estid的个人专页

與好耐無見嘅朋友食飯，佢話之前都黎過，所以帶我黎，去到門口已經覺得啲甜品好吸引，入到去，雖然地方唔係太大，但裝修得幾舒服。我地一坐低，已經有服務員好好禮貌咁同我地講"叫一個咸點，送一個甜品", 我地望一望餐牌，仲唸緊係咪真係咁好。個餐牌其實有好多嘢都想食，今次就選左一個沙律，一個意粉同兩款甜品，個沙律都幾新鮮，我地食完先食個意粉，意粉雖然凍左少少，但味道都唔錯，啲青口又好食。餐廳越夜開始越多人，終於到我地嘅主食甜品，個心太軟熱熱地，一啖心太軟，一啖雪糕，一熱一冷，好爽，而且個雪糕好似係冧酒提子雪糕。另外窩夫都係暖嘅，味道一般，不過好食過出面好多舖頭。到左埋單，四樣嘢都係$216咋，真係好抵呀! 下次一定要再黎，試埋其他嘢食先…查看更多

今晚去開荃灣行街，去到悦來坊見到有間韓國野，呢排Oppa好似好興，又見有少少肚餓就走入去試下，一入到去，唸住叫少少野食就算，點知原來唔止食韓國野架，仲有雞絲粉皮，窩貼，但呢啲野唔係上海野黎架咩？？點解會有Oppa 識整架?叫左個石頭窩牛肉拌飯食，一黎到，賣相都唔差，仲有一碟跟飯之韓風甜辣醬，唸住拌埋一齊食喇，點知啲牛肉好少，好硬，老哂，啲波菜實的的咁，啲醬又唔夠甜唔夠辣，到喉唔到肺，好有失落感。仲有，我地去食野，竟然係無前菜架。韓國泡菜都無丫，唉 　失望，失望之中的失望。…查看更多

年近歲晚，我地唸住同班朋友團個年，由於多人住觀塘，所以就選左呢一間----釣魚翁~因為我地一早訂左位，所以去到都唔係好洗等；一見到個門面，又紅酒又燒鵝，仲有個哥哥仔义住隻 BB 豬，火光熊熊咁燒緊隻BB豬，睇黎一陣都必點要呢幾樣野食。一入座，因為未人齊，個經理都叫我地點菜，咁我當然話，我地未人齊，等多陣先再點丫，咁架喇。。。但佢不停隔幾分鐘又講一次，幾分鐘又講一次。。。我心唸，我地得3個人係度，你都催我點菜，係咪真係咁賣座先~~好喇，咁叫左個餐先喇。菜就點完喇，應該唔急喇。一定有得食喇。。。個心都定哂。點知隔無耐，佢又走埋黎。。問我起得未，當時我地多左人，有6個，但都未人齊嘛，爸爸媽媽教落，要等齊先食得架~~如事者，佢又催左我地 3 - 4 次，個心由煩哂。好喇，人齊喇。。經理起菜唔該~~首先出塲。。係隻 BB 豬，（會唔會係岩岩我見到燒緊咯隻黎呢~)。。。隻豬豬睇都幾好睇。。食落都唔錯，不過如果可以再燒脆身少少會更好。第二樣。。。。。燒鵝。。呢樣真係非常麻麻，皮無見之感覺，肉又唔滑，無汁。我見到大家都唔係點夾呢隻鵝，就知。。。。。下一味唔該。但到呢一刻，我先知點解佢係咁叫我地起菜。。。。因為跟住我地等左成半個鐘先有第三樣野黎。。。。。燒味上得快，煮野就耐。芝士龍蝦伊面。。都夠芝士味，唔會太小芝士，面亦整得唔錯，而且，龍蝦份量都足夠，唔會令人感到唔夠食。富貴花炒鳳蚌片。。。。。嘩。。好咸。第一個朋友第一句就咁講，咁我都唔會只係聽人講就信o既，咁我都要試過先知架嘛，點知一食，水。。比水我。咸到呢。。。o的蚌片同雞肉又硬又咸，點食呀。到個湯喇，其實，我都唔知佢用咩料煲，大家如果見到，可唔可以話比我知呢～　但係個湯煲出黎，好似水咁清囉，都唔濃o既，咪道亦相當一般。條魚黎喇，呢條魚唔算大條，而且都蒸得唔錯，唔會話太熟，令佢無咩”孩”口o既感覺，都幾滑，有o既地方會蒸到老哂，咁就浪費左佢喇。唔錯唔錯鮑魚出塲喇，細細隻，一啖一隻，好方便，有淡淡o既果皮味，都幾香，而且佢地都幾細心，將隻鮑魚起左先，咁都我地食o既時間，就唔洗麻煩，就咁夾出黎就食得，乾淨利落。到個菜同糯米飯，菜就無咩特別，不過元貝咪好出，不過佢用小白菜，大家留意喔，小白菜好涼架～最後糯米飯呢，其實我地咁多人食以上咁多樣野食，都飽飽地，因為我地都唔算大食，所以個飯大家都係淺嚐，唔會好痴牙，但唔夠乾身，不過都幾好味。…查看更多

唔知有無人記得個電視廣告呢，順帶建議下各位女士，如果飲完酒，覺得醉醉，千其唔好飲水，試下飲一杯香濃o既　expresso， believe it or not，個人真係會醒左，然後仲會感到有好完美o既感覺。係啟德郵輪碼頭　Plaza Cafe 入面，我地3個人都分別點左一杯 Double expresso，一沖起，我清楚見到佢面咯層咖啡油，靚o既程度，連我都唔識型容，唔好多講，飲喇。。。。一飲落去，無一般o既苦味，酸味亦唔太重，但有淡淡o既咖啡香，而其後帶來o既，反而係有某程度上o既 after taste...........比起其他連鎖店o既 double expresso，可能只係遜色在。。。總無一間係你附近囉~~~…查看更多

有朋友邀約，一齊到啟德郵輪碼頭嘆茶，對於一個唔洗返工o既我，high tea 呀? 原來唔係，係去茶樓飲茶，正當我想答佢：”好呀，得閒飲茶~”　之際，我心唸，我而家咪得得閒囉，所以就立即身動，向啟德出發，初時以為啟德唔係好方便，但原來九龍灣港鐵站一出，行去德褔咯邊，有一部綠色專線小巴可以去到啟德郵輪碼頭，全程都唔洗 15 分鐘，一路坐車，仲同個女司機傾左一陣計。 到喇到喇， 　點解星期4下午成12點鐘，咯度人都唔多個o既，會唔會關左門唔開架？一上到去，好彩，有人係度飲緊茶，不過我地可以包左成半個塲，慢慢嘆。入到去坐低，唸住點野食喇。點知無咩人招呼，連叫茶都要等，個塲經已無咩人架喇。。。。點解會咁架 好喇，我地自己劃點心紙，食野喇。食蝦餃是常識吧，不過好似唔係好爽喎，又唔夠多汁。有少許失望。炸雲吞，又有少少硬，唔夠脆，不過都可以喇，再黎百花釀魚肚，都唔知食緊咩。。第2 round，我地叫左牛肉，鮮竹卷同埋小籠包加個糯米飯。牛肉都OK，小籠包。。。真係差，皮又厚，餡又少，又唔 juicy。。。。。差。個糯米飯本來都唸住。。。。算數架喇，叫左無理由唔食丫，但估唔到，呢一刻，食落又唔錯喎，唔會好硬，亦唔會痴埋一舊，乾身，唔錯唔錯。最好食o既，留係最後先黎。不過總括黎講，咯度個環境，同埋氣氛都好好，假日應該係咁o既，同兩個朋友一齊食下野，傾下計，環境同一般酒樓唔同，唔會嘈，又望住個海，心情都舒暢左，人開心左，自然會靚o的喇~~~~~…查看更多

Weekday o既夜晚。尖東海旁並不是太多人，同老公兩個人，行下又吹下海風，舒舒服服咁，不經不覺我地又逛到海港城，當晚大約9點左右，海邊好靜，我地兩小口子雖然感情唔錯，但有情都總唔能夠只係飲水就飽o既，所以就選擇左一間係海邊都見到o既餐廳，就走入去試下。聽講話呢一間扒房要等位等好耐，本來都做定心理準備，要用人生最強陣法---等陣。但今日有驚喜，去到等都唔洗等，可以直接入內進餐，唔好講咁多，即時準備開餐~~~一攞起個Menu，樣樣都只係得英文，都心知不妙，不過 main course 叫 Steak 應該無走雞喇~ 就叫一份肉眼排，5 成熟喇唔該，叫完之後，佢原來話 Steak 係無跟任何野o既，即係我地再要叫 side dishes 喇，咁我地再點左一個芝士蜆殼粉。見到隔離枱食緊盤生蠔 ，又跟，再點左半打生蠔，當我地比返份Menu 佢o既時間，佢有少少打左個突，問左我地一個問題：你地夠架喇? 由於佢o既眼神，比到我一個signal，好似話我地叫得太少野。。。。不過唔理喇，我地都唔係太肚飽，夠喇，食住先~第一個黎o既係。。。。Popovers呢個Popovers，除左外脆內軟之外，仲熱呼呼添 但我建議大家，唔好怕佢塊牛油肥，要一大舊一大舊咁渣係上面食，咁先係至好味。到主菜喇。。。。。。Steak (Rip eyes)如果可以比我再點過，我會叫佢 3 成熟就好了，一上到枱，我覺得佢肉汁唔係太夠，多返D會更好，而且。。。好似無咩牛肉味，不過都算好味。佢o既 size，我地兩個人食一塊，就差唔多夠。小食多滋味最後黎個。。。。芝士蜆殼粉呢個芝士蜆殼粉，真係唔話得，好好味，芝士味夠濃，又爽口，我覺得比牛排更高分。如果唔怕肥o既，可以試一下。…查看更多