evelynic的个人专页

想去嘉多娜買開心果燒餅，途中經過間專做豆品既餐廳比個落地大玻璃同開放式廚房吸引左）又feel到肚餓就入去食D野先。店內裝潢好有中式/公館feel，主要係大地色配木系枱櫈～我地都叫左唔少野食，講明係賣豆既店，一定要試豆漿啦，豆漿味道都幾多選擇，叫左無糖同黑芝麻豆漿，由於無糖關係所以會比較濃但會飲到少少澀味？定係燶味嘅感覺？所以黑芝麻係好飲啲有淡淡芝麻香同埋少少甜味。 等咗一陣就嚟咗一份魚肉煎豆腐，魚肉比較薄但件豆腐就好好味，質地夠滑😋（可以encore) 杞子元肉紅棗黑糖豆腐花，賣相好吸引有兩大片薑、幾粒龍眼肉，豆腐花食落有薑味但唔會太辣幾啱女士！老乾媽炒米粉比較普通，不過入邊真係有好多嘅蔬菜🥬 麻婆腐皮豆漿蛋餅，面頭麻婆豆腐醬有啲鹹同濃味，好難食到中間腐皮嘅味道不過我自己就幾鍾意入邊包住啲銀芽同埋蘿蔔絲令到個蛋餅有口感。 滷水豆腐豆卜淨係熟悉嘅滷水味，不過個豆卜就感覺上有啲油膩、豆腐就不過不失～ 下次經過嘅話可以再試佢嘅豆漿同埋豆腐花🤭…查看更多

開頭都唔知西塔老太太係內地品牌，一入到去係韓式燒烤風格，特別之處係用炭火燒，風味即刻唔同曬～ 一坐底，staff 就會比定D 前菜： 醋味蔬菜沙律、薯仔沙律（入面有粟米同紅蘿蔔粒）、蘿蔔絲同酸蘿蔔加青瓜片。店員特別推薦個醬汁，聞落好有芝麻香仲有少少腐乳feel，之後會加醬油、白醋攪拌黎點肉食，可以無咁膩～厚切豬五花，眼見脂肪好多，本身有D驚但食落唔覺得有油膩感錫紙金針菇用左少許辣椒同蒜蓉一齊燒，好juicy又爽口墨魚腸第一次食，食落好似台灣腸，皮脆但唔係好食到有墨魚粒老太太特色肥牛同瘦肉，瘦肉燒完都唔鞋口，加埋D 串燒粉一齊食好上癮雞腿肉燒完都唔會好乾/硬而且調味本身調得幾好二人餐分量都幾夠女仔食，有男士既話可以叫下冷麵或者飯～食完香港既西塔老太太，即刻有D想試下內地既西塔老太太…查看更多

發現公司附近開左間新茶餐廳叫龍鳳食堂，入面除左有茶記會有既menu外仲有特色野： 芝士撈丁同避風堂口味既菜式，不過今次無叫到，反而想試下小炒同煲仔野魚香茄子煲係家常菜，惹味又好落飯，係人都知茄子係吸油既蔬菜，但呢到整得唔會好油，味道唔會過咸過辣。另外又叫左金銀蛋浸時蔬，當然有咸蛋同皮蛋，菜心夠曬淋，廚師都幾知道鹹蛋夠曬鹹味，菜唔洗點再加鹽，呢個餸有菜又有肉，應該好岩女士order。凍檸茶同凍奶茶就正常茶記發揮，正正常常，無特別，有機會可以試下其他野，見到是日蒸魚都幾大份，價錢都係五十幾蚊，好似好抵食…查看更多

十二味應該係第2次，今次係尖沙咀做完野就試下尖東分店。門口都幾大，要行樓梯上，上到去好有中式麻辣菜feel, 紅色主調嘅中式燈，最神奇係可以唱K，一眼就見到個stage🤣上次食過酸菜魚，今次得2個人就揀左經典香辣鍋，宜家好多餐廳都用QR code 落單可以慢慢睇慢慢揀，麻辣香鍋要揀最少5款配料(每款配料加$28-$48），當然離不開要有肉： 雞翼、肥牛，肉類分量都幾多下，炒起上嚟好大鍋，雞翼有炸過，口感香脆不過我自己最鍾意係面頭一粒粒炸過嘅黃豆，食落脆卜卜，令個香辣鍋食起上添加咗層次，食香辣鍋一定要有白飯唔係會超級重口味～ 最好係可以order 既時候request 少鹽少油，感覺上健康左…查看更多

Sonia Coffee 係日本過江龍，第一間好似係係新世記廣場。原來新蒲崗都開左分店，cafe 好似係出名焦糖吉士布丁同waffle而mikiki 呢間有戶外座位，好岩帶埋寵物一齊黎。見到有款好西日fusion既溫泉蛋山葵卡邦尼意粉，聞唔到太有wasabi 味，材料有煙肉、冬菇同溫泉蛋，carbonara 通常食食下會膩不過少少芥末味中和返，岩岩好。唐辛南蠻炸雞蓋飯，我自己就麻麻D他他醬，D飯質地幾好，粒粒分明，醋醬汁唔會太多帶少少酸都算開胃，雞肉就普普通通。靜岡抹茶小豆窩夫配豆腐雪糕好大份但窩夫好乾，紅豆夠大粒微甜，抹茶蕨餅正正常常，最期待既甜品反而最失望…查看更多

係Fashion Walk 附近既餐廳比人一種比較高級既感覺，夜晚行過有D舖頭既裝飾、街燈令到條街有種好好既氣氛，今次去左黑門水產食日本野，遠處已經見到日本feel燈籠，入到去覺得間舖好大好舒服，我地叫左海膽蟹味噌甲羅燒做前菜，鹹香蟹膏味配上梳打餅即刻打開左個胃，蟹膏份量多到可以就咁再食好爽！黑門角切海鮮沙律有甜蝦、三文魚、車厘茄等，醬汁好開胃但就太咸～鐵板燒山賊醬蟹蒜地雞，用左大量洋蔥加炸蒜炒香，十分惹味，上菜時熱到出煙，有種大排檔風味咁，不過都係咸左少少但用黎配啤酒幾好極上大漁貝燒除咗有元貝之外仲有蝦、蠔同三文魚籽，火候燒得剛剛好，元貝唔會燒到太過韌，多款海鮮一齊燒味道好鮮甜，想連D湯汁飲埋佢，哈哈最後叫左壽司拼盤，壽司飯唔係平時食既白醋飯係應該用左赤醋，sushi 不過不失…查看更多

近排好似好興盒子蛋糕，tiramisu lab 除左傳統味道外仲供應超過30種tiramisu款式，今次試左抹茶紅豆味、泰式香芒椰子味、開心果味～開心果味Tiramisu面頭有啲果仁碎同白朱古力碎片，食落更有口感，整體有淡淡既開心果香氣-🥭泰式椰香芒果Misu’，一見到就覺得好有夏日feel，用新鮮芒果配上椰子絲🥥裡面有唔少芒果果肉可以中和咖啡苦味，有啲似食緊芒果糯米飯咁既感覺-🍵抹茶Misu’用左抹茶粉代替可可粉，打開已聞到陣抹茶香，抹茶同紅豆向來都係絕配，中間夾層甜甜既紅豆蓉，抹茶同咖啡味配搭得唔錯～甜中帶苦，抹茶控一定要試試…查看更多

九龍城通常都主打泰國菜，咁岩經過見到門口幾日式既舖頭記比招財貓所吸引，字畫寫住《當下》好有feel 係果種和室風格～ 舖頭真係有日式廂房（大廂及小廂）！ 午市會有特色定食，晚市就以串燒為主一入到黎就會比茶你飲，前菜係三色拼盤： 有日式牛蒡漬，煮到入味又夠膳食纖維，跟住有炸雞係居酒屋中屬常見既菜單料理，大細岩岩好，味道不過不失～ 姊妹芝麻雞翼雞皮有炭燒香味食落去脆脆地而且肉質都幾有口感。自己食日本野有D期待玉子燒，呢個蟹膏玉子燒好好食但會有D咸如果可以加碗白飯仲正，瑩光魷魚我自己麻麻地，但咬落去有一種魷魚嘅鮮甜美味，係口裡散發出一陣陣鮮魚味，用黎加sake應該幾正～ 串燒牛舌同五花肉都好爽嫩、脆皮風鱔就炭味十足、月見醬唐揚飯團面頭伴上雞蛋黃，又係另一種誘人既美味，不過就燒得有D乾身，媽媽鹹蛋豬肉棒係第一次見，有鹹蛋既濃郁風味，好好食。海膽配上壽司專用紫菜，紫菜不經調味，唔會喧賓奪主。…查看更多

班蘭葉印尼餐廳係銅鑼灣糖街好多年但一路都無幫襯過，舖頭面門唔算起眼，門口有好多唔同既印尼特色小食同甜品。雞肉串燒6串，每串都燒到外皮脆焦但食落雞肉仲好juicy 而且面層塗滿了蜜糖，一人食2串其實差唔多因為醬汁有D多，唔洗點點點印尼沙嗲醬都夠曬味班蘭雞尖塔飯，個碟好有feel，班蘭飯好香班蘭同椰漿味，班蘭雞好嫩滑而且唔太肥，仲有個清湯附上炸天貝比較淡味不過印尼嘅辣醬又幾好食入面除咗有辣椒絲仲有啲魚仔另外既石栗馬拉盞炒通菜係最好食，夠惹味D菜又夠滑，食下菜飲下椰青又幾match, 椰青清清甜甜…查看更多

日本人氣元祖牛肉飯連鎖店開到黎香港喇，平時食開すき家，今次就試下新野。大家都係主打平價牛丼，由於唔食牛就叫左鹽燒豚肉定食，用左荷蘭豚肉製作，肥瘦分布岩岩好，加返隻蛋令到粒粒分明既珍珠米更加滑口，配菜可以揀日本溫泉玉子、沙律、味增湯、唐揚炸雞同餃子，我最鐘意食日本餃子用左豬肉同蔬菜製成，外皮薄又香口，內裏夠多肉汁，放涼左都十分脆口，好想再encore～重口味人士可以加辣椒醬或者豉油仲有唐辛子粉。有機會想試下唐揚炸雞見到好似啖啖肉又無咩炸粉。整體黎講，呢個價錢咁既質素同份量，趕時間嘅話係首選~…查看更多

之前黎圓方係溜冰場附近見過有間裝潢幾雅緻既冰室，下午茶時間唔想太飽就諗起可以食下，宜家好興QR code 落單，睇完一大輪之後就揀左瓊芳黯然銷魂飯套餐話曬係招牌菜，叉燒有成吋厚，係用西班牙伊比利亞黑毛豬燒製，食落肉質好有彈性、咬口，肥瘦均勻，配飯既太陽蛋，蛋黃顏色好金黃加上秘製頭抽，送飯一流！我自己覺得個飯係日本米既話仲正，我麻麻地用金鳳米，女仔食既話分量都幾多，不過多幾塊肉既話仲正，食食下加埋D粟米粒又無咁悶～另外叫左夠薑豬膶牛肉湯米粉（轉公仔麵）配炒蛋火腿多士，湯底好夠薑味，豬潤厚身唔鞋亦冇腥味，鮮牛肉夠嫩滑，炒蛋嫩滑同香牛油味多士烘底夠脆口加埋炒蛋食幾正下～整體黎講係唔錯既體驗💁🏻‍♀️ …查看更多

水門雞飯好似有好幾間分店，行經旺角呢間見到裝修都幾有泰國牌檔feel又有人排隊應該唔錯咁就入去食下。入到去坐低店員就俾咗QR code我哋自己落單，好快就嚟咗個胡椒湯，睇落清清地但又好夠味，朋友就order 左雙拼雞飯即係海南雞加炸雞lunch set (估唔到假日都有lunch set 又幾抵），海南雞好滑而雞油飯都出色，香得黎唔太油，反而炸雞麻麻，下次可以淨叫海南雞飯。 另外叫左雞肉串燒，點埋個沙嗲醬好正，好入味又唔乾。我叫左肉碎蛋飯，肉碎好多但味道唔係我地平時食開果種味道，有少少甜甜地，粒蛋對我黎講有D生，下次試下金邊粉應該會好D（見隔離枱order 左個樣幾有鑊氣，蝦肉幾大隻），反而泰式炒通菜炒得好入味又夠淋，份量都唔小。Overall 黎講價錢唔貴，會再encore!!…查看更多

咁岩要去旺角又好耐無食火煱，見到淥鼎記又有雞煲、酸菜魚，咩都有咁～餐廳環境好中國風好岩飲茶食點心，店員話真係有點心食不過係中午時份，下次有機會黎試下先。叫左個爵爺套餐首先有2款小食係花螺同魚皮，味道不過不失，之後就六選一主菜，因為近排食左烤魚就揀雞煲食，醬汁唔會太濃但夠惹味，雞肉肉質嫩滑，份量岩岩好，太多就食唔到火鍋，上左雞煲同時有一盤刺身入面有三文魚、帶子、鮑魚、牡丹蝦等等，質素都唔差，牡丹蝦同帶子都夠大隻。火鍋湯底六選一就揀左清清地既豬骨湯，入面包左豪華海鮮拼盤又係有蝦、鮑魚、沙白、墨魚仔、墨魚滑、蝦滑，想講唔洗再另外order 拎野食都好夠份量，仲有頂級手切牛同牛丸，手切牛，脂肪雪花狀分布平均。火鍋配料都有好多款感覺衛生，每樣食物都有膠盒封好而飲品雪櫃入面除了各式各樣的汽水、茶飲之外，最欣賞有涼茶（竹蔗茅根）飲真係好貼心食到最後仲有甜品，4款口味Haagen-Dazs雪糕選擇，只可以講性價比高！…查看更多

永年士多車仔麵點都有水準，今次試左個豬手撈麵，豬手整得好淋得黎唔爛，仲好有膠質感次次都會叫豬紅因為呢到既豬紅唔會有朕味，又有彈性，牛筋炆煮入味，滑溜晶瑩剔透，特別地有叫左蜂巢豆腐，豆腐索晒啲湯汁好好味！最正係可以揀菜底，唔想太飽就可以揀佢另外叫左小食同腐乳生菜，估唔到會有鹵水雞翼尖，每一隻都好入味同軟身，如果有鹵水雞髀仲正咁岩出左新飲品係好襯夏天既涼粉冰，食完辣野 飲好prefect，奶茶比較淡但唔會好甜，我自己就幾鐘意，另外仲order 左樽仔烏龍茶特別一提，呢到啲服務真係好好👍🏻啲staff 好nice 有禮貌…查看更多

好耐都無過上環食嘢，上環比我既感覺係多cafe，今次黎到肉料理とワインCARVING，睇個名似係食肉為主，入到去之後我覺得係日本料理omakasa自家漬前菜今次係辣青瓜，面頭帶少少白芝麻粒以增加香氣，青瓜爽口帶點微辣，用黎送酒應該一流第一味係CAVIAR WAGYU TATAKI，半熟日本A5好薄同油脂豐富，加上紫菜同蘿白絲酸酸甜，有少少似壽司第二味係塩漬原隻蝦夷鮑魚配高湯凍，都係凍盤， 鮑魚夠鮮同彈牙。高湯凍好有鰹魚香加上柚子皮澀澀地都幾fresh第一次食約克郡布丁，我覺得好似puff 咁，微微牛油香，質地鬆軟又有彈性加上三文魚子既鹹鮮同明太子mousse，我好欣賞本枯節味來粟米吉士湯，呢個超值得推介，粟米湯濃到似custard加上粒粒粟米，好想飲多幾碗燒A5日本和牛（自家生曬蠣醬，時令日本蔬菜）蠔汁唔會太濃味蓋過和牛香，和牛煎得超正，外皮香脆，鍾意食肉既朋友一定滿足塩漬銀鱈魚釜飯日式煲仔飯，飯焦係另外先整再煲飯， 銀鱈魚嫩滑但無咩味道，高湯醬油可以再多少少，底望落偏油但可以接受炙燒水牛芝士紅豆燒餅銅鑼燒整得夠正，十勝紅豆做餡好普遍但Mozzarella Cheese係第一次食，成件事食落無咁膩，overall 黎講成餐飯質素幾好👍🏻…查看更多