more than 識食的個人專頁

黑蒜濃湯豬軟骨湯粗麵每碗麵都有半隻蛋,是溏心蛋,好流質、入口幼滑。我個人又鍾用筷子一小口一小口夾中間的綿滑蛋黃入口食。塊叉燒半肥半瘦,點滿湯食,個人鍾意厚切,口感會豐富啲。豬軟骨有三件,間中食到一口入口即溶的感覺。櫻花蝦要必加,一口麵加一小「執」蝦,鹹鹹地好好味。黑蒜豬骨湯底,味道及口感濃郁。另外可以追加紫菜和辣味筍小食。再加多一杯飲品就是一頓豐富的日本湯麵餐。炸餃子炸雞小食炸餃子外面相當脆,必要點餃子汁。每隻都肥嘟嘟,豐富餡料。炸雞外面都是炸得相當脆,肉汁不算流失太多。隨碟上的沙律醬有微微的華沙B。午膳時候都有好多人等,大家就要預早啲入場啦。…查看更多

我哋幾個人,冇乜挑剔,見有位就到了這間食店食晏晝。樣樣都叫啲,因為預計都會食得曬。無骨雞腳沙律。久違了的酸辣味,好清新。無骨雞腳淡淡肉,爽口彈牙的雞皮,加上凍食特別彈。半隻海南雞,皮肉分開,肉質好嫩滑、滋潤的感覺。雖然舊肉大舊啲但唔係覺得煙韌。大大啖咁食,夠曬過癮。一定要點埋啲海南雞汁,微微辣,更加好味。必食。船麵三小碗第一碗清湯金邊粉扎肉。清湯麵一碗,平平無奇,不過作為三小碗嘅開頭係必需因為製造咗一個起步去品嚐下兩碗。第二碗船湯米粉魚蛋。味道果然升級!船湯係牛骨湯,米粉沾上大部分湯,啜滑入口,特別好味。第三碗冬陰公鴨血河粉。冬蔭功湯好辣，河粉滑溜溜。我今次咁樣安排又清至到濃郁都係其中一種食法。一餐試咗三款不同味道嘅湯粉。雞沙嗲牛沙嗲。每串都有六粒,係多㗎。不乾不韌,每食一口都要點啲沙嗲汁先好食。好好味! 我個人鍾意燒到條邊有少少燶仲好味。青咖哩豬扒飯。微微辣,好易入口。豬扒都唔細件,滿滿一碗。看得見係煎過先至加青咖哩汁的。都幾香。青咖哩汁裏邊仲有豆角、矮瓜。男士加多一杯嘢飲,一餐足夠有餘。不錯的選擇。湄南河船麵。一大碗,我叫咗金邊粉。湯底好正,用牛骨牛肉淆製,好好味。可以說是全碗麵的靈魂所在。每樣餸都有一啲,我鍾意食佢的魚蛋。細細粒好彈牙,一碗麵加多一杯飲品已經可以做一個午餐。記住要揀船湯,好正。原來呢間食店最近搞緊一個宣傳,五分鐘食10碗細船麵。經過呢一餐我估計係可以嘅。事前要行下,餓下個肚先。只係星期六日,去到一月中。過完聖誕約多個friend嚟食,當食聖誕大餐。…查看更多

秘製椰子糊只係行過見到,佢話每個月可以買到幾多百碗。我就是一試佢加埋芋丸同埋蕃薯丸。攞返屋企慢慢食「杰杰」的椰子糊,用匙羹滔起上嚟很厚身,沒有顆粒感。芋圓蕃薯圓總共有十粒。第一啖入口幼滑,唔係「鞋」,有濃郁椰子肉味。又幾好味喎。兩種丸都有應該有的味道,不是只係一粒粉團。又不是細粒的那一款,口感煙韌。椰子通常成為椰奶伴著糖水食,今次椰子是主角,讚！下次行過都買碗食…查看更多

四條友唔想煮飯就去咗荃灣這間食店食日本料理。平時日子不算多人搵位ok。【柚想蝦你】柚子汁好香,夾雜有啲柚子肉,入口脹卜卜,感覺同味覺都很清新,可考慮作為一餐飯的開胃菜。內有中華沙律以及沙律菜,令到口感有爽脆的感覺。留意盛沙律的碗線條好特別。【火山】成張枱最搶眼的一碟,因為上碟會有兩行火焰。幾有特色。飯糰上面鋪滿大量蟹柳,蟹柳之中隱藏有帶子,又有清甜的青瓜,好好食好香口。正所謂有得睇又有得食。【椒鹽雞腎兩串】已經砌成一粒粒串燒,一口一粒,彈牙煙韌,不妨一試。適中的椒鹽不會過鹹。稍為會增加食慾。是相對比較突出的串燒。【雜錦天婦羅】香脆,不油膩、有蝦、秋葵、紫甘薯。樣貌不起眼的秋葵原來裏面讓咗蝦膠的。唔怪得脹卜卜的。喜歡天婦羅的我會選這碟。【富士山】鋪滿大量蟹柳,成座山咁,下面就係鰻魚飯卷,造型好似一座山。當送入口腔,大大件,口感豐富。特別係啲蟹籽,咬落去卜卜聲。【煙花6件】飯糰上面嘅刺身好有份量,一大粒似打邊爐的魚滑,入口好綿好滑,必要點華沙B。又見到D新的日本料理plating。愉快的一餐。…查看更多

今日大家都放工好夜唯有外出解決。這間店現在晚市有折。【Piggy Piggy】漢堡包底面都焗得好香,特別係底部切落去很脆。件豬扒肉好有厚度,很『淋』身,肉汁尚可,不會乾。木瓜絲、雨衣金蘭十分豐富,跟埋醬汁十分絕配。旁邊仲有一片蜜瓜,不要小看,超juicy,充滿薄荷味。三四個月之前食過,依然覺得好好味。【銷魂飯】叉燒硬硬地實實地,相信餵了好耐蜜汁,蜜味超濃郁。總共有十三塊。又有兩隻溫泉蛋。食前先要將兩隻溫泉蛋、葱同飯粒混和,攪拌至綿滑。一大匙羹咁樣送入口,好正呀!【波士頓龍蝦意粉】又係好好味。龍蝦肉雖然稱不上嫩滑但係蝦味濃郁。不會被急凍破壞了味道。隻蝦鉗就好滑啦。一定唔好錯過個蝦頭,好多蝦膏。【慢煮雞】簡直係一種驚喜!嗰個滑蛋睇落滑,食落去更加滑!加啲黑椒增加味蕾刺激,正! 跟住就食雞,就算雞胸都好滑,唔會『鞋』。呢種煮法就係令到雞胸喜出望外。總共有四件雞件。伴碟有超多沙律菜。這碟主菜可足夠兩位輕食的食客。Good choice.我嗌咗一杯Choco Blend。店長介紹,要先食乾葡萄然後再飲一啖。朱古力味會突出啲。初步第一次試。學下學下點樣飲。不妨一試大家都學下點樣飲。突然外出食的一餐晚飯,冇令大家失望。…查看更多

終極雙層和牛漢堡燒牛肉的熱燒味很香,很濃烈。兩塊和牛真的沒什麼特別,水準ok,接受。不會煎燶咗或者「散秀秀」。值得一讚是上面的醬汁、芝士就有很好的配搭。特別是有幾片風乾的火腿,超正。配搭軟綿綿的麵包…必食。特大黑毛和牛丼套餐剛放枱面撲鼻食物香是那碗洋蔥湯。入口很濃烈洋蔥味配以黑胡椒,加上肚餓,四五口就飲完了。九片和牛,每片一隻手指咁長,厚度適中。擺入口前聞到濃郁的燒烤味。每片牛肉外圍有條肥邊。位置問題,有筋,有啲韌,要啲時間咀嚼。我特別喜愛帶有些微血水的牛肉,對我來說增加食慾,正。蟹肉靜岡大葉手打闊意粉套餐那棵薯蓉沙律帶有酸味,剛好飲完濃烈的洋蔥湯,可清一清口腔濃烈味,增加食慾,好嘢！手打闊面好煙韌,加了橄欖油香草汁好上味。食慣外面的意粉闊面,這碟給我有一種「趙」口的重感覺。海鮮蟹肉恰到好處,ok。這一碟食闊條麵已經好好味。靜岡煎茶香蕉焦糖批餅底軟綿,有顆粒感。甜甜的煎茶混和香蕉味,令香蕉味變得厚咗。食完濃味的食物後享用令口腔有一陣子清新。必試。…查看更多

蛋花蕃茄湯家常便飯口味,沒甚特別。放少許黑胡椒粉提升味蕾,來開始今餐未嘗不可。☺️印度香料炒飯採用傳統印度米。長身,幼幼的,每口咬落去都有少少硬硬的質感。從這碗飯可認識印度人用香料的多樣性,色香味相配搭。比起幾個月前喺尖沙咀食的一間傳統印度咖哩菜館又有啲唔同。不妨一試。香蒜烤餅底部烤得乾、脆、很煙韌。面頭灑滿蒜蓉,好香。不知是否利用土爐製作就是這樣的好味呢?此烤餅不要淨食,我建議大家放咖哩汁上去一齊食。會更加容易分別到兩款咖哩汁的味道。好食,必試。芒果咖哩雞芒果味不算突出,偏有少少甜,微辣。可以說大眾化,容易入口。雞件肉質有少許煙韌。跟另一款咖哩魚味道是不同的,根據個人口味選擇。這間店舖的廚師我相信是印度人來的。咖哩魚魚肉綿滑幼細。不知是否一經油炮之後就跟咖哩汁一同煮。味道很混和。這款咖哩是少許鹹的。跟另一款咖哩雞味道不同,不辣。若要二選一,我會揀咖哩魚。夾薄餅以及飯,我發現我用魚的咖哩汁多。好好味,又係必食。烤羊肉捲我們選擇了薄荷汁。整件烤卷約十吋長,分開兩件用錫紙包裹。一直都是暖笠笠的。羊肉餡料沾有一半。保留了羊的騷味。每一口都有羊肉入口。烤餅皮薄,值得一試。…查看更多

芝麻吞拿魚塊 吞拿魚外面沾滿黑白芝麻,一看顏色已經很搶眼,粉嫩的肉質,上面鋪滿新鮮番茄醬汁。入口軟滑,肉質有少許彈性,美味。作為一餐飯的開始…讚!Margarita 第二次飲鹹味的酒,印象令人深刻。今次這一杯給上面的一片青檸已畀了我很清新的感覺。加上有幼滑的刨冰,飲cocktail的樂趣油然而生。飲這杯cocktail的飲法是用那小匙羹先沾小許杯邊的鹽粒,然後滔刨冰食。用飲管飲的話一樣這樣做。鹹味加酒味很大衝擊,印象深刻。此杯酒不烈,可合女士。推薦飲。Strawberry Daiquiri 這一杯唔使講更加適合女士啦。紅色一座刨冰山,有一粒士多啤梨,很香甜。哪一座小小的刨冰山能令整杯cocktail一直保持新鮮度直至整餐飯完成。特別係呢一杯,食了個半鐘由頭靚到尾。所以此兩杯cocktail開餐前就可以叫上,慢慢細細品嚐至整餐飯完成。美國肉眼扒 14安士牛扒,五成熟。一放上枱就聞到燒烤的煙味。加上薄薄的白煙…很新鮮,剛剛燒好了就很快的傳送到枱上。肉質幼細,我個人認為可以再生多少許。近肥邊的那一片肉特別嫩滑。切成一口一口,點一點肉汁…哇好味。雖然過了五成熟,口感仍然軟滑。每口牛都有炭火燒烤味,不過建議大家趁熱食。避免油脂凝固,影響口感。伴碟的薯條薯角焗得很香脆。14安士都幾有份量。意大利火腿火箭菜薄餅 個pizza可以遲少少食,但係剛剛上枱我就勸大家快啲搣開一件件。睇下佢芝士拉絲,很滿足啊！個餅底好厚,好容易就會飽。另外火箭菜很足夠,給予這個餅有一種辛苦的味道。我建議可以落辣椒仔很夾,很配合。喜歡芝士的話我建議可以加芝士粉。我覺得此餅似乎係注重食鹹火腿。整體來說好味,值得一試。 餐廳位於舊區市中心旁的一個新商廈地舖。由於是日間進餐,當外望比較舊的建築物時,有強烈的感覺荃灣正在轉變中。簇新、多元、高檔次等等…許多新建屋苑,基座商場運用天橋連接,食肆、食物的選擇、質素隨著時間一路提升。這裏對於我鍾意逛街,周圍食嘢是一件好事。…查看更多

原店喺中環，喺OpenRice都有不少😋嘅食評。知道喺元朗Yoho 商場開咗一間，仲要有coupon話三八折，只是$98 嘅3-tier 下午茶，當然好開心好期待咁去食。從遠處見到有個金色嘅三層下午茶套餐，看似好靚，所以10分期待。但係擺到你面前睇一下，便開始打咗一個拆，無論擺盆喎食物都打咗一個折扣。鹹點鱘魚籽配北海道珍寶帶子煎得好香，一啲都唔韌，加上黑椒粒嘅辣味，好香好味。（只有這個是好味的）法國鵝肝醬鵝肝好似忌廉咁，冇鵝肝味，冇乜特別。賣相好似舊式嘅肚臍餅，反而放喺下便個加拿餅就食到好香。風乾火腿蕃茄烤麵包風乾火腿太乾，有點似乾身嘅豬肉乾。其次加上蕃茄同烘過嘅法式麵包，沒有什麼特別。西班牙黑毛豬腩豬腩都幾肥，個皮唔脆，咬落去有啲韌。加咗少少沙律醬的甜味，同紫椰菜嘅爽，有少許平衡返嗰肥膩感。甜點招牌真空慢煮焦糖燉蛋味道不錯，但個蛋唔夠滑白松露芝士蛋糕但松露味都好濃郁，未放入口已經感受到。法式馬卡龍味道想像之中鮮莓酥餅喺個酥餅（有啲似喺街都買到嘅餅）上邊塗上朱古力醬（圖得有點求其），加上藍莓同士多啤梨，沒有什麼特別。有啲覺得喺屋企小朋友都可以做得到。跟茶、蘋果汁或有汽葡萄汁週末加$288兩人份量，連加一每人$158.4。 用OpenRice coupon而家是$98一位，（但⋯另需付每人$26 加一費，而星期六日再要多付$18）即是每人 $143.8 （其實衰過九折）。服務方面都係打咗一個拆。喺門口同服務員講話買了優惠券吃下午茶，服務員帶左我哋去張枱之後沒有交代什麼便離開，等咗一陣都冇人招待，都唔知佢哋係唔係會自動拎個下午茶套餐上嚟，最後忍唔住都係叫咗個服務員嚟問，但好奇怪咁發覺有啲員工好似唔係好知點樣落單，話要搵第二個幫手。服務員當幫你單嘅時候，佢又分心處理其他服務員的問題，感覺好唔專業，好冇被尊重嘅感覺。最後買單嘅時候張單真係睇唔明，明明$258話兩人食，我們一行五人佢張單張258×4 ，再加多一次$258，計完條數成千幾蚊，最尾無啦啦減張coupon $800，但係其實我張coupon係俾咗$490，唔明！叫咗個服務員你問返張單點計，轉頭又話要等等，成間餐廳啲服務員也只是望這樣忙那樣，其實間餐廳都唔係好大都有四至六個服務員，感覺佢哋有啲亂！總結： 1 佢計coupon三八拆真係好取巧，其實📣每 人 只 係 平 咗 $14咋🗯你話有幾抵！2 食物賣相真係好一般，食物好似可以係屋企整咁樣，但味道真係好一般。3. 服務方便真係九流！個人同朋友，全部都覺得價錢，食物同服務都好唔值，絕對唔會回頭再食嘅一間餐廳。…查看更多

假日街坊食午飯，勝在就腳，老人家唔使行得遠。平常在家吃飯，很少吃燒味。這裏叉燒（肥瘦適中，唔會燒得柴皮，好𣺉），白切雞都好味，乳鴿都唔錯，好入味。其他點心都唔錯！…查看更多

🍔 大姑打扁漢堡 $98漢堡扒又約胖串口，唔會生，剛剛熟。加埋醃過嘅（不知是否紫洋葱），芝士菜和蕃茄，焗好味。個包唔算好大個，女孩子份量。🍽 平鐵牛扒 $160 牛扒唔係好大件，切到有六件。煮得啱啱好，五成熟，有少許血水，唔靱，冇根，冇渣。將整個蒜頭切開一半，煮得香和𣺉，配合鹽同肉汁，味道不錯。🍟 跟薯條幼身薯條，炸得香脆，唔油膩，唔會好鹹。🥗 跟沙律見到個沙律有驚喜，因為見到有好健康嘅黎麥，仲有蟹肉添。而醬汁有少少甜甜地。都幾醒胃。🥤 Dirty lemonade (+$18)鹹檸檬加cider，配有Rosemary，雖然香草味飲唔到，但係令到飲品增加美感。甜甜酸酸，加上凍同遊戲，配以較熱氣嘅食物都係一個不錯嘅選擇。整體感覺，食物同裝飾都好有誠意，味道也不錯👍🏼。…查看更多

一班朋友話想食海鮮，所以諗起三聖邨，因為可以喺海鮮檔自己揀海鮮，跟住立即拎去酒樓煮嚟食，夠新鮮，同埋呢度出名煮海鮮好食又抵食，所以拉大隊嚟試吓。我哋先去上記買海鮮，因為見到佢啲龍躉好新鮮。姐姐仔好好介紹，仲送咗一條大墨魚俾我哋！買完就拎啲海鮮去酒樓。海鮮真係煮得一流，每一味都係好好食。尤其是係炸鮑魚，係呢度出名同特色，個炸漿超薄，味道超好。除此之外，炒飯，鹹蛋魷魚，欖菜一字骨都係好好食。👍🏼🤤帶子蒸得一流，雖然成個樽蓋咁大粒嘅帶子，但真係一啲，真係一丁點兒都唔靱，好滑啱啱好。👍🏼🤤龍躉又炒得好香，炒得夠火喉👍🏼🤤辣酒煮花螺，我唔係好食得辣，但係個麻辣真係頂呱呱，好味到我最後片咗啲油，當湯咁飲咗一碗。👍🏼🤤芝麻卷又真係好味，芝麻味好濃郁。👍🏼🤤為美中不足的就是，本來墨魚係兩食，但入廚房單時出錯，變咗只係白灼。因為同行朋友勁渴望想吃鹹蛋醬炒嘅食物，所以問吓有冇鹹蛋醬炒四季豆，好可惜佢話冇，又問咁有冇鹹蛋醬炒豆腐，更可惜的話冇嗰種豆腐，回咗幾版，話送個桂花糕補償。結果朋友要再落去買多一隻墨魚上嚟用鹹蛋醬炒，話免我們加工費。鹹蛋醬炒墨魚的確又是一絕的好味😋。但結賑check單時，兩條墨魚都有收加工費（分別係$300+ 和$200+）最後，在極唔情願之下，才免返$200+，可能因為咁，最後桂花糕就冇送俾我哋啦！雖然係咁，海鮮價加埋加工費，每人都只不過是$650。有房坐，可以盡興大聲說說笑笑，食得好飽，煮得好味舔舔脷，都叫好抵食了。…查看更多

皇子片皮鴨 $78有成20百遍左右，還是暖暖的。有京蔥，有青瓜絲。佢個包皮好薄，食多幾件都唔會膩。鴨方面個皮燒得好香，一層肉帶一點肥。北海道元貝 $884隻蒜蓉粉絲蒸，帶子跟鐵匙羹差唔多大，帶子蒸嘅火候啱啱好，剛剛熟，又唔會靭。個豉油煮得唔錯，好香，味道適中，唔會過咸或太甜。可能因為爆蒜蓉，所以略嫌油分多咗一啲。…查看更多

壽司每隻叫，份量比較少。赤貝 @$7 大小唔一致，一片中碼，一片小碼。食落都有赤貝本身嘅鮮味同爽口，都算新鮮。三文魚 @$5 都叫新鮮，但係三文魚太薄身，應該叫做薄切三文魚。火炙三文魚$8 ，因為個人較喜歡吃原味，所以加沙律醬嘅時候，我要將啲沙律醬撥開左，先至擺入口。加咗黑椒，味道都不錯。甘蝦 @$7，係大隻啲嘅甜蝦，大約有一隻女士嘅手指尾咁大，搣開個蝦頭，入面都有少少蝦膏，蝦膏味都算甘香。壽司飯方面落唔夠醋，飯粒又有啲硬。但每件都係幾蚊，仲想點呀！CP值都算高。配合萬聖節，都擺有不少萬聖節的裝飾，但背景音樂是獅子山下，體驗fusion 一新境界。😂🤣…查看更多

呢度有好多，真係好多食物選擇。有smoothies、waffle、又有鬆餅、墨西哥餅、又有brunch set、有扁意粉、有肉眼扒和三文治⋯⋯等，總之就係花多眼亂，我哋都花咗唔少時間先至揀到食乜嘢。Smoothies bowel - blue immunity boost $98加入秘魯人蔘果Maca powder 和藍色螺旋藻 （也是新興營養高的健康食品），還有羽衣甘藍，椰絲片和玉桂，全部都係幽幽淡淡的味道互相配搭，恰到好處，再與乳酪和香蕉一齊打勻，香蕉味就最出，加上冰凍嘅口感，吃落綿綿有點像雪糕。上面鋪有唔少嘅生果，建議首先刮咗熱情果肉，略略平均鋪在上面，其他生果唔好撈勻，吃smoothies 的時候，有時食下藍梅嘅甜味，有時食下白色火龍果嘅大粒爽口，有時食下杏仁片嘅煙韌口感，口味變得多元化。我會用活潑，清新和健康來形容佢。齋食smoothies當然好好食，我就鍾意將佢同waffle夾埋一齊食，好味得來又好夾。👍🏼牛油果印第安雞肉墨西哥餅配炸牛油果 $148烘過又暖暖的墨西哥薄餅，夾住雞肉、牛油果、蕃茄、芝士和少少沙律醬。餡料和墨西哥薄餅黏在一起，食落口唔會散，味道都好夾。沾上脆漿炸過的牛油果外層好鬆脆，包着creamy的牛油果，幾新穎，幾好味，！旁邊還附上酸忌廉，你可沾上一起吃，又係另一種牛油果嘅食法。勁量早餐 $144有三片煙肉，兩片多士，兩條手指咁大嘅德國腸仔。仲有兩個三文魚花。蛋方面可以自己自選烹調方法，我哋今次揀咗炒蛋，蛋炒得好綿，唔會好多油。二選一，我哋唔要沙律揀咗哈密瓜，三片薄切的哈密瓜都夠甜，我鍾意同埋三文魚和酸豆一齊食。兩片多士跟埋菠蘿菓占，味道都唔錯。煙肉煎得香口乾身，又唔會太乾。環境方面，裝修以木和綠色為主。空間感都好足夠，枱同枱之間距離都好闊，而食飯枱都好大，有足夠空間擺放食物，一D都唔會覺得逼。配合輕鬆舒服的英文歌曲，整體氣氛悠閒舒服，令你可細意品嚐其用心烹調的食物。有返咁樣嘅環境同食物質素，三個人食，沒有叫飲品，每人百零蚊，價錢都算合理。係一間回頭率高嘅餐廳。👍🏼😍…查看更多