凱施餅店 (已結業)

一直都好中意凱施既包，由其係雙重芝士法包同富士山，今日亦買左哩兩個包食，真係食唔厭。雙重芝士法包$7，入面有兩層，上面係粒粒芝士，下面係融既芝士，而個包就係法包咬落口好有口感，加埋入面啲粒粒芝士成個口都充滿芝味。食左一半我就拎左去加熱，試下融曬入面既芝士，之後再食，果然非常好食！成個口都係芝士！佢係我食過咁多間芝士包入面最足料既頭三位。富士山$7，佢面係肉鬆，仲有啲糖漿，入面有蛋沙律，蕃茄，生菜，一口咬落去，真係好好食，好足料。入面既沙律再加埋包面既糖漿，味道好好，而且豐富。不過富士山哩個包對我哩講好細舊，所以食哩個包我會買多一個包。