CH3344's Profile

今日去滘西洲打完Golf,天氣太熱所以就去佢地餐廳飲杯野,我order左件Cheese Cake同埋－杯Fruit Punch,價錢都好合理，唔太貴，雜果冰都幾大杯,雜果好多又唔會太甜;Cheese Cake都幾大件,味道唔错有水準…Read More

係旺角interview，完左之後就約左friend去食韓燒，係旺角有好多又便又抵食既食肆，真係唔知點選，就係西洋菜街附近行左下睇下有咩食，點知見到有人派緊leaflet，就拿佐黎睇，原來係韓燒buffet，於是乎就同friend一起入左去。經過熟食區，豬腳薑的醋香味撲鼻而來，令人食慾大增，忍唔住拎左幾件食住先，d豬腳皮好爽口，但夠腍又入味，唔錯未開始燒野食就被各種各樣的熟食前菜吸引左，薄餅、秋刀魚、炒粉絲、炸饅頭、樣樣都好味～牛仔骨，肥牛，牛扒、牛肉粒、豬肉、雞肉，鮮魷片、牛扒血淋淋睇得出好新鮮虎蝦有巴掌大，三兩下就烤熟啦，撒左d椒鹽，辣椒粉，鮮甜又美味食完d烤肉黎自助果汁機度整d五花茶潤下喉先。仲有各种韩国苏打食到7分饱先发现又寿司刺身，下次一定要食，三文鱼晶莹剔透，不容错过。最尾拿左个柠檬布丁同豆腐花，食完仲有大把时间，就坐系度饮野吹水。金甲环境OK，通风做得幾好唔會食完成身油煙味，侍應都好禮貌同服務周到，將d唔要既垃圾及時清走，我地食得好舒服。…Read More

係馬鞍山呢頭返工，lunch時間將呢頭基本既快餐店食肆都試過晒，今日放工捻住約同事食下日本料理，就上網搵左間名叫喜多郎既日式料理鋪，見個名都起得幾好聽就選左呢間試，鋪頭都幾易搵，就係馬鞍山中心商場地下A2鋪。初初入去見到有個刀櫃都好奇去望左下，各種刀具，唔知做咩㗎呢。跟住我地就埋位就座，開始叫野食，點左個芒果沙律，芒果就唔係好多，不過ok好食日式定食點左個雜錦刺身配茶漬飯，刺身盤擺到成朵花咁，厚切既，有幾樣，三文魚、吞拿魚、八爪魚、帶子等，每款都新鮮。茶漬飯面上有紫菜絲，仲有類似餅乾條增加口感，個飯茶味都幾濃，份量適中叫左樽清酒，熱愛三文魚既我再額外點左三文魚壽司，賣相ok，刀工唔錯，唔知用刀櫃邊把刀切㗎呢，開始佩服日式料理既製作精神，味道唔講先，刀工確實係一流。中間仲有片綠葉點綴下～仲食左燒雞腎同埋牛肉串，我鍾意落d檸檬汁吊下味，食落雞腎爽脆，牛肉嫩滑最後食左個紅豆綠茶雪糕都算唔錯既一次晚餐，雖然份量唔多，但食得精緻，係放工味蕾relax既好地方，會再幫襯…Read More

閒時能與三五知己豪情暢飲，再配以美食佐酒，可謂人生一大樂事☺，今次就約左個老友，去到銅鑼灣逸園中心嘅“鳥居”，去偷閒一番！平時紅酒、啤酒飲得多，今次改飲清酒，點左支“山花”，鐘意佢酒質清澄，入口香怡甘甜😂！再配D佐酒食物，刺身拼盤，有三文鱼、油甘鱼、甜蝦、海膽及帶子，稱為五品，從賣相睇落已經非常新鮮，精緻矜貴！刺身代表三文魚，魚肉鲜亮色紅，白色脂肪分布均勻，食落好新鮮；油甘鱼，鮮味重，肉質軟身，淡淡甘甜，獨特的清爽口感带著魚油的香味；甜蝦，質軟味甜，口感黏糯；帶子，肉厚鮮美，絕對感受到新鮮的味道，海膽味道濃郁，入口即化，配上爽脆的青瓜，簡直絕配😉喺“是日精選”餐牌再点幾款燒物！“燒北海道帆立貝”，帆立貝加入味噌，然後放炭火度燒，味噌混合炭香，特别好味！燒至金黄色的“三文魚鲛”，肉質甘香！燒牛舌、露筍豬肉卷亦是不錯的選擇…Read More

香港租金高昂，令愈來愈多餐廳趨向上樓發展。因此平時逛街時，都會對樓上食店多加留意。好似前幾日，我同幾個朋友就到訪樓上海鮮火鍋店"尚鮮"，主打海鮮火鍋，強調海鮮來貨新鮮，直接從外地入貨，質量有保證！經店員推介，我地點左個“龍皇海鮮煱”，有龍蝦、扇貝、花甲、大蝦、蟹、帶子等。以為食完入面的海鮮就用呢D湯打邊爐，但店員建議我地可以飲湯先，然後加豬骨湯再烚野食，真係細心周到。啖湯鮮甜，龍蝦爽甜，蟹啖啖肉好滋味，成煲滿滿食唔切，店員驚過火嗱嗱聲幫我地撈晒D海鮮上黎先，讚！除左海鮮出色之外，熟食亦極富水準，芝心獅子狗卷拼台式黑椒腸，獅子狗卷睇落無乜特别，點知一口咬落去，D芝士溜晒出來，頓時滿口芝士香😄；黑椒腸燒至微脆，黑椒混和肉香，口感和味道都一流！如果吃火鍋冇牛肉，硬係會覺得爭D野，一次過有齊幾樣嘅牛尚盛，就可以滿足各人的要求，嫩滑嘅牛柳粒係我最愛！最後黎個田園盛蔬菜拼盤，蔬菜新鮮，粟米好甜！整體水準唔錯，食材新鮮，且有好多富特色的自家手工精品，例如手打丸、餃子、雲吞等！服務亦細心周到，值得推介！…Read More

今時今日的燒烤，已經不再單純將食材放在爐上燒，既要用吸引靚料，還要加入創意，才能博得人客回頭。銅鑼灣"喜來稀肉"就係最好的例子，上星期我就同幾個朋友就去拜會過☺店內陳設典雅，環境都挺舒適，烤肉方面亦別出心裁有著名嘅“喜來烤肉”外形似一朵盛開嘅玫瑰，相當有看頭而雪花牛層次分明，一片一片就好似寒天裡嘅雪境一樣，漫天白雪，好有意境😄！我地仲叫左內含豐富的膠原蛋白，且口感軟腍的烤豬皮，食左更有美顏的功效呢😉！仲有幾乎零脂肪的護心肉！最後一提嘅就係水冷麵，晶瑩通透，再绊冰塊及其他嘅配菜，猶如藝術品一樣👍👍其實食物除了味道方面，外觀亦不能忽視，因為完全可以影響一個客人嘅食慾和心情，而這方面佢地完全可以做到，值得推介😙😙…Read More

【韓】風幟熱，韓燒放題愈開愈多，卻依舊人山人海，但想揾到價錢合理，食物質素有保證，卻並非易事。上星期友人介紹我到彌敦道726嘅"Running 燒"，坐底必備Kimchi,汽水任飲，還有二十幾款豬羊牛無限任燒，正😊，燒海鮮都有好多種選擇，除了青口，龍脷魚等，還有带子，扇貝同大蝦,抵食😆'另餐廳嘅特色芝士排骨，排骨以甜辣醬煮入味，伴芝士鍋底，仲有泡菜雞蛋、香腸，薯仔等食材配套，超好食，值得推介😉韓國大熱邪惡芝士排骨👿👿，裡面有豬肋骨、黃金薯仔、芝士腸、粟米，以秘製醬汁煮左幾小時豬肋骨，厚肉又嫩滑，再配以半融狀態嘅芝士，雖然食完有罪惡感，但“味”力實在無法抵擋😄😄…Read More

上星期經過佐敦吳松街，見到又有間“韓東子”韓國餐廳以為“韓東子”喺度開左間分店，以前尖沙咀果間都去幫襯過，就揀呢間為韓迷女友慶祝升職啦！經店員介紹，佢地係啱啱喺尖沙咀搬遷過黎，而“韓東子”亦並沒有分店~原來個招牌俾人套用咗！女友話怕肥，老闆娘介紹咗個“韓式玉米麵”百分百純玉米制造，美顏、高纎易消化，食落爽口彈牙，口感一流，啱晒要keep fit又貪靚的一族前菜韓式拌蔥絲 味道略咸芝士鷄 採用辣芝士醬製作，芝士香味濃郁，少少辣唔易膩醬油蟹 鲜味十足石鍋牛肉雜錦飯，香味可口，亦是不錯的選擇。臨走看見每枱也燒烤，但成間鋪又唔覺得煙霧霾漫，下次會搵埋班朋友一齊再黎過！…Read More

上星期經過佐敦吳松街，見到又有間“韓東子”韓國餐廳以為“韓東子”喺度開左間分店，以前尖沙咀果間都去幫襯過，就揀呢間為韓迷女友慶祝升職啦！經店員介紹，佢地係啱啱喺尖沙咀搬遷過黎，而“韓東子”亦並沒有分店~原來個招牌俾人套用咗！女友話怕肥，老闆娘介紹咗個“韓式玉米麵”百分百純玉米制造，美顏、高纎易消化，食落爽口彈牙，口感一流，啱晒要keep fit又貪靚的一族前菜韓式拌蔥絲 味道略咸芝士鷄 採用辣芝士醬製作，芝士香味濃郁，少少辣唔易膩醬油蟹 鲜味十足石鍋牛肉雜錦飯，香味可口，亦是不錯的選擇。臨走看見每枱也燒烤，但成間鋪又唔覺得煙霧霾漫，下次會搵埋班朋友一齊再黎過！…Read More