足料呀！個湯清甜好味之餘，d湯渣都好好食。紅蘿白又嫩又甜、豬肺洗得好乾淨，豬肺口感Q彈，份量仲好多，真係好好味。呢個湯而家呢個天時飲最適合不過，清熱潤躁又下火。花雕蛋白蒸蟹— 一般用花雕煮做既餸煮完都只剩淡淡酒香，但呢個花雕蛋白蒸蟹酒香撲鼻，卻不帶苦澀味道，肉蟹肉質飽滿結實，蛋白吸收咗肉蟹既精華及酒香，鮮甜滑溜。糟滷桂花魚片— 師傅好刀功，將桂花魚切成一片片冇骨魚片，片片連皮、完整均勻，賣相甚為吸引。火喉控制亦非常到家，魚片没有過熟老身，滑嫩入味。配上又滑又爽口既貓耳仔，正！上湯腿片津白—我最鐘意呢個餸，出奇地好味。腿片大大塊，唔係淨係得個樣架，淆到個上湯勁清甜好飲，津白又嫩又甜，索哂d湯水好滋味！蒜蓉蝦籠仔蒸飯—好足料呀，d蝦鮮甜彈牙,飯粒雪白分明，又軟又有飯香，配撘蒜蓉食經已好好味，加埋甜鼓油真係冇得彈。最後仲有芒果布甸做甜品，十分滿足。飯完餐飯完全冇覺得口渴，讚！…查看更多

從來冇去過咁差既酒樓！去到茶樓，壼普洱一倒出黎勁淡色，而且淡而無味。因為我遲到既關係，仲以為係泡左幾次所以先咁淡色，後來先知我飲既原來係第一浸茶。好明顯用舊茶包扮沖新茶，非常嘔心！後來同茶樓職員講，佢首先話係放錯茶包，然後聞一聞佢都話係用舊茶包沖既普洱，換左壼用新既普洱俾我哋，呢壺當然有色有味，我更加肯定嗰壺係用舊茶包沖既。雖然有道歉，但做飲食做到咁無良心，真係好差。肯定冇下次！…查看更多

大約一年前食過銅鑼灣既極尚大瀛喜，因為價錢吸引，款色多、味道又好，所以當時經已對呢間餐廳留低左好好印象。一年後同朋友再戰呢間極尚大瀛喜，水準依然，能夠一直保持咁好既水準實在非常難得。佩服！一入到餐廳，服務員就會好有士氣咁用日文講歡迎光臨，氣氛活潑熱鬧。另外，服務亦十分好，侍應除咗有禮貌亦相當主動，上菜時仲會提我哋趁熱食，好窩心。餐廳以卡位為主，座位寬敞、餐桌廣闊，十分舒適。飲品方面選擇勁多，凍飲足足裝滿四個凍櫃，仲多過去便利店，真係令人目不暇給。除左一般汽水、紙包飲品和茶外，仲有清熱酷、蜂蜜雪梨茶、黑豆奶⋯⋯酒類飲品亦至少有三款。呢罐蜜桃酒真係好好飲。自助區有涼伴小食同熱食。大推黑松露炒什菇同炸蝦餅。黑松露炒什菇香氣撲鼻，爽口味美。炸蝦餅唔會硬實實，juicy好味道。放題方面上菜非常迅速。刺身新鮮，鮑片同甜蝦尤其鮮甜。芝士鰻魚玉子燒，口感和味道出奇地撘配，又香又甜又好味。椒鹽左口魚裙邊油香勁重，入口即溶，齒頰留香。鹽燒三文魚同樣肥美好味。鵝肝帶子壽司味道濃郁。串燒醬燒八爪魚有濃濃咖喱味，甜甜哋，爽口惹味。天婦羅脆漿夠薄夠脆。巨型蟹柳夠派頭，蕃薯仔又甜又好味，仲有健康清新既秋葵。一邊吹水，一邊以唐揚池漁仔一邊佐酒，正粟米蟹粥，蟹件大大隻，清甜好味。炒有機什菜好好食呀，用蔴油炒過既什菜超香，火喉剛剛好，脆卜卜，正。甜品有糯米滋、心太軟、糖水同雀巢各款雪糕雪條。我就唧咗乳酪雪糕加爆珠棉花糖作完美結美。…查看更多

最近食放題是上癮，貪佢俾一個經濟價錢就可以刺身、壽司、串燒、熱盤、鍋物同甜品樣樣食勻。又可以冇限𣈱飲，啱哂一班朋友一齊食飯吹水，真係傾到口乾都唔怕。今次黎到銅鑼灣既大喜屋竟然有意外驚喜，放題竟然有海鮮凍盤，仲要有長腳蟹！長腳蟹味道鮮甜，凍蝦亦口感彈牙，好味。壽司方面不得不提呢件龍蝦膏甜蝦壽司。係唔係真龍蝦膏就無從得知，但d蝦膏的確甘香不帶腥味，配上口感粘粘、味道清甜既甜蝦，蝦膏味道更為特出，非常撘配。另外，香氣撲鼻既黑松露配口感紮實既油甘魚亦不錯，從此柚子芥末唔再係配油甘魚的唯一選擇。串物特別推介牛舌及燒菠蘿。爽口既牛舌油香味美；菠蘿鮮甜多汁。兩者都燒得恰到好處，賣相甚為吸引，師傅好功力！除左海鮮凍盤，另一驚喜係放題竟然有雞煲！雞件没有雪味，雞煲內放入不少香料及配菜，惹味醒胃。如果唔怕肥，識食既一定係食雞煲內索哂美味醬汁既豆卜。甜品方面季節限定既係哈根大師既接骨木花黑加倫子雪糕。我就揀左milk top 既手製鹽味雪糕。牛奶味道超香濃，口感亦相當幼滑，喜歡牛奶的應該會十分喜歡。…查看更多

今日來到位於銅鑼灣既burgeroom享用午餐。餐廳裝潢以金屬及水泥為主，設計粗獷型格。再配上柔和的燈光及木桌，美式工業風格濃厚卻帶點温暖的感覺。餐廳更設置露天茶座，風和日麗時亦可享受寧靜悠閒的時光。Burgeroom 既漢堡款色超多。除左較普遍的牛肉及魚柳漢堡外，還提供軟殼蟹漢堡、吉列廣島蠔漢堡，吉列大蝦漢堡、帶子漢堡及龍蝦漢堡。想食得再奢華d，部份漢堡更可加配鵝肝。真係睇見餐牌經已流哂口水。雖然burgeroom既牛肉漢堡肉汁豐富經已出哂名，但見到個餐牌之後都係受唔住誘惑想試吓個軟殻蟹漢堡。隻軟殼蟹有我塊面咁大，第一次見咁大隻軟殼蟹。打開個包一睇，隻蟹果然係連蟹蓋帶膏，係如假包換既軟殼蟹。軟殼蟹炸得外脆內軟，蟹鉗肉質飽滿，蟹膏甘香。漢堡配上生菜蕃茄，減低了油滯感。而且沙律醬汁分量適中，不會遮蓋軟殻蟹的味道之餘冇咁肥。小食點了香辣雞翼。雞翼外皮炸得酥脆，雞肉嫩滑而且非常入味。雖然是香辣雞翼但味道不會很辣。好好食，個人認為是必點之選。飲品方面點了蜜桃果茶。果茶內真的有蜜桃果茸，蜜桃味濃郁，甜度適中，非常清新，又一必點之選。…查看更多

日式放題餐廳在香港比比皆是。在花多眼亂的情況下，要找到一間便宜有質素的放題餐廳通常只能碰碰運氣。幸好有朋友出手相助，勁力推薦到旺角的大滿喜用膳，果然店如其名，令客人食到滿足又歡喜。大滿喜環境設計簡約跳脫，卡位梳化座椅舒適，枱面寬闊，唔怕唔夠位擺放食物。雖然上菜速度非常快，但熱食送來時均是熱騰騰，絕對不是一早預備好閣在一邊等上菜的假熱盤。更值一讚既係没有出現漏單情況！飲品方面種類不少，各式茶品應有盡有。綠茶、烏龍茶、解茶，連雨前龍井都有，啱哂唔想飲水又怕肥既女士。其他飲品有啤酒、雪梨茶，芒果汁、汽水、荳奶、各式紙包飲品，較少見既石榴茶、椰青水⋯⋯多不勝數出面有個小食枱，多款小食擺放整齊乾淨，絕對放心食用。春卷外皮脆口，裏面既蝦膠饀料煙韌富豐，好味。雞翼肉嫩惹味。喜歡刺激的可以一嚐口水雞翼，正放題方面有刺身、壽司、手卷、天婦羅、燒物、炸物、串燒及鍋物。落單紙圖文並茂，絕對係有圖有真相。同d唔識中文既朋友嚟都唔怕佢地唔識點菜，一樣可以隨心所欲揀自己喜歡既食物。刺身上枱時煙霧瀰漫，甚為吸引。而且冇最怕既上枱時墊底冰已溶的情況。刺身出奇地新鮮，魚生及蝦刺身均没有腥味。象拔蚌爽脆鮮甜、三文魚及蝦刺身質感軟滑、劍魚腩油脂豐富爽口，油甘魚柔滑結實。手卷細細支，唔怕食飽個胃食唔到其他野。大推三文魚籽手卷、三文魚籽脹卜卜，新鮮冇腥味。壽司方面亦不遑多讓。炙燒魚背和燒牛肉甘香，軍艦壽司紫菜脆口，卷物款式特別。炸物方面特別推介紫心炸芋丸。外脆內軟，煙靭黏連，口感非常之好，而芋頭饀則香甜不漏。雖然是炸物，但一點也不覺油膩。燒蝦鮮甜，肉嫰彈牙。牛舌厚切爽口美味。蟹粥內有一隻奄仔蟹，由於奄仔蟹糕豐富，把蟹糕挖出後攪勻粥底，實在甘香美味。甜品方面有雪糕、乳酪、雪米糍、豆腐花、啫喱同蛋糕。仲有個開心角落任加糖漿、啫喱糖及朱古力落乳酪、雪糕上。正因為17:30入座的關係，一位只係210蚊左右，實在價廉物美，非常抵食，滿足歡喜！…查看更多

今日經過位於西環的西香記，就被其張貼在門口的廣告吸引，決定進去享用午餐，一嚐陝西菜的大西北風味。西香記為小店一間，裝潢簡樸。點菜形式是先到櫃臺點餐、付錢，然後取餐。上菜速度快，絕對係趕時間又不想吃平凡快餐的不錯選擇。服務方面，服務員願意耐心解答問題，和善有禮。西香記的菜式貴精不貴多，主要分手工麵、小食、肉夾饃及涼皮四大類。今次叫左一個小食、一個肉夾饃同一個麵。麻辣口水雞既雞肉肉嫩味鮮，麻味温和，椒香味濃樸鼻，加上芝麻增加了整道菜的香氣，開胃好味。孜然牛肉夾饃係比漢堡包更好味更健康的中式漢堡。烤過的包外層酥脆，內層軟熟有咬口。內裏夾了孜然牛肉及青辣椒。小茴香氣味芬香濃烈，牛肉入味濕潤有嚼勁，青辣椒略帶微甜，辛香獨特，非常惹味。手工油潑扯麵的味道和質感亦是相當好。麵上的豬肉粒雖然帶有肥肉，但肥肉口感Q彈，完全没有肥膩的感覺。肉粒醬汁辣味香濃，撈勻後扯麵亦好入味，麵質口感滑而煙韌，令人印象深刻。咁好味，肥d都抵！第一次食陝西菜，西北風味果然濃厚。口感突出，食物好味飽肚，而且價錢合理，上菜迅速。實在係趕時間時用餐的好選擇。…查看更多

今晚來到了最近享負盛名既御前享用晚餐，果然真材實料、名不虛傳，聞名不如見面。餐廳氣氛十分熱鬧，雖然人頭湧湧，也沒有感到過於焗促擠迫。日式佈置簡約有特色，還設置箱房適合多人聚餐。無論三五知己，或是多人聯誼，到御前都會是不錯的選擇。雖然御前主打海鮮燒烤，但所提供的前菜及飲品卻琳琅滿目，絕不馬虎！飲品方面除左各式氣水及紙包飲品外，還提供荔枝紅茶，冬瓜茶、峰蜜綠茶和難得一見既奇亞籽飲品。除此之外，更有老牌涼茶，自家靈芝雞骨草及羅漢果茶以供降火，十分體貼，真係燒幾多野食都唔怕熱氣。前菜方面有螺肉、八爪魚、泰式鳯爪、壽司卷物，仲有老火湯。不過為了留肚食磯燒海鮮，就没有一一品嚐了。主菜出場，餐廳首先會奉上一個海鮮併盤。併盤有大蝦、巨型蟶子，海螺、鮑魚及蟹膏甲羅燒。磯燒海鮮，原汁原味，賣相經已冇得輸。每桌都設有海鹽、清酒及七味粉供調味。值得一讚的是服務員在百忙中仍會主動過來落手教我們怎樣燒，實在難得。鮑魚非常新鮮，反轉燒過後的鮑魚邊十分甘香惹味，鮑魚肉則爽口鮮甜，讚。至於蟹膏甲羅燒，鮮味濃郁，配飯一流。燒大蝦有幾香真的不用多說，蝦肉肥美彈牙。個人認為超甜粟米是必點之選，好味程度令人再三回味。巨型蟶子仲高過罐飲品，認真真材實料，童叟無欺。好鮮甜呀！若果一個海鮮盤不夠，還可追加蝦及貝類等食物。我們追加了黃金蜆及刀貝，鮮甜好味，又有嚼勁鍋物點了清酒煮蜆及海膽蟹肉粥。海膽蟹肉粥好甜，又一不能錯過的推介。除了磯燒食物，仲有刺身壽司，各式串燒、天婦羅小食任點任食，真係可以大快朵頤。壽司款式不少，賣相及味道都不錯，軍艦壽司及手卷的紫菜上桌時仍然爽脆。飽嚐一頓之後，呢個故事還未完結，因為仲有最重要既甜品環節。實在太厲害勒。甜品有雪糕、甜筒、大腳板、脆皮雪條、乳酪、雪米糍、生果、豆腐花，仲有各式自家制甜品。二百幾蚊就可以任意品嚐咁高質既美食，實在超值，難怪友人要登門造訪才book到位。…查看更多

寒冷天，吃火鍋絕對是好友晚飯聚頭的不二之選。火鍋店比比皆是，要食到好味有質素既火鍋，事前當然要做吓功課，捐窿捐罅，才可尋找到隱世美食。 今晚和朋友來到享用晚餐的漁火海鮮刺身火鍋店，絕對是誠意用心之作。進入餐廳，環境雖小，卻没有焗促的感覺。反之，柔和温暖的燈光，乾淨整潔的環境，樸實雅緻的食具，寬敞舒適的座位，勤快有禮的服務員，新鮮具創意的美食，絕對令我和朋友留下了極佳的印象。非常喜歡用來盛大勺子的器皿。一般去打邊爐，大勺子都是放在餐墊紙上，冇咁衞生之餘仲會弄髒餐墊紙，非常論盡。有咗呢個盛大勺子的器皿，既唔會弄髒枱面，亦唔怕枱上細菌污染勺子，乾淨衞生，值得一讚。湯底方面有多款選擇。有矜貴的、惹味的，清熱潤肺的和滋補的。配料方面則貴精不貴多，勝在用料上盛新鮮。另有刺身小食可供選擇。湯底方面點了胡椒白果豬肚煲。湯底除了豬肚，更用豬骨肴煮呈奶白色，分外鮮甜。另加入白果、唐芹和白蘿蔔。白果益肺治咳，唐芹脆嫩味道香濃。白蘿蔔鮮嫩不帶根，吸收湯汁後味道清甜，超讚。順帶一提，食火鍋中段，雖然湯的油份不多，但服務員仍過來為湯底撇油，很窩心。醬油配料方面有比較少見的麻油和白芝麻，白芝麻配牛肉，增加了牛肉味道和口感的層次，實在不得了。食火鍋，來一瓶竹蔗茅根是不少得的啦。相當足料，馬蹄和竹蔗味道突出，而且不會太甜，滋潤清甜，適合愛靚女仕。配料方面點了特級手切安格斯牛肉、漁火特色三色丸、招牌雲吞、即炸鬆脆響鈴、北海道蟹柳和皇帝菜。安格斯牛肉油脂分佈平均，色澤鮮紅，肉質嫩滑且充滿油香。雖然點的是小分，但分量倒不算少少。漁火特色三色丸， 包括有手打牛筋丸，手打鮮蝦丸和咸蛋豬肉丸。手打牛筋丸包—外層牛肉鮮嫩清淡，中間包了咸牛肉，咸香味道相當突出，有畫龍點睛的效果。手打鮮蝦丸—口感彈牙爽口，味道鮮甜。外層舖了蝦米，令蝦丸變得甘香之餘，同時亦增加了口感層次，棒！咸蛋豬肉丸—就是咸蛋蒸肉餅的分子料理。豬肉鮮甜，口感札實，配以咸蛋調味，恰到好處，讚。招牌雲吞—雲吞皮薄飽滿，內裏包了兩隻大蝦，少量豬肉和韮黃。放湯後的雲吞非常嫩滑，大蝦新鮮爽口，豬肉增加了整體的鮮甜卻沒有喧賓奪主，韮黃清香健康，有助減低飽滯的感覺。整體味道複習而層次分明，鮮甜爽口，非點不可，果然不負招牌二字。即炸鬆脆響鈴—上枱時熱辣辣，忍不住立刻咬一口，果然非常鬆脆，若能配上甜酸醬，必定相當美味。放湯後既響鈴，入味之餘不失層次感，非常好吃。後來忍不住問過服務員，才知道響鈴購自深水埗老字號舖，果然聞名不如見面，唔想去深水埗排隊的人可以過來這裏一試。北海道蟹柳—絕不能小看它，口感結車，有鮮甜蟹香，值得一試。皇帝菜—好新鮮好新鮮，完全爽嫩香甜。一般在街巿買到的，葉邊常見發黑，呢到完全冇呢個情況。用料絕對有質素。…查看更多

今晚來到呑pot食火鍋，一進入餐廳已經被門前既大魚缸吸引，條魔鬼魚好靚呀！餐廳環境整潔，落地玻璃景觀開揚，服務員有禮貌。可以坐得舒適，食得招積。因為晚上七點半前結賬，火鍋配料仲有半價優惠，絕對超值！鍋底我們點了花雕藥膳醉雞鍋，配料方面側點了牛三郎、十全大寶丸、餃餃陣、蟹籽蝦滑，爆芝響鈴和萵筍。花雕藥膳醉雞鍋-藥材味濃厚，鍋底有薑、蒜、杞子、紅棗、黨參及當歸等，非常滋補。雞件肉厚入味，讚牛三郎-包括有雪花肥牛，牛肋片和牛柳粒。牛肉油脂分佈均勻，色澤鮮紅，没有瘀黑，賣相相當吸引。雪花肥牛片牛香重，牛肋片滑而有𡁻口，牛柳粒肉汁豐富，好味十全大寶丸-包括有生折蟹粉墨魚丸、黑松露墨魚丸、黃金海膽墨魚丸，香煎鵝肝蝦丸及芝心牛丸。五款手打丸打得結實彈牙，口感極佳。黑松露墨魚丸有淡淡黑松露香，增加味道層次之餘又不會喧賓奪主，正黃金海膽墨魚丸-煮熟後的海膽口感特別。香煎鵝肝蝦丸-鵝肝好大粒好足料，好邪惡餃餃陣-包括有韮菜餃、鮮蝦餃、蟹粉蟹肉雲吞及魚皮餃。韮菜餃皮薄飽滿，蟹粉蟹肉雲吞鮮甜，好味好味蟹籽蝦滑-蝦滑新鮮，質感實而爽口，加上蟹籽增加口感，讚芝士嚮鈴-啱哂鐘意食芝士既我，響鈴和芝士十分撘配，浸湯後又滑又滋味萵筍新鮮清甜，打邊爐好拍檔…查看更多

是晚來到時代廣場的炎丸亨用晚餐。餐廳環境寬敞舒適，負責燒魚既叔叔親切有禮，服務員所穿的制服甚具特色，日本氣氛濃厚。:)我們點了三文魚籽三文魚薯仔沙律、牛油蕃薯條、炎丸壽司卷、蟹鍋和金目鯛。三文魚籽三文魚薯仔沙律-三文魚籽新鮮飽滿，没有醒味。煙三文魚鹹度適中，有口感而且不乾身，配上淡淡的薯仔沙律，出奇地配合，好吃！牛油蕃薯條-看到餐牌有牛油蕃薯條時興奮不已，以為會是鹹中帶甜，熱騰騰外脆内軟那一種。可惜蕃薯條没有甜味，內裏也不夠軟熟，有點失望。不過賣相真的很好很有心思，誠意撘夠。炎丸壽司卷-二百多的價錢能享用六款壽司實在合理，部份壽司還有海膽，三文魚籽。魚生新鮮，各具不同口感。讚！再來一定會再點這個。松葉蟹廣島蠔乾蒸鍋—賣點是不加入水或油把食物蒸熟，蒸好後鍋底的會有精華湯汁，原汁原味。蟹腳略鹹，蠔肥美，整體味道不俗。原始燒金目鯛-絕不能錯過的燒魚。第一次吃原始燒魚是在慕尼黑啤酒節，當時經已非常喜歡這種烹調方式，原汁原味，香氣四溢。不過燒魚需時，趕時間就勿點此餚了。當日叫的金目鯛比較大條，要額外加一百蚊。真係燒得好香好好味，肉滑有𡁻口，其實我應該可以一個人食哂，正除左金目鯛，仲有其他魚可供選擇…查看更多

聖誕節來到Ritz-Carlton既大堂酒廊亨用自助餐。酒店佈置充滿聖誕氣氛，餐廳內裝潢堂皇，置有數個小火爐，還有合唱團現場唱聖誕歌及聖誕老人和客人合照，温暖而極具氣派。餐廳還準備了聖誕小禮物放在餐桌上，小禮物相當精緻，絕不欺場。有的是紙做的禮帽或party 帽，有的是膠項練，有歡呼用的手杖。而我最喜愛的是那神秘漂亮的面具。環境禮物吸引外，食物亦沒有給比下去。各式凍熱盤琳琅滿目，質素甚佳。凍盤方面有美國蠔、龍蝦、車厘蜆、蝦及阿拉斯加蟹腳。蠔肥美新鮮脆口，較可惜是沒有海水味。一般自助餐比較少提供蜆，讚。我最欣賞的是蟹腳，鮮甜而且肉質飽滿，正刺身方有海膽、帶子、蝦、三文魚，八爪魚及吞拿魚。海膽没有藥水味，填補很快。厚切帶子鮮甜。三文魚油脂分佈很好，很肥美。其他刺身亦十分新鮮。熱盤方面有燒豬脾、火雞、牛肋骨配紅酒汁、鮮蝦帶子炒露筍、烤羊架、蒸海星斑、焗龍蝦，煎餓肝⋯⋯湯羹方面有蟹肉粟米羹和蘑菇湯。雖然没有吃過每一道熱盤，不過嚐過的味道都不錯。牛肋骨和羊架都很嫩很入味，鵝肝配紅莓汁亦恰到好處。甜品是不可或缺的一環。甜品款式實在太多太美了，如果愛吃超甜的應該會很喜歡。眾甜品中我比較喜歡合桃批及甜肉批，比較沒那麼甜而且口感很好，讚！…查看更多