HappinessOfEat的个人专页

之前睇到咖喱吉烈豬扒蛋包飯張相已經好想食，真係好吸引，但因為個陣唔係午餐時間所以冇得點。今次專登去反間餐廳食，一入到去毫不猶疑地簡左哩個餐，坐低既時候見到身邊都有人食野個餐，好似好好食，令人急不及待想快啲有得食。:)等左好一陣終於有啦，好大碟，比其他餐既size大。碟飯有五大條吉烈豬扒，蛋包飯，少少菇，洋蔥同咖喱汁。個吉烈豬扒好大條好長而且好好食，咬落去好脆，一啲都唔韌口，炸得岩岩好！至於個蛋包飯都唔差，啲蛋好滑好軟，好大塊，徹底包住啲飯，咖喱汁唔算好辣而且量唔少，夾埋蛋包飯既味道好好。配菜方面，啲菇既味唔算好重，而啲洋蔥keep到好脆，唔會好"林"，好有口感。食完哩個餐真係好飽，飯多，蛋多，豬扒多，汁多，價錢絕對抵食！…查看更多

平時都有去開包點先生買早餐，但食開既都係普通個啲包，因為驚特別個啲包公既味會唔夾。但今次心血來潮好想試下食芋頭包，因為聽講芋頭包係幾健康。個芋頭包既面有少少芋頭既絲，望落去個似削左皮既芋頭咁。我一淡咬落去，好濃既芋頭香味已經滿佈我口腔到，真係冇諗過味道會咁好同咁好食！佢入面既餡愈咬得入就愈多，而且唔係好甜，應該冇落好多糖。芋香味好重好濃，唔係稀個種，感覺上好似食緊真既芋頭咁。對於大食既我哩講，佢個包唔算大，而且食完一個會想再食第二個。哩個價我覺得幾抵食。…查看更多

經過哩間店，就咁睇外貌，覺得入面既包應該都唔差，就入左去望望。本身好中意食朱古力既我，毫無猶疑地簡左朱古力軟心包。:(本身買個包個陣，個面已經好似濕濕地，但因為佢全部既朱古力軟心包都係咁樣，所以我就以為係正常。但咬落去個皮真係唔得，濕之餘仲硬硬地，另外啲朱古力餡好少好薄，而且全部都集中曬係中間，亦唔軟，仲起塊，大失所望。個包$9，但我覺得唔值哩個價。…查看更多

下午茶去左飯博士食，聽講哩間餐廳幾出名。下午茶餐冇咩選擇，多數都係包或者麵加小餐包為主。個人覺得食麵加小餐包既set好似好普通，所以我最後就簡左賣相不錯既熱狗加炸魚柳飲熱朱古力。哩到冇咩人既時候，會有服務員幫你拎個餐送到你桌上，服務幾好，唔洗自己忙住霸位又忙住拎餐。首先個熱狗賣相真係唔錯，size又夠大份，入面有熱狗腸，生菜，青瓜，蕃茄，沙律醬，另外個熱狗中間有切開一半，食既時候都方便啲。食落去個包皮有啲脆，而入面條熱狗腸好大條好脆口，啲生菜青瓜蕃茄都係好新鮮好爽口。全部又脆又爽口既材料係個口入面都加上酸酸地既沙律醬，十分滿足又滋味！個熱狗真係好好食，不過個配菜炸魚柳就麻麻地，太硬，好難咬。本身個熱狗包既沙律醬唔多，不過佢另外有比一堆沙律醬係個碟到，如果覺得個熱狗本身唔夠沙律醬，可以依照自己喜好再沾，十分細心。…查看更多

午餐唔知食咩，就直接去左麥當勞，諗住試下未食過既包。身邊好多朋友都中意食足三両，所以今次我都試下食。:(嗌左個足三両包，好似好細舊(我比較大食)，冇相中咁厚咁大。入面有牛肉漢堡，芝士，青瓜，茄汁。一啖咬落去即刻感覺到牛肉漢堡既厚度，不過食落既味同平時普通果個漢堡包好似冇咩分別，只係塊漢堡既厚度唔同，同多塊芝士。冇咩驚喜，個人覺得唔係好值哩個價錢。…查看更多

平時行街經過津津麵包餅店次次都好多人，應該係因為價錢扺食包又大舊。今次早餐都去左津津麵包餅店買左個紅豆包，因為見到佢好大個，而且好白淨好靚。:)咬落去啲餡既份量適中，食落其實幾好食，雖然個皮唔係話好薄，但因為佢啲紅豆餡好甜，岩岩好可以中和反唔會太甜太"流"。大大舊包食完一個都覺得滿足曬，而且價錢相當扺食(準確幾多錢我忘記了)，係一間用心做麵包既餅店。唯一既缺點係皮有啲乾，不過接受到。…查看更多

夜晚同屋企人唔知食咩好，就去左大家樂食，諗左好耐唔知食咩好，見到紐西蘭西冷牛扒鐵板餐個牌咁吸引就簡左佢。我叫左紐西蘭西冷牛扒鐵板餐+芝士醬汁+低糖綠茶。等左一陣，勁肚餓，見到身邊都有食到鐵板餐，但始終見唔到完整既樣。終於到我既號碼，我充滿好奇行過去，但第一眼已經令我大失所望，意大利粉既份量仲多過塊牛扒，同個牌既完全相反(牌中既意大利粉份量係一小卷，然後塊扒係佔個鐵板既3分之2)不過芝士醬汁就有好多。第一啖我食左個意大利粉先，只能說真係好乾好乾好乾，第二啖食牛扒，好薄，而且又好硬好韌，咬到個牙胶都攰，第三啖食個腸，幾好食，皮好脆，個餐包配牛油都好好食 (配菜仲好食過主菜…)。另外值得一讚既係杯低糖綠茶同芝士醬汁，杯低糖綠茶唔會好甜又唔係話好淡，好岩配哩食鐵板下火，而個芝士醬汁，唔係好濃，又唔係好"流"，配落去幾好味。最後餓到扁既我，都有食左3分之2，其餘就share比屋企人。…查看更多

早餐唔知食咩好，行左入去凱施餅店，見到咁多包，就更加簡唔落手。:(最後見到紅豆菠蘿包好大個，而且表面金黃好似好好食好吸引，就索性買左個哩食。但食落去表皮唔係好脆，而且好薄。咬開入面啲紅豆餡既份量適中，但個包入面唔係實心，一咬落去就即刻扁曬，唔似開頭咁脹咁靚。雖然甜既菠蘿包皮同紅豆餡既味做得幾夾，但菠蘿包既精髓未做到，有待改善。…查看更多

食lunch又好，做野做到肚餓都好，食麥當勞一定食至尊漢堡包！今日做野做到攰攰地又餓餓地，就去左最近既麥當勞買野食，但怕太熱氣所以冇叫餐，就咁買左個至尊漢堡包。:)大大舊至尊漢堡包咬落去非常有滿足感，裏面有好厚既牛肉漢堡，芝士，爽脆既生菜，蕃茄，洋蔥。對比起巨無霸，至尊漢堡包入面有更多既蔬菜，食落去好fresh，唔會怕好熱氣，面且仲有好多沙律醬，多到流出哩，酸酸甜甜十分開胃。個人覺得價格好恰當，值得一試。…查看更多

平時食包點先生都係食甜包，但見到香菇雞包幾靚，就買左一個哩食，第一次係包點先生食咸包。:)香菇雞包，佢個皮包得好靚，入面有雞，木耳，菜(不同種類)。個包既味有啲似茶樓既鮮竹卷，唔係好咸，清清地。但冇咩菇味，同埋餡唔多，主要都係白色包皮，不過整體味道係唔錯。…查看更多

流沙包一直係我最愛，包點先生既流沙包一向唔錯，今次既流沙奶黃包亦不例外。:)流沙奶黃包，咬入去入面既餡好多，十分有蛋黃味，亦唔會太甜太"流"，真係好好食，而且果然真係流沙，貨真價實，冇令我失望。但亦都因為餡好多，皮簿，所以食一個唔係好飽，但哩個價格都值既。…查看更多

平時啲早餐好多時都會係包點先生買，因為包點先生既包既皮好好食，唔會好似其他店既蒸包咁又乾又硬。今次食流沙芝麻包同蓮蓉包:)流沙芝麻包，表面有啲黑芝麻，咬落去第一淡已經有芝麻流出哩，入面啲餡好夠！而且好有芝麻味(唔知點解係黃色)，個包皮都有芝麻味，成個口都充滿芝麻，好好食，亦唔會太甜，岩我哩啲唔中意太甜既人。蓮蓉包，第一次食，入面啲蓮蓉都好多，但對我哩講啲蓮蓉餡太甜太"流"，一路食一路飲水，唔係好岩我。…查看更多

一直都好中意凱施既包，由其係雙重芝士法包同富士山，今日亦買左哩兩個包食，真係食唔厭。:)雙重芝士法包$7，入面有兩層，上面係粒粒芝士，下面係融既芝士，而個包就係法包咬落口好有口感，加埋入面啲粒粒芝士成個口都充滿芝味。食左一半我就拎左去加熱，試下融曬入面既芝士，之後再食，果然非常好食！成個口都係芝士！佢係我食過咁多間芝士包入面最足料既頭三位。富士山$7，佢面係肉鬆，仲有啲糖漿，入面有蛋沙律，蕃茄，生菜，一口咬落去，真係好好食，好足料。入面既沙律再加埋包面既糖漿，味道好好，而且豐富。不過富士山哩個包對我哩講好細舊，所以食哩個包我會買多一個包。…查看更多

聽講哩間拉麵正宗好食，所以試下，就試左最基本既魂拉麵。一入去啲人就好熱情，見到廚師都係日本人，都有好多外國人食，我食食下仲哩左個日本人。😱我就簡左魂--->濃湯底--->軟麵條首先個湯底真係濃，証明湯底足料！但有點咸😫另個啲麵我嗌左軟麵，但唔知點解都係好硬叉燒最好食！好有味！而個玉子都係偏咸😖成碗麵既分量唔多，但對細食既人哩講應該夠，而且湯好濃，好有飽感。缺點：偏咸，第一淡已經感覺到咸，食完點都要買反支水，如果有白飯可以另叫中和反啲咸味就完美。另外間店有啲細同逼，不過好有日本既風格。價錢恰當👍…查看更多