Winnielam724的个人专页

Wfh呢段時間喺屋企好少出街雖然食多咗零食但係嚟嚟去去都係嗰啲難得出咗去中環見到呢間賣嘅曲奇餅啲味道好得意所以就決定買嚟試下🤩🤩佢啲口味有鹹有甜 好多都係幾有香港特色XO醬曲奇🍪香辣蝦米曲奇🍪蔥油雞曲奇🍪陳皮子薑曲奇🍪鹹蛋蝦膏曲奇🍪特濃朱古力曲奇🍪香橙夏威夷曲奇🍪七味粉曲奇🍪仲有其他食左幾塊我自己就覺得啲味道好特別好少有鹹蛋蝦膏曲奇嘅蝦膏味都幾濃如果鍾意鹹鹹香香應該會幾鍾意自己本身鍾意XO醬所以一買返嚟就急不及待試咗未試過呢D口味既曲奇好新奇如果食薯片食朱古力食到悶真係不妨試下可能會有驚喜…查看更多

姊妹生日當然係去黃店懲罰一下呢間係區內有名小店成間舖都好有黃店特色,野食水準普遍都唔錯!如果係黃店但係唔好食我亦都唔會埋沒良心,係好食就話好食成晚我最鍾意嘅係帶子意大利雲吞 & 鵝肝多士! 個source好creamy,鵝肝多士我哋share食就唔會覺得好膩而且好香,佢呢度既麵包都做得幾出色。至於我覺得一般嘅就係鹹蛋黃炸薯條,太鹹同埋有啲漏,可以唔叫。呢度有膠板阻隔 食客,客人可以隨時喺膠板上面寫上你想寫嘅句子,而我就當然係"香港人加油"啦。…查看更多

搵個坐得舒服d既地方食個簡單Birthday Lunch,由於上環lunch hour真係好迫,所以我地book左2pm,岩岩好人潮散去,叫咗一個蘆筍雞肉忌廉意粉同埋黑松露西班牙黑毛豬lunch set:)忌廉意粉都ok ge,幾creamy,唔會好濃味既小清新至於西班牙黑毛豬,我就覺得比較推介,雖然伴碟個三粒帶子完全無味但係黑毛豬好林好嫩,個汁都好食, 比意粉出色如果係上環lunch hour之後想搵個地方好好傾計,坐得舒舒服服嘅話,呢度都唔錯。]]]]]]]…查看更多

見到Tst有新餐廳,個環境又幾靚咁,忍唔住就去試下:) 其實我好鍾意去類似嘅地方食西餐,不過有時啲環境又太嘈,有時枱與枱之間有好窄冇乜空間感,呢度就感覺幾舒服,適合朋友靜靜地傾下計飲嘢食飯。呢度係用ipad menu,首先睇到嘅係一堆個名好特別嘅飲品,每款cocktail都會有少少文字解釋下關於個杯飲品,我覺得幾有心思朋友揀咗杯眠曲, 我就揀咗杯冇酒精嘅cinderella,兩杯飲品都真係幾有驚喜。先講朋友個杯,淨係個酒杯都已經好有特色,襯返眠曲個名有個月亮嘅架,酒味唔算好濃有淡淡花香,味道好特別,好少飲到類似既cocktail。而我個杯就有濃濃既berry味,酸酸甜甜,好好飲。然後waitress 主動過嚟介紹嘢食畀我哋聽,佢介紹咗呢度嘅signature沙律,同埋煎帶子畀我哋。個沙律擺盤好靚,其實全晚嘢食嘅擺盤都好好,好有心機,呢點好抵讚 沙律食得出所有食材都係新鮮嘅,佢唔會有好多沙律醋或者醬,蓋過咗蔬菜嘅新鮮,感覺淡淡地酸酸地幾清新。之後係一個蕃茄水牛芝士,個sauce做得幾好,都係用新鮮蕃茄整成,而水牛芝士唔會好重芝士味,對於我朋友比較唔鍾意太濃芝士味嘅人嚟講,就唔會抗拒呢款菜式。起初都有啲擔心個芝士會太濃佢食唔到,但係就冇呢個情況發生,都係一種清新嘅感覺。而全晚既食物我最欣賞就係呢個北海道帶子,同樣地呢度嘅食材係新鮮,帶子有三粒,十分彈牙,而且仲大大粒好厚身,依個sauce有少少似平日意大利雲吞嗰種source,好creamy最後就叫左個牛,5成熟,都幾有牛味,唔錯。欣賞呢度既食材好新鮮,就算配菜都唔話hea整,而且waitress好主動為食客介紹去洗手間個陣發現原來呢度有兩間房仔,可以唱K,下次多d朋友一齊既話可以試下包間房玩,應該都唔錯!…查看更多

放工同同事走咗去灣仔,行過見到呢一間食米線嘅店舖,本身想食米線,跟住一坐低店員就問我哋要唔要試下佢哋個椰子文昌雞煲套餐,哈哈,見今日涼涼地,好啦就試下啦。由於同事唔食得辣,椰子雞煲就好岩佢店員即席開左個椰皇,起肉,倒落鍋,佢叫我地試下飲碗湯先,好清甜,好香!!仲好細心幫我地筆起d油,好多椰肉,又唔會口渴,估唔到一間細細既鋪仔個椰子雞煲咁出色至於d雞都幾滑,仲有娃娃菜,生菜同金菇,蔬菜好新鮮。手打丸我就比較鍾意牛丸,牛味重,彈牙!不過最正都係啲牛肉,有牛味,有雪花紋,質素好好。估唔到$399(不用加一)既套餐用既牛肉都咁靚,怕唔飽嘅話個餐仲有紅薯粉,同埋一人一罐飲品。我同事一路食一路不斷話個湯真係好好飲,而我就最鍾意佢個牛肉啦,講真當初入嚟真係冇乜抱太大期望,食落係有啲驚喜!!而且我哋入座嘅時間係晚上6點半左右,當時只有兩枱客食緊米線,而當我哋食緊嘅時候已經漸漸全場爆滿,仲有幾枱都係食緊雞煲添。小店座位唔多,而且都係行平實路線,如果要食裝修食排場,呢度就唔係咁適合,但係如果想食有質素嘅食材同細心既服務,可以黎呢度試下。眼見佢平時午餐都只係39蚊就有個飯,真心係灣仔呢區算係好抵,店員仲話好多熟客都叫佢地做糧尾飯堂tim…查看更多

去大埔見客,想搵間無時間限制,食物質素有保證既日本菜,打去德美問下,佢話星期一至四無限時,咁就book左位了。7:30pm準時入座,成間舖已經座無虛席,仲一直見到好多客人walk-in等位,呢個時勢仲可以咁爆場真係唔容易。三個人散叫叫左牛油果海葡萄沙律,壽司拼盤,雞翼+黑豚肉+牛舌串燒(唔記得左影相),赤貝刺身,吞拿魚腩蓉卷,其實佢呢度仲有啲定食set都唔錯,$1xx既價位好合理抵食,不過想食多d款式嘅話當然係散嗌開心啲。而佢呢度都有啲二人餐, 有睇過不過就唔係咁啱食啦。壽司一如其他分店一樣新鮮,質素都幾唔錯,冇話邊一款特別差,所有都above average全晚我最鍾意嘅係佢吞拿魚腩蓉卷,吞拿魚腩蓉份量好多,見到好多人都叫呢款,最重要都係嗰句,新鮮。至於牛油果海葡萄沙律就偏咸,味道一般般未必需要叫。雖然呢度話冇限時但係見到佢外面咁多人等都唔好意思坐咁耐,而唯一的limitation係呢度始終地方比較細,當隔離枱有人好大聲嘅話就會成間鋪都變得好嘈好應聲。…查看更多

只有好好食或者好難食先至會令我急不及待打食評呢一間嘅章魚丸不嬲都好有保證,平時係日本,係Sogo都會買黎食。見樂富新開就即刻買黎試下,點知好失望。本身打算買走外賣,但係章魚丸都係熱辣辣先最Yummy,就咁睇外貌漲卜卜燒得都ok,係有少少燶左d比較深色,所以買完馬上坐低試一粒,結果....媽...暖都唔暖下ga講真,本身味道唔係差,但係八爪魚丸丁點都唔熱..真係凍ga....成個味道扣晒分好失望,如果早知凍既話...都唔駛俾$42呢個價錢買呢間啦。…查看更多

最近香港發生咁多事其實都冇乜心機外出消費,不過本身就約咗朋友呢一日食飯,去到佐敦好多鋪頭都閂曬,行下唔同橫街小巷,偶然見到酒店後嘅呢一間舖頭。 呢間舖頭好得意,有一份menu係印度菜另一個menu係西式,以我哋就主要食西式食品。入到去都幾多人,大部分都係外籍人士,我估應該係附近酒店嘅旅客。同朋友揀咗一客classic caesar salad,半隻烤雞,魚,與及兩杯汽水 呢度嘅侍應全部都唔係香港人,係用英文落order嘅,而我諗呢度比較出名會係pizza,但係因為我哋唔想食澱粉質就冇叫到。沙律好快就到,菜係新鮮嘅,兩個人share食份量岩岩好,而佢既嘅醬汁都比較多。烤雞好快亦都到啦,有少量蔬菜同埋一堆薯條伴碟,烤雞個醬有d似buffalo雞翼嗰種,而且半隻雞都幾大,好抵食。而於個魚,朋友就覺得好好食,我就覺得有少少腥,所以佢就食咗好多我食咗好少,反而跟埋嘅薯蓉非常之滑,好好味,好creamy,我就將個薯蓉清曬一路食嘅時候都有唔少人walkin,亦都有網上外賣平台黎拎外賣pizza,雖然鋪仔細細,但係生意的確唔錯。而店入面有個外藉女侍應都好有禮貌好殷勤,值得加分…查看更多

1個人行行下街有d肚餓,望到對面有呢間古早味,而且仲係下午茶時間,一於試下。本身其實真係唔係咁想入去,因為佢位於女人街旁邊既鋪頭,而且坐位係樓上,感覺唔係咁乾凈,但係見到佢有個豬軟骨滷肉飯我又真係好想試,就以就上左去啦。講真我自己覺得門面就唔係好吸引,不過上到樓上畀我嘅感覺都ok,地板係乾凈既,無濕笠笠,而且卡位都整齊企理。叫左個豬軟骨魯肉飯,加$4熱珍珠奶茶少甜,共$52。好快珍珠奶茶就嚟咗,好開心杯奶茶係熱辣辣而唔係暖,好多時叫熱飲都只係暖既溫度,珍珠比較林身,少甜左之後唔算太甜,而且飲到茶味,幾好飲。唯一扣分既係放左一支膠匙羹落去杯熱辣辣既飲品度,我真係擔心會熱溶。好快個飯都到左啦,賣相好靚,完全唔hea,擺盤好過好多台式小店。豬軟骨估唔到好有驚喜,軟骨非常淋好入味,有兩大舊,雖然係下午茶但份量一啲都唔少,滷肉唔算特別好食不過都不錯,而且夠汁撈曬碗飯:)…查看更多

一直努力係香港搵一碗好食嘅滷肉飯,六両三一向好評如潮,抱有很大的期望,加上為了支持黃色小店,當然要一試。2:30pm高峰人流時間已過,唔駛等就可以入座。第一時間點左個$28魯肉飯,+$18轉為套餐,包括小食甜不辣及飲品熱薑母茶。朋友叫左一碗牛肉麵+$18轉為套餐,揀左滷蛋及蘋果西打。雖然滷肉飯睇落去細細碗,但係都幾飽肚,滷肉好淋肥瘦適中,帶點肥肉雖然邪惡,但口感好好。至於味道,可能係我期望太高就覺得有啲失色。甜不辣同我平時食到既有d唔同,味道一般般。至於熱薑母茶飲完覺得好舒服, 雖然只係跟餐嘅餐飲但係都好大杯以$28+18既CP值黎講所算不錯。牛肉麵我朋友就話都ok中上水平,如果齋講味道,呢間屬於經過尖沙咀可以黎食,但就未必去到特登出tst排隊等咁誇張既程度。不過點都好,黃店都係應該支持的因為除了味道,還有一份香港人情味…查看更多

對大戶屋呢個五花肉定食不嬲都情有獨鍾, 基本上每次嚟親都係嗌佢$112定食有齊麵豉湯,蛋,飯,CP值都算不錯。呢度嘅五花肉會切到細細件,女仔食就好方便,而且雖然佢望落好似細細碗飯,但係其實成個set如果食晒會好飽,五花肉當然係有一啲肥肉喺度,不過好彩唔算好油,肉質口感都很不錯。就算我去唔同嘅分店叫呢個定食質素都差唔多,品質上係幾有保證:)而且大戶屋價錢又唔算貴,夜晚喺中環想搵個地方食日本嘢,簡簡單單都係一個幾好既選擇。呢度勝在環境唔會好迫,就算好多人傾計都唔會好嘈,經常都會去食下。…查看更多

好朋友一向都喜歡afternoon tea,特別鍾意搵一啲有特色既地方俾自己停落黎relax下, 呢一日佢就帶我去觀塘呢一間充滿法國氣色,慢活悠閒嘅小店。一入到去完全唔覺得似cafe,好似一個studio,同時擺放咗好多外國小店擺設,係香港比較少見既design,一般都只會喺中上環呢啲地方先見到呢度嘅座位唔多,然而連我哋坐緊嘅櫈都係古董。由於呢度唔係主打食物,食物款式主要係crepe & cake我地就一人叫左一個crepe set呢度全部都係即叫即做,全場可見有兩個staff,講明先,呢到食嘢一定需要時間去等,如果趕時間就未必適合啦。講真,唔望出窗口真係以為自己放緊假喺外國,而等緊嘢食嘅時間可以周圍影相打卡,好寫意。我地個afternoon set包括一份salad,一客雜菜湯,crepe,2件細蛋糕及一杯coffee,如果你係想食飽我又覺得呢個份量唔會令你覺得飽,都係個句,係食環境,食感覺呢度雖然座位唔多,但係佢任你坐,絕對無趕客feel,而且雖然得兩個人手,但係佢哋好nice,好主動幫客人影相,而由於佢話我哋等咗呢份餐等得比較耐,仲送咗包曲奇畀我哋添,但其實我哋一直傾下計影下相一啲都唔覺得好耐。我見黎呢度食嘢嘅人評價好參差,以我所見就其實係睇你入嚟食嘢嗰份心態,當你抱住想係外國慢活chill下既心情,可能你會畀好高分,尤其是呢間係一個連洗手間都會有所講究嘅cafe:)如果你抱住想喺一般cafe食飽,有個靚靚地嘅環境,快快趣食完走既心態,可能就會令你有所失望。而我好明顯就係前者,所以我俾好高分…查看更多

行緊去本來想去既Cafe途中,偶然見到呢一間外面貼有"香港加油"既黃店。就咁望入去間店舖有啲特色,好自然就將我同朋友吸引咗入去。原來呢度係食泰國菜,lunch set $60,價錢都好正常。除咗裝修明顯係有心機之外,亦都覺得呢個店名好特別。我哋叫左一個冬陰公車仔麵(可以揀3個餸),一個香葉肉碎煎蛋飯,另外加咗一個冬陰功湯同埋一客素春卷。D食物好快陸續嚟到,香葉肉碎煎蛋飯配料都幾多,雖然唔算好惹味,但係都唔差,女仔食絕對夠飽肚。另外冬陰公車仔麵就好大碗啦分量非常之多,女仔會食唔晒。需要一讚嘅係佢個冬陰功湯,味道好香濃好好飲,唔算好多料但係的確好香好濃,又唔會太酸。而素春卷就普普通通一般炸物啦。Lunch set可以加錢配泰式奶茶或者其他特飲,如果跟果汁嘅話就唔使加錢,有四種果汁可以揀,當然亦都有普通奶茶咖啡。最近寫食評我都會講話小店生意唔易做,今次都唔例外,呢段日子飲食業會比較艱難,希望大家一齊支持有心嘅小店,令佢哋可以到過難關。…查看更多

朋友係呢邊番工,放工想食雞煲,上網見到呢間有個特色魔芋雞煲,所以黎呢度試下。我地係葵興站行過黎大慨10分鐘,一路直行就到,都容易搵。7:15pm黎到都有8成入座率,見到大部份人都係食雞煲我地先叫左半隻雞既魔芋麻辣雞煲(小辣),好快就上枱,一放低就有一陣好香嘅辣味,雖然話就話半隻但係份量睇落都幾多,加咗魔芋嘅雞煲食落冇咁悶,多咗一種口感,而且魔芋食落感覺幾清新,解咗嗰陣油膩感。雞煲嘅麻辣做得幾好,好香,雞件都好滑食到咁上下我哋叫咗小菜,分別係咕嚕肉,炸蠔餅,同埋乾扁四季豆。首先上枱嘅係菠蘿咕嚕肉,咕嚕肉既脆粉唔會好厚,有鑊氣而且分量都幾多。至於第二碟上檯就係乾扁四季豆,呢碟嘅份量仲更加多,好多好多豬肉碎,唔單止個碟大份量都好大。跟住就係炸蠔餅,蠔餅嘅粉漿有少少厚,但係裏面嘅蠔仔就好新鮮,無腥味,無蠔碎,大小適中。食食下全場都坐滿曬人,會有少少嘈,但係食呢啲小菜雞煲就係嘈先有風味原來呢度仲有一間房可以包房,大概容納到22人,下次可以叫埋同事朋友一齊過嚟都得。我地食左咁多嘢個價錢都幾抵,埋單都係$426!今晚咁多款唔同嘅嘢食,最推介就係個雞煲,味道真係幾好幾惹味,其次就係咕嚕肉。值得一讚嘅係呢度嘅staff,好nice,見到佢地會走去每一檯客度幫手炒雞,我哋食食下又會問我哋覺得好唔好食,同埋主動嚟同我哋介紹…查看更多

朋友喺長沙灣返工,所以今日就去咗呢區搵下有咩好嘢食。呢間鋪頭細細間,而我地最近真係唔想幫襯大集團,一於決定入去試下呢間小店。呢度d食物嘅價錢十分親民,麵食一般為$2x-$4x,而各款套餐都只係$4x-5x,真係好平。我同朋友都比佛跳牆撈麵呢個名深深吸引咗,叫咗兩個套餐,套餐仲有湯跟埋,分別揀咗牛肉丸湯同埋勝瓜湯。由於小食都非常非常之平所以就叫咗一客邪惡既芝士雞扒另外,我揀咗一杯熱柚子蜜,朋友就揀咗一杯紅豆冰。當碗撈麵一上檯嘅時候,除咗覺得好大碗,就係覺得好大碗😂佛跳牆撈麵既餸包括有冬菇,鮑魚仔,好多舊花膠。雖然價錢好親民,但係份量一啲都唔hea,齋食呢個面我都已經覺得飽,點知佢跟餐嘅湯,分量都一樣係超級大。本來以為好似平時八方雲集d湯咁細細碗,點知個牛丸湯入面有五粒大大粒嘅手打牛丸好彈牙,啲湯仲係紫菜湯添。至於個芝士雞扒小食,$15係兩塊,每塊一開三,共有6件,好抵。雞扒熱辣辣, 雖然芝士冇話拉絲但係性價比好高,其實我預$15得一塊,點知原來有兩塊咁多。講埋兩杯嘢飲,朋友杯紅豆冰叫咗少冰,又真係好少冰好足料,而我杯柚子蜜,除咗有柚子之外仲有檸檬,好濃,唔係平時茶餐廳好淡味個d呢餐晚餐,我除咗好抵好足料之外,都唔知可以講咩好,每樣食物/飲品都睇到落足料,人均$80,平時去茶餐廳求其食個晚飯都已經係呢個價錢啦。而呢度既侍應聽到我話好飽,仲不斷過黎同我傾偈,叫我慢慢食香港呢幾個月既情況令好多小店生意都受一定程度影響,希望香港人加油,快d回復生氣,食肆小店都能夠渡過難關。…查看更多