winnieleung21的个人专页

秋風起，最好食乜？當然要食臘味，同最殘忍嘅飯，煲仔飯，我同老公咁為食，梗係要四圍搵好嘢食啦！🤣🤣🤣憶食尚臘味煲仔飯地址：佐敦文匯街22-24號地下2-4號舖廣式臘味煲仔飯 （二人份量）$167單睇賣相已經好吸引，佢有臘鴨，臘腸，同腦肉，上枱時，服務員哥哥會先幫我哋落芫茜、葱同豉油，我攪好比我哋食，如果大家唔食芫茜同葱可以同佢哋講，之後我哋就先食飯，仲有最香嘅飯焦，大家唔好咁急食，因為食到差唔多時，服務員哥哥會行過嚟幫大家整起飯焦，咁大家就可以慢慢享用成個煲仔飯，講真佢嘅臘鴨真係幾好食，連平時唔食嘅我，我都食咗好多，成個飯滿佈晒全部臘味嘅油香，加埋佢哋秘制嘅豉油，真係好食到唔停得口。😋😋😋辣子雞丁 $117唔算好辣同好咸，雞丁表面夠晒乾身，但肉質好juicy，要特別一提佢入面嘅花生，真係好好食，夠脆，又香，我哋食到真係冇剩。😆😆😆芥菜排骨煲 $117呢個真係冇得輸，連我老公最怕食芥菜同飲芥菜湯嘅人，佢竟然主動自己去食，仲要我整定碗湯比佢，等佢食完飯飲，講真呢個係唔係湯我唔知，但我哋連佢嘅湯都飲晒，一滴都冇剩，就知幾好飲。佢嘅湯超清甜，完全冇芥菜嘅苦澀味，仲有胡椒味，講真，我真係覺得排骨即時變咗配角。😍😍😍講真，佢除咗價錢係偏貴少少外，樣樣嘢都好好，地方夠乾淨，又冇油煙，服務又超好，嘢食又超正，真係冇得輪。👍👍👍另外，佢哋仲有臘味、午餐肉同自熱煲仔飯等等，可以買返屋企慢慢食，真係啱晒咁繁忙又收得夜嘅朋友仔。😃😃😃整體評分：最高為🌕🌕🌕🌕🌕味道：🌕🌕🌕🌕🌗服務：🌕🌕🌕🌕🌗環境：🌕🌕🌕🌕🌗地點：🌕🌕🌕🌕回頭率：🌕🌕🌕🌕🌟🌟🌟必食推介：芥菜排骨煲、港式臘味煲仔飯🌟🌟🌟#憶食尚 #佐敦煲仔飯 #保仔飯 #真材實料 #佐敦 #佐敦美食 #佐敦好去處 #香港 #香港美食 #打卡 #香港好去處 #食好西 #烹飪 #美食 #食譜 #購物 #煮食飲食 #winnie_winnie21 #shopping #cooking #Hkfoodblogger #foodieshk #hkfoodblog #hkfoodies #hkeats…查看更多

老公今年生日，我哋終於唔洗係麥當勞慶祝啦！問親老公想食乜，佢就一定答，老婆想食乜佢就想食乜，咁我真係唔知食乜好，所以決定行到邊食到邊。當日行咗成日街街，去到尖沙咀金巴利道，見到呢間韓國餐廳，菜式種類繁多，環境整潔，又乾淨，座位又夠寬闊唔迫，所以就入咗去試吓。🤣🤣🤣漢城美食 Han Sung 地址:尖沙咀金巴利道74-76號地舖韓式小食(三小碟)泡菜 - 唔太酸，唔辣，好爽口魚片 - 唔太特別韭菜煎餅 - 好食呀，點埋年糕個汁，簡直正正子甜辣雞翼$88好香脆，甜辛辣又好味，甜甜哋，小小辣，超JUICY，我最鍾意嘅係佢唔係全隻都唔係撈晒甜辣醬，仲有大約1/4係冇，咁就唔會只食到甜辣醬味，又可以食到佢雞翼嘅原味。😀😀😀香辣豬肉紫菜飯卷 $84辣豬肉好出色，配料超多，如果再多少少麻油味仲一流。😆😆😆炸醬麵 $89有驚喜喎，其他地方食會偏甜，佢又唔會，味好好食之餘，仲要唔係公仔麵，麵質好彈牙，又滑，大家可以一試。😃😃😃拉麵(公仔麵)炒年糕 $95我同老公一致認為係最好食的，味道好味，我食以上咁多樣食物，都要點呢個拉麵年糕汁嚟食，年糕又滑又彈牙，醬汁超好味，甜、酸、辣在一身，簡直汁都唔放過。😋😋😋原來佢哋韓國人主理，唔敢得美味咁正宗，呢間真係可以回頭之選。👍👍👍整體評分：最高為🌕🌕🌕🌕🌕味道：🌕🌕🌕🌕服務：🌕🌕🌕🌕環境：🌕🌕🌕🌕地點：🌕🌕🌕🌕回頭率：🌕🌕🌕🌕🌟🌟🌟必食推介：拉麵(公仔麵)炒年糕、炸醬麵、甜辣雞翼🌟🌟🌟#漢城美食 #韓國菜 #韓國 #尖沙咀 #尖沙咀美食#尖沙咀好去處 #香港韓餐 #韓式料理 #香港 #香港美食 #打卡 #香港好去處 #食好西 #烹飪 #美食 #食譜 #購物 #煮食飲食 #winnie_winnie21 #shopping #cooking #Hkfoodblogger #foodieshk #hkfoodblog #hkfoodies #hkeats…查看更多

老公整親腰返工後嘅假期，竟然係帶我去行街街，我哋去九龍灣搭接駁巴士先去國際展貿中心E-MAX行咗一陣，上到4樓時，發現一間可以帶狗狗入去嘅Cafe，當然我哋就係比d狗狗相吸引咗入去啦！🐶🐶🐶原來星期五夜晚同星期六、日及公眾假期全日都有BBQ的。🎉🎉🎉當日我哋平日下午5、6點到，所以先試吓佢哋健康之選嘅餐單。💪💪💪Cafe Wellcome x BBQ Place 地址：九龍灣展貿徑1號國際展貿中心E-MAX 4樓421至425號舖芒果沙沙配蟹肉沙律 + 意大利包 + 精選水果 $82蟹肉沙律少少鹹再加埋佢哋特制嘅芒果沙沙嘅甜能夠中和返，真係諗都冇諗過咁好食，意大利包又做到外脆內軟，簡直一絕。👍👍👍碎蛋沙津配烤雞胸肉 + 牛角穌 + 凱撒沙律 $82雞胸肉一d都唔乾同柴，有少少燒烤味，配埋碎蛋沙律食，恰到好處，特別提一提就係牛角酥，真係好酥嫁，食嘅時候要小心少少，如果唔係一定跌到成碟酥嫁。🤣🤣🤣磨菇忌廉湯蘑菇打碎，仲有不一嘅細粒，飲時可以增加口感，湯夠creamy 。😋😋😋麵包布甸🍮我一句都唔太鍾意食嘅甜品，但我都食咗半個，因為佢焗得外脆內軟，又唔會太甜，令到我對呢個甜品有少少改觀。飲品方面，我哋只係飲咗無糖可樂冰底同凍齋啡，冇太大特別，所以唔多講啦！😅😅😅…查看更多

老公整新條腰都成2個幾月，終於都出關啦！我哋梗係通道去，搵吓好嘢食。😍😍😍當然康復第一餐當然想食好嘢，我哋就揸住架車一心諗住入元朗食好西，竟然無意之中比我哋發現呢間火鍋冰室，見到開口餐牌勁低食，所以決定去試一試。🏃🏼‍♀️🏃🏼‍♀️🏃🏼‍♀️撈得喜火鍋冰室地址：元朗屏昌徑14-48號聯發樓地下9-10號舖我哋座時間為20：30，所以收費係$188 + 10%有得揀雞煲+火鍋 或 烤魚+火鍋，咁當然係同老公撐枱腳，梗係揀雞煲+火鍋啦！😋😋😋雞煲我哋揀咗小辣BB麻，雞煲賣相好靚，雞好夠滑，又夠味，真係好食，我哋好快就食完雞煲，再加枱上嘅豬骨湯去打邊爐。😚😚😚打邊爐（火鍋）食物方面係自助，自己行出去攞，講真種類唔算特別多，但如果你係蝦、蜆、蠔控嘅話，就真係要去啦！佢係一盆盆放出嚟，未比人攞晒又去加出嚟，真係唔洗去搶，慢慢食，慢慢攞都得，講真，海鮮夠新鮮，仲有肥牛、水尤、不同種類嘅丸同各式各樣嘅蔬菜，特別係芫茜控嘅朋友，千萬唔好錯過，仲有其他打邊爐（火鍋）必備嘅食材，講真，呢個價錢，食到咁多嘢，仲有海鮮，全部都係任食，仲要食物質數，味道都唔差，呢個價錢，真係勝價比超高，我同老公講，如果我哋住附近，一定成日會去食。🤣🤣🤣另外，飲品方面都係自助任飲的，但一定要介紹一下佢嘅自家制飲品，真係超出奇哋好食，仲有好多果肉，大家去到真係要試吓啦！👍👍👍整體評分：最高為🌕🌕🌕🌕🌕味道：🌕🌕🌕🌕服務：🌕🌕🌕環境：🌕🌕🌕地點：🌕🌕🌕🌕回頭率：🌕🌕🌕🌕🌟🌟🌟必食推介：雞煲，海鮮 🌟🌟🌟…查看更多

被公司安排到土瓜灣分店幫手，我自己一個人Lunch，我嘅首選梗係譽麵坊，呢間土瓜灣小店，以前一經過附近，一定會幫襯，佢嘅南乳雞球撈麵真係冇得輸。👍👍👍譽麵坊地址：土瓜灣新山道6號地舖🐥南乳雞球撈麵 $42雞球炸得非常脆，雞皮脆卜卜，雞肉肉嫩，超juicy多汁，一d都唔會乾同柴，撈麵又唔會濕笠笠，夠乾身，最重要又唔會乾到哽喉嚨，雞球係另配上南乳醬，簡直令炸雞球昇華到另一層次，本身雞球，已有底味，所以真係可以自行決定點唔點醬食都得。😋😋😋🥛自家制豆漿 $7我冇影到相，細細支，口味冇得揀，只有有糖嘅豆漿，豆味偏淡，有d過甜，感覺似飲緊糖水咁，所以我下次去食，一定會選擇配汽水或支裝茶。🤣🤣🤣整體評分：最高為🌕🌕🌕🌕🌕味道：🌕🌕🌕🌕服務：🌕🌕🌕環境：🌕🌕🌕地點：🌕🌕🌕🌕回頭率：🌕🌕🌕🌕🌟🌟🌟必食推介：南乳雞球撈麵 🌟🌟🌟我會為大家帶黎煮食、食譜、飲食同資訊分享比大家，請多多支持🥰🥰🥰…查看更多

本來訂咗枱諗住同老公撐枱腳，食下潮州菜，點知老公有工作在身，臨時去唔到，最後同公司嘅同事妹妹去食。🤗🤗🤗我哋兩個女仔，食四個餸，真係太貪心，因為佢分量好大，好足足夠，食到我哋好飽。味道好味又唔貴，下次一定要帶老公再去食。😋😋😋醉潮館地址：荃灣三陂坊30號地舖砵酒脆肉鯇 $108脆肉鯇煎得夠香身，爽口彈牙，配上砵酒完全可以去除魚腥味，真係好食。👍👍👍鴨蛋煎蠔烙 $88煎得超脆，超多蠔仔，蠔仔夠曬肥美又新鮮，完全唔會腥，超好食。😃😃😃雪裏紅蝦乾芥蘭煲 $88雪裏紅唔會過鹹，蝦乾夠鹹香，同芥蘭一齊烹調，簡直超夾。😄😄😄椒鹽孖寶一口方塊 $78孖寶原來係椒鹽豆腐同椒鹽炸饅頭饅頭，豆腐超滑，炸饅頭外面脆卜卜，裏面甜甜地，原來椒鹽炸饅頭係咁好食。🤤🤤🤤天地一號 $18 椰樹牌椰汁 $15天哋一號唔洗講啦，係蘋果醋，最估唔到係有椰樹牌椰汁，呢個係童年回憶梗係要買返罐嚟飲下啦。😘😘😘整體評分：最高為🌕🌕🌕🌕🌕味道：🌕🌕🌕🌕服務：🌕🌕🌕🌕環境：🌕🌕🌕🌓地點：🌕🌕🌕🌕回頭率：🌕🌕🌕🌕🌟🌟🌟必食推介：鴨蛋煎蠔烙、砵酒脆肉鯇、椒鹽孖寶一口方塊🌟🌟🌟…查看更多

難得同老公一齊放假，老公成日帶我食好嘢，今次就輪到我帶佢食返餐好嘢啦！🥰🥰🥰今次帶老公食特選鹿兒島縣產A5黑毛和牛套餐，佢係牛陣姊妹品牌，但完全係走高上嘅格調，專門提供優質日本產黑毛和牛主題 Shabu Shabu 涮涮鍋，仲要食到多款黑毛和牛嘅唔同部位，按照季節挑選嘅蔬菜同有機菇菌，精心安排嘅前菜同甜品，價錢雖然係貴少少，但食優質美味食物，仲有超好嘅服務，真係值得。👍👍👍牛陣HANARE Platinum Label地址：銅鑼灣告士打道280號世貿中心11樓1102號舖特選鹿兒島縣產A5黑毛和牛套餐 $698前菜四小碟 （建議順序，由右至左，由鮮味食到清新）磯煮原隻鮑魚 - 用特製昆布汁煮成的，鮑魚非常鮮味彈牙。😃海膽帶子刺身 - 海膽同帶子非常新鮮，又夠清甜，師父已調制咗特制醬汁，完全唔需要落其他東西，就已經非常美味。😀日本產黑毛和牛他他 - 係和牛切粒嘅和牛刺身，已配上少少京蔥粒同日本無菌雞蛋黃，只需要攪一攪就食得，講真我係一個接受不到食生牛肉嘅人，見到咁靚嘅黑毛和牛，我當然要試吓啦，食完之前，我真係對牛牛肉改觀，入口即溶，真係超正。😄檸檬海蜇頭 - 海蜇頭非常Q彈，配上檸檬汁，真係超清新。😁澳洲產特級安格斯牛 白金牛舌 配柚子醋及九條蔥牛舌有口感，又唔韌，配埋九條蔥，真係超夾。🤤鹿兒島縣產黑毛和牛牛肩胛及牛赤身肉 配紅葉泥柚子醋及自家製麻醬牛肩胛肉緊結實，肉嫩，油脂分佈平均，牛赤身肉會比較瘦，但又唔會鞋口，兩個部位都好有牛味，配埋麻醬一齊食，真係一流。😊鹿兒島縣產黑毛和牛板腱肉及A4西冷 配wasabi及炸蒜片牛板腱油花分佈比較均勻，肉質柔軟，西冷肉質有彈性，肉質細嫩，呢兩款牛嘅肉味相對比較濃，原來靚嘅牛配上少少wasabi係咁正。😋鹿兒島縣產黑毛和牛A5西冷配山椒及青檸A5西冷係最肥美嘅，油脂超多，入口即溶，就正因油脂多，所以配上青檸，可以有中和嘅作用。☺️旬之野菜盛合係按照季節挑選有機菇菌及水耕菜，上枱嘅時間，簡直好似盆栽咁放係眼前，要特別一提係有一種菇菌叫黑皮雞樅，呢種有機菇菌唔係常見，含有高蛋白質，味道又香又有咬口，大家見到一定要試。🤗湯底：cappuccino豆乳番茄湯底，舊魚打到好似cappuccino咁綿密，好似舊舊雲咁，配上酸甜嘅蕃茄湯底，一個字正呀。喜燒湯底唔會死甜，配上靚牛一齊食，簡直夾到暈呀。👍👍👍主食：烏冬、蕎麥麵甜品：抹茶蕨餅及紅豆丸子，另外仲有一本巨峰提子乳酸刨冰刨冰，係比大家用餐途中用嚟作休息之用，可以清新味蕾，解膩之用，真係好貼心嘅服務👍👍👍另外我哋還點咗兩杯飲品，蜂蜜柚子汽酒同青檸梳打。雖然呢餐飯係貴咗少少，用我新工搵返嚟嘅私己錢同我老公食，但食物有呢種質數、同服務，真係值得嘅。🤗整體評分：最高為🌕🌕🌕🌕🌕味道：🌕🌕🌕🌕🌕服務：🌕🌕🌕🌕🌕環境：🌕🌕🌕🌕🌕地點：🌕🌕🌕🌕🌕回頭率：🌕🌕🌕🌕🌕🌟🌟🌟必食推介：特選鹿兒島縣產A5黑毛和牛套餐🌟🌟🌟…查看更多

心情唔好，老公帶我食好嘢，老公講得啱，心情好要食嘢，心情唔好更加要食嘢，所以佢就車咗我過海，帶我去食好嘢🥰🥰🥰尚上下夏2.8 - 養生雞煲火鍋x冰室地址：灣仔譚臣道1-3號長康大廈地舖雞煲 BB辣 $178因為果日我哋三個人，其中一位食唔到辣，所以我哋就叫咗BB辣，雞夠滑，醬料好入味，甜甜哋，配料仲有豬皮，嘩，真係正到暈呀，吸晒雞煲嘅汁d精華，真係一絕。👍👍👍 瑤柱群翅雞湯 $58 + $20食完雞煲就可以直接加湯去打邊爐，但由於我想直接食到湯底嘅原味，所以我就$20直接連煲都換埋，湯底好香，好重膠質，仲有好香嘅金華火腿味添，咁正嘅湯，當然係未落食物之前飲返碗先啦！😆😆😆 手切頂級安格斯（大） $288 即叫即切，好有肉味，入口香、淋、滑。😀😀😀即炸響鈴 $63即叫即炸，攞到出嚟熱辣辣，就咁食同浸湯食都同樣咁正。🤗🤗🤗 黑柏葉 $98 食佢梗係要7上8下啦，咁先夠爽口唔老。🤣🤣🤣 鵝腸 （細）$48 夠爽口，又唔會有腸嘅臭味。😊😊😊 蝦膠釀冬菇 （細） $48 冬菇夠厚身，蝦膠夠彈牙。😁😁😁 鬼馬墨魚 $60油炸鬼上面釀咗墨魚滑，油炸鬼吸咗湯汁後再加彈牙嘅墨魚滑，口感非常正。😃😃😃手打三色滑 $108分別係墨魚滑、雞滑同蝦滑，一條滑入面，可以食到三款嘅滑，真係一次過滿足晒為食嘅你。🤣🤣🤣桂花蚌 $118新鮮，鮮甜，極好味，我一個人差唔多食晒成碟。🙈🙈🙈金沙魚蛋 （大）$50鐘意食鹹蛋黃嘅你，就千萬唔好錯過，入面仲要係流心添。😀😀😀什菜籃 $79夠大籃，係比時令嘅新鮮蔬菜。🥬🥬🥬 洛神花 $58 一渣佢哋自家制，真係好有誠意，唔同出面就咁用熱水沖完焗出味就算，佢真係煲嫁，因為你每本飲完都見到沉澱溶晒嘅洛神花，飲落酸酸甜甜，真係好開胃。😋😋😋…查看更多

偷懶唔想煮飯，就同老公去旺角睇吓有乜好食，去到花園街投注站附近，見到呢間壽司店，我哋就入去試一試。😆😆😆我入到去，見到大部份都係吧枱，仲以為係omakase，坐低，服務員姐姐就同我哋講可以掃code落單就可以啦！點單時，見到價錢唔貴，壽司都係$9件起。😄😄😄鮪世市場 (旺角) @maguro_sekai地址：旺角花園街3-5號鴻威大厦地下10-11號舖⭐鮪世刺身盛 $298 奉送湯/沙律/蒸蛋赤海蝦帶子三文魚金目鯛油甘魚腩 大拖羅有六款刺身每款2件，刺身厚切肥美，全部都好新鮮。赤海蝦好大隻，蝦肉彈牙爽口，帶子中間夾咗青瓜，大粒鮮甜，夾埋青瓜食勁清新。厚切金目鯛係火炙咗表皮，肉質食落香嫰，油甘魚好肥美，大拖羅油脂最豐富既，又冇根，簡直入口即融。😋😋😋⭐特選本鮪壽司盛 $128吞拿魚蓉軍艦、赤身同大、中拖羅，抵食過散叫。🤣🤣🤣⭐鮮鯖魚壽司、北海道白鳥貝壽司（限定）呢兩款都係限定嘅，係日本直送過嚟，非常新鮮，鯖魚火炙咗表皮，肉質半生熟咁，十分嫩滑。白鳥貝淺口，但非常彈牙爽口，我勁鐘意。😀😀😀⭐厚切火炙鵝肝 $48厚切火炙鵝肝係叫即燒，仲可以睇到廚師做法，表面焦香中間好軟，油膩充足，簡直入口即融。😍😍😍⭐火炙鰻魚 $18、飛魚子軍艦 $9、芝士飛魚子軍艦 $13、自家製燒玉子 $9、炸軟殼蟹手捲 $38、蟹籽手捲 $18呢d大家都可以一試，因為勝價比都幾高，特別一提，如果鐘意食鰻魚，就真係要叫返件火炙鰻魚嚟食，因為好夠肥美。🤗🤗🤗⭐北海道海鹽炸甜蝦 $58佢有好多種炸物，但炸甜蝦真係冇乜地方可以食到，所以我哋就叫嚟試吓，估唔到，有驚喜，炸到好鬆脆，連蝦頭蝦尾都可以食埋，最重要係唔會過咸，仲可以食到甜蝦嘅甜味，我同老公都一致好評。🥰🥰🥰⭐東京人氣芝士蛋糕 $22細細件，好creamy，好香芝士味，係我老公鐘意食果種，所以我哋叫咗兩件。😊😊😊⭐富士山柚子汽水 $25、達摩汽水 $25柚子汽水好香柚子味，好飲，但達摩汽水我就真係唔識欣賞，飲落以飲咳藥水。😅😅😅…查看更多

睇返上次出介紹嘢食個Post，已經係上年嘅事，成幾個月冇寫過嘢啦！大家係唔係好掛住我呢？🤔🤔🤔因為我身體問題，入院都兩次，需要好好休養，再加上疫情越嚟越嚴重，真係唔敢出街。🙈🙈🙈老公見我困咗係屋企咁耐，所以帶我去出去食番餐好嘢比我養生吓喎。😆😆😆*店舖： 馬祖無限時台灣養生涮涮鍋*地址：旺角彌敦道628號瓊華中心11樓 坐低後，只需要揀好湯底，就可以掃code點餐，湯底種類超多，真係會令人花多眼亂，我同老公都有自己心水，但可惜今次唔一樣，我本來諗住放棄我果個叫佢想要果個，老公就話，係小朋友先要選擇，我哋洗揀姐，就叫個鴛鴦喎啦！咁我同佢嘅心水都可以食到。🥰🥰🥰湯底：藥膳花膠雞涮涮鍋併藥膳椰子雞涮涮鍋湯嚟到，等佢滾起，第一件事梗係要飲湯先啦！藥膳花膠雞超甜，勁好味，藥膳椰子雞超香棷子味，兩個湯底都冇得輸。😋😋😋佢嘅食物種類超多，樣樣都好新鮮，就等我特別推介吓去到一定要叫嘅食物比大家啦！👏👏👏⭐手工梅菜豬肉丸 - 味道超正，梅菜同豬肉真係完美嘅組合，細細粒，又夠彈牙，唔洗驚食完就頂住個胃，食唔到其他好嘢。⭐手工麻辣牛丸 - 麻辣完全入到牛肉入面，就係煮完都食到牛肉同麻辣味。⭐西班牙無激素豬肉片 - 話晒都係無激素豬，全熟後都唔嚡。⭐Prime Grade 美國安格斯牛肉 - 呢個真心ok，好有肉味，唔會嚡，仲有彈牙感覺。⭐海鮮方面，海蝦新鮮，蝦肉唔會梅，彈牙，是日海鮮，就係蜆同蟶子，蜆超甜，蟶子就有少少沙，另外，鐘意食鱔嘅朋友，就一定要叫啦！⭐小食，我哋就叫咗兩款，拍青瓜同黃金地瓜條，真係要講吓個地瓜條，因為枱上準備咗4包Shake Shake粉同一個紙袋，就係比你用嚟Shake地瓜條嚟食，我哋為咗睇吓邊種味最夾，今次就唔shake啦，但點嘅方式去食，我初時諗，應該最唔夾係蕃茄味，但最後竟然最夾係佢，食完記得話我知喎🤣🤣🤣⭐飲品，佢有4款台式茶，我最鐘意係冬瓜茶，愛文芒茉莉，大家可以去試吓。⭐最後，每人仲有一個甜品可選擇，Movenpick、Haagen-Dazs同KitKat雪糕/雪條，真係好嘅一餐嘅結尾。😘😘😘整體評分：最高為🌕🌕🌕🌕🌕味道：🌕🌕🌕🌕服務：🌕🌕🌕🌕環境：🌕🌕🌕🌕地點：🌕🌕🌕🌕🌗再食：🌕🌕🌕🌕…查看更多

人放大假，我放大假，我就成個大假都要留係屋企養病同休息，老公只批准一日外出，當然要佢帶我出去食好嘢啦！所以佢就帶我去咗沙田科學園，果度環境真係幾靚，又可以踏吓單車，真係幾舒服。🥰🥰🥰最估唔到，果度真係都幾多美食，真係花多眼亂，最後我哋選咗呢間，又可以飲茶，又有特色農家菜，又有燒味，真係適合我呢d為食之人，一定過可以食唔同嘅嘢。🤣🤣🤣農地址：沙田白石角香港科學園第二期科技大道西10號浚湖樓地下S041A號舖幻彩帶子餃帶子厚肉，夠鮮甜，內裡係蝦肉，夠彈牙，外皮粉藍同粉紅色，夠晒吸睛，一啖一隻，夠晒滿足。😁😁😁爆汁乳鴿即叫即炸，夠晒熱辣辣，外脆內嫩，一口咬落去，真係會爆汁，夠晒 Juicy。😊😊😊山寨叉燒（牛肉）佢並唔係豬肉，係名付其實山寨，其實係牛肉嚟，係用整叉燒嘅方法去烹調，講真同真心，佢牛肉嘅位置選得好靚，中間帶有少少肥，嘅爽口又彈牙，（買叉燒時我都會咁同切叉燒哥哥咁講），比起真正嘅梅頭叉燒好食，去到一定要叫。😋😋😋蜑家水果粟鐘意食辣同香口嘢嘅一定唔好錯過，又夠辣，又夠香，最重要係粟米真係好甜又爽口，成碟差唔多我一個人食晒。👍👍👍農莊包點雞仔做型係叉燒包，牛仔做型係流心朱古力，叉燒包好食，奶奶最愛，下次一定帶佢去食，因為奶奶係叉燒包專家，而食牛仔包包時大家一定要小心，真係好流心嫁，食嘅時候小心流出嚟同熱親個咀仔。😆😆😆熊仔芝士蛋糕芝士蛋糕夠香滑同creamy，唔會好甜，每件都配襯咗隻熊仔奶凍（士多啤梨同椰汁）作為成餐飯一個完美嘅完結。👏👏👏整體評分：最高為🌕🌕🌕🌕🌕味道：🌕🌕🌕🌕服務：🌕🌕🌕🌕環境：🌕🌕🌕🌕地點：🌕🌕🌕再食：🌕🌕🌕🌗…查看更多

政府第二期消費券又到手啦！老公即刻同我去街街Shopping，佢古古惑惑咁帶咗我去旺角信和，原來佢心癢癢要買Switch Game，作死佢呀，一買仲要買兩隻，唉！算啦！平時佢返工返得咁辛苦，就比佢買啦！🥰🥰🥰買完嘢，已經差唔多六點啦！當然要食埋好嘢先叫完美啦！佢就帶我去食雞煲同打邊邊。🤣🤣🤣阿爺八鮮鍋可能我哋去到尚早，所以只得兩、三枱客，完全唔洗等位！我哋食咗大半個鐘後，嘩！竟然全場爆滿，仲要有人等位！真係超誇張。😱😱😱我哋坐低，佢哋先問我哋，如果任飲就加$20，我哋當然加啦！跟住同我哋講，佢哋係先食雞煲再換湯底打邊爐，跟住叫我哋 like 佢哋社交平台仲會有免費小食送添。👍👍👍花膠年糕雞煲花膠淋滑厚肉，雞唔會鞋，年糕彈牙，只係我略嫌醬汁鹹咗少少，但老公就話好好味，好過好景果間雞煲好多，我哋兩個成個雞煲食晒添。😆😆😆刺身刺身就中規中矩，有三文魚、𩶘魚、同北寄貝。😀😀😀超級海鮮盒（每人一份）生猛南非鮑魚上枱時，仲會旭，真係好新鮮。😃😃😃日本扇貝好大隻，好厚肉。😄😄龍蝦最估唔到有兩隻咁多，肉質完全唔同係酒店食自助餐果d，又鞋又韌，佢係肉質彈牙爽口，簡直令到我對龍蝦改觀。😁😁😁當日湯底只得兩款，蘿蔔牛腩湯同泰式沙深魚湯，我哋地要咗鴛鴦喎，咁就可以試晒兩個啦！特別一提，泰式沙深魚湯底簡直一流，又唔會腥，又香，老公特別鐘意。😊😊😊邊爐配菜我哋叫左蟶子皇，花甲，海蝦，青蟹，龍躉頭腩，白鱔片，太子蚌，安格斯牛小排，黑松露墨魚滑，，韮菜餃特大魚皮餃，日本巨型蟹棒，炸支竹，西洋菜。😋😋😋講真，佢嘅海鮮真係超新鮮，所以其他真嘢叫咗一輪就算，海鮮就叫咗好幾輪，除咗我哋叫以上果d，佢仲有好多款海鮮任君選擇，鐘意食海鮮嘅朋友，真係唔好錯過。😍😍😍…查看更多

深水埗真係變咗好多，由以前通街都係批發布行，而家就舊區活化，真係開咗好多Cafe，特色小店，之前講過，我每個月最少都會去深水埗一次，今個月再去，就見到呢間雪糕店，而家天氣咁熱，梗係要去食吓啦！🤣🤣🤣入到去，店內以藍色同白色為主，一邊牆身係深水埗街道地圖，特色又簡潔嘅裝修，令人真係好舒服。😊😊😊雪糕方面，佢哋係每日自家製，仲要係純素雪糕以植物奶取代牛奶，適合素食人士享用，而且佢嘅雪糕十分有特色，大家真係要去試吓！👍👍👍「迆」雪糕專門店地址：深水埗界限街10F號南楓樓地下5號舖本地薑味雪糕🍦🍦🍦成杯雪糕真係好夠薑又夠滑，唔單止雪糕已經有薑味，仲有薑嘅焦糖粒，再加埋薑嘅糖漿，鐘意食薑嘅人，一定唔好放過。😆😆😆當日店員哥哥好好，知我想食菠蘿雪榚，又知我食唔晒，所以佢就比咗一少杯我試，嘩！真係好重菠蘿味，呢個我仲鐘意，我下次一定要食一大杯先得。😋😋😋另外，佢哋除咗雪糕，仲有一d飲品同糕點，適合唔同人仕需要。👏👏👏整體評分：最高為🌕🌕🌕🌕🌕味道：🌕🌕🌕🌕服務：🌕🌕🌕🌕環境：🌕🌕🌕🌕地點：🌕🌕🌕🌕再食：🌕🌕🌕🌕…查看更多

灣仔，變化真係好大，以前灣仔真係旺，好多餐廳，食市，零售等等，可能真係呢個疫情影響，好多都結業，真係想搵吓好嘢食都幾難。🙈🙈🙈收咗工，同個同事諗住舊地重遊，去懷念一吓，又唔想食連鎖店，快餐店，所以都行咗一段時間，好彩比我哋搵到呢間台灣嘢。🤣🤣🤣牛壹台食地址：灣仔軒尼詩道61號四寶大廈地下特濃鮮茄牛腱心牛肉麵（刀削麵）牛腱心牛肉超大塊，有5大件，好淋滑，好有肉味，一d都唔鞋，刀削麵啱啱好，夠Q彈，湯底佢話特濃鮮茄湯，坦白講，可能佢真係用鮮茄，冇咗茄膏嘅味道，所以茄味唔突出。😊😊😊古早味滷肉飯呢個就真心推介，真係好好味，又唔油，滷肉又唔會好肥，又夠入味，飯同滷肉份量配得啱啱好，去到一定要叫。😋😋😋藥膳醉香單骨雞翼佢嘅整法相當聰明，用單骨雞翼，藥膳同酒味完全入晒雞翼度，但可能我太鐘意藥膳同酒味，如果佢再濃多少少仲正。😛😛😛百香果綠茶我對百香果真係冇抵抗能力，見到有百香果嘅飲品就一定會叫，呢支杯都唔會例外，百香果同綠茶配得啱啱好，百香果嘅香甜加配綠茶香，真係好夾。😆😆😆鳳梨紅茶可以果日真係太忙，紅茶比例多咗少少，但都飲到鳳梨嘅味道，當然呢杯一定唔及我果杯好飲啦！（因為我真係太鐘意百香果啦）😄😄😄整體評分：最高為🌕🌕🌕🌕🌕味道：🌕🌕🌕🌗服務：🌕🌕🌕環境：🌕🌕🌕🌕地點：🌕🌕🌕🌕再食：🌕🌕🌕…查看更多

突然好想食越南嘢，所以上網搵吓又問吓朋友有冇好介紹，最後，朋友介紹咗我食The One 呢間，咁我當然約埋佢帶我去食啦！😋😋😋Le Vient 尖沙咀香茅豬扒湯粉豬扒好夠味，香茅加上蜜糖甜甜哋，咬落超 juicy，肉嫩多汁，再配上熱辣辣嘅湯粉，真係好味。😊😊😊香茅豬頸肉撈檬香茅豬頸肉同豬扒一樣，我唔再多講啦，想提一提嘅係佢唔同其他餐廳比一大壺汁你自己落，落剩就比下一個用，佢哋好細心，好衛生，比一樽仔汁，係足夠你撈檬，起碼唔會再留比下一位客人用。🤗🤗🤗札肉蒸粉包 4件最期待嘅粉蒸包，上枱時，真係令人食慾大增，晶瑩剔透嘅粉皮包住木耳，蝦米，沙葛，肉碎，配埋蝦片同札肉一齊食，真係令味道層次更升一層。😍😍😍飲品：熱檸水兩杯整體評分：最高為🌕🌕🌕🌕🌕味道：🌕🌕🌕🌕服務：🌕🌕🌕🌗環境：🌕🌕🌕🌕地點：🌕🌕🌕🌕再食：🌕🌕🌕🌗…查看更多