Carmenlam1314's Profile

最近天氣開始凍咗好多，成日都好想食羊腩煲暖吓身，比我發現屋企附近「金多寶」海鮮私房菜啱啱推出咗一款砂鍋麻辣羊腩煲，一向鍾意食辣嘅我，當然唔會錯過喇﹗呢間私房菜位置好近楓樹街球場，出面就咁望好似一般茶餐廳，不過佢有做海鮮火鍋放題，百幾蚊任食，所以平時都有唔少街坊會去幫襯。入面裝修非常平民化，可以話係高級少少嘅大排檔格局，座位方面大約有6張枱左右，坐低都唔算太迫夾，餐具同環境都唔太差，如果大家有興趣想試，最好都係book定枱會比較好啲。餐牌上面都有唔少食物選擇，不過有啲菜式同湯水就要提早預訂，所以大家book枱嗰陣最好同餐廳溝通一吓會穩陣啲，費時去到叫咩無咩，影響食飯心情。今次主要想試個砂鍋麻辣羊腩煲，所以另外都叫咗幾款小菜。餐牌上面見有推介呢款黃金鮮魷，一向都好鍾意食香口食物，所以見佢有推介就點嚟試一試。上菜一睇，無咩點擺碟，不過色澤都唔錯，而且即叫即整，食嘅時候都仲熱辣辣。咸蛋黃味都幾出，唔算太咸或者太淡，而魷魚方面好新鮮彈牙，又夠肥美。不過就唔係話勁脆身嗰種，兩個人食嚟講份量都算多，最後都有食剩少少，總括嚟講都可以一試。到主角砂鍋麻辣羊腩煲，一開頭仲以為同平時啲羊腩煲咁會有個爐煲住，但原來唔係，只係會上個砂鍋，要打邊爐的話，要另外要求。個砂鍋麻辣羊腩煲入面有枝竹、有啲蔥、有少少菜，但就無跟生菜。一煲入面有10舊羊腩，每舊都有細骨位，脂肪同肉嘅比例都唔錯，而且炆得夠腍，味道方面都幾香濃，而且唔係好辣，食唔到辣嘅人都可以接受到，而鍾意食辣嘅朋友就記得一定要加辣。枝竹好入味，連啲配菜都幾好食。3百幾蚊嚟講份量係ok，不過我都係鍾意有個爐熱住食正啲。另外，見到有我最鍾意食嘅干扁四季豆，於是都點咗一份。我同老公都覺得呢個餸做得好出色，味道好香口，辣度又夠適中，而且入面仲有啲蝦乾，配白飯真係一流。 …Read More

自從帶老公食過一次「尚鮮日式燒肉漁市場」之後，佢一直不忘，成日要我同佢再去食多一次。最近知道尚鮮推出咗全新和牛任食放題之後，真係忍唔住喇﹗每次同老公拍住拖去食好西，真係好開心呀﹗尚鮮裡面嘅餐桌好寬敞，而且座位亦坐得好舒服，食起嘢上嚟都放寬啲﹗入座有提供人頭海鮮拼盤，入面有鮑魚、帶子、生蠔、虎蝦同甲羅燒，全部都好新鮮同鮮甜架﹗燒嘅時候啲鮑魚仲郁郁吓就知有幾鮮啦﹗到重頭戲喇﹗就係A4和牛呀﹗分咗A4宮崎黑毛和牛同A4鹿兒島和牛，當中有8款牛肉可以選擇，包括：一口黑毛和牛、牛脊肉、牛頸脊、牛三角、牛板翼、牛背峰、牛嫩肩肉同牛腿肉。每一塊肉嘅脂肪比例都好平均，厚薄剛好，而且色澤都好新鮮呀﹗和牛燒起上嚟果然唔同，味道超香的，而且入口即溶，油脂芳香，美味無比﹗另外，仲有好多其他食物選擇，包括刺生、小食、壽司、炸物、冷盤熟食等......推介大家一定要試拖羅魚子手卷呀﹗細細件，食兩年都唔會太飽肚。刺生款式雖然唔多，但樣樣新鮮架﹗呢度仲有好多唔同款式嘅飲品可以選擇架﹗總有一款啱大家架﹗尚鮮日式燒肉漁市場  2小時放題收費：星期一至四：每位$378 星期五六日：每位$398 地址：銅鑼灣謝斐道496號金利文廣場3樓…Read More

早前因為老公生日，想找一個浪漫，而食物質素又不錯的地方跟他慶祝一番，想了很久，突然記起之前曾經跟朋友們一起吃過佐敦一間「Chelsea Garden & Restaurant」的餐廳，記得那裡的環境及食物都很不錯，於是便訂了位﹗Chelsea Garden & Restaurant 的裝潢簡約，餐廳內有很多綠色的小盆栽及植物作佈置，給人一種小清新的感覺。晚飯時間7:30pm左右，店內已經坐滿客人，沒有訂枱的話，要找位置應該比較困難吧﹗Chelsea Garden & Restaurant 是一間西餐廳，不過他們也十分出名海鮮併盤。老公的生日當然不能吝嗇，開始時我們是想點麵包蟹海鮮併盤的，不過店員告訴我們毛蟹更當造，而且味道更鮮甜，因此最後決定點毛蟹海鮮併盤。海鮮併盤中有一隻毛蟹、兩隻鮑魚、兩隻生蠔、兩隻螺及四隻青口，感覺十分豐富。毛蟹的肉不算多，不過味道鮮甜，而且還充滿豐富的蟹膏，令我非常滿意。其他的海鮮同樣新鮮及美味，價錢只需HK$268，真的很抵食﹗之後，我們點了兩份Set dinner，頭盤方面是鮮蘆筍希臘沙律及脆帕爾瑪火腿配羅馬甜瓜。鮮蘆筍希臘沙律的蔬菜新鮮，口味清新，作為前菜十分合適。帕爾瑪火腿口感脆脆的，再加上清甜的羅馬甜瓜，味道融洽。主菜方份點了一份「燒熊本霜降牛西冷配濃牛肉汁」，除了主角牛肉之外，更有薯仔、青瓜、茄子及西蘭花等配菜。老公跟我都不太喜歡血淋淋的牛肉，所以我們點的是7成熟。肉質鬆軟又多汁，配上濃牛肉汁，味道香濃，口感細緻。第二個主菜是「燒伊比利亞黑毛豬柳配青蘋果諾曼第汁」，同樣有多種不同的蔬菜作配菜，顏色豐富，賣相十分討好。上一次也有吃過黑毛豬柳，口感軟熟，味道香濃，令我非常深刻。這次的水準也跟上一次一樣，味道和口感沒有改變，這是一道必點的菜式啊﹗這次埋單只需HK$916，不到HK$1000就能吃上一餐十分不錯的生日飯，老公十分滿意我這次的安排，真的很開心呢﹗Chelsea Garden & Restaurant地址：佐敦柯士甸道7號4樓電話：3974 0822…Read More

結婚紀念日，當然要同老公去浪漫一吓啦。平時雖然成日都會出街食飯，但多數會喺屋企附近嘅餐廳，隨便食啲嘢就算，所以好少會留意邊到有好味，又有靚環境嘅餐廳。平時所有節日都係老公負責訂位食飯，今次希望比返啲驚喜佢，所以上網搵咗一吓資料，比我發現咗佐敦有一間幾有情調嘅餐廳 Flâneur，歐陸式嘅裝潢，仲有一個開放式露天窗口位置，好啱影相呃吓Like!門口位置已經放咗一個餐牌，食物方面主要以西餐為主。望一望啲價錢都幾抵食，最貴都係3百幾蚊就有一份肉眼扒喇！先嚟個頭盆，叫咗一份餐前小食「韓式醬燒千層肉」（HK$32/兩串)，豬肉好軟身，又好嫩滑，加埋啲醬汁，味道香濃。珍寶大頭蝦海鮮意大利麵（HK$228)，完全係因為有大頭蝦嘅關係先會點。賣相幾靚，海鮮方面有青口、蜆肉、大頭蝦同帶子，都幾鮮甜。意大利麵方面嘅份量就偏少，兩個人食唔多夠喉，不過味道好正，好彈牙！烤美國豬背骨（HK$98/半份），呢個我見好多人都有點，所以見都幾平就點咗半份試吓。側邊仲有燒粟米伴碟，非常有誠意。豬背骨切開有四件，我想講係勁軟熟，一切就會骨肉分離，一啲都唔韌。味道方面有少少甜甜哋，都幾開胃架！慢烤德國咸豬手（HK$88/半份），我老公係豬手迷，去到邊，有豬手一定會點一份。不過驚太多嘢食唔曬，最後只係點咗半份。我老公勁讚好味，肉質好嫩滑，味道啱啱好，唔會太咸，下次佢話一定會再食呢個！埋單，差唔多$600，我覺得真係好抵食囉！so far 環境同食物都唔錯，重點係服務員好細心，會不停幫客人添水，好自動波，抵讚！…Read More

天際 SKY 100建成這麼多年真的一次也沒有到訪過，如果不是親友從外地回港，也不會來到這裡。第一次到天際 SKY 100，真的有一點小緊張，不多說了，我們一起出發了﹗首先，當然是先購買入到券，買好入場券就可以入場了﹗先經過一條霓虹燈隧道，而腳下更有香港的縮小版模型，從一條短短的隧道便可以飽覽整個香港的縮影。乘車電梯前，大家可以拍一張合成照片，而且還可以選擇不同的香港風景作為背景。每張照片需要收費HK$120。效果還不錯，難得到來還是買一張作留念吧﹗來到100樓了，剛好是午餐時間，於是便在Café 100 by The Ritz-Carlton, Hong Kong來一個午餐吧﹗除了吃東西之外，餐廳四周全是落地透明玻璃窗，能夠一邊用餐，一邊享用美食，真的非常Relax。午餐所提供的Lunch Set，當中有頭盆、主菜及甜品。頭盆方面，我選擇了吞拿魚尼哥斯沙律，有3片美味的煙吞拿魚，再配搭新鮮的蔬菜及意式沙律汁，鮮甜又開胃。主菜方面，我選擇了法式脆炸魚柳配薯條，還有茄汁和沙律醬。薯條香脆，份量就略為細份，不過一人份量還是足夠的。另外，魚柳外脆內軟，經過炸後的魚柳也不會太硬和乾，味道也不錯呢﹗甜品方面，本來是想選雪糕的，但是由於天氣有點冷，所以最後還是選擇了色彩繽紛的水果杯，健康又甜美，真的沒有選錯。吃飽飽再聊聊天，已經差不多黃昏時間了﹗趁著黃昏再欣賞一下日落的美景，這裡的風景真的很美，如果除夕的時間也可以來煙花匯演就好了﹗2017年12月4日至2018年1月1日期間，天際100香港觀景台還呈獻「閃爍聖誕在天際」活動，而且Café 100 by The Ritz-Carlton, Hong Kong 也首次推出冬日限定聖誕晚餐及下午茶，聖誕節大家又可以多一個浪漫的選擇了﹗…Read More

上個星期日同成班friend游完船河之後，喺西貢碼頭附近搵餐廳食晚飯，見到近碼頭果邊啲餐廳又多人又要坐街，感覺唔太舒服。最後朋友介紹左我哋去入少少嘅老字號「通記野味海鮮酒家」度食，話果度無咁嘈，又可以坐得舒適啲。坐底望一望餐牌，雖然啲套餐都幾抵食，不過成大班人食飯，個個想食嘅野都唔同，所以最後都係散叫。呢個刺生併盤真係不得了﹗有龍蝦、三文魚、珍寶帶子、海膽、八爪魚同希靈魚，樣樣都係我最鍾意食嘅，所以特別覺得興奮。龍蝦刺生切到厚薄好適中，上面仲有大大粒嘅魚子，清甜爽口，真的食到唔停得口。海膽都好正﹗鮮甜無苦澀味，加埋青瓜一齊食，感覺特別清新﹗花雕蛋白蒸蟹，啲蟹就細左少少，肉都唔算太多，不過佢陣花雕味岩岩好，入口勁香。另外，仲有烏冬底，啲烏冬吸曬啲汁同蟹汁，夠曬味，又彈牙。椒鹽賴尿蝦上枱嘅時候係岩岩整好，仲係熱辣辣，要即刻食。成隻手掌咁大嘅賴尿蝦，又多肉，肉質又夠實，仲有幾隻有膏添架﹗黃金蝦食得多，黃金鮑魚你又食過未﹖老實講呢個配搭真係第一次試，又真係幾特別嘅，加上真係唔係度度都有得食。有香濃嘅咸蛋黃味，而飽魚又煮得夠淋，所以食落覺得好得意。如果大家平時鍾意食黃金蝦的話，一定都會覺得呢味菜唔錯架﹗淨食海鮮都唔係幾夠，所以最後再加多味芝士焗龍蝦伊面底。一碟大約有12隻龍蝦，隻隻都有手掌咁上下大細。芝士味好香濃，而且龍蝦肉都好鮮甜，不過不失啦﹗…Read More

減肥計劃一直無了期地押後，既然這樣還是先滿足一下自己的胃。為食的人身邊都會圍繞著一班志同道合的朋友，因此上星期便相約了三位愛吃日本料理的好友一同前往位於旺角彌敦道593-601號創興廣場5樓的神輿日本料理 。我們是一星期前預約的，因此到達時便無須等候太長的時間就可以入座。門口這一塊給客人留言的祈福板，真的有一種置身日本神社的感覺。神輿日本料理的整體裝潢都以日本神社的設計為主，與一般平日常去的日本放題店的感覺很不一樣。這裡的環境寬敞，而且座位的設計也十分舒適，非常適合一家大小或者三五知己飯聚。卡位的設計是包箱的形式，讓我感到更有私人空間。餐具方面都是採用日式設計的用具，而且整體的擺放著，感覺他們待客如賓的誠意。食物、飲品及甜品的選擇不算非常多，但是每一個種類都有我喜歡吃的。大大話話都有A-J共10版的款式。干日吃放題的餐廳都是重量不重質，相反我覺得如果是好味的幾款已經非常足夠。這裡的刺生十分新鮮，口感鮮甜，且不帶雪藏味。個人來說十分推介甜蝦、三文魚腩及帶子刺生。甜蝦是實於較大隻的一種，鮮甜、美味又多肉。壽司方面，我推介燒牛肉及海膽壽司。燒牛肉的肉質嫩滑，牛肉味十足。另外，海膽鮮甜，沒有腥味及苦澀味，一定要點。沙律醬焗大蝦的味道有點酸酸甜甜，感覺十分開胃。燒物方面也是不錯的選擇，火喉恰到好處，不乾身，雞腎及雞軟骨都是我的大愛。燒雞翼我自細鍾意食，這裡的燒雞翼是外脆內軟的，好好味呢﹗炸物方面，我非常推介這個紫薯薯餅，啖啖紫薯肉，咸甜適中。這裡有冷熱菜蜜供應，我覺得比飲汽水好得多了﹗雪糕方面是牛奶公司的綠茶及黑芝麻口味，味道不過不失吧﹗晚上7:30入座，HK$228再加一服務費，每人只需HK$251，真的非常抵食﹗神輿日本料理我一定會再來的。…Read More

好長一段時間沒有跟大家分享飲飲食食的資訊了﹗最近為了慶祝好朋友從英國回港，因此一行四人到了位於佐敦柯士甸道7號4樓的Chelsea Garden & Restaurant 食了一頓不錯的晚餐。由於環境及食物都很不錯，所以決定跟大家分享一下﹗由於朋友在外國生活了一段時間，因此西餐會比較適合她的口味。在餐廳樓下看了看餐牌後，四人都覺得滿有興趣，於是決定一試﹗由於我們大約晚上6:30的時間已經到達餐廳，因此這個時候並沒有很多人客，但是大部份的座位已經被預訂，所以建議大家如果想來吃飯前，最好先打電話預約會比較穩陣。餐廳內的佈置有很多綠色的植物，感覺十分舒適，而且座位寬敞，不會感到擠迫。餐廳內更設有露天的座位，感覺更浪漫又多一點的私人空間。頭盆方面，我們點了一份Seafood Platter (HK$328)，包括了Oyster x 2, Abalone x 2, Diamond Clam x 4, Crab Claw x 2, Ocean Shrimp x 4, Scallop x 2, Sea Whelk x 2。此外，更配上三款餐廳自製的醬汁，當中芥末醬更是Carmen的大愛，食海鮮配芥末醬真的是第一次的食法，既特別又不會搶去海鮮的鮮味。各款海鮮的味道鮮美，而且作為頭盆的話，份量是十分足夠的。當中，Carmen最喜歡生蠔及珍寶帶子，新鮮又好味，值得推介﹗主菜方面，由於Carmen十分喜歡吃牛肉，因此點了燒美國牛肉眼扒伴煎烤鵝肝菌 (HK$288)，不太喜歡多血的我，order了7成熟的牛扒，份量挺大的，一份吃完真的十分飽的說。燒美國牛肉眼扒的烹調時間適中，沒有過多的血水，也不會過熟，就是剛剛好的7成熟。肉質嫩滑多汁，口感挺不錯。醬汁的味道適中，配上燒美國牛肉眼扒一起吃的時候，真的恰到好處。吃飽飽後，我還點了一杯 Cran-Dandy Cooler (HK$55)，賣相十分吸引，帶有酸酸甜甜的味道，不會太甜，在夏天的時候喝它感覺十分消暑又開胃。是次消費連加一服務費，每人也不用HK$500，確實十分值回票價。…Read More

上星期係好朋友JW 26歲生日，所以帶左佢去我同老公嘅星級飯堂皇室盛宴，我覺得呢間餐廳嘅食物好有驚喜，決定要帶JW黎品嚐一下。呢間中環店跟銅鑼灣店格局差不多，不過環境較暗，感覺更有情調。頭盤係必試既招牌菜煎西瓜，朋友未聽過，覺得幾surprise，以為係正方形既三文魚。第二次食暖既西瓜，同上次一樣煎左既西瓜加上洋蔥杏仁碎等感覺奇特，與黑魚子醬多士幾match，的確花左唔少心思。鵝肝沙律，賣相okay，鵝肝大舊，從鵝肝既油份睇得出煎既時間掌控得不錯。沙律菜新鮮，剛煎起的鵝肝與黑醋香味久久不散，黑醋提升左菜既味道，有一點點甜，令鵝肝吃落不太油膩。白松露帶子剌身 – 西日fusion菜式，每碟有4片，帶子上全是松露醬及松露油，入口成個口都是松露，好好食。  黑松露野菌湯 – 好香松露味 (又係松露)，菇菌味好香濃，口感creamy，味道幾好，份量都適中。柚子雪葩 – 好香柚子味，入口即融，作用是清清味蕾準備吃主菜。最後當然係切蛋糕，JW Happy Birthday!…Read More

這天是找到新工作的開始，為了慶祝這件盛事，我家K先生一早詢問朋友的意見後，訂了這家位於太古港鐵站附近商廈內的餐廳「AGE Cuisine Express」來吃一餐好的。這間餐廳的位置挺方便的，但是又有點難找，因為在一座商廈內，我們需要問一問路人才知道入口在哪裡。來到餐廳的門外，感覺佈置很有藝術的氣息。西式的佈置，加上一些充滿藝術感的佈置，的確挺吸引人注目的。門外還放了椅子，讓等候的客人可以安座輪候，可見餐廳滿細心的。首先我們先點了一份龍蝦湯，味道香濃，用料也挺豐富，但是如果熱一點的話，口感會更加好的。沙律方面我們點了一份西班牙白毛豬火腿芝麻菜沙律，西班牙白毛豬火腿的份量驚人，但價錢只需HK$90多元，也太抵吃了吧﹗重點是芝麻菜夠新鮮，西班牙白毛豬火腿的味道不會太鹹，伴著芝士一起吃，味道就剛剛好。看到餐牌上有很多不同口味的PIZZA，所以感覺應該會不錯，所以點了一份9吋的千島海鮮批。這裡的PIZZA以薄批為主，餅底鬆脆可口，配料新鮮滋味，加上酸酸甜甜的醬料，感覺更開胃。食肉獸的K先生看上了烤豬手，所以我們便點了一份來試一試﹗皮脆肉嫩的，而且味道也不會太鹹，加上特製的醬汁，真的十分惹味﹗這個甜品十分推介大家一定要試，這個是蕃薯雪糕，餐牌上沒有看到，是店員推介的。這是餐廳自己特製的雪糕，用上新鮮的蕃薯肉來製成雪糕，沒有加入糖也十分香甜。入口即溶，加上夏天暑熱，吃上這個雪糕後，真的有透心涼的感覺啊…Read More

早前因探望朋友所以去了黃埔，當日晚上他們提意往2016年5月21日才開幕的california PIZZA KITCHEN黃埔全新概念店，佔地5,721平方尺，聽說是全亞洲最大的啊﹗餐廳內以綠色植物作為裝飾，而且佈置十分田園，有一種置身於大自然環境中的感覺。環境真的十分大，可以容納很多的容人，而且不會感到擠迫。我們一行四人，於頭盤方面，我們選了特色焗春卷(3味)。泰式春卷內有雞肉、芽菜及紅蘿蔔，會配搭啡色的花生醬來吃；我比較喜歡泰式春卷的味道，因為內裡都是我喜歡吃的材料，口感鬆脆。墨西哥春卷內有雞肉、黑豆、蕃茄及辣椒，所以味道有點辣，會配搭綠色的牛油果醬汁來吃；個人感覺不是真的太辣，所以不吃辣的人都可以接受。地中海素菜春卷內有菇和芝士，會配搭紅色的蕃茄醬來吃；不喜歡肉及喜歡素食的朋友便最適合不過了﹗芝麻芒果羽衣甘蘭沙律，這是最新推出的一款沙律，由於最近天氣很悶熱，所以胃口都不是太好，這個沙律有不同的蔬菜及芒果，口感非常清新。而且羽衣甘蘭這個蔬菜含有豐富的營養，對於女士們有美容的功效，所以愛靚的女生們一定要試啊﹗蔬菜十分新鮮及爽甜，加上日式麻醬，酸酸甜甜的，非常開胃，夏天吃一流。到california PIZZA KITCHEN，當然一定要吃Pizza吧﹗我們點了原味燒烤雞肉薄餅，這是california PIZZA KITCHEN最出名的Pizza，是屬於厚批。一個Pizza可分成6件，內裡有燒烤醬、紅洋蔥、bbq汁腌了的雞肉等，味道香濃，而且十分滋味，適合大人及小朋友的口味。中式宮保意大利粉配雞肉及蝦，用料方面有香蒜、青蔥、花生、四川辣椒、雞肉、蝦及用上官寶雞丁醬汁所煮成的。吃前看到十分多辣椒，所以很擔心會很辣，怎料味道是微辣帶點甜甜的感覺，加上香脆的花生，口感十分惹味。吃飽飽便到甜品的環節了﹗這次我們點選了十分邪惡但又非常好味的意大利芝士餅，一份十分大件，四人吃也足夠。淡淡香濃的咖啡味道，加上幼滑軟凍的口感，真的令人十分滿足。…Read More

昨天跟好姊妹們說很久沒見面，不如約個時間出來聚一聚，因此就約了在其中一位好姊妹公司附近的La Postre餐廳。到達時才知道La Postre與上星期曾到過的La Porcina是屬於姊妹店，怪不得看餐牌的時候有一種熟悉的感覺了﹗La Postre內的環境比較昏暗及寧靜，裝潢也是較為西式的。跟朋友飯聚聊聊天，實在非常合適。現在正值夏日，在街上行了一段時間後，實在又熱又累，很想點一杯冰凍的飲品，幫助降降溫。看了餐牌上有一杯鮮果mojito，感覺十分refresh，於是就決定下單。鮮果mojito沒有酒精成份，內裡十分多不同的新鮮水果，清涼又解渴。由於整天沒吃東西的關係，感覺十分肚餓，所以點了一客「龍蝦忌廉意粉」，份量挺多的，而且龍蝦也是原隻切邊來焗的，鮮甜又彈牙。意粉配上忌廉，香濃又美味，十分推介呢﹗由於我們一班女生都十分喜歡吃甜品，於是點了這份Sexy six，造型十分吸引，用上六個透明玻璃杯盛放著不同口味的甜品，能夠一次滿足我多個願望。我最喜歡士多啤梨慕思，因為口感最清新，而且又輕盈。其他5款味道都不錯，值得一試啊﹗…Read More

上星期日與林生慶祝拍拖紀念日，於是想找一間比較浪漫的餐廳。記得上一次於銅鑼灣西餐大排檔的食物水準十分不錯，上網找資料的時候，發現原來位於尖沙咀亞士厘道17-29號，19樓的西餐大排檔之餐廳環境十分浪漫，能夠一邊享用美食，一邊談談情。當晚到達時，餐廳環境真的如我所想，十分浪漫及有情調。用餐時十分寧靜，而且還可以同時欣賞著尖沙咀的夜景。這次很想嘗試西餐大排檔其他食物的水準，因此我們故意點了與上一次不同的食物來品嚐。這碟是松露煮日本年糕，松露的味道香濃，而日本年糕也十分QQ的。雖然沒有什麼配菜，但是兩者配合起來，確實十分美味。上一次沒有點西餐大排檔的必食推介「艾迪BB鴿」，所以一直很想吃，襯著再次光臨西餐大排檔，真的要品嚐一下。乳鴿的供應每天也是限量的，所以訂座時，記得要先告訴餐廳，否則未必能夠吃到啊﹗乳鴿即叫即做，熱呼呼及脆卜卜的，肉質鮮嫩，美味非常。這次放棄吃牛，而轉向吃「燒西班牙正宗黑毛豬肋條肉」，看賣相不怎麼樣，但是吃起來卻十分嫩滑多汁。我感覺比起牛肉還要好吃呢﹗吃飽飽後，又是甜品時間了﹗這次選舉了這款「美國香醇朱古力蛋糕」，造型十分吸引，整件蛋糕都充滿朱古力，吃的時候不但沒有感覺很膩，反而覺得神奇的是竟然味道不會過甜呢﹗談心當然要點一杯飲品吧﹗西餐大排檔的MOCKTAIL味道及造型都十分不錯，由於夏天的關係，所以點了這杯「亞熱帶少年」的飲品，感覺比較清新吧﹗我喜歡水果的味道，所以這杯像什果賓治的飲品便十分適合我的口味了﹗口感清甜又清新，夏日必選啊﹗…Read More

上星期回舊公司探望同事，正值午市時份，想找一間比較寧靜及舒適的餐廳用餐，於是朋友便帶了我到位於上環的LA PORCINA ，這裡是一間西班牙式的餐廳。遠離多人的位置，感覺真的十分休閒舒適。餐廳內的佈置十分西式，而且感覺是走西方風格的cafe，明顯店主喜歡收集一些懷舊的擺設，因此餐廳內的佈置都是以懷舊氣息的東西來作點聚。擺放餐具的枱墊是用一張黑膠碟，而餐巾則一張印有美金圖案的紙張，真的別出心裁呢﹗這裡有提供午市套餐，屬於較為中等的價錢。一共有9款選擇，每款都包咖啡/茶、是日餐湯及是日甜品，真的不錯呢﹗當天的是日餐湯是忌廉蘑菇湯，味道還可以，不過個人感覺比較淡。主菜方面，我選擇了「南瓜蟹鉗忌廉飯」，價錢為hk$129。味道適中，飯是我喜歡的黏口感覺，南瓜粒是爽口的，而蟹鉗則有7隻，真的用料十足呢﹗餐飲方面，我選了「鮮什果茶」，由於是特飲的關係，所以需要另加hk$15。味道十分清新，而且內裡有不同的新鮮果肉，清甜又解渴。由於我十分喜歡窩夫，所以我放棄了是日甜品，而另外選了半份「季節果子麻糬窩夫」，hk$98半份，即是兩件心形的份量；全份是4件/hk138。窩夫是即叫即做的，所以需時較長，而窩夫的口感是外脆內軟的，加上QQ的麻糬，口感更加特別。加上雲尼拿雪糕一起吃，實在太幸福了呢﹗不得不提旁邊的什果，沾上吉士，真的很合我的口味。…Read More

 同好姊妹好耐無見，又係時候要聚一聚，於是相約尖沙咀行街，食飯，順便談下心！想搵間舒舒服服，又可以傾到計嘅餐廳，於是就去之前食過嘅呢間Wing's Kitchen，因為貪呢度坐得舒服又可以傾下計。今次發現原來餐廳有提供免費Wifi 服務，我覺得好貼心，因為我係流動數據經常會唔夠用嘅人，所以免費Wifi真係對我幾重要架。晚上8:30去到餐廳，發現全間餐廳都坐滿左客人，好彩我一早已經訂左枱，所以我只需要等大約5分鐘就可以入座啦！不過因為當晚人太多，而且隔離枱有客人慶祝生日，所以就嘈左少我地叫個一份set dinner，有南瓜忌廉湯，我覺得個湯都幾creamy同幼滑，味道甜甜地，而且南瓜香味好清新，所以都唔錯。今次都係帕爾瑪火腿沙律做頭盆，味道正正常常，蔬菜夠新鮮。今次都有食西冷牛扒併薯條，上次點6成熟覺得太過熟，所以今次點5成熟。今次5成熟都做得唔錯，火喉剛好。肉質鮮嫩，口感及味道都算不錯。另外，又點左安格斯牛肉至尊漢堡併沙律，份量都幾大份，而且成個包都好足料，兩個人食都夠。裡面的材料好豐富，有蛋、有安格斯牛肉漢堡扒、蕃茄及青瓜。味道真係超好味，一啖咬落去，肉汁就跟住流出來，麵包鬆軟，蔬菜鮮甜，配搭出完美的組合。完美的一餐，最後當然不少得一份甜品，這次點了我們都喜歡的比利士窩夫配鮮果、雪糕。造型很特別，雪糕球有兩小個，而窩夫就只有一小片，份量不算多，不過飯後吃還是足夠的。味道我覺得還可以，如果窩夫可以脆一點會更好。 …Read More