QanRGun的個人專頁

平時見到要排隊已經卻步，咁岩三點行過唔洗排隊又未食早餐，見到冇掛落場牌，唔洗諗，即刻入去。一坐低低諗都唔諗就叫左牛舌芯+套餐白飯升級（白飯改做牛舌溫泉蛋丼）等左大約五分鐘就上菜前菜（雜菜沙律）、配菜（姜+淡味既吉列豬扒醬）、醃製辣椒、湯、丼飯同主角（鐵板牛舌芯）擺滿成個托盤，好勁既視覺衝擊。我係食沙律先既，味道幾清新，唔似其他餐廳，一係用柚子醬，一係得個酸味嘅黑醋或者胡麻醬，我食唔出係咩醬汁，但酸得黎幾開胃，唯一要彈既係啲菜隔夜切定有啲黑邊（可接受範圍）由於個人唔太鍾意刀叉同筷子換黎換去咁用，所以我係將所有牛舌切粒先，由於佢有洋蔥墊底，所以唔怕會焦，但又可以保持到溫度，我認為佢同出面其他鋪有啲唔同係佢應該係煎完牛舌拎起跟住輕輕爆一爆啲洋蔥，洋蔥黐住煎牛舌啲調味料同牛油味，而唔係放洋蔥墊底。佢啲洋蔥係預你食埋既。就咁食牛舌既牛舌好濃，帶小小焦香，如果覺得油膩可以點醬，淡味吉列豬扒醬可以減輕油膩感但唔會蓋過牛舌既風味，可以慢慢享受。食左一半牛舌係時侯到牛舌粒溫泉蛋丼，成個飯面鋪滿牛舌粒，應該係用起牛舌芯既邊位牛舌肉做的，牛舌肉粒用醬油煮到好淋好入味，有啲似台式肉燥飯既牛舌版，因為裝得好滿，根本落唔到隻蛋，所以我係食左一半飯同牛舌粒先落溫泉蛋。我將溫泉蛋同牛舌粒同飯混合，食落蛋味唔算濃，但勝在冇蛋腥，我估應該係用新紀元蛋做既（因為冇乜蛋味同蛋腥味係佢既特點）。整體不錯最後食埋另一條牛舌，仲係暖既，因為都差唔多飽，洋蔥只係食左一半。最後飲埋碗湯，湯佢一啲都唔馬夫，飲到小小鰹魚味同洋蔥既甜味，仲有啲牛舌粒，味噌湯黎講算濃味。成個餐黎講食完超滿足，如果跟餐可以跟杯凍麥茶收尾，清一清口果陣牛舌味就完美。可惜佢地冇水吧，只能跟罐裝汽水，可以理解既，鋪既空間有限🙂…查看更多

首先湯底，湯底款式有四款，實際上只有兩種不同的口味-番薯湯同茶湯。番茄湯不作評論，因為太普通。水仙茶湯，係筆者無選擇下嘅選擇，湯送到面前時就聞到淡淡嘅茶味，加熱時更香。用茶作為湯底，配肉特別清香，菜亦會帶淡淡水仙味 然後到配料：三種牛肉-肉眼、西冷、牛肩胛肉眼：完全無肉味，要靠湯底西冷：肉質軟滑，有牛肉味牛肩胛：肉質較西冷實，有少少根，有牛肉味菜類：唐生菜、娃娃菜新鮮連皮南瓜片：太薄，接近冇味道青皮紅肉蘿蔔：煮左大約45分鐘仲帶一點爽面類：稻庭烏冬：垃圾！！太軟，食落好似真打烏冬煮完放雪櫃一晚咁,完全唔彈牙，難食到一個點總結一下，價錢$88再加一埋單差唔多一百，好似有啲唔抵，加上食哂都係得七八成飽，就連最吸引嘅湯底都有乜選擇，所以「可一不可再」…查看更多

位於深水埗，鋪位不太顯眼，裝潢簡單（只有二人臺），平均一碗麵/包加飲品大約60多元，位於深水埗餐廳算中高價。今次試了蟹糕番茄檬粉、豬扒撈檬、牛油果沙冰及越式滴漏咖啡。蟹糕番茄檬粉：料- 蟹肉豬肉餅、豬紅x2、豆卜x2、番茄、扎肉x2、班蘭（海量）、生菜（少量）評價：湯味道不錯。扎肉有豬耳碎，特別爽口彈牙。重點的蟹肉豬肉餅，沒有任何蟹味及腥味，味道與肉餅無異。班蘭葉一早切成絲，有三分一變黑並帶一點異味假如能需要先切會好一點，能避免異味及可以少放一點，現在份量太多。豬扒撈檬料-豬扒、班蘭生葉評價：豬扒太乾、班蘭一樣、醋不能按自己需要加減。牛油果沙冰評價：口感似奶昔，有淡淡牛油果味，略甜。越式滴漏咖啡評價：比某大牛奶品牌咖啡糖更甜，咖啡味不足。…查看更多