lo0290的个人专页

昨日 2024年12月24日，下午6點已有人龍，排了大約20分鐘才有位。但各樣食物味道非常令人失望。蠔餅 - 炸得很脆，蠔仔亦幾大粒，但完全無味道，無蛋味，無蠔味。落魚露就太咸。上枱時，感覺到好熱，但等咗一陣就涷哂。唔通係炸定番炸？腐乳通菜 - 正常偏咸。白鱔雞煲仔飯 - 白鱔好幼，得五件，唔夠肥美，多骨。飯無乜飯焦，飯無香味，而且“巷”。膶腸排骨煲仔飯 - 膶腸唔靚，排骨無味。飯無飯焦，無飯香味，有“巷”味。食後口腔感覺好重味精，唔舒服。煲仔飯無飯焦係死罪！總之，唔會再幫襯！…查看更多

與老友相聚，當然要搵美食。在開飯上搜尋，找到了這家裕•鵝莊，說是深井裕記家族第三代主理，由總店請得老師傅，保証與深井裕記同一水準。在尖沙咀食到，當然要試下。點知•••這次晚飯在4月5日，是疫情影響，還是師傅去了拜山未回？食味完全不似預期。晚上6:30準時到達，點了燒鵝下庄，只是微暖，已經心知不妙。燒鵝肉淡無味，而且有點硬。失望。點了鵝腸，當時只有大約三成客人，已經沒有。失望。鵝肝配意大利陳醋，鵝肝唔夠香，陳醋似糖漿。唔合格。小炒皇，蝦醬通菜，中規中矩，只是徧鹹。下飯應該好啲。全晚最差的是招呼。侍應全晚黑面，好似同老細有仇，要趕客。當晚，客人已不算多，這樣服務水準，相信唔會有回頭客。裕記是由細食到大嘅老牌餐廳，第三代主理人請加把勁，這邊的水準差好遠哦！…查看更多

昨天下午兩點幾才到大澳，相當肚餓，二話不說，直接走入這家餐廳。到咗傍晚，離開大澳嘅人超多，巴士站大排長龍。所以決定先食完晚飯才離開，同一日又幫襯這家餐廳。兩次都沒有失望。回顧開飯嘅食評，有人負評招呼唔好。其實在大澳水鄉嘅地方，要搵五星級酒店嘅招呼嗎？同一日兩餐飯，我覺得伙計已算不錯，正如標題，是恰如其份。言歸正轉，中午飯點了漁家蒸四寶，脆炸蝦醬豬腩肉。白飯。兩道菜嘅評語，請參閱相片內容。而白飯比較硬。可能已經焗耐咗，乾咗。晚餐點咗簡單嘅燒鵝下庄，豉油皇炒麵。唔明有啲網友話無炒粉麵。每次入大澳，其實都係喺這處食飯。每次都無令人失望，肯定會再之光顧。…查看更多

限聚令稍稍放寬，就約朋友一起試試這個期等待已久嘅蟹之約會。既然在酒店內嘅中菜餐廳，想必唔會太差，又買一送一，所以懷住好大期望。去到，靠窗只剩細枱，照要啦，點知...全個套餐有八道菜，幾乎九成九嘅客人都是訂咗這個套餐，所以廚房可以大手做，好快咁上菜。不過，就無顧及客人嘅需要。上一度菜未食完，就硬上第二度菜，好似要做到大排檔咁壯觀壯觀。忍唔住開口叫停，侍應才將這幾碟餸硬塞俾另一張枱嘅客人。唉！可惜，隔咗兩三度菜，又推滿張枱。可能因為廚房出菜速度“太快”，普遍食物溫度唔夠熱，只有黑椒炒蟹及蟹肉湯餃除外。另外，蟹肉伊麵完全無蟹肉，無蟹味，只能算是蠔油伊麵。整個用餐體驗，味道ok，若再注意食物溫度及上菜要顧及客人進食速度，以買一送一價是個唔錯嘅選擇。…查看更多

當晚，在“開飯”搵咗好耐，見到這間餐廳有好多好評，決定到這試一試有無伏。總體算唔錯，可以再幫襯。大約晚上六點半到，當時餐廳只有一兩成客人，竟然安排我哋在又逼又放咗隔板嘅細枱，當然唔接受，㨂咗張周圍闊落好多嘅細枱，坐得舒服好多。講番食物，點咗個煙鱔沙律。煙鱔係法國進口，口感較本地鱔爽脆，唔油膩。但本身無乜味。勝在輕輕加上少許黑松露及大量橄欖油，再加上辣肉腸，青蘋果片，令整個味道提升咗。跟住上係焗法國蝸牛。又係進口嘢。只要焗番香就無得輸。佢做到。再來個藍芝士披薩。芝士夠多夠香。披薩底邊邊又脆又煙韌，但中間有點太濕，太軟，要扣啲分。主菜係慢煮烤乳豬件，則比較失色。乳豬本身有豬騷味，無經醃味除騷！！皮就烤得唔錯。配菜嘅烤番薯，反而俾到驚喜。總括雖然唔係每樣都滿意，但已算唔錯，係中上水準。食材好就唔會太差。…查看更多

侍應人手嚴重短缺。由入座至離開，來來去去都只有嗰三個伙計。攞辣椒油，叫咗四次，雖然明白伙計做到發忟憎，但係服務真係唔得囉。食物水準只算中平。蒸品唔夠熱，炸物油淋淋。放題點心嘅款式其實唔算多，好多粵菜經典點心都冇。上菜都唔駛講，亂哂籠。一係重覆，一係無嚟，或者無叫都俾埋你，總之亂嚟。環境上係算唔錯，算得上清靜。枱與枱之間亦都寬闊。佈置上亦算有特色。…查看更多

三年前喺呢度食飯，美好嘅回憶帶領我三年後再嚟到。今日之後相信唔會再嚟。因為食物嘅質素大不如前。其中一道菜，薑蔥炆龍躉，簡直令我o嘴。四人份量嘅餐竟然只有五件只有兩隻手指大嘅魚。胡椒大肉蟹，炒完就上碟，冇擺盤。使用胡椒粉調味無用胡椒粒。蒜蓉蒸蟶子，過咗火。金華玉樹雞，啲雞無雞味得嚟又鞋。菌皇扣鵝掌，雖然用咗四種菌，但係啲菌好似煲咗湯咁，冇哂鮮味。蟹油炒麵，只係豉油炒麵，冇蟹味。懷疑佢係唔係菜單寫錯字。甜品係雲呢拿奶凍。好似用啲好差嘅雲呢拿精。冇雲呢拿香味只有苦味。…查看更多

在這食肆的上一手食過 都唔錯 新春期間 九記未開 所以試吓 點知味道麻麻首先 大斑兩味 d魚好腥 西蘭花灼得太林嗰個招牌欖角骨 無欖角味 只得甜味芥蘭煲 d芥蘭好老 味道好咸琵琶豆腐 好糊口總之味道麻麻…查看更多

已經是第三次來這家餐廳，只是感覺一次比一次差。食物普遍唔夠熱。多士是韌的。西多士及薯餅滿是油，又係炸嘅時候唔夠熱，迫唔到d油走。長通粉是硬的。唔係未煮好，係長通粉本身質地唔靚。只有咖啡是熱的。…查看更多

昨日五一勞動節，同老婆到西貢食晚飯。因為所有海鮮菜館實在太多人，終於好不幸選中這餐廳。一入內，無冷氣，轉到隔鄰樓上，有冷氣但設備裝修簡陋。點了放題。但食物遲遲未上。上菜後份量奇少。一份沙拉，原來只有兩片蕃茄! 無言。所謂自家製香腸，只是超市貨色。其實所有小食都只是即食貨，差勁。最差是意粉。意粉未夠稔，雞肉有異味，白汁竟帶酸味。朱古力烤夫又帶苦味。真真真差！…查看更多

晚上不打算在家煮飯。聽聞大圍有很多好食嘅食肆，就在大圍落火車隨便找家食肆試下。見到此家舖面細細幾多人，就决定試下。叫了黃鱔雞煲仔飯，鹵水鵝，蠔仔肉碎粥，同淨魚蛋。魚蛋有點硬，唔係爽而係硬個隻。湯底好鹹。蠔仔肉碎粥d蠔仔好細隻，粥又係鹹，無乜鮮味。鹵水鵝好d, 但只有花生墊底，連豆腐，芽菜都無。好彩鵝肉都ok.煲仔飯d飯粒多水咗，有點爛，唔爽口。d鱔好明顯唔係黃鱔。好彩d雞無乜雪味，攞番少少分。不過整體只是麻麻。…查看更多