食家2046的个人专页

幾個月冇見朋友，趁佢就嚟生日即刻約佢出嚟食飯，揀左尖沙咀Poseidon Restaurant & Bar，位置雖然隱蔽啲但個場環境夠大，而且座位闊落坐得舒服，燈光氣氛都好好。我哋點左一個Grilled Lobster & Seafood Platter同一個Brown-buttered Crab Risotto。朋友仲話叫兩個怕唔夠食個海鮮拼盤（2人份）入邊有青口，蜆，扇貝，三文魚，魷魚，兩隻蝦同埋半隻隻龍蝦，仲有腸仔，粟米同蒜蓉包，雖然佢個汁有啲辣（朋友唔太食得辣）但我自己平時都唔食得大辣野既覺得幾好，加上燒完幾惹味同醒胃。而個意大利飯都好味，唯一有少少失望係冇咗海膽，因為上網見本身個麵包蟹意大利飯係有海膽，但侍應話供應問題所以轉左餐牌。但本身啖啖蟹肉都令個飯口感豐富。雖然只係叫左兩碟菜但我哋都食唔晒，見到有啲卡位可以座4-6人下次要叫多幾個朋友一齊再嚟。…查看更多

由佢一開個陣已經好想食，一踏入牛年冇耐終於可以食到。由於冇晚市所以食lunch,去到唔洗等太耐12點就入得。環境地方大，坐位多又闊落，個地下又乾淨整潔唔會話好滑好冼，而且好好彩咁兩人食都可以坐到卡位，所以成餐都坐得好舒服。咁難得食到牛大人，梗係要揀最貴嗰個極上和牛吃到飽一次食晒所有野。湯底係牛大人紅燒牛骨鍋，湯底很香濃，有少少藥材味。另外當然仲有其他野食，除左有打邊爐必有既丸之外，佢仲有台灣小食例如台灣香腸，鹽酥雞，鴨血，滷肉飯，魚香皮蛋豆腐，秘製滷牛筋、牛肚、大腸等等。係呢段冇得出國旅行其間有一種置身台灣夜市既感覺澳洲和牛M5牛肩卷-可以話係必點而且瘋狂encore，油旨豐富，切到好薄係咁而淥幾下已經食得而且仲好軟腍。而上腹牛五花同安格斯特選牛板腱都同樣高質，即使淥耐左都唔會話好韌。飲品同食物一樣多選擇，有特色就係佢地自家製嘅冷泡茶如白桃烏龍、桂花烏龍同菊花普洱。好適合打完邊爐飲返啲茶解膩。最後送埋甜品台中仙草凍，比想像中甜滑，係幸福既味道總括來講我覺得今餐性價比非常高，價錢唔算貴而且食物多，90分鐘會覺得唔夠時間食，希望唔洗好耐可以再食到。…查看更多

今日與同事到油塘，因為最近聽朋友說油塘有間蒸海鮮的火鍋唔錯。於是我們去試試。侍應帶我們坐下來，環境尚算滿意，而侍應服務十分熱誠。我們叫了一個海鮮鮑魚雙層蒸氣塔，海鮮有魚、花甲、大蜆、蒜蓉粉絲元貝和蟲草蒸花雞，甜品芝麻綠茶芋茸餅，我們仲另加海膽及肥牛。甜品先上，唔少少甜，幾好味。而海鮮盤上枱時見到鮑魚非常生猛，而隻龍蝦雖然已被劏開了仲識得郁，非常新鮮，還有一大碗已浸過的米。蒸籠只有一層，所以我們決定一種種放下去蒸，因為蒸各種海鮮及肥牛時間唔同。唔知是不是我們蒸食物時間恰到好處，鮑魚夠腍、唔韌，剛剛熟，好味！而龍蝦當然夠鮮嫩多汁。最後將啲白米放落瑤柱排骨粥底，煮熟後估唔到個粥好鮮甜，可能是之前蒸海鮮啲汁流落粥底到，所以夠鮮夠甜。最後總之食材夠新鮮。今日與同事到油塘，因為最近聽朋友說油塘有間蒸海鮮的火鍋唔錯。於是我們去試試。我們叫了一個海鮮鮑魚雙層蒸氣塔另加肥牛。當個海鮮盤上枱時見到鮑魚非常生獨，而隻龍蝦雖然已被劏開了仲…查看更多

同朋友行街行到又攰又餓 經過見到間日本餐廳就入左去 因為好肚餓嘅關係就好快手叫左幾樣野杯橙汁最快到 正好可以幫我地解渴 叫JA FOOD罐裝粒粒橙汁 味道同其他橙汁分別唔大 之後再上一客厚燒玉子 賣相幾吸引 見到佢裏面包住左舊餡 個面再加左蔥花 食落去啲蛋都幾甜 夾埋啲餡啲蛋香味更加突出黑豚胡麻沙律 啲豚肉厚薄適中 食落去幾香口 配埋個沙律都好夾 比較適合做一道開胃菜 食完之後都唔會驚飽得濟食唔到其他野柚子面豉燒雞扒剪得好香 一上菜已經隱隱約約聞到烤香味 柚子味都算重 夾埋舊雞扒食出乎預料地好食特上活一鮮丼性價比勁高 價錢唔貴之餘裏面仲要有好多唔同魚生🤤尤其是啲三文魚唔腥之餘仲有甘香味 下次帶朋友黎會再食呢個…查看更多

今晚我約朋友食飯，在黃金泳灘的L’ATLANTIS食。未到餐廳，先見到海灘景色優美，特別是夕陽斜照。到達餐廳，格調浪漫。我們一行4人點了1個尊貴二人晚餐、1個曉餐A及1個晚餐B。頭盤分別是鮮蝦秘制三文魚黑魚籽酥皮塔、即切西班牙比利亞48個月風乾火腿配法國Brie芝士、秘制三文魚蘋果沙律及風乾火腿凱撒沙律。2種三文魚有2種風味，各有各好味。風乾火腿連芝士夾哈密瓜味道超夾，食到唔停得口。餐湯有匈牙利牛肉湯及南瓜湯。牛肉湯有點像羅宋湯，有蕃茄味又有牛肉味，好味。而南瓜就幼滑美味。至於主菜就是法國特醇紅酒慢煮澳洲牛面頰、寶雲酥焗紐西蘭三枝骨羊架配百里香紅酒汁、香煎伊比利黑豚扒配蘋果燒汁及烤澳洲超西冷扒配紅酒燒汁。慢煮牛肉夠腍肉味濃，羊架唔羶配芥末醬好味，黑豚扒唔硬仲有肉味配蘋果燒汁夠清新，至於西冷扒就夠嫩夾有酒香。最後甜品是綠茶蛋糕仔及焦糖燉蛋及咖啡。在這緊張急速的都市，這一餐慢食，餸菜一碟碟慢上，真是身心舒暢。…查看更多

近年越來越多人北上尋找美食，當中探魚，海底撈等等都街知巷聞。要食烤魚好多人第一下都係諗要返上去食，但今日比我發現元朗有烤魚食！聽到呢個消息已經雙眼發光。由於怕人多所以五點左右已經去到，諗住已經全場最早，估唔到都有兩三枱客。門外設有凳位比人等位用，亦有金橘檸檬俾人飲，對喺夏天等位嘅人來講非常貼心。先講主菜-烤魚種類方面有四種魚可以揀分別係：桂花魚，江團魚、海鱸魚同清江魚。然後就揀做法，因為朋友唔食得辣關係，我地揀左桂花魚配蒜香酸菜味同海爐魚配菌香豆豉味。桂花魚入口嫩滑，魚肉索晒啲酸菜味，再加埋蒜香好野味。菌香豆豉全部鋪晒係條魚上面，條魚都好入味，去到後面仲覺得咸要溝返啲水。而海爐魚雖然肉質比較實，但又唔會好鞋。串燒方面就叫左兩件烤羊架，兩份蒜香燒扇貝，烤雞中翼兩串，兩串烤肥牛金針菇同燒茄子一條。特別想讚下羊架羊架香得嚟唔羶，而且加埋孜然粉可以話係更上一層樓。食左咸野梗係要飲返啲甜野，我地四人就叫左兩杯荔枝特飲，一杯水果茶，一杯芒果至尊。由於一條魚既份量都好大份兩個人食一定飽，雖然我哋四個人，但係我哋叫左兩條魚同埋好多串燒，最後真係食到好滿足咁走。…查看更多

今晚我約朋友食飯，我們選擇元朗校長燒肉日韓料理。進入店後，發覺侍應服務熱誠，有禮，我已經好耐無遇到，十分開心。他們的食物款式多樣化，有多款食品可供燒烤，肉類有：羊架、穀飼牛仔骨、穀飼牛肋眼心條、五花肉及雞軟骨粒等等；海產有：海蝦、帆立貝及多春魚等等，還有多款菜類，合共超過30多款。本人比較喜歡牛仔骨及雞軟骨，牛仔骨燒烤後肉質夠嫩滑、多汁，而雞軟骨就夠脆。海蝦都不錯夠新鲜，羊架又唔蘇。除此之外，還有魚生、沙律菜、熟食及甜品。沙律菜夠新鲜，配日式麻醬，好味！至於熟食有蒸魚、抄菜、青口、春捲及章魚小丸子，本人喜歡條魚，夠嫩。甜品有我想吃的腐竹雞蛋糖水及椰汁燕窩。這一餐我們食得十分滿足、滿意。…查看更多

前排天氣凍，朋友話帶我去食佢細個成日食既茶餐廳，話煲仔飯都幾出名。不過我就唔太好煲仔飯，所以單點左個西檸雞+飯。西檸雞一碟有都有~10舊大雞肉，每舊都係岩岩炸好出爐，熱辣辣。雞肉非常滑嫩多汁，金黃色既下皮脆卜卜，即使浸到d汁都冇腍到。而落左好多檸檬去煮既汁又唔會過酸，證明蜜芽糖份量拿捏得準確，用黎撈飯就一流。而朋友叫左滑牛窩蛋煲仔飯，即叫即煲，飯夠熟，粒粒分明，但好奇怪地落哂成碗豉油都唔夠味。值得一讚既係煲仔飯既師傅好用心，見到佢一邊煲一邊微笑，睇得出佢真心鐘意自己份工。整體黎講，環境、餐具乾淨，小菜真係幾好食。不過價錢偏貴，一煲仔飯、一西檸雞、一白飯，二人埋單都要$177同埋老闆態度再友善d就更好……查看更多

臨上機前要食飽d，機場全部餐廳都排哂長龍，咁我地就隨便幫襯一間啦...出發去泰國既我地都決定食返泰國野朋友本來想買芭堤雅燒雞飯，但已經賣哂，所以轉左個蟹肉炒飯。點知個炒飯係有條毛髮係上面，好彩拎返去換個職員都好合作，即場倒左，換一碟新既。蟹肉炒飯既蟹肉非常少，只有鋪係飯面既幾粒肉不過食落都幾香，如果飯可以炒至乾身d更佳。而我就叫左一碗豬頸肉湯麵。豬頸肉有3大片，都算厚切，食得出佢係有煎過，仲幾爽脆。而麵既份量就唔算多，只夠一個女仔食，同埋煮得有d腍，唔夠彈牙。湯就非常夠熱，同埋唔會過咸，我飲左幾啖都唔太口渴…查看更多

今天放午飯，與朋友到上環泉章居食。此處午市有碟頭飯，我當然叫金牌鹽焗雞飯，雞肉好嫩滑、肉質軟腍。而我朋友叫鼓汁排骨炒麵，這個炒麵相當有水準，明顯有用心炒，麵質脆口，不像其他餐廳用求其炸乾就算。而且仲包免費茶葉茶。…查看更多

今晚一家人在屯門v-city 行街感覺肚餓，但v-city 間間都需要排隊等候。於是行去卓爾居搵食，途中見雅都商場，想起好耐冇食薩莉亞，所以決定改食薩莉亞。好彩不太多人，很快有位。我地叫左菠蘿什菜沙律、煙肉菠蘿薄餅、雞肉粗管麵及明太子魷魚意粉。最喜歡雞肉粗管麵，芝士汁又多又香濃好味。明太子魷魚意粉第一次食，有驚喜，會取代菠菜煙三文魚意粉成為我第一喜歡嘅餐…查看更多

係石門返工一段時間，附近嘅食肆都已經試得7788，而個人認為石門有一半既野都唔係特別好食。返工咁辛苦食lunch梗係想食好少少，所以行多幾分鐘去隔離第一城搵食。比我發現到一間外表睇落幾有格調又唔係連鎖既餐廳。睇餐牌發現都有好多種類，最後我揀咗牛乳炒滑蛋加迷你日式吉列牛扒三文治半份再加粟米煙鴨胸湯意粉，依個餐仲包埋粟米湯或者沙律同埋一杯嘢飲。佢個炒蛋真係好滑，平時出面好少食到。鴨胸亦好好味。雖然個份量就唔係好大，但其實都夠飽。整體嚟講性價比都算中上，不枉我由石門行到第一城食lunch。…查看更多

買左戲飛同女朋友睇戲，但仲有一個鐘先開場，所以我地去左賞茶買野飲，貪佢有兩個corner比人坐低。我只有一杯荔枝蘆薈，半糖，少冰。$24蚊一杯都幾大杯，飲落有荔枝香又唔會太甜，不過飲唔出係咩茶底。題外話，原來屯門分店4月頭就結業啦，以後少左一個可以坐低休息既地方…查看更多

星期六晚睇完戲，就同朋友開咗戲院對面間吉野家打邊爐。因為之前見到吉野家推出新鍋，而自己一直都係吉野家嘅忠實粉絲，所以點可以唔試呢。新鍋叫濃厚咖哩鍋，就咁睇湯底香濃惹味，但係食落其實唔太辣，配上牛肉，蟹棒，芝士腸，等等我最鍾意食嘅食物，實在係大滿足！唯一美中不足既係湯底去到後尾我覺得太濃好’gip’ 要加返啲清湯中和下。整體嚟講我都好滿意，而且屯門呢間吉野家係用電磁爐，非常方便。…查看更多

夜晚收完工已經好夜，唔想自己煮麵食，竟然比我見到snack express，入去食d野就快靚正我揀左堂食，雖然人多空間少，但大家已經好有默契，見有新食客都會挪過少少讓出空位。我買左一份炒麵，盛惠$13蚊。阿姐夾滿一盒比我，大份到夠我食兩餐豉油王炒麵真係好好味，每條麵都均勻炒至深啡色，軟硬度適中，唔會有乾左/變硬既情況，加左少少甜醬吊一吊個味更佳。如果一定要雞蛋挑骨頭既話，就係個炒麵都好多油下…咁heavy既宵夜只可以一個月食一次…查看更多