siu4mai_inthehouse的個人專頁

近期都見間餐廳有幾多好評，所以一直都想黎試下，今次終於都有機會啦(⁎⁍̴̛ᴗ⁍̴̛⁎)呢間餐廳都算少有係正對住維港煙花境既café，而且價錢合理，所以都幾多客，如果想黎既朋友記得book定位!!我地今次唔係坐近窗，見到其他客人見到有空位嘅時候都會調去窗口位坐😆❣️蒲燒鰻魚玉子燒意大利飯 ($158)一大條蒲燒鰻魚放係個意大利飯上面都幾震撼🖤鰻魚非常肥美，而個燒汁亦略帶少少甜味，相當唔錯✨個意大利飯入面都有啲芝士，畢起嘅時候都做到少少拉絲嘅效果，連埋周邊啲紫菜同鰹魚乾一齊食，變左一個日式fusion嘅和風意大利飯，味道新穎得黎又相當豐富😙玉子燒蛋味香濃，成個意大利飯都相當唔錯👍🏻❣️魷魚天婦羅海鮮照燒蕃茄汁意粉 ($138)魷魚天婦羅都有5-6條咁多，拎去變左天婦羅之後，表面香跪但魷魚本身仍然非常彈牙亦有陣陣海鮮味，都算幾特別既做法✨除咗魷魚之外個意粉仲有啲八爪魚、帶子仔同蜆肉等等非常足料。而且個照燒蕃茄汁甜甜酸酸都幾開胃👅❣️藍莓芝士蛋糕 (set +$48)另外我哋仲加購咗48蚊就有埋一件是日甜品同野飲，今日個甜品係藍莓芝士蛋糕🍰面頭一層藍莓醬🫐藍莓味唔會話好重，同下面既芝士蛋糕味配合得好好。份量係細細地一舊作為飯後甜品岩岩好～❣️芒芒甘露芒果同奶既組合一向都冇得頂。飲落會食到一粒粒既果肉同西米，消暑一流✌🏻❣️靜岡抹茶豆乳 ($42)抹茶味香濃，而且帶有陣陣嘅豆乳香，我自己幾鍾意🫶🏻…查看更多

之前食過佢地嘅火山排骨，屋企人都讚不絕口，已經有一段時間無食，今日終於有時間再回訪 ♪(´ε｀ )❣️海鮮媽媽麵 ($178)見到呢個新menu就覺得幾特別😆湯底有得揀thai suki或者冬陰公，想飲冬陰公又想試下新野嘅我就揀咗呢個湯底👅湯底唔算太辣，酸酸甜甜咁都幾惹味😋配料都算幾多，有鮮蝦、墨魚咀、魚片同埋腩肉，份量足夠 2–3 人分享✨而媽媽麵口感有啲似王子麵，都幾索汁~❣️火山排骨 ($228)肉質好夠腍，可以用手撕嚟食，仲要疊成山咁，都幾岩打✨佢哋嘅醬汁係呢道菜嘅靈魂‼️以魚露、檸檬汁、辣椒、香茅等泰式香料調製，酸酸辣辣，開胃又解膩。怕辣嘅人可以要求分開上，會越食會越辣🔥❣️炸蝦餅 ($88/6 pcs)蝦餅彈牙厚實，粉漿唔會過厚👍🏻❣️泰式燒墨魚仔串 ($38/2串)呢個同樣推薦‼️我食完再encore咗兩串😂😂墨魚仔經炭火燒至微焦，但仍然可以保持Q彈唔會過韌，調味甜甜地都幾過癮，另外亦可沾上泰式辣醬，味道別有一番風味😆推薦指數：🌟🌟🌟🌟【𝐏𝐫𝐢𝐜𝐞: 3.8/5 𝐅𝐨𝐨𝐝: 4.2/5 𝐄𝐧𝐯𝐢𝐫𝐨𝐧𝐦𝐞𝐧𝐭: 3.8/5】ғᴏʟʟᴏᴡ ᴍʏ ɪɢ ☞ sɪᴜ4ᴍᴀɪ_ɪɴᴛʜᴇʜᴏᴜsᴇ…查看更多

雖然宜家夏日炎炎🥵但係有時都心郁郁想打下邊爐🍲近排見到呢間係北角新開嘅打邊爐風評都幾唔錯，就一於黎試下。餐廳位置方便非常近北角地鐵站，就係寶馬花園嘅一樓。餐廳裝橫都係走中國宮廷特色，香港黎講都比較少見，坐得都幾舒服，幾岩同屋企人嚟食😗用料食材同賣相都相當豐盛 ( ´▽｀)❣️限定套餐 ($698)第一個湯底我地嗌咗康熙花膠雞湯鍋，除咗好岩打卡之餘，用料同樣十足有誠意👍🏻湯底有一大塊花膠同埋半隻雞🐥我地未淥任何野就已經急不及待試左個湯底，雞湯底非常鮮甜濃郁。另一個湯底我地就嗌左嘉慶椰子藏雞濃湯鍋，呢個湯底落左一量椰肉，滾左一陣之後個湯底就充滿陣陣椰香，超推薦鍾意椰子嘅朋友٩(˃̶͈̀௰˂̶͈́)و❣️手切本地牛肉 (包含於套餐內)除左牛肉之外店員仲會上埋一盤牛奶，店員推介先將牛肉浸30秒再拎去淥，唔好睇少呢30秒，浸完之後再淥真係食到陣陣嘅牛奶味‼️呢個食法都幾特別，我勁鍾意😆而牛肉本身肉質相對結實重牛味絕對食得出係靚牛肉，而後面淡淡嘅牛奶味絕對有畫龍點睛嘅效果🫶🏻❣️手打黑松露野菌鮮蝦丸 (包含於套餐內)肉眼已經見到一粒粒蝦肉係蝦丸同啲野菌入面絕對真材實料✨咬落非常有咬口，黑松露味唔算太濃烈唔會話完全蓋過蝦肉嘅鮮味🦐❣️黃金響鈴 (包含於套餐內)打邊爐緊係唔少得響鈴啦( ´▽｀)呢個響鈴包裹住滿滿嘅咸蛋黃醬，再索埋呢到嘅雞湯湯底，味道邪惡得黎非常豐富🤤❣️桂花蚌/珊瑚蚌雙併 ($168)兩種蚌食落都非常爽口，而且海鮮既鮮甜味都相當突出💯❣️龍躉片 ($158)龍躉肉非常厚實而且新鮮，完全唔會聞到或者食到魚腥味，而且表面仲食到少少魚嘅脂肪，令到魚嘅鮮甜更為顯著🤓…查看更多

都有一段時間無食申子喇 真係好掛住呢到個和牛燒同牛舌芯 回訪梗係要食返😆餐廳裝修依舊走日式居酒屋路線 氣氛柔和 絕對適合同朋友過時過節黎慶祝٩(˃̶͈̀௰˂̶͈́)و❣️火炙大蝦讚岐手打烏冬 ($168)一上枱已經聞到濃濃既蝦湯同櫻花蝦味🦐讚歧烏冬口感煙韌 而且因為個蝦湯都煮到比較杰身所以好掛汁🍜每一啖烏冬都食到濃郁蝦味好滿足😋大蝦肉質彈牙不過不失~❣️申子海膽和牛燒 ($378)黎到申子一定要食呢到嘅招牌和牛燒(⁎⁍̴̛ᴗ⁍̴̛⁎)會有侍應去到你席前幫你燒🔥和牛牛味相當濃郁岩岩燒起油香味十足👅海膽同魚子亦都相當新鮮 配合埋個和牛一齊食別有一番風味✨最後仲有因為和牛包裹住既白飯而有陣陣油香全部野加埋一齊真係冇得彈🙂‍↕️❣️極上鹽燒牛舌心 ($128)呢個又係黎到申子既必食推介‼️牛舌心本身肉質相當彈牙同juicy🤍牛舌心鹽燒嘅調味岩岩好 惹味得黎唔會太咸👅建議落埋檸檬汁會再清爽啲👍🏻我地仲因為太好食encore咗次牛舌心🤣❣️鰻魚天婦羅 ($198)鰻魚天婦羅上嘅時候我地嚇親 份量都真係相當大😂😂外皮炸衣香脆但鰻魚肉仍然保持到非常juicy✨而且鰻魚食落啖啖肉完全唔會食到有骨既感覺怕食鰻魚既朋友都可以放心大膽食😙❣️手打墨魚棒 ($78)墨魚棒咬落除左彈牙之外仲食到一粒粒墨魚肉非常有咬口( ´▽｀)個月見醬汁更加令到墨魚滑既味道提升不少 仲多左陣陣蛋香 推薦！❣️手打免治雞肉棒 ($68)同墨魚棒一樣 雞肉棒入面有一粒粒雞軟骨而且調味適中配合埋月見汁食一流🙌🏻推薦指數：🌟🌟🌟🌟【𝐏𝐫𝐢𝐜𝐞: 3/5 𝐅𝐨𝐨𝐝: 4.6/5 𝐄𝐧𝐯𝐢𝐫𝐨𝐧𝐦𝐞𝐧𝐭: 4.7/5】…查看更多

近排行過尖沙咀韓國街發現新開左間餐廳叫南浦炸醬。餐廳賣既野貴精不貴多主要就係賣炸醬面，糖醋肉。炸醬面同糖醋肉一向都係我地去韓國必食嘅兩樣野，咁我地梗係入去試下先啦(⁎⁍̴̛ᴗ⁍̴̛⁎)❣️炸醬面 ($125)餐廳嘅炸醬面味道非常正宗，我記得去完韓國都有試過買啲炸醬公仔面返香港但完全做唔返呢隻味😂炸醬面面質彈牙而且非常掛汁，而炸醬嘅醬香味濃郁又帶甜味，非常高質。另外仲有隻荷包蛋添🥰❣️海鮮炒碼面 ($128)炒碼面湯底辣得嚟食到海鮮嘅鮮甜味👅海鮮麵用料勁豐富✨有大量青口，蜆肉同魷魚肉，仲有螃蟹腳。麵條亦同韓國食嘅一模一樣，煙韌有咬口。味道嚟講真係無得彈🤤呢個海鮮炒碼麵真係比到驚喜我地😙❣️糖醋肉 ($160)糖醋新鮮炸出嚟非常酥脆而且保留到肉汁而且個炸粉都相對薄身，啖啖肉超好食😋再配埋佢個甜酸醬汁真係會食極唔停口💯❣️蒸餃子 ($78)蒸餃一共有5粒，亦係非常傳統嘅韓國味道🇰🇷每隻餃子都非常飽滿餡料調味都洽到好處👍🏻推薦指數：🌟🌟🌟🌟【𝐏𝐫𝐢𝐜𝐞: 3/5 𝐅𝐨𝐨𝐝: 3.9/5 𝐄𝐧𝐯𝐢𝐫𝐨𝐧𝐦𝐞𝐧𝐭: 3.8/5】…查看更多

記得年幾前食過銅鑼灣嘅人生有限杯，食物質素都相當唔錯，近排發現佢係尖沙咀開左新分店，緊係食過番尋味黎支持下啦💛新店座落係赫德道位置非常方便而且裝修仲非常有格調，有open kitchen比你睇住師傅燒，真係好似去左日本咁而且價錢仲非常實惠，最平一串都係10蚊，勁抵‼️❣️五花腩 ($10)五花腩燒出嚟嘅時間岩岩好，油香味豐富而且孜然調味唔會話太重，最重點係10蚊一串，真係食多幾串都唔驚😆❣️墨魚鬚 ($10)墨魚鬚相當彈牙而且鮮味十足，最重點係個墨魚鬚配埋嘅泰式酸辣醬非常惹味相當推薦😋❣️蜜糖栗米 ($10)燒栗米一上枱已經聞到一大陣勁香既牛油味，食入口蜜糖牛油嘅調味無懈可擊，栗米粒亦都非常飽滿仲非常juicy ♪( ´▽｀)❣️味噌松板豬 ($15)松板豬油脂非常豐富，食落口感似豬頸肉🐖另外個味噌調味都似蜜糖醬，好味得嚟都非常邪惡😈❣️鵪鶉蛋卷 ($20)鵪鶉蛋入面有滿滿嘅蛋黃，外面包住一層薄薄嘅豬腩肉，如果鍾意食蛋捲嘅朋友仔真係唔可以錯過🤟🏻❣️芝士年糕 ($38)芝士年糕外層燒得香口得黎又非常煙韌，入面既芝士流心咸香味十足，相當唔錯🥳❣️山椒鰻魚汁白鱔 ($48)白鱔有三大舊，鱔肉鮮味十足，鱔皮亦香脆，鰻魚汁惹味得黎唔會搶晒鱔嘅鮮味👅另外仲有山椒調味，有少少麻嘅感覺相當頂癮，好食到我地仲encore左一串😙😙❣️鹽燒牛舌心 ($28)牛舌心肉質彈牙亦保留到肉汁，牛味亦相當豐富，鹽燒既調味亦無得彈‼️無諗過呢個價錢有咁嘅質素，非常推薦🫶🏻❣️椒鹽雞軟骨 ($20)椒鹽味相當香口，雞肉同軟骨比例都岩岩，整體感覺不過不失～❣️免治雞肉棒 ($28)免治雞肉棒會配埋生雞蛋一齊上兩樣一齊食令到個雞肉非常滑溜，而且仲有淡淡蛋香🍳雞肉棒入面仲有大量軟骨碎，口感豐富🤩推薦‼️❣️墨魚滑紫菜大蝦 ($68)呢個墨魚滑紫菜大蝦絕對係呢到既必食推介‼️啖啖墨魚滑彈牙得嚟仲保留到淡淡嘅海鮮味🥹除此之外仲有個大蝦，大蝦蝦肉都係爽口蝦味相當濃厚，無諗過墨魚滑同大蝦係咁夾✨另外仲有個千島醬調下味酸酸地非常開胃🥳❣️焦糖雪糕多士 ($48)黎人生有限杯最唔可以錯過嘅就係個甜品雪糕多士🥰焦糖多士甜絲絲又非常酥脆‼️雪糕嘅冰凍口感又十分清新而且令到個多士多返一種濕潤感，食完幸福感滿滿🥺強烈建議食完串燒之後食埋個甜品先走😈推薦指數：🌟🌟🌟🌟【𝐏𝐫𝐢𝐜𝐞: 4.8/5 𝐅𝐨𝐨𝐝: 4.2/5 𝐄𝐧𝐯𝐢𝐫𝐨𝐧𝐦𝐞𝐧𝐭: 4.5/5】ғᴏʟʟᴏᴡ ᴍʏ ɪɢ ☞ sɪᴜ4ᴍᴀɪ_ɪɴᴛʜᴇʜᴏᴜsᴇ…查看更多

聽講尖沙咀有間由泰國人開嘅泰國菜 今次終於有機會試吓✨發現服務員都係講泰文 食物好正宗 整體質素都幾高 椰子愛好者必試🙂‍↕️❣️泰式虎蝦炒金邊粉 ($118)推薦‼️ 每次去食泰國菜都一定要嗌pad thai 🥳虎蝦好新鮮 炒到有鑊氣 味道濃郁 食落口感不錯 有驚喜✨金邊粉食落煙韌有咬口 撈埋啲醬汁都幾惹味 食完都仲回味緊🦐不過都真係幾辣 唔食得辣嘅朋友建議唔好撈佢地啲辣粉🤣❣️泰式船麵和牛金邊粉 ($118)佢地嘅船麵都幾大碗 絕對唔係傳統細細碗咁 完全係份量取勝😂味道正宗 湯底濃郁香濃 和牛片好嫩滑👍🏻金邊粉比炒嘅稍為幼身 都幾索汁 個湯底有曬豬骨同香料嘅精華 絕對係正宗泰式味道👅❣️ 泰式飛天炒通菜 ($58)通菜辣但好香 有泰式大排檔感覺 🌶️雖然辣但係辣得有層次 唔會蓋過通菜本身嘅味👍🏻炒到好香 配埋蒜蓉一齊 真係好開胃😋❣️泰式奶茶 ($28)茶味濃郁而且奶香十足 甜度啱啱好 唔會太甜 正宗泰式味道👍❣️椰奶沙冰 ($68)夏天必備‼️ 椰香好濃 沙冰幼滑🥥甜度剛好 飲完好清爽 解膩同埋解辣一流 😂😂❣️椰子雪糕吐司 ($68)甜品2個醬都好出色‼️ 奶茶醬同班蘭醬都好香雪糕椰子味好出 吐司有牛油香 配埋一齊好好食💯❣️椰青 ($38)天然椰青水 清甜解渴 配埋其他嘢食啱啱好💁🏻‍♀️椰肉都好嫩滑 🥥推薦指數：🌟🌟🌟🌟【𝐏𝐫𝐢𝐜𝐞: 3.9/5 𝐅𝐨𝐨𝐝: 4.3/5 𝐄𝐧𝐯𝐢𝐫𝐨𝐧𝐦𝐞𝐧𝐭: 4/5】…查看更多

好耐之前係觀塘食過呢間台灣菜一路都念念不忘 今次終於有機會回訪(˶‾᷄ ⁻̫ ‾᷅˵)雖然好耐無黎呢間餐廳但食物質素一樣保持水準餐廳下午茶仲做緊9折優惠真係非常抵食‼️❣️熔岩蛋之戀 ($45 折後$40.5)其實嚟呢到最主要目的就係食個蛋餅 因為真係唔係到到食得到火腿芝士呢個絕對係經典配搭已經唔駛多講 蛋餅入面有大量芝士做到拉絲效果 而面頭仲有啲沙律醬酸酸甜甜非常開胃✨❣️手撕雞便當 ($67 折後60.3)個便當除左手撕雞之外仲有唔少菜同兩粒鵪鶉蛋 營養價值滿分 有時想食得健康少少就可以食呢個!!手撕雞鹽焗得非常入味而且份量豐富 真係比唔少坊間食手撕雞專門店都仲要高質‼️❣️台北夜市小食拼盤 ($45 折後40.5)食台灣野又點少得食返啲台灣小食💛小食拼盤一共有三份小食 分別係鹽酥雞、花枝丸同台灣腸💁🏻‍♀️台灣腸上面搽左少少蜜糖 非常有心思花枝丸同鹽酥雞味道正常 可以滿足我地食台灣小食嘅心癮😆❣️炸鮮奶 芋泥二文治 ($48 折後$43.2)食壹.01一定要食既就係呢到嘅芋泥 厚厚嘅芋泥由兩塊餅乾夾住 食落去充滿芋泥味 芋泥控表示非常滿足😛炸鮮奶表皮炸到金黃脆身 味道不過不失~❣️芋泥波波鮮奶 ($34 折後30.6)呢到既另一樣照牌就係呢杯芋泥鮮奶‼️芋泥鮮奶味道非常天然唔會有人工甜味 有驚喜嘅係佢嘅珍珠 煮既時間岩岩好唔會話太淋又唔會話唔夠時間好硬咁 絕對可以媲美外面啲手搖店👍🏻推薦指數：🌟🌟🌟🌟【𝐏𝐫𝐢𝐜𝐞: 4.5/5 𝐅𝐨𝐨𝐝: 3.9/5 𝐄𝐧𝐯𝐢𝐫𝐨𝐧𝐦𝐞𝐧𝐭: 4/5】…查看更多

近排見到好多身邊啲朋友都黎過呢間餐廳幫襯 一路都心心念念想黎食下野 今次終於都有機會啦😙呢間餐廳佈置同裝修都好有氣氛🔥食物賣相都幾靚 野飲又有特色勁岩打卡💕尤其係個個會著火嘅阿拉丁神燈 真係超靚‼️但最估唔到嘅係原來餐廳既食物質素都係一流真係食過翻尋味٩(˃̶͈̀௰˂̶͈́)و❣️ ɢʀɪʟʟᴇᴅ ᴏᴄᴛᴏᴘᴜꜱ ʟᴇɢ ᴡɪᴛʜ ʀᴏᴍᴇꜱᴄᴏ ꜱᴀᴜᴄᴇ香烤西班牙八爪魚腳伴紅淑堅果醬 ($188)今次我地嗌左一個starter同兩個main 真係飽到食唔哂🤰🏻starter我地嗌左呢個八爪魚腳🐙八爪魚腳切落勁脆身咬入口相當彈牙😋海鮮味道亦相當濃郁 因為烤過嘅關係又特別香口🤤另外個紅淑汁帶有少少酸甜味 令到個八爪魚更加惹味🔥其他配菜都係酸甜爽口勁開胃👍🏻❣️ ʙᴇᴇꜰ ᴛᴇɴᴅᴇʀʟᴏɪɴ 澳洲MB2嫩牛柳 ($398)牛柳我地嗌左5成熟 完全冇諗過係燈籠街食嘅牛柳會咁高質🤣牛柳燒嘅時間岩岩好 完全做到5成熟😛牛柳肉質非常嫩 入口牛味又勁重 每一啖都係享受🥰質素完全唔差過啲專門食扒既扒房 強烈建議大家嚟一定要試呢個牛柳‼️❣️ ʙʀᴀɪꜱᴇᴅ ᴄᴏᴏᴋ ᴄʀɪꜱᴘʏ ꜱᴋɪɴ ᴘᴏʀᴋ ᴋɴᴜᴄᴋʟᴇ ᴡɪᴛʜ ᴄʜɪᴍᴍɪᴄʜᴜʀɪ ꜱᴀᴜᴄᴇ 脆皮豬手配阿根廷奇米丘里醬 ($298)豬手上嘅時候已經切好晒好方便😙烤嘅火喉幾好 外皮做到焦脆效果唔會話太硬👍🏻豬手肉質味道調味都不錯 特別想講佢個阿根廷醬非常惹味 配埋個豬手一齊食真係冇得頂💕❣️ ʙᴀɴᴀɴᴀɴᴀɴᴀ ($68)呢杯mocktail主要係香焦加椰汁製作已成 飲落香蕉味道會比較重 有少少似香焦牛奶嘅感覺 但有淡淡既椰子味🥥味道都唔錯 入面仲有條香蕉食添😆❣️ ᴀᴘᴘʟᴇ ᴛʀᴇᴇ ($68)個名雖然叫Apple tree但除左蘋果之外佢都係加左香蕉比起banananana呢杯野飲香焦味就較淡取而代之就係有少少酸味嘅蘋果再加上梳打水 甜甜酸酸咁幾好飲 兩杯比較既話我更鍾意Apple Tree😚推薦指數：🌟🌟🌟🌟【𝐏𝐫𝐢𝐜𝐞: 3.9/5 𝐅𝐨𝐨𝐝: 4.6/5 𝐄𝐧𝐯𝐢𝐫𝐨𝐧𝐦𝐞𝐧𝐭: 4.3/5】ғᴏʟʟᴏᴡ ᴍʏ ɪɢ ☞ sɪᴜ4ᴍᴀɪ_ɪɴᴛʜᴇʜᴏᴜsᴇ …查看更多

呢間位於蘭桂坊附近嘅法國菜 地理位置都幾方便 裝修簡潔舒適 價格都幾親民(⁎⁍̴̛ᴗ⁍̴̛⁎)❣️焗法式地道古也芝士洋蔥湯 ($88)洋蔥湯調味適中 洋蔥味道濃郁 入面嘅芝士🧀同洋蔥🧅味道做到好好嘅平衡 而個湯入面嘅材料都非常豐富✨非常開胃 入面仲浸住一舊法包🥖法包配埋洋蔥湯真係超級好食 兩個配搭絕對係一絕‼️❣️法式焗蝸牛 ($108)食法國菜又點少得食蝸牛呢✨蝸牛肉肉質感彈牙 蒜香牛油嘅調味亦十分入味 令到成道菜非常惹味😋 而個蝸牛亦唔會食到腥膻味 蝸牛下面嘅薯蓉都好好食 係一道好出色既前菜👍🏻餐廳都有比埋專門食蝸牛嘅餐具 非常方便🍴❣️慢火煮紅酒和牛面肉配法包 ($288)牛面肉非常軟嫩，唔會話好乾柴但又好入味，所以烹調既時間真係岩岩好。牛面肉肉味亦好濃郁。鍾意食牛既朋友真係唔可以錯過。而個紅酒汁既調味亦好開胃，個法包點下ｄ紅酒汁連埋舊牛肉食真係回味無窮。❣️日本鮮帶子檸檬汁初榨橄欖油意粉 ($198)帶子一共有3粒 非常大隻而且帶子非常鮮嫩彈牙👍🏻橄欖油意粉面質有咬口🍝檸檬汁既調味唔會太搶 帶出少少酸味咁超級開胃🤤❣️麵包布甸配雪糕 ($88)個甜品非常有驚喜🙂‍↔️上面個朱古力雪糕朱古力味濃郁入面有啲朱古力碎🍪麵包布甸唔會太甜 口感綿密 連埋雪糕食一流 ٩(˃̶͈̀௰˂̶͈́)و推薦指數：🌟🌟🌟🌟【𝐏𝐫𝐢𝐜𝐞: 3.9/5 𝐅𝐨𝐨𝐝: 3.7/5 𝐄𝐧𝐯𝐢𝐫𝐨𝐧𝐦𝐞𝐧𝐭: 3.8/5】…查看更多

次次同朋友想食烤魚都一定會食呢間😆中間都有試過其他唔同嘅烤魚都係覺得我要烤魚最抵食同高質🥺佢地最近進駐旺角 而家非港島嘅朋友仔都可以去食喇🤣唔知係咪新開嘅緣故 我平日夜晚嚟見到唔算太多人明明平時銅鑼灣分店唔book嘅話係完全無得食🥺唔駛坐得咁逼之餘 又可以多一個地方選擇😙❣️重慶麻辣烤清江魚 ($298)辣度我揀咗bb辣 但同樣不容小覷‼️感覺好似辣過銅鑼灣分店好多😂😂辣到我地要嗌返個椰青解辣🤣🤣魚類可揀鱸魚或青江魚 我地今次就揀咗清江魚 魚肉口感嫩滑 唔算多骨 魚身輕輕煎過 特別香口😋❣️ 啫啫墨魚滑入烤魚 ($78)呢個新菜式超得意 大家嚟食烤魚嘅話可以試試佢🤤佢有啲似啫啫雞煲 墨魚滑口感爽彈 配菜有西蘭花、蓮藕片、薯仔等等 炒得超入味 好似邊食緊雞煲同埋烤魚咁(⁎⁍̴̛ᴗ⁍̴̛⁎)❣️炸饅頭 ($20/4個)我次次嚟食都必點佢地嘅炸饅頭或者炸奶黃包!!🥐抵食之餘 完全係炸到金黃酥脆 再沾上煉奶 呢個邪惡之選絕對無得輸😈❣️鴨血片 ($32)呢個又係我每次嚟都必點(´･ω･`)一共6件 滑捋捋 口感Q彈 配合麻辣鍋一流✨❣️牛油蜜糖燒粟米 ($24/2串)❣️甜蜜燒菠蘿 ($20/2串)串燒都幾抵食 十幾蚊一串 味道都唔錯👍🏻次次想試佢哋嘅其他串燒 但次次都淨係嗌兩款就已經太飽😂😂❣️桂花蜜四川冰粉 ($16)上面灑滿花生同埋提子乾 口感清爽 夏日消暑解辣之選✨推薦指數：🌟🌟🌟🌟🌟【𝐏𝐫𝐢𝐜𝐞: 4.5/5 𝐅𝐨𝐨𝐝: 4.1/5 𝐄𝐧𝐯𝐢𝐫𝐨𝐧𝐦𝐞𝐧𝐭: 4.5/5】ғᴏʟʟᴏᴡ ᴍʏ ɪɢ ☞ sɪᴜ4ᴍᴀɪ_ɪɴᴛʜᴇʜᴏᴜsᴇ …查看更多

宜家香港地打邊爐通常都係去開啲牛乜牛乜嘅連鎖火鍋店♨️好似好耐都無真係食返地道既港式邊爐(˶‾᷄ ⁻̫ ‾᷅˵)今次我地嚟到呢間位於太子嘅傳統港式火鍋店🍲入面嘅湯底同海鮮都係一絕 絕對唔係啲連鎖火鍋店可以媲美餐廳其實都做緊啲套餐優惠 每位338都幾多野食 但今次我地就無試 我地建議各位下次黎可以試下個set因為睇落都幾抵食😛❣️冬瓜瑤柱花甲鍋 ($198)湯底我地就揀左呢個冬瓜瑤柱花甲鍋 湯入面有一大舊冬瓜同大量瘦肉煲成 另外再加埋花甲同瑤柱🍲湯底飲落非常鮮甜 飲落似屋企人煲既湯咁😛成個湯底用料十足 花甲食落新鮮無沙 相當高質👍🏻適逢天口都有啲㷫🔥用冬瓜黎做湯底真係岩晒 而且真係港式邊爐先搵到✨❣️本地手切鮮牛肉（中）($268)手切牛肉一睇就知勁新鮮 賣相勁吸引🤩食落唔會有筋而且厚度適中啖啖肉 牛味亦非常濃郁🤤雖然價錢略貴但如果嚟既話我地都幾推介呢隻牛肉👍🏻中份量嘅話應該大約有二十片牛肉到 足夠三個人食🙌🏻❣️黑松露餃 ($78)每隻黑松露餃都大大隻脹卜卜 黑松露味勁強烈一咬開就香噴噴😙除左黑松露之外佢入面應該係包住d蝦膠同豬肉 個配搭都幾得意 一次過滿足幾個願望🙌🏻❣️白鱔片 ($128)呢間餐廳其中一個主打就係佢嘅海鮮 今次我地嗌既鱔片亦係非常高質‼️每一塊鱔片都非常厚 肉質超級爽彈 而且保留到鱔嘅鮮味但又一啲都唔腥 可以肯定非常新鮮✨強烈推介大家嚟到要食呢個鱔片‼️❣️聖子皇 ($58)聖子皇超級大隻同肥美 拎嚟打邊爐一流 食落都係充滿住海鮮既鮮味~❣️椒鹽墨魚咀 ($98)墨魚咀有咬口 椒鹽調味亦適中 唔會太過重口味❤️我就食到一粒接住一粒停唔到(˶‾᷄ ⁻̫ ‾᷅˵)推薦指數：🌟🌟🌟🌟【𝐏𝐫𝐢𝐜𝐞: 3/5 𝐅𝐨𝐨𝐝: 4/5 𝐄𝐧𝐯𝐢𝐫𝐨𝐧𝐦𝐞𝐧𝐭: 3/5】ғᴏʟʟᴏᴡ ᴍʏ ɪɢ ☞ sɪᴜ4ᴍᴀɪ_ɪɴᴛʜᴇʜᴏᴜsᴇ …查看更多

行過旺角發現呢間泰國菜做緊嘅晚市二人套餐都幾抵食 咁岩撞正上星期狂風暴雨 即刻衝咗入去食🥺餐廳就座落係通菜街 位置方便 而且裝修都幾有格調🫶🏻套餐有一個前菜、兩個小食、一個主食同兩杯野飲 加埋都係$338 咁就試試佢先😆❣️涼拌酸辣紮肉前菜我地揀左酸辣紮肉(˶‾᷄ ⁻̫ ‾᷅˵)蔬菜新鮮爽口👍🏻酸酸辣辣味非常開胃🤤紮肉份量亦非常之多‼️但要注意嘅係都真係幾辣下🥺建議可以調節下 食開三小辣嘅我都覺得真係好辣😂😂😂❣️泰式手打蝦餅蝦餅外表脆口內裡肉質非常彈牙 蝦味亦濃郁🙌🏻總共有六細舊咁多 作為小食岩岩好🌟❣️招牌燒牛肩胛肉牛肉燒嘅火喉同時間岩岩好💯肉質非常粉嫩 而因為係牛肩胛肉既關係 牛味仲特別重👍🏻食肉獸真係唔可以錯過😆❣️蟹肉炒飯我地加左20蚊黎嗌呢個蟹肉炒飯 但我地覺得絕對係值回票價🙌🏻蟹肉炒飯非常足料 肉眼可見非常多蟹肉🦀而且炒飯亦都有獲氣🔥做到粒粒分明 非常抵讚✊🏻❣️椰汁冰/泰式綠奶茶野飲我地叫左杯椰汁冰 啖啖椰香非常足料👅而泰式綠奶茶既甜度適中而且幼滑 都幾好飲!! ٩(˃̶͈̀௰˂̶͈́)و推薦指數：🌟🌟🌟🌟【𝐏𝐫𝐢𝐜𝐞: 3.8/5 𝐅𝐨𝐨𝐝: 3.8/5 𝐄𝐧𝐯𝐢𝐫𝐨𝐧𝐦𝐞𝐧𝐭: 4.3/5】…查看更多

今次黎到呢間網上評價都唔錯嘅日式餐廳🇯🇵餐廳主要係食拉面串燒同其他日式小食 小店模式經營都幾值得大家支持 晚市仲做緊一人套餐優惠 一個主食加一個小食👍🏻❣️赤武士辛味拉面 ($83)客人可以按自己接受程度揀返相應辣度🌶️面入面有粒溏心蛋 兩大片叉燒同一大舊豚肉✨豚肉肥瘦適中肉味香濃 麵質都唔錯🍜整體味道唔差用料豐富相當抵食👍🏻❣️蒲燒鰻魚飯 ($98)鰻魚飯既飯粒粒粒分明 鰻魚汁都幾送飯～同時間個飯仲有一粒溫泉蛋😋鰻魚有兩大舊 肉質厚實 整體不過不失～❣️冷豆腐 ($32)小食方面我地嗌左個冷豆腐 夏天熱辣辣真係好岩拎黎做前菜✨調味同啲青瓜令到個前菜更加清爽非常開胃～❣️日式和風餃子 ($38)日式餃子個餡非常飽滿 配上日式沙律醬 雖然邪惡但好食😆…查看更多

最近實在太懶好耐無嚟呢邊食野 原來佢哋搬咗去隔離 大間咗勁多而且裝修風格完全唔同 有啲似大渣哥🤣🤣❣️慢燒牛胸肉牛油果醬潛艇伴法炸薯條 ($84)lunch set有五款 包埋餐湯同埋飲品 都幾抵😆麵包都幾鬆軟 而且而且值得一讚嘅係佢嘅牛胸肉肉質鮮嫩 絕對唔係平時啲普通牛肉 配合沙律菜同埋牛油果醬中和膩感 另外薯條係即叫即炸食落都幾香脆 而且份量超多 整體都唔錯👍🏻❣️紐西蘭鱈魚柳漢堡配蜜糖芥末醬及法炸薯條 ($86)burger set亦有五款 包餐湯或飲品 亦可+$8咁就有哂湯同飲品 但我自己覺得唔加都已經好飽😂😂唔想食薯條嘅朋友亦可以轉沙律菜😛沙律菜唔算特別新鮮 但就勝在份量同埋醬汁都幾多 如果晏晝想食下菜都可以嗌✨值得一讚嘅係佢嘅魚柳炸到都幾香脆 而且亦唔會過老 配上蜜糖芥末醬 都幾惹味~❣️題外話員工服務質素都幾好💕我哋唔小心落錯咗單 佢地都肯即刻幫我地改🥺推薦指數：🌟🌟🌟🌟【𝐏𝐫𝐢𝐜𝐞: 4.4/5 𝐅𝐨𝐨𝐝: 4.3/5 𝐄𝐧𝐯𝐢𝐫𝐨𝐧𝐦𝐞𝐧𝐭: 4.1/5】…查看更多