魔芋麻辣雞 (已結業)

朋友係呢邊番工,放工想食雞煲,上網見到呢間有個特色魔芋雞煲,所以黎呢度試下。我地係葵興站行過黎大慨10分鐘,一路直行就到,都容易搵。7:15pm黎到都有8成入座率,見到大部份人都係食雞煲我地先叫左半隻雞既魔芋麻辣雞煲(小辣),好快就上枱,一放低就有一陣好香嘅辣味,雖然話就話半隻但係份量睇落都幾多,加咗魔芋嘅雞煲食落冇咁悶,多咗一種口感,而且魔芋食落感覺幾清新,解咗嗰陣油膩感。雞煲嘅麻辣做得幾好,好香,雞件都好滑食到咁上下我哋叫咗小菜,分別係咕嚕肉,炸蠔餅,同埋乾扁四季豆。首先上枱嘅係菠蘿咕嚕肉,咕嚕肉既脆粉唔會好厚,有鑊氣而且分量都幾多。至於第二碟上檯就係乾扁四季豆,呢碟嘅份量仲更加多,好多好多豬肉碎,唔單止個碟大份量都好大。跟住就係炸蠔餅,蠔餅嘅粉漿有少少厚,但係裏面嘅蠔仔就好新鮮,無腥味,無蠔碎,大小適中。食食下全場都坐滿曬人,會有少少嘈,但係食呢啲小菜雞煲就係嘈先有風味原來呢度仲有一間房可以包房,大概容納到22人,下次可以叫埋同事朋友一齊過嚟都得。我地食左咁多嘢個價錢都幾抵,埋單都係$426!今晚咁多款唔同嘅嘢食,最推介就係個雞煲,味道真係幾好幾惹味,其次就係咕嚕肉。值得一讚嘅係