食E面的个人专页

暑假就快放完, 同表妹周圍去行街食野, 今次去咗黃大仙食日式食品, 揀了和氣食堂, 因為朋友推介的。店舖都算大, 裝修簡約, 坐得舒適。 時間尚早, 7 點左右已經好多人。我地 order 了手打稻庭冷烏冬, d 烏冬放落湯之前好黏, 好難分開, ㄧ放入湯内, 即刻鬆散開來, 口感非常煙靭, 沒有酸味, 配料有ㄧ隻生的鵪鶉蛋, 非常特別, 湯底唔醎。第二樣食品就係香芒燻鴨胸沙律鴨胸肉配上特式醬汁, 好惹味, 加上香甜的芒果肉, 配搭得宜, 沙津菜夠新鮮。火炙鵝肝 3 點, 聽個名完全估唔到係乜東西, 原來係 3 款不同的壽司, 分別係三文魚腩, 帆立貝及鰻🐟。我揀了最愛的鰻魚壽司。最後係甜品時間 :要了ㄧ客特濃牛奶芭菲。大大杯的雪糕有很香濃的牛奶味, 另外用糯米粉造了各色的小丸子, 煙煙靭靭的, 仲有粟米片及紅豆, 非常特別。嘆埋杯玄米茶, 簡直係大滿足。…查看更多

早幾日在上環信德中心見完客, 於是入去八方雲集食鍋貼, 本人非常喜歡吃鍋貼。可能已過了午餐時間, 所以人流唔多。店舖地方細細, 坐得尚算舒適。枱面上放有餐牌及指示牌, 非常清晰。order 了ㄧ set 珍珠餛飩套餐。套餐包括珍珠和風餛飩 6 粒, 餛飩細細粒, ㄧ啖ㄧ粒, 可辣可不辣。主角係煎鍋貼, 長長的鍋貼裏有豬肉饀料, 鍋貼煎到金黃色, 但又保持住豐厚的肉汁, 令人食指大動。都市人講求健康, 我也不例外, 於是配了ㄧ碟油菜, 下次要走蠔油, 加上ㄧ杯珍珠奶茶, 珍珠都幾煙靭, 又夠多。成個餐份量剛剛好, 都係 $52, 抵食。…查看更多

早排去佐敦, 經過這間店舖, 見佢有飯, 有麵, 又有甜品食, 於是入去光顧。店舖唔算大, 但整潔。要了碗冬陰公湯豬扒泰式薯粉。好香嘅冬陰公湯味, 唔算辣, 啱晒我只喜歡吃少辣的人。豬扒細細地共有 4 塊, 肉地唔靭, 仲有豆腐蘿蔔各ㄧ件, 蘿蔔好淋, d 薯粉也很煙靭, 整體嚟講係唔錯。配了ㄧ杯凍椰汁西米露, 好多西米, 椰汁夠香濃, 又唔會太甜。原來十二點半前落單, 送多杯奶茶, 或者豆漿, 紙包飲品亦可以。因為已經夠飽, 我要紙包飲品, 可以帶走。…查看更多

同朋友慶祝生日，一早選好左去呢間餐廳，朋友話鍾意佢地D位夠闊，坐得舒服喎。去到又真係幾闊，有圓台卡位又有方台，真係人多又得，兩三個又得。可能我地食頭輛，6點鬆D鐘到，食得好寧靜。一心期待大吃特吃，點知之前兩日感冒未清，唔敢食得放肆，今次就試下另類，唔食生冷唔食油炸野，食綠色食物為主。第一味要食既係枝豆，唔知點解，去食日本放題就覺得一定要食佢，本來佢無喱味道又帶少少寡味，只要洒D鹽上去，成個味道就唔同晒，一粒粒慢慢食，配埋個安靜既環境，特別正。唔敢食其他，自己一個ORDER左3碟慢慢嘆。呢度有半自助式既食物，有雞翼、有蟹，好吸引。又有人即時幫手碌菜，第一次叫左個脆肉瓜併絲瓜，幾好食，幾脆，再黎多碟淨。再ORDER既，都係菜，就係苦瓜煎蛋，呢個最好食，苦瓜真係有苦味，D蛋整得唔老，火候岩岩好，食左兩碟。蛋好食，再叫另一款溫泉蛋，好滑，涼浸浸，正。食唔到其他，就食甜品補數，五顏六色，睇樣已經吸引。下次要再去，食番夠本。…查看更多

行過牛頭角，見到間餐廳叫龍門冰室，想起電影龍門客棧，就這樣走入去食晚餐。裝修好得意，地下是黑白方格瓷磚，好懷舊；牆上掛了兩位足球明星的相片，又好有現代感。最得意是廚房出菜位置上面，掛上他們餐廳的英文名LUNG MUN的牌匾，充滿中西混合味道。「肺話」太多，入正題講食物，以茶餐廳的水準，屬於很好! 我們三個人，點了不同的食物，家人點了常餐叉燒米線，自已沒試，聽他們說味道可以。 我喜歡吃面包，所以點火腿茄汁奄列配奶醬厚多士，35元包凍飲，多士烘的剛剛好，每一啖口感十足又微溫，奄列很滑，真的很滑，有上茄汁的微甜，正!再來個黑松露芝士焗雜菌西蘭花，西蘭花爽口，啖啖又有黑松露的香味，加埋芝士的香，三重享受!胃尚差一點才滿足，再點了一份咸牛肉芝士脆豬，嘩! 真的很合自己杯茶! 咸牛肉份量剛剛好，不多又不會太少，加上芝士的咸味，不會有太咸的情況，最最最推介是脆豬，真的是外脆內軟，即叫即準備，家人試了一點後，忍不著也點了個魚柳包，魚柳即炸，配上沙律醬和牛油，整個包有近3寸高，一樣十分好吃。每份配飲品都是三十元有找，比起大集團的價錢和味道，這裡更勝一籌。是真心推介一定要試!另外值得一提的是侍應們的服務也很好，手腳快又有禮貌，不是一般茶餐廳可比。…查看更多

與朋友今年第一次一起吃晚餐，吃放題是個不錯選擇，食物可以是一人份量，又可以多人份量，任我們填寫。這次選擇旺角的大滿喜，對於住不同地區的我倆，交通都很方便。一坐下，就立即去「巡視業務」，見到甜品櫃，正! 取了三件甜品作為前菜，朱古力撻最好吃，朱古力味濃又不太甜。還有多款雪條、雪糕、雪米磁，最興奮是另外有軟雪糕任你扭完再扭，吃完再吃。整晚吃了雪米磁、哈密瓜味的雪條，在其他地方很少提供這款口味，真的要吃、最後又吃了軟雪糕，似乎主菜是甜品放題多於日式放題。其他食物都不錯，見餐單上竟然有花膠，即管一試，想不到很大碗，很軟身容易食。點了兩隻芝麻雞翼，打算跟朋友一人一隻試試，皮薄而脆，肉厚，表面的油份很少，芝麻份量剛好，咸味剛剛好，超好食，結果自己把兩隻都吃了，真是必試之選!嘩嘩嘩! 有炸榴槤，好在朋友不介意那香味，馬上要試，跟乒乓球差不多大，咬下去，榴槤蓉流出來，口感香味甜味都超正。齒頰留香。…查看更多

去大圍探朋友順便晚餐，友人媽媽也在，就三個人去食。自己偏向食西餐，網上搜到積存街有間叫 的西班式餐廳，就去試試。去到門口，看來是酒吧式餐廳，才六點多，內面已經有幾台客人，似乎happy hour為主，可能不是在旺區，不算吵。職員見我們有老人家，主動問是否要來杯熱水，很窩心。先來一客南瓜湯，味清香清淡，有南瓜原來的清甜味；再點了西班牙風乾豬腿配煙三文魚，來個一口咸煙豬肉一口甜湯，又咸又甜的新嘗試。再點了一個西班式燒腩仔做前菜，肉很瘦而軟，兩口吃完，口感好，可以一試。點菜時，見傍邊一對年輕男女來了一盤牛扒，應該是重量級肉眼扒，擔心份量太大，改點紐西蘭肉眼配菠蘿。先吃那片菠蘿，上面有焦糖，咬入口脆脆甜甜，加上又甜又酸的菠蘿汁，Auntie很喜歡，竟然一個人吃了一半。肉眼扒要了七成熟的，沒血水又不會硬，幾好幾好。再來一客焗大網菇香草意粉，那隻大菇菇真的超大，有掌心般大，上面釀入芝士再焗，切開一半放在碟上一會，芝士變流心向下流，意想不到，很香很好味。隔離那對可能聽到男女說不錯，又點了一客來吃。夏日炎炎，飲品來杯薄荷葉青檸青蘋果水，原來肉吃多會膩，這個正好消膩又消暑。準備離開時見另一台的男女點了啤酒和炸物，下次點這個。溫馨提示：學生午餐可以減10元…查看更多

侄仔搭飛機返加拿大, 今早同佢飲餐茶當 farewell, 時間都早, 8 點幾, 唔使等位。店舖都算光猛寬敞, 坐得舒服。點了侄仔鐘意食嘅叉燒包, 燒賣, 鮮竹魚肚扎以及鳳瓜排骨飯, 而我本人就鐘意食薑汁千層糕, 泰式芋絲餅, 咖哩鮮魷, 仲有咸水角。芋絲餅煎得燶了少少, 但味道 ok, 將ㄧ絲絲嘅芋頭煎成餅狀, 都係考功夫嘅。咖哩鮮魷好味, 唔太辣, 魷魚唔靭。咸水角唔掂, 望落已經好油膩, 食落唔脆口, 失望之作。薑汁千層糕熱辣辣, 好有薑汁味, 煙煙靭靭, 鐘意食甜品嘅朋友可以ㄧ試。…查看更多

老外朋友來香港，吃不慣中餐，便找家好的西餐廳請客，最後選了Grand Hyatt Steakhouse，之前有去過，今次再去，味道仍是很好。我們都不太餓，只精選了主菜跟紅酒。兩份都是8安士的John Stone Dry Aged。先來幾片又脆又暖的蒜蓉包，不太咸不辣，很合口味。牛肉外面煎得微黑，又不會有苦味，內面肉汁剛好，朋友和我的都是五成熟的，內面半熟部份，顏色幾乎一樣，可見廚師功架。又有6款不同的醬料供選擇，朋友每款都試了。朋友點了西蘭花作配菜，吃是好吃，個人還是喜歡爽脆一點。自己點了脆洋蔥圈，看起來有點炸得過頭，吃起來又可以，不算油膩。紅酒挻乾，配上牛扒，一流。朋友大讚有水準，約好下次來香港要再去。…查看更多

早幾日去了定食 8 食 lunch, 唔算多人, 等了大約 15 分鐘入座。 點了岩鹽牛排及醬油雞腿定食。牛排好淋, 不肥不靭, 配了幾片子薑及一碟小食, 特別醒胃。至於雞腿定食, 塊雞腿炸到金黃色, 灑了ㄧ些芝麻及醬油, 食落香口又 juicy。味增湯不鹹, 湯內除了豆腐, 還有蘿蔔片及魚肉, 與其他店舖的味增湯有所不同。套餐還有ㄧ小碟甜品, 類似大菜糕, 煙煙靭靭。店舖內有個自助區, 白飯, 味增湯, 玄米茶, 海帶牙及生菜絲免費任飲任食, 最適合大胃王。…查看更多

今日過開嚟荃灣, 經過批&撻, 鍾意佢批嘅選擇多, 仲有凍餅及生日蛋糕。買了姨甥女嘅最愛朱古力鮮奶 tart 及我嘅最愛雞批, 另外買了ㄧ個特濃朱古力孖鬆。個朱古力鮮奶 tart 好香朱古力味, 反而唔覺有鮮奶味, 中間嘅朱古力漿唔會太 "削", 曲奇皮好味, 雞批比起其他店舖嘅雞批大, 中間嘅餡料都好足好 juicy, 雞肉夠大粒, 加上個皮有 d 酥化, ㄧ邊食ㄧ邊掉下來, 至於個孖鬆, 超大個, 有好多朱古力粒粒, 可惜個蛋糕底唔覺得有好濃嘅朱古力味, 但整體都好食嘅。…查看更多

之前聽朋友講荃灣有間餃子屋的餃子好好食, 仲有個湯底值得一試。 今日過開嚟荃灣探姨甥女, 外賣了一碗粟米香菇豬肉餃, 可以選擇要 $36/6 隻 or $44/8 隻, 加多 $7 就可以配魚膠淮山煲豬骨湯同上海麵。落單大約等了 10 分鐘便 ready, 去到姨甥女家, 已很心急吃餃子。好大碗, 8 隻餃子鋪面, d 麵食落唔淋, 餃子脹卜卜, 有粟米同好多豬肉, 唔油膩, 加上冬菇嘅香, 真係好正, 個湯好濃, 似乎無乜味精, 但 d 湯就少咗 d。加埋ㄧ小盒麻辣菜莆, 好醒胃。外賣加多一蚊, 份量都夠兩個人食, 都係 $52, 抵食。…查看更多

去石硤尾探朋友, 之後落樓下五十嵐食 lunch, 點了餃子米線配雜錦壽司及招牌豬軟骨便當。先講講個米線餐, 份量都好大碗, 米線唔會太淋, 加了蟹柳片, 粟米粒,海藻及蔬菜, 味道還可以, 餃子煎得尚算金香可口, 雜錦壽司有 4 件, 望落去略為 dry, 唔太吸引, 食落都係ㄧ般。豬軟骨便當都 ok, 好入味, 但比較油膩, 配了少許蔬菜, 漢堡肉扒有 2 小塊, 白飯嘅份量都算多, 如果唔想浪費, 落單時可以叫小飯, 餐飲可以揀熱玄米茶 or 凍柑桔檸蜜。整體價錢合理。[IMG:1…查看更多

一連幾日假期大吃大喝，今日想同家人清清腸胃，去咗位於佐敦嘅普光齋食下午茶自助餐, 交通方便。店舖闊落光猛, 裝修似酒樓格局。食物款式多, 蒸炒煮炸, 甜酸辣味道樣樣齊。有炒麵, 飯, 各式素菜, 點心, 甜品, 應有盡有, 可以媲美酒樓及酒店。大部食物嘅味道適中, 不會太鹹或太多油, 可能師傅知道客人去食齋, 目的係想清清地, 所以有 heart, 自然煮出好食物。而且食物材料新鮮, refill 得好快, 唔會因為價錢平而將貨就價, 整體係物有所值。…查看更多

見到咁多人講到間餐廳 d 服務咁差, 咁我算好好彩, 等位唔算耐, 個職員態度 ok 嘅。早幾日去食, 大約等左 20 分鐘就有位。點了春卷撈檬, 生牛肉河, 粉卷, 加多幾蚊餐飲就可以𨍭特色飲品, 我揀了 my favourite 珍多冰, 鍾意綠色ㄧ條條類似啫喱嘅嘢 (其實我唔知果 d 係乜東西), 煙煙靭靭, 好有口感。食撈檬就係因為果樽酸酸甜甜嘅湯, 好醒胃, 自己鍾意落幾多都得。生牛肉河夠大碗, d 牛肉唔靱, 河粉亦唔會太林, 粉卷雖然係油左 d, 但好食嘅, 整體我覺得 ok.…查看更多