sunnysheung的个人专页

由於朋友就快生日，於是想book一間特別啲嘅餐廳同佢慶祝。喺OpenRice搵到呢間以camping主題餐廳，裝修係幾特別！唔錯！我哋分別買咗燒肉拼盤，牛肉拼盤，集採拼盤，厚燒牛舌，雞腎，蟹膏蓋，月見醬飯團……老實講個月見飯團真係好好食，食完一份再encore 。但係牛肉拼盤就真係麻麻哋，唔知係咁啱唔好彩，食咗幾塊都係好多根。燒肉拼盤豬頸肉又係，靭都咬唔到。😅！其他啲雞，雞腎，豬軟骨還OK！嘢食嚟計， side dish 好食過主打嘅燒肉。但係啲服務質素真係麻麻地，唔優做咁嘅樣！問親乜嘢都冇乜耐性去問！去到差唔多最尾，問我哋仲有冇甜品要嗌，我哋同佢講唔使，因為我哋仲有個生日蛋糕。但係我哋都未話要上（因為我哋仲燒緊），問都唔問就攞咗個蛋糕擺喺枱😅。部份食物質素及服務態度有待改善。…查看更多

最近開始減肥，進行生酮飲食！雖然話最近都開始流行生酮飲食，但係始終唔係太多餐廳有選擇將正常嘅餐轉為生酮！咁樣又唔使朋友特登就我，各有各食！朋友叫咗一個正常嘅漢江Burger ，我就叫咗漢江個all day breakfast 家生酮格仔餅。首先個漢堡牛扒真係好得😋😋😋😋！繼而就係個新酮格仔餅都係好正，佢嗰個花生醬冇得頂！完全止到口癮之餘，味道都係非常唔錯！另外，佢哋啲漢堡包全部都可以轉為生酮版！選擇都好多！亦都有啡菇版漢堡包！生酮之友行過可以值得一試。…查看更多

由於今日小朋友放假，於是決定帶佢出去食個早餐。特登過嚟呢間餐廳嘅原因係因為佢有個好大嘅outdoor 用餐區。齊outdoor 用餐區就已經有18張枱👍🏻。簡直係市區的綠洲。一路食嘢一路聽住雀仔聲，非常enjoy！今次我叫左咗份all day breakfast 在加錢要杯中杯size 嘅咖啡。今日份我哋aLl day breakfast 有驚喜, 由平時細細分嘅漢堡扒改為¼個牛油果🥑👍🏻！由於我覺得之前嗰個漢堡扒唔好食，所以好開心佢哋轉左牛油果。老實講，早餐唔係話特別太好食，但性價比還算可以。最主要係enjoy用餐環境。…查看更多

尋日因為屋企人一個話要食飯一個話食麵。見呢間車仔麵兩樣都有，於是分別order左一個滷肉牛腩飯同埋一碗三餸車仔麵。個飯同碗麵份量都好足，個女仲話個飯好味。點知碗車仔麵就出事。我仔和工人share 碗麵。點知個仔12點幾已經開始第一次肚痾，半夜再痾過，前後分別痾左3次。今日返學都話肚痛。第二日問工人有冇事，原來工人都半夜起身痾咗兩次。好彩個細女只係食飯。唔知關唔關事碗麵事，希望唔關。但應該唔會再幫襯。…查看更多

今日同朋友去又一塘食lunch ! 好多間都要等位。去到亞參見仲有位，就試吓佢！我哋分別叫咗一碗新加坡喇沙同埋海南雞飯，另外加多加吔牛油多士，同埋兩杯馬拉奶茶。首先講吓碗喇沙，味道都OK嘅，但D餸份量比較少😅！一隻蝦片開兩邊，加埋得一隻，仲要係好薄嘅🤣！ 至於份海南雞飯，朋友指定要雞胸肉，出奇地滑！👍🏻👍🏻👍🏻！另外，份叻吔牛油多士好香脆👍🏻👍🏻👍🏻！我哋食晒飯同面先食，都仲係好脆。…查看更多

哩間餐廳係我會定期去食既一間。我最愛佢地嘅egg benedict ! 真係好好食！我通常叫煙三文魚egg Benedict ， 但我會𨍭黑麥包😋😋😋！牛油果份量夠，成隻牛油果。另外佢哋杯乳酪又係好好味😋！ 我記得第一次去食嗰個餐時，係有蜜糖伴碟，整體係好夾，一試愛上咗！可惜之後個餐微調左，冇咗蜜糖，我認為係失色左，但依然係好好味。另外，我亦好鍾意佢哋嘅Mocha & Americano👍🏻! 鍾意食egg Benedict 嘅朋友可以去試吓！但通常要排隊🤪！…查看更多

同老友慶祝生日！去咗淥鼎記食邊爐放題！我哋原本想試試鰲拜餐，但原來一定要早一日預定。最後我哋唯有爵爺餐。個餐六個主菜揀一個，另外湯底揀一，亦可以加$68轉鴛鴦湯底。另外仲有一碟刺身，一碟邊爐海鮮。仲有跟餐靚牛，Häagen-Dazs雪糕，同埋部份任食嘅食材。我哋叫咗個酸菜魚，味道一般，但係D魚幾滑四。跟餐靚牛係幾正！刺身唔錯，海鮮亦好大隻同新鮮，隻鮑魚仲係郁嘅👍🏻。其實嗰餐份量真係幾足，我哋4個人食晒跟餐食物已經飽飽地。淨係可以加咗一兩轉任食嘅食物。我哋叫咗個麻辣湯底，個麻辣湯底好鹹😜！全晚我哋都飲咗好多嘢飲，第二朝都仲係好口渴。…查看更多

原來想同老公去食澳牛，但排超長隊。見難得泊到標位，於是周圍行吓睇吓有冇其他餐廳。行過呢間餐廳，俾佢嘅裝修吸引咗。佢有室內同埋室外部份。我同先生一人叫咗一份，我先生叫咗個和牛rice burger, 而我就點咗份egg benedict. 老實講……. 賣相係幾好，但味道又唔係話好好味。特別係我份egg benedict , 入面有菠菜……. 我覺得就唔係好夾，夾埋太濕。不過我又好欣賞佢啲沙律菜，因為好新鮮👍🏻👍🏻👍🏻。至於我先生嘅和牛漢堡，我試咗幾啖覺得一般🤪！整體而言性價比唔算高。…查看更多

今日情人節，帶個女去食過情人節下午茶。餐廳好精緻，大概有八張枱左右。我同個女點左一個番薯條同埋Tiramisu，再加多杯咖啡！個人認為Tiramisu甜咗啲，酒味唔夠重🤭！反而個炸番薯條有驚喜，因為我自己本身好鍾意番薯，所以一見到有番薯條，即刻叫黎試吓。即叫即炸，熱辣辣好好味😋😋😋！杯咖啡拉花都好靚。另外都想讚一讚佢個洗手間，非常乾淨企理！小朋友食食吓突然間話要去洗手間，初頭怕好污糟，點知一入到去發現異常企理乾淨👍🏻👍🏻👍🏻！…查看更多

因為有個辣友  friend  ，成日周圍試新嘢！朋友係OpenRice  附近搵到哩間餐廳！我哋決定一試。因為中午時間，所以一入到去係冇咩人。通常辣嘢食中午係會靜D。所以我哋都覺得好正，唔駛等！餐廳大約15張枱左右，都係一般茶餐廳裝修，但枱大，坐得舒服。我哋叫咗碗水煮牛，酸菜魚，同埋走辣擔擔麵俾小朋友。我認為酸菜魚係唔錯，魚夠滑，份量算足！👍🏻但係番薯粉就少咗D，得兩條😅。另一碗水煮牛，都算唔錯，但又唔係十分出色。我個人覺得酸菜魚係正過水煮牛。水煮牛都係得兩條番薯粉🥲。不過性價比算高，  $68大份量，有飯有豆漿送。抵食👍🏻。中午唔想同人爭，又like  辣野，值得一試。…查看更多

本人非常好辣！最重要係有志同道合嘅朋友。有一日我哋去咗旺角諗住搵嘢食，但係大家都冇idea. 於是OpenRice 搵，見到十二味好多推介，於是決定試吓呢一間。上到去一開lift就已經係餐廳！老實講間舖頭真係唔大，大約只可以容納20張枱左右。我哋嗰日足足排咗一個鐘頭隊先食到。所以如果真係唔想排隊，就要早啲book枱。雖然等咗成個鐘，但係啲嘢食確實真係好好味！我哋叫咗一個水煮牛肉，一個酸菜魚，仲有一個香辣鍋。份量非常足，三個人食，仲可以打包，估計可以五個人份量。最後仲要叫返碗飯，為真係好太好味！…查看更多

話說有一日朝頭早為咗叉電，走咗去又一城。點知啊去到得返啲慢叉，冇辦法！唯有搵間餐廳坐低食住早餐等啦！點知一上到去商場發覺好多舖頭都未開。一見到Exp有開，恍如沙漠中嘅綠洲，即刻走入去。入邊環境乾淨企理，又可以自助電話落單。仲有中西餐揀，價錢亦都好合理。我同老公一人點咗一份，我嗰份係pancake加乳酪，賣相味道都好好。值得推介！下次如果一早去又一城，又想搵嘢食可以試吓呢間。👍🏻👍🏻👍🏻…查看更多