藍腳長老的个人专页

前前後後去左3次, 次次都係6點幾到已經排左好多人直到等3次, 5點幾去到, 已經係隊尾, 再多一pair 人都無得入。2個人叫左一口豚肉, 海鮮沙律窩夫壽司, 豚肉手打烏冬, 萬豚芝士芝麻豬扒一口豚肉--味道OK, 不過肉韌左D海鮮沙律窩夫壽司--呢個勁搵笨, 米通上面加吞拿魚沙律????萬豚芝士芝麻豬扒--呢個味道一段....豚肉手打烏冬--呢個係唯一好食, 烏冬好彈牙好滑, 湯好夠味, 豚肉夠林烏冬係好食, 但唔值得排咁耐…查看更多

情人節同男朋友去食, 因為我地都好鐘意食日本野。刺身種類少, 三文魚, 劍魚, 吞拿同鮑片都算ok, 頭一輪好d, 之後愈來愈唔新鮮.....池魚d味好似街市既鯪魚肉.....好難食。羊架, d肉紅紅地, 但都係好韌咬唔開。天婦羅, 上檯時已經林晒, 勁難食。牛舌, 我覺得好似食車呔囉!!炸蠔, d味好怪其他都唔記得了, 唔特別好唔特別差最好食係芝麻雞翼, 菠蘿雪糕同杯玫瑰花茶, 其他野.....算吧啦......漏單漏左好多, 由頭到尾都無黎......…查看更多

尋日同同事黎lunch, 一坐低, 侍應二話不說就放低左一人一個蒸水蛋。都幾好味咖。叫左個雜錦魚生飯lunch set, 有面豉湯同酸蘿蔔做前菜。d魚生都幾多咖, 仲係原片唔係碎魚生, 有三文魚, 吞拿魚, 甜蝦, 池魚, 仲有d白色既魚我唔知佢係咩魚啦..... 不過呢個白色魚幾好味係魚腩黎。其他都ok 啦, 三文魚都幾好。係d飯一舊舊難攪d。侍應經常加水, 又好好招呼, 呢度唔係用即棄筷子即刻加分不少!! 全日免加一, 都服務周到算唔錯啦。…查看更多

尋日專登去幫趁, 好多人呀, 等左大約半個鐘, 正想放棄之際, 就有位, 哈哈2個人叫左, 西湖牛肉羹, 素海鮮羹, 齋鹵味, 沙拉球腿。開頭有d怕唔夠食, 點知原來都唔少。 齋鹵味好入味, 腐皮脆又吸左d汁, 好食!! 酸齋唔太酸, 甜甜地幾開胃西湖牛肉羹比較咸, 但個味都好似有肉既牛肉羹, 幾好素海鮮羹, 好清, 對比牛肉羹比較淡, 好多料, 細細粒, 好有心機沙拉球腿, 呢個好好味, 個皮好脆同鬆化, 個汁甜甜地, 素火腿質地同味道都似餐肉, 但無餐肉咁油同咁咸, 加沙律醬就甜d, 加辣椒醬就惹味, 相當唔錯。仲有紅豆沙送, 有百合同埋起晒沙, 唔係頹野, 好味。服務都算ok, 食物黎得快, 執野都快, 不過少位, 坐得幾迫。下次多d人可以再試多d唔同既野。…查看更多

09年1月1號, 下午3點幾。同另外3個朋友黎左食個tea, 見佢有下午茶餐, 就叫左幾個set 。小籠包, 煎餃子, 牛肉面, 嫩雞燴面, 雲吞面。食物我覺得係一般唔係話唔好食又唔係難食, 講真都無咩要求。係味精多D, 豆漿似係用粉開, 其他都係正正常常。但D服務真係不知所謂。D服務員勁唔耐煩, 又無禮貌, 又無留心人地講野, 成班都好似發緊夢咁, 叫又唔應, 而家咩態度呀?雖然下午茶無加一服務費但唔係連最基本既禮貌都無掛。以後都唔會再去。…查看更多

我同男朋友, 08年除夕晚去左魚一丁, 慶祝2008年既過去。原本book左8點半, 但我地早到左成半個鐘, 本來以為要等人賣單先有得入, 點知原來已經留左位, 真係好過好多食飯既地方, book左都仲要等餐死。叫左一個8 款刺身, 加一個芝士免治雞, 同蓮藕墨魚餅。甜品係芝麻雪糕同紅豆芝士蛋糕8 款刺身包括三文魚, 吞拿魚, 甜蝦, 帶子, 鯖魚, 油甘魚, 章紅魚, 左口魚邊, 每款4件。樣樣都好新鮮, 最好食係帶子, 鮮甜到不得了, 好食過板長多多聲! 第二我覺得最好味係鯖魚, 好有魚味, 魚味濃而且o係個口好耐都唔散, 但一D都唔腥, 因為我本身就好怕腥, 但呢個鯖魚刺身真係好神奇。第三鐘意既係左口魚邊, 未o係第2度見過, 食落爽口, 味道好特別, 我都幾鐘意。 其他魚生都好新鮮, 三文魚好甜, 最可惜係吞拿魚好凍, 好似未溶晒雪咁……芝士免治雞肉, 一切開流左好多蛋黃出黎, 成個汁既味道就濃厚左好多, 而雞肉好滑, 有少少爽口, 同個汁既味好夾。蓮藕墨魚餅, 呢個係用墨魚餅包住蓮藕, 口感外軟內爽, 味道都幾好, 墨魚餅好彈牙, 應該用新鮮墨魚整既, 無咩溝粉, 呢個係重點。至於甜品, 芝麻雪糕係佢地自己整, 好多芝麻, 仲有少少杏仁, 好香果仁既味道。至於紅豆芝士蛋糕就反而一般左D, 雪到好硬, 味道好淡, 無咩芝士味。不過都唔係唔好食既, 不過相比之前既好, 呢個就爭D。服務都OK啦, 都會自動加水。坐得舒服係真既, 我地2個人佢俾左4人檯。…查看更多

因為同男朋友之前食左個勁唔掂既聖誕自助餐, 決定要補返。我地2個人食左個日本和牛火鍋放題, 個半鐘任食。我地叫左豆乳湯底, 因為日本和牛任叫, 食完又叫, 一碟有10-14片, 好薄好多雪花, 同百幾蚊位o個d係唔同既牛, 比o個d多好多雪花。個湯底好甜, 我地食左好多野, 豆腐卜好好味, d湯既鮮味入晒去, 仲有好多丸同菜任食, 每人200幾蚊, 我地食左8碟牛, 回晒本。仲有飲品同甜品可以半價, 我地仲食左個栗子芭菲, 好味既雪糕加埋粟米片既味道好得意。好抵都唔算, 不過至少食得開心。…查看更多

平安夜晚去, 同男朋友2個, 非常失望及唔開心。首先, 一早買飛 (12月10號), 劃位, 我地2個人要坐o係一個通道既位? 個位似係唔夠位臨時加落去咁樣, 個位好窄好迫, 我唔明佢點set 位?! 我男朋友問個經理, 有無第2度可以坐, 佢轉左另一個又係好迫既地方俾我地, 攪錯?! 佢話因為好多人好full 所以咁迫, 但你賣飛時都知道有咁多人咖啦, plan 位時點解唔set 好d? 一開始已經覺得好差。講返野食…..種類好少, 又refill 得慢, 好多人等蠔, 頭2個人都已經攞晒, 後面既人又要等, 救命……魚生只有3種, 又唔新鮮, 我男朋友仲因為魚生檔用既刀唔乾淨攪到敏感, 結果我地已經無晒mood, 一個好好地既平安夜, 就咁破壞晒。食物味道一般, 種類少, refill 慢, 我都未試過自助餐食唔飽。 service 更加係無….一定無下次。…查看更多

同男朋友周圍行, 見到呢間野派傳單, 價錢又唔貴, 就上左去試下。我地2個人, 叫左一個頭盤拼盤, 有焗薯, 蝦仁雜菌同帶子, 加一個set dinner四重奏, 跟餐加14 蚊要左個Blue Hawaii。set dinner 有沙律係蟹柳粟米沙律, 一塊包, 以一人份量黎計, 沙律都幾大份, 同埋幾好味, 唔係一般既頹沙律。頭盤拼盤, 有焗薯--好多芝士同煙肉,薯仔係真焗唔係烚完扮焗o個隻, 好好味:)蝦仁炒雜菌--D蝦都幾多同算大隻, 可惜係雪蝦無咩蝦味, 不過D雜菌炒得好好, 好香同少少辣, 惹味蕃茄焗帶子--上面好多茄汁, 帶子好大粒, 酸酸地好好味:)四重奏係有羊架, 龍脷柳, 西冷同三文魚沙律, 好多雜菜同車厘茄, 仲有薯仔片, 碟野真係好大......一個人點可能食得晒?4樣野我覺得最好係個羊架, 肉滑, 唔韌, 有羊味, 西冷就熟左D, 就鞋左D......龍脷柳就一般啦, 三文魚沙律有兩件三文魚, 好正啊!!我覺得最抵係Blue Hawaii, 如果去club飲70幾蚊杯既野佢呢度正價都係35蚊, 抵過去任何樓上cafe飲咖啡, 呢個真係最抵讚既地方, 平日去飲杯野同朋友傾下計都幾好。…查看更多

本來想去888, 但太多人, 唔想等, 就上左去一平安。星期6, 去到2點幾pm, 無咩人, 就坐低左。見佢地用木筷子, 唔環保, 因我有私家筷, 即刻叫佢收返個木筷子, 點知轉個頭, 又俾一對我...... 叫野食, 2個人, 叫左個炸雞拉面, 面豉拉面同餃子。雖然間野無咩人但都等左幾耐.....2個拉面既味道都好濃, 味覺上覺得好味, 但太多味精, 我之後o個大半日都要不停飲水.....最好係個炸雞, 入面多汁, 夠滑, 不過好少。餃子麻麻地, 可以唔食都唔緊要。如果好味只係靠大量味精, 咁佢地既師傅都好失敗。…查看更多

4個人, 因為要傾野所以上左去。我地上去時人無咩人, 但佢都要我地坐一張超級細既所謂4人檯....我地話唔夠坐, 坐左2張二人檯(拍埋一齊), 食到一半, 佢又要我地搬......搬返去o個張超級細既檯, 好彩有3個人已經食完野, 如果唔係張檯點擺得晒d 野食? 講返食物, 叫左個咖啡魚柳飯餐, 魚柳買返黎炸, 普通, 無魚味, 預左。d飯最唔掂, 痴埋一大舊, 又唔熱, 用匙都隊唔開, 大陸工廠飯堂就係呢d飯, 好難食囉......咖哩汁又少。個沙律就好d, 不過d蘋果唔係咁靚, 有d黑黑地。個飲品算最好, 荔枝紅茶, 夠甜, 但得一粒荔枝咁大把。間野又話非吸煙, 但露台d煙味一樣入晒去, 好難頂。埋單最好笑, 我地4個人都係叫餐, 咁價錢一樣, 我地就問每人即係幾錢, 個收銀話: 每人69加1。 多謝晒囉, 而家我問你幾錢, 唔係問你點計, 答非所問囉先生。每人76蚊, 又唔好食, 又無服務, 唔會再去。…查看更多

其實我知美心D西餅面包都係由工場運去唔同鋪頭, 其實邊間都無分別。同事早一日去order , 26 號食天使蛋糕慶祝出糧, 1磅半一個, 都幾大個, 而且全白色好靚好純潔(個樣)。因為焦糖脆脆好甜, 所以白色既cream 都係無落糖去打, 如果唔係就甜得滯了。12人每人都分到一小件, 少食多滋味。蛋糕比一般海綿蛋糕再鬆D, 氣孔再大D, cream 薄唔會太膩, 又唔會話太少cream 唔好食, 都o岩o岩好。其實個cake 食完好似無食過野咁, 只係為左過下口癮, 一試都唔錯既!…查看更多

同男朋友及其同事, 4人去左打邊邊, 見呢度既食評幾好, 梗係黎試下。因為男朋友對蟹敏感我地就無叫到招牌蕃茄蟹鍋, 叫左個冬陰公湯底同清湯。一上檯, 嘩, 個冬陰公湯好香好香, 試飲一啖, 都幾辣, 我係一個食得都幾辣既人, 呢個湯真係一流。搵個網一摷, 入面竟然有隻蟹仔同瀨尿蝦?! 男朋友又唔食得了.......手打四寶丸--好細粒....不過都幾彈牙, 尤其鐘意佢既蝦丸同牛丸手切本地牛肉--呢個好大碟, 牛唔算好薄, 一D肥都無, 但一D都唔韌, 好有牛味, 呢個正!!鱔片--好彈牙, 都幾多。一D都唔腥, 有D陳皮絲o係上面唔知有無關係?雲吞拼魚皮餃--2樣都有6粒, 幾大粒, 雲吞粒粒有蝦, 爽口!!雜菜--有幾隻菜, 生菜, 西洋菜, 唐蒿, 都OK大兜花枝片--原隻大墨魚, 好爽口, 煲幾耐都唔韌, 好!!山根--掉入辣湯之後最正!!蘿蔔拼粟米--蘿蔔無渣, 粟米好甜好甜!!仲有值得一提佢地既豉油, 加上大量蒜蓉同辣椒, 點咩野都咁好味!!…查看更多

2個人叫左個紅油牛肉拉面, 一籠小籠包, 一碟煎肉餃子。紅油牛肉拉面-呢個幾好味, 有點辣, 面爽及滑, 牛肉都幾多, 不過唔好處係個碗好大, 但食物只有個碗一半。小籠包--差過以前.....個皮一夾就爛, D湯流晒出黎......入面既料細過以前.....煎肉餃子--D肉同小籠包既一樣? 個皮厚左D....不過幾多汁, 算係咁2個人食完上面既野都唔係好飽, 本來想食甜品不過都係算了......下次即使再去都唔會因為D小籠包。…查看更多

尋日去完米埔, 2個人又唔知上水有咩好食, 就是但搵個地方食野, 見佢唔使等位, 又話三文魚壽司特價5蚊件, 就入左黎呢間食。原來仲全日唔收加一, 7點前又有特價雙拼, 就叫左個雜錦刺身+加洲反卷拼牛肉烏冬, 4件特價三文魚壽司, 日式燒餅, 芝士焗帶子。雜錦刺身+加洲反卷--刺身有三文魚, 白肉toro各2件, 我本身係好鐘意食三文魚, 覺得厚同大件, 不過就無咩鮮味, 又無三文魚既魚油, 成塊都無咩白色, 白肉toro一般la, 比較細件, 玉子同蟹子魷魚少量, 都係一般, 加洲反卷都係普通。牛肉烏冬--湯都幾甜, 我覺得幾好味, 牛肉都係一般o個D肥牛無咩特別三文魚壽司--5蚊件黎講真係算好咖, 三文魚都長過舊飯,都唔係好薄, 反而多D白色, 以5蚊件黎講, 算係抵。芝士焗帶子--好多芝士, 入面有好多粟米同蟹柳, 不過粒帶子好細粒.....日式燒餅--呢個無咩特色, 又無咩料, 不叫也罷整體黎講算OK, 全日不收加一係加分位, 埋單仲有coupon送, 不過我好日都唔入上水一次用唔著, 所以coupon俾左出面等位既人。…查看更多