law wing wah的個人專頁

行完朗豪坊, 過隧道去荷里活買牛仔褲, 落雨都好多人, 似乎大家都唔係太擔心高空擲物了:) 經過築地, 買左一客原味八爪魚丸食我自己食左兩粒, 味道真好, 個八爪魚丸皮好脆, 裡面熱辣辣, 好好食!個日式燒汁好美味, 加埋紫菜絲同沙律醬食, 感覺真好!街頭小食之中, 這個八爪魚丸係不錯之選…查看更多

落雨天家人選擇在商場行, 我本想在家休息, 又唔夠訓, 只好離隊一會抖抖見眼前正是Italian Tomato Cafe Jr., 於是買一杯espresso 坐坐, 杯咖啡味道香濃, 飲完一陣都精神番少少, 商場人來人往, 坐在門口的茶座打打電腦, 看看小說都幾寫意呢杯咖啡小缺點係唔係太熱, 飲到最後一啖有少少酸…查看更多

深宵兩個人去堂記食腸粉, 超多人义燒腸, 蝦腸各一, 落柯打之後阿姐話要等三十分鍾, 當堂嚇一跳 然後就得啖笑, 唯有等腸粉皮薄, 味道幾好, 义燒腸ok, 不過... 蝦腸就麻麻, 隻蝦有味啊:( 不過如果唔係隻蝦既問題, 佢既腸粉都幾好食; 仲有, 如果唔係要等咁耐, 都會再幫襯, 不過經過今次, 真係要諗諗..…查看更多

哇! 自從上次食完, 覺得小肥牛d野好好食, 於是再同朋友去食小什錦刺身拚係必叫之選了, 每次都係咁好食, 魚生好新鮮, 不過今次赤貝好似細塊左:(湯底今次轉左蕃茄湯同元西皮蛋, 因為上次食過的沙爹太甜, 一蚊既安格斯牛背脊, 當然唔會錯過啦 另外叫左牛丸, 鯪魚球同墨丸什錦, 鮮蝦滑, 骨髓, 烏冬 (用嚟醫肚)最抵讚係, 食完仲有生果盆送, 無收錢 想唔再幫襯都難lu…查看更多

做完資料搜集之後, 決定到金船長試食, 超過百五個好評的餐廳, 唔知會係點呢?結論係味道算幾好咁啦:) 個黑松露芝心薄餅會係我再嚟的最主要原因, 我都幾欣賞這個用上大量芝士粉炮製而成的薄批, 薄餅好鬆化, 中心的黑松露加上了橄欖油調味, 味道清新:) 不過如果個批唔好o甘大個就會更好, 因為食到最後兩件已經半飽了法式焦糖燉蛋都幾香, 幾好味, 蛋布甸好滑, 面頭的黃糖燒過之後加重了這個甜品的香味, 有水準:)服務都唔錯, 有位女侍應態度好好, 好親切:)…查看更多

十二蚊0既奶蓋綠茶, 好大杯, 但係無特別, 只係好似cappucino0既泡沬做頂, 唔係好夠味0既綠茶做底, 我買呢杯係四份三甜味, 茶味可以再香濃就好飲0的, 而家感覺好似係糖水!本來覺得都算可以係一杯用嚟解渴0既飲品, 但係再考慮到要排隊, 覺得唔值再買!…查看更多

我去澳門茶餐廳, 只得一個目的, 就係食個好好味0既葡撻:)七蚊一個, 比肯德基瑪加烈更好食, 因為蛋黃更滑, 奶黃更香濃! 而個邊皮唔會太燶, 食落無0咁硬! 下午茶時候我最鍾意就係食一個再飲多杯凍檸茶, 一過口癮!…查看更多

宵夜係十一點嘅事, 睇完紐卡素輸埋睇嚟要降班, 都無哂心機了, 唯有化傷感為食量!好彩食左一碗幾好食嘅魚旦粉, 算係安慰獎, 魚旦有咬頭, 質地好似蒟弱咁, 嘩, 好食 蔥同冬菜吊味, 令魚露大地魚湯底更滋味, 呢碗魚旦粉值得食!…查看更多

九龍城食店既物價指數十分之低, 又有一間平價食肆了 龍城酒家是也中午飲茶, 叫左好多點心, 有蝦餃, 黑椒豬爽肚, 义燒包, 芋絲春卷, 鴨腳扎, 珍珠雞, 同埋仲叫左碟义雞飯添.. 不過最震撼都算係一蚊一個大包!蝦餃一籠有五粒, 雖然唔算大粒, 不過啱啱五個人一人一粒, 幾樣點心都好食, 最好係碟义雞飯, 好大碟, 雞肉又多又有雞味, 义燒係半肥瘦, 價錢仲只係廿零蚊就有一碟, 真係抵到爛五個人食, 百三蚊賣單, 一人都唔使三十蚊, 使唔使咁平呀…查看更多

跑馬日掛住賭馬食得求其, 賭到第六場完左之後肚餓, 走左入對面威煌緻雅茶軒坐, 順便食少少野:) 叫左個鹵水小拚食, 再加罐可樂飲, 有雞翼, 豆腐同鹵蛋, 鹵就鹵得唔算好入味, 不過簡簡單單作為一個小食不錯, 十蚊就有得食, 有得坐, 有得食, 好過入投注站迫…查看更多

去板前食壽司, 一直以嚟都要排隊, 今晚都唔例外!等到位, 不過坐得根迫, 迫到同隔離個女人多之身體接觸, my god!! 蝕底哂:( 壽司只有三文魚係平左, 六蚊! 但係其他都係一樣!味道只有一個鵝肝壽司較為好食, 三十元一碟, 好食因為燒得好香, 面頭d蔥花令佢更加香, 仲無咁易肥脷 每件都係一種滋味, 其實價錢都唔算貴, 有d地方廿五元得一件三文魚唔係好好食, 唔夠新鮮, 吞拿魚梅梅地, 北寄貝唔錯, 夠大隻同夠爽! 麵豉湯係一個敗筆, 因為好多三文魚肉, 但係我想飲一碗普通麵豉湯而已侍應可能太忙, 服務一般, 有些可能生手, 粗手粗腳, 差點成碟壽司倒落客人身上了:(…查看更多

而家雖然已經廿幾度, 但係都無打沉我去打邊爐既興緻:)一行四人去小肥牛打邊爐, 鍾意佢既活魚刺身, 真係好新鮮, 不過今次食係佢既小什錦刺身拚, 有喜靈魚, 北寄貝, 螺片同赤貝, 全部都好新鮮, 好好食:)湯底係蕃茄湯配馬拉沙爹, 鴛鴦底多一個選擇, 馬拉沙爹比較偏甜, 因為佢係馬拉式, 所以甜係正常, 味幾夠, 煲到乾乾地再加水都唔會淡, 證明用料夠啦配料一定要叫個一蚊既安格斯牛背脊, 雖然細碟, 但係肉質好正, 有點雪花牛既風格, 肥瘦適中, 打邊爐佳品!仲要叫係個墨魚滑, 用個雪糕杯裝住, 自己用支更筆落去淥, 好爽口, 仲有d蟹子黐住墨魚肉, 食既時候仲有bark bark聲既效果添!小肥牛係咁多間打邊爐店我最鍾意既一間, 好好食:)…查看更多

今次真係好想同大家分享吓一間我覺得好值得去食既舖頭--地茂館!兩日前既下午, 我一個人去到地茂館食一碟切雞飯, 餐牌上寫住廿六蚊, 心想..都係一餐平常不過的午餐, 湯都是一碗味精湯吧出乎意料之外, 味道估不到的好, 雞肉好嫩滑, 唔知係唔係我撞彩, 但係仲有肶肉食添:) 廿六蚊播... 例水係一碗金銀菜湯, 沒有了大量味精的感覺, 反而有蜜早帶出的甜味, 加上白菜煲到糜爛, 好耐無喺街上既餐廳飲到咁既例湯了蔥油都好味, 廿六蚊一個好食既午餐, 希望你都去試!:)…查看更多

食完粉再行, 行到攰又要搵地方坐了, 阿媽年紀大左, 好快就攰..行到italian tomoto, 門面光猛, 阿媽話就呢間啦! 要幫襯就要買飛, 於是就入去買左杯芒果汁飲.. 杯芒果汁好大杯, 味道帶甜, 當然唔係100%鮮榨啦, 不過又幾好味, 其實間餐廳仲有好多野食例如芝士餅, 做型都幾靚, 我諗味道應該會唔差既..坐得幾舒服, 坐夠再去旺角街市買餸, 陪足阿媽成日, 做個孝順仔, 夜晚一家人食餐屋企飯, 最衰唔可以介紹屋企, 如果唔係全部都會係五分…查看更多

夜晚去打網吧機前要醫醫肚, 宵夜食番碗水餃河其實呢間麵家我已經食左十幾年, 比較鍾意食佢地既雲吞同水餃, 咁多間我覺得佢係全香港最好食嗰間! 水餃既餡無肥豬肉, 蝦肉加左筍食落好好味, 細就係細碗, 但係宵夜就ok夠!…查看更多