通記海鮮酒家 (已結業)

上個星期日同成班friend游完船河之後，喺西貢碼頭附近搵餐廳食晚飯，見到近碼頭果邊啲餐廳又多人又要坐街，感覺唔太舒服。最後朋友介紹左我哋去入少少嘅老字號「通記野味海鮮酒家」度食，話果度無咁嘈，又可以坐得舒適啲。坐底望一望餐牌，雖然啲套餐都幾抵食，不過成大班人食飯，個個想食嘅野都唔同，所以最後都係散叫。呢個刺生併盤真係不得了﹗有龍蝦、三文魚、珍寶帶子、海膽、八爪魚同希靈魚，樣樣都係我最鍾意食嘅，所以特別覺得興奮。龍蝦刺生切到厚薄好適中，上面仲有大大粒嘅魚子，清甜爽口，真的食到唔停得口。海膽都好正﹗鮮甜無苦澀味，加埋青瓜一齊食，感覺特別清新﹗花雕蛋白蒸蟹，啲蟹就細左少少，肉都唔算太多，不過佢陣花雕味岩岩好，入口勁香。另外，仲有烏冬底，啲烏冬吸曬啲汁同蟹汁，夠曬味，又彈牙。椒鹽賴尿蝦上枱嘅時候係岩岩整好，仲係熱辣辣，要即刻食。成隻手掌咁大嘅賴尿蝦，又多肉，肉質又夠實，仲有幾隻有膏添架﹗黃金蝦食得多，黃金鮑魚你又食過未﹖老實講呢個配搭真係第一次試，又真係幾特別嘅，加上真係唔係度度都有得食。有香濃嘅咸蛋黃味，而飽魚又煮得夠淋，所以食落覺得好得意。如果大家平時鍾意食黃金蝦的話，一定都會覺得呢味菜