_wingyiu的个人专页

中環好多好味，小店主開既餐廳。17/11 星期日同朋友十二點幾呢間餐廳，等位大約等半個鐘。餐廳8:00 幾開，我地本身想食有牛🐮個個包無哂，個刻好失望。我地唯有叫了其他野食，事不宜遲, 睇下相先👇🏻野食約十五分鐘上菜( 前： OH MY GOOD 後: BAKOVEN ) 呢個BAKOVEN = chicken wrap , 有少少chilli , 微辣，我唔係好食唔到辣，但都覺得呢餐真係好好味😋😻好期待下似食open steak sandwitch ，一定早啲到…查看更多

今日星期四，餐廳7點幾晚飯時間唔多人，walk-in 都不是問題。一黎有兩個湯，其中一個湯upgrade 左龍蝦湯，龍蝦味唔重，男朋友同我覺得馬馬地。明太子蝦意粉無落檸檬，個意粉本身略酸，所以如果你地去試就試下個味先再落檸檬汁🍋。蝦仔好多隻黑毛豬扒size 唔大，唔太肥，肉質都林但有少少”孩” 。水牛城雞翼，有意外驚喜。夠熱騰騰，外面個汁夠多，酸辣適中，個皮唔會因為太多汁而”林”哂，內裏肉質滑，唔會乾哂身。好好味。最後叫左個心太軟☺️☺️☺️都好好味，值得試埋…查看更多

今日去開中環，就順便試埋灣仔the optimist. 餐廳好似有三層，ground floor 飲野, bar位。1/f,2/f層食野。晏就12:00到(預先book 左枱,二人行)一開始就有上面既semi buffet，啲野食幾好味。前菜.....蝦(唔差) 。薯仔&蛋mix(有啲油)。個球型炸物，係入面有啲蘑菇同cream ，幾好味。 之後正餐...本身想食炒飯，但無哂，之後叫左個雞同ribs, 雞幾好味，但豬肉係超級多肥膏。 最後甜品Overall 黎講，我唔係幾岩食，可能覺得太油，太肥啲肉，同埋太多野食，食唔曬...只係一個set lunch，要迫你食好多野咁。如果餐廳有得單叫野食，就好喇。應該一生人試一次就夠.......。…查看更多

星期日，一早游完早水🏊🏻‍♀️,就突然醒起apm 平時排哂長龍既春水堂。11:15左右到就見大約十個人排隊，餐廳11:30 開，就同男朋友倆個人排下。一開門就好快入到香酥雞熱辣辣，好鬆脆，雞肉又juicy ，唔會過咸，又唔會乾爭爭。一定要試。:(呢杯係珍珠鐵觀音奶茶，珍珠有少少失望，有少少林(期望珍珠會e un) 。男朋友珍珠奶茶，但係兩個覺得都馬馬地:(*有機會我地兩個會揀茶味多啲無珍珠既鐵觀音奶茶*叫左兩個麵，分別係麻辣牛肉麵(少辣,圖左) , 麻香烏骨雞麵線(圖右) 牛肉麵好味！:)麻香烏骨雞個麵線比較林身啲。所以你可以按你鍾意食麵係硬身定軟身再問下侍應有無得揀 。…查看更多

聖旨到~ 呢間火煱店裝修，餐牌，用具特別。兩人行，叫左順治卜卜蜆湯底。湯底我地走左辣(自己鐘意可以自己再加辣)，想試下啲蜆新唔新鮮。食落去又幾好味，又唔太細粒，無沙，仲幾多蜆，令到湯底幾鮮。牛肉色澤靚，薄切既牛，好快熟，少少淡淡清酒味。花雕雞件，酒味比清酒牛肉濃啲。仲叫左帶子墨魚丸，啲丸好大粒，入面真係有粒帶子bb入面，算係有驚喜。(原本以後佢係帶子絲。)日本黑豚肉，比較肥，本人覺得okay la ~ 鐘意既你可以試。野飲一罐可樂都要HKD 19:(所以試左佢地秘製野飲: 足料竹蔗茅根水。野食overall 都唔錯，如果多人食既抵啲，又試到多啲野。我見鬲黎枱order 左啲餃子，好大隻，好足料咁。由於今次兩個人食，試唔哂想食既野，呢間可以黎多次，試下其他餸，湯底…查看更多

見到300 幾個，又咁多人係Instagram 推介，我同朋友慶祝生日就去試下係有幾好味。我地兩個人叫左一碟前菜，另外兩碟餐牌推介既食物，分別日本金袖手撕脆皮雞，龍眼蜜燒西班牙黑豚叉燒及黑蒜焗羊鞍。日本金袖手撕脆皮雞：有金柚肉，真係比平時普通街巿買既柚，係比較juicy d ，甜，只係少少少酸味味~無澀味。所以信佢係日本金袖，雞肉唔會好”孩”。鐘意食雞皮既我，覺得廚師好刀法，個皮好薄，無肥膏痴住，但同朋友都覺得個皮唔夠脆⋯⋯ 好味龍眼蜜燒西班牙黑豚叉燒(但貴) ： 如標題一樣，好味既半肥瘦既叉燒，不過唔知係唔係真係西班牙黑豚，一碟三百幾蚊，都幾貴，唔怪得細細個聽呀呀媽話生舊叉燒好過生你。又真係幾好味。Okay la ~ 黑蒜焗羊鞍： 今餐覺得最普通既係呢碟黑蒜焗羊鞍。羊鞍應該有七成熟（ 可能算係中餐館，所以唔會問你要幾多成熟） ，羊肉肉質okay 林，但唔會有羊so味，如果鐘意食羊有羊so 味，未必好鐘意呢碟餸。間餐廳係貴，如果有節日慶祝既都可以試下既~ 但未必好surprise , 有機會既再試下海膽飯同慢煮牛再話你知邊邊樣抵食。…查看更多

呢間甜品點總共有兩間分店係香港，今次我黎左銅鑼灣呢間。如果大家真係黎呢間食既，要留意一下，佢唔係排長隊等入店，而係係門口有個排隊牌寫名叫number 等入店，我見個晚有唔少人以為排長隊等入我同朋友晚上九點幾排左30 Mins -40 mins 左右。見到入面啲人都係食10-15 分鐘左右都走。入到店內，我同朋友覺得都比較熱，同店面比較細，難怪啲人咁快食完走講番食物先，我地叫左個 伯爵奶茶( 配白玉再加kinako powder 黃豆粉(少少似好立克/麥精味) 。坐坐下，食食下又覺得幾涼快，白玉好 e un,好好味，不過個冰伯爵味唔太覺，重奶茶味，伯爵味比較淡，食食下入面有黃豆粉，味道幾夾。之後仲發現入面好似有布甸 定豆腐，但本人就覺得奇怪咁，無咩味既。食完今次，我覺得一般般啦，但都想俾多次機會去既，試下佢special 口味，始終天氣咁熱，食完真係出到街行都是涼浸浸，透心涼既感覺。…查看更多

去過泰國，但未食過船麵反而係香港見到灣仔既船麵咁多人排隊，身為KONG girl既我，搵左男友陪我排左成個鐘辛苦哂佢我地今餐叫左和牛船麵，豬頸肉，仲有pad Thai . 首先講左個和牛船麵(排咁耐就一定要試呢個) ，我諗係呢到最出名同多人講既，的確湯底濃郁，牛丸夠爽，牛肉林，麵應該係粉絲，有口感。Pad Thai 就個蝦都大隻，質感唔會”梅”左，okay 既。豬頸肉都okay ~ 反而我覺得做得出色，有心思係最尾個甜品🤣班蘭椰子湯丸，我本人唔係好鐘意班蘭同椰子。但今次又覺得幾夾，湯丸有椰子絲，花生，再加啲椰子淋上面，覺廚師好有heart整，花心思P.s 如果多人排隊等得耐，可以去利東街逛下，肚餓可以試埋卡樂b 商店整既薯片(可算是即整薯片)打定底今次既食評係咁多，多謝收看。…查看更多

今次係鬲左兩三個月再黎呢到食，上次係被男友個朋友介紹藥饍雞煲(火煱式),食過返尋味，今次同另一班朋友再去食，完全冇失望，水準keep 住。佢最出名係魚煲同藥膳雞煲。（事關第二次幫襯小店係因為介紹朋友去食，所以係推薦翻我同男友食過嘅嘢，望你地試過都鐘意。）一坐低，先來個頭盤藥膳雞腳，仲有一啲碟野應該叫泰式雞腳。藥膳雞腳雖然望落有啲驚(有雞腳指),但係一試愛上，炆得好琳，藥材未夠入味，一放入口肉骨自然容易分離，好正好好味。而泰式雞腳，酸酸立立幾開胃，雞腳質感比較爽身身，幾開胃。頭盤過後正餐就黎，我哋今次有六人，叫左個大藥膳雞煲仲有其他餸料(係有湯個款!唔好叫錯！) 一黎到就聞到淡淡既藥材味，老闆娘提我地先食個雞，咁樣會比較滑身冇咁”鞋”,。老闆娘無呃我地!!仲提我地飲湯，我係咁飲湯❤️❤️❤️我仲有推介既配料肥牛，色澤幾靚，鮮紅,新鮮。淮山，枝竹，蘿蔔，木耳，芋絲，豆苗(老細話個晚豆苗新鮮靚) 反而，牛柏葉，有啲un...生腸有少少腥P.s仲有佢個招牌魚煲好想下一次試，試後再比食評大家。 希望大家鐘意今次介紹既小店。小店唔多位，建議早少少去。…查看更多