PingPing Lo的个人专页

呢間中式菜館位於啟德體藝館附近，環境簡約日式風，木枱竹椅加暖黃燈光，成個感覺好放鬆。廚師現場包餡蒸籠，一件件都係好暖心好精緻嘅手工點心，造型可愛又有驚喜。以下係我今次試嘅幾款，各有特色👇🏻*🌸 百花小雲雀* 喺落單嘅時候完全唔知係咩點心嚟，原來係鵪鶉蛋做麻雀頭，用蝦滑同埋原隻蝦做身同尾巴，真係超可愛同埋創意！*🦀 蟹肉西施餃* 呢隻餃喺出面酒樓好少食到，蟹肉餡多汁彈牙，真係皮薄餡靚，外面煙韌裡面爽滑。*🍄 姬松茸鮮蝦灌湯餃* 松茸味濃郁，鮮蝦Q彈多汁，湯底清甜，層次都幾豐富。*🍐 啤梨咸水角* 造型可愛，外脆內軟，裏面嘅餡調味啱啱好唔會太膩，食完感覺清新好舒服。*🕊️ 紅燒乳鴿* 鴿皮脆肉嫩，紅燒汁入味帶甜，啖啖汁水鮮滑。外脆內嫩口感一流，配點心一流，食完覺得鴿味濃郁好滿足。*🦐 原隻鮮蝦燒賣* 蝦肉彈牙新鮮，而且驚喜嘅位係用雞肉代替豬肉做餡，又健康又清新唔肥膩。*🐟 蟹籽百花蒸魚肚* 魚肚軟糯彈牙，蟹籽蝦滑鮮爆彈牙又厚身，蒸得汁水鎖住。…查看更多

九龍城向來係泰菜集中地，今次食到呢間出色嘅泰國菜，喺九龍城已經開咗超過20年。餐廳係由真泰國人隆姐開嘅，佢哋噱頭係每日新鮮進口食材，唔賣貴價海鮮，只專注家常泰菜，平民價嘆足料風味！以下係我試過想推介大家嘅👇🏻.糯米釀雞翼 呢個開胃小食超吸引，雞翼炸到金黃脆皮，入面塞滿香濃糯米同豬肉餡。糯米吸咗雞汁變得軟糯帶甜，配埋少少辣椒醬，咸甜辣三重奏好夾。.沙嗲串燒（雞肉&豬肉）雞肉串嫩滑多汁，豬肉串帶少少煙燻味，兩款都烤得外脆內嫩。配料花生醬濃郁香滑，浸過之後每啖都係泰國街頭嘅回憶。.春卷拼蝦餅 春卷同蝦餅係我每次食泰菜必點小食。春卷皮薄脆卜，餡料新鮮蔬菜同豬肉，炸得唔油膩，咬落清脆爽口。蝦餅大件彈牙，蝦味濃郁！.鴨肉撈麵 鴨肉片薄嫩入味，麵條Q彈幼細，配青瓜同花生碎，而且撈麵嘅汁甜甜地，夾埋一齊口味好特別。呢碗撈麵係我今餐最愛，夠飽肚又唔脹氣。.雜菜煲煲入面蔬菜新鮮脆口，全部都好夠林好入味，玉子豆腐仲加咗一層炸粉炸完再擺落去，食落外脆內軟好香口。.總括嚟講，每道菜無論之前食過或者未食過嘅，都有驚喜！價錢親民質素對得住，成個裝潢算幾舒服，而且店員服務態度都好親善，呢種平實嘅泰國風味正係我鍾意嘅，值得再嚟試多啲菜式～…查看更多

今次喺佐敦發現咗一間高CP值嘅地道泰菜餐廳－泰瀛，環境簡潔舒服，裝修好有泰國特色，而且氣氛好親民同熱鬧，令你有種好似真係去咗泰國食嘢嘅感覺！餐廳嘅食物款式多而且創新，每一道菜都超惹味，賣相又勁吸引，打卡都有排打🤩 🍞麵包咖喱軟殼蟹 軟殼蟹炸到金黃酥脆，啲咖哩醬唔會好辣，反而係溫和香口嗰種，好啱唔食辣嘅人食。巨型嘅麵包吸足晒醬汁，一啖咬落去軟綿又香濃，好開胃，令呢道菜好有特色。🥩燒羊架 燒得啱啱好！羊架外皮香脆，帶住陣陣炭燒香氣，肉質非常Juicy，啲汁水爆晒出嚟。羊肉香味濃郁但冇膻味，每一啖都食到滿滿嘅幸福感，好似去泰國夜市咁正！🔥火焰燒春雞呢道真係好有戲，職員會喺你面前用火焰燒雞，睇住雞皮慢慢變得香脆金黃超吸引！雞肉嫩滑又帶微微嘅煙燻味，好有層次感，味道濃厚又唔油膩，絕對係佢哋嘅招牌菜😍🥬椰菜苗爽脆又新鮮，好幫手解油膩，平衡一下其他重口味嘅泰國菜，整體食得清新又舒服。🥭芒果沙冰餐廳嘅招牌飲品，味道濃郁香甜，芒果味出晒嚟，冰沙細膩滑溜，好解暑又解辣。整體嚟講，泰瀛係一間環境舒服又充滿泰國風味嘅餐廳，氣氛親民又熱鬧，食物好有創意又夠誠意，真係值得一試！…查看更多

呢間米子燒肉家主打燒肉放題，價錢超親民，性價比非常唔錯，$218可以食到呢個質素嘅燒肉放題真係大癲。😍餐廳裝修日系粉紅小清新feel，仲有好可愛嘅貓貓壁畫，好適合朋友同家人嚟聚餐，肉質新鮮選擇多，仲有配菜都好豐富。只係係離地鐵站有少少遠，預咗食飽飽要散步返地鐵站。.主要有兩個set可以order，「燒肉放題」同埋「極尚刺身燒肉放題」，前者只係$218❗️選擇已經非常豐富，牛肉、豚肉、雞肉同海鮮都有齊，牛扒靚滑冇筋，豚肉肥瘦適中，雞肉嫩滑多汁。主食方面紫菜飯粒粒分明，蕎麥麵清爽彈牙，另外仲有多款炸物同清新沙律，仲有個野菜鍋，平衡油膩感，食得均衡又滿足。.如果想試抵食任食又滿足嘅放題，呢間燒肉放題店絕對值得一試，環境舒服服務貼心，值得再嚟填補燒肉癮！😋…查看更多

聽聞呢間係浸大最高質嘅隱世餐廳，所以舊校友帶我試試菜😋 首先佢嘅裝修都幾型格，工業風嘅裝潢帶嚟舒服又潮嘅Feel，係一間菜式好有創意嘅西餐廳，仲結合埋日式同印度風味食材，飲品選擇又夠特色，真係一間好用心嘅店。今次試咗兩個餐：.相撲手豬扒炒蛋丼豬扒厚實多汁又脆口，中間仲夾雜咗火腿同芝士，配埋炒蛋嘅嫩滑，一口咬落超滿足。.印度天多利烤雞 雞肉烤得好嫩滑，又帶香料微辣，層次豐富，而且仲有薄餅、脆餅同埋飯可以配咖喱一齊食，一碟有齊晒幾種滋味，好有創意。😍.巨峰乳酸梳打味道甜甜哋，巨峰嘅果香配埋微酸乳酪感，清新醒胃，配辣嘢正！ .鳳梨蜜桃梳打甜而不膩，鳳梨蜜桃味自然，飲完唔口渴，好適合夏天飲。.整體嚟講，Bistro NTT嘅食物質素唔錯，份量十足又有驚喜，氛圍又chill，真係會想再去探索其他菜式，絕對值得再約朋友同埋係約會嘅好地方。😙…查看更多

滾爺主打椰子雞鍋同多款特色湯底🍲，裝修簡約新潮，地方寬敞舒服，無論同朋友打邊爐聚會，定夜晚想醫醫肚都好啱！重點係下晝5點開到零晨5點，打邊爐無時限，暢飲暢食。肉類同海鮮火鍋用料新鮮，手工餃子、手打丸都好受歡迎👍🏻。.我點咗最愛嘅芫荽皮蛋鍋🌿，湯底芫荽味突出夠清新，皮蛋好綿滑。火鍋料方面點咗脆肉鯇骨腩🐟，真係彈口又新鮮。手打四寶丸爽口彈牙，食完想每款丸叫多一份！珍珠馬蹄口感夠晒特別，當你以為馬蹄一定係爽口，但佢係好煙韌！紐西蘭羊肉片🐑薄切好有羊味但無咩羶味。Q彈墨魚仔🦑一D都唔仔，非常厚肉超Q彈又Juicy！.整體食物好有水準💯，新鮮用料，服務夠貼心🤩，員工不停幫補湯，仲特登幫我哋調較燈光等我哋影相影靚D，食完超滿足想再返嚟！🥳🍽️…查看更多

日月堂一入門已經感覺到濃濃台灣氣息，裝修用咗木系🪵x綠植點綴🌿，又有復古元素同文青風，好適合打卡影相～主打台式便當、麵食同各式人氣小食，每款賣相精緻之外仲有啲台灣街頭feel，連餐盤都特別有心思，唔怪得位置喺工廠大廈都咁爆場！.今次試咗兩主煮食同埋兩款小食，清燉半筋半肉麵：牛肉炆到軟林林又好入味，筋同肉一啖過一齊食勁有口感，湯底清澈微甜，麵條爽彈，分量大大碗好足料，可以兩個女仔share一碗都唔誇張。.滷雞腿便當：雞腿鹵得夠入味，皮滑肉嫩唔柴，帶啲淡淡香料味好惹味。便當有菜、有蛋，好有台灣Lunch box的感覺，啲飯粒分明唔黏牙，一咬落就聞到醬香！.芋泥蛋捲餅：蛋香同芋泥味好夾，捲餅外皮炸得薄脆，外脆內軟，芋泥軟滑唔過甜。攤凍咗食都Keep到脆度🫰🏻.滷水豬大腸：大腸清洗得幾乾淨，香滷味濃郁冇臊味，入口口感煙韌，少少辣椒或者配啤酒應該更正！…查看更多

呢間係我其中一間黎開荔枝角就經常幫襯嘅餐廳，裝修好有懷舊風味，帶點港式茶餐廳feel，坐得舒服環境乾淨。餐廳主打性價比高嘅牛🐮扒餐，一路食一路聽到鐵板上枱嘅滋滋聲同埋濃烈嘅肉香，夠晒懷舊同經典。今次試咗貴族牛扒餐，牛扒叫咗6成熟煎得啱啱好，外層微焦，肉質保持嫩滑，咬落有肉汁，每啖都感受到牛味香濃。薯格亦炸得香脆，唔會太油膩，同牛扒一齊食又脆又軟好滋味。另外仲有招牌牛柳餐，牛柳切得厚身，肉質超嫩滑同埋彈牙，完全唔鞋口，配埋黑椒汁好惹味，而且一個鐵板有兩大塊牛柳，份量好足夠好滿足！餐飲方面，點咗餐廳推介嘅「紅牛」同埋「黑牛」。「紅牛」用利賓納做底，配士多啤梨🍓味雪糕，再倒埋梳打水落去，飲落好滑又好爽，估唔到呢個組合咁夾。「黑牛」就可樂配朱古力味雪糕，呢個組合唔洗我講都想像到有幾爽，夏天飲一流。總括嚟講，金鳳大餐廳食物有水準，價錢親民而且環境舒服，值得加落Encore List嘅餐廳。如果夜晚嚟食想避開排隊嘅人潮，就要早啲嚟啦。🫶🏻…查看更多

朋友請食生日飯，第一次食呢間西班牙餐廳，裝修好有格調，工業風加暖黃燈光傾偈好舒服。佢地主打西班牙fusion菜，無論賣相定味道都好有誠意，價錢合理。有室內人少少談心，亦有室外岩晒成班friend聚餐打卡嘅地方。😚今次同朋友試咗四款菜式👇🏻.紫菜西班牙蛋餅 外層煎到金黃微脆，蛋餅入面超滑溜，有蘑菇同埋薯仔做餡，加埋外面紫菜嘅鹹香，味道夾到絕！而且層次感好豐富，每啖都滑溜唔膩口，食到停唔到口！.輕燒黑安格斯封門柳西班牙薯仔沙律牛肉封門柳燒得啱啱好，外層帶微微焦香，入面仲保持嫩滑多汁，薯仔沙律口感綿密，帶少少酸香，食落清新解膩。.伊比利亞豬理肌威靈頓酥皮焗到金黃鬆脆，切開見到層層分明，賣相已經加分。豬肉理肌超juicy，完全唔鞋口，仲帶淡淡肉香。餡料有香草同蘑菇，味道香濃又唔會搶味。.西班牙海鮮燉飯飯粒吸晒海鮮精華，入口有淡淡煙燻香，唔會太鹹。海鮮份量足，蝦同青口仲有魷魚都新鮮彈牙，口感豐富。.食完真係開心到想搵多幾個朋友一齊試晒Menu其他菜式，款款都想試，已經bookmark定下次再嚟！😍…查看更多

試過有幾年生日都係呢度食Buffet慶祝，食物質素都真係算幾穩定，而且每次嚟都有啲小驚喜，食物選擇都算多，海鮮、日式、西式、中菜樣樣齊，同埋環境都幾舒服。.特別推薦蟹腳好新鮮，D蟹肉好厚好飽滿；羊架烤得啱啱好，肉嫩無羶味，配香草好香口，我連續食咗三隻😂 反而牛扒就冇咩味。。刺身選擇多，三文魚、油甘魚、甜蝦都夠新鮮肥美，入口滑溜；乳鴿外皮香脆，肉質多汁，仲有淡淡煙燻味，幾有驚喜。同埋最鍾意甜品區，成個甜品區都係童年回憶，有迷你冬甩，造型得意又唔會太甜，仲有得自己夾軟糖，又有自製棉花糖，大人細路都好興奮。🙌🏻.所以結論係我都仲會再去，呢間係我時不時都想去懷緬一下的Buffet，每次諗起想食Buffet係頭三甲諗起嘅選擇🤣…查看更多

呢間西班牙餐廳裝修走型格酒吧風，室內外座位都好chill，主打創新同傳統融合嘅西班牙菜，食物賣相同味道都幾有驚喜，整體水準高。🍽️.今次試咗佢哋嘅香煎紐西蘭比目魚柳外皮煎得微脆，魚肉嫩滑無腥味，配埋微酸嘅醬汁，味道清新唔膩。最讚嘅係絲絨西班牙油條、熱辣辣外脆內軟，紅絲絨味道突出，唔會過甜。配士多啤梨朱古力醬酸酸甜甜好開胃，油條份量適中，食完唔會覺得膩。喺香港西班牙餐廳黎講，呢間嘅油條係我食過數一數二好味😋 真係有西班牙地道嗰種滋味！呢個甜品真係為成餐畫上完美句號。.總括嚟講，Casamigos環境舒服，食物有水準，無論朋友聚會定約會都幾適合，係值得一試嘅西班牙餐廳。👍🏻…查看更多

今次嚟試咗$318任食嘅套餐，真心交足貨！雖然唔係揀最靚嗰兩個套餐，但最重要肉質真係對得住價錢。上選牛腹肉D油花好靚，燒到微焦入口即溶，厚切杜洛克豚肉眼都唔錯，燒完唔韌，啖啖肉超滿足。西班牙豬五花肥瘦層次分明，燒脆邊位夾生菜食，油香好正又解膩。安格斯牛板腱肉質嫩滑冇筋，簡單撒鹽已帶出肉鮮。仲有我最愛嘅雞心同埋雞腎，醃得好惹味，encore咗幾轉。.自助區誠意足，櫻花蝦飯任撈，櫻花蝦+滷汁+香蔥自由配，撈飯食超惹味👍🏻 同埋個蜆肉冬瓜湯都好鮮甜解膩，食住燒肉黎飲真係好爽。十二款醬料任選，必試招牌黃金醬，就算唔好醬料，就咁擰D岩鹽落去啲肉度都好好味。甜品仙草芋圓都係必試！…查看更多

NOC Coffee 係我好鍾意嘅簡約風格Cafe，呢間分店用大地色系同綠植設計，超舒適又有格調嘅空間，食物質素穩定，咖啡同輕食都好有水準。☕️今次試咗佢哋嘅煎三文魚沙律，三文魚外皮煎得香脆，魚肉嫩滑無腥味，配埋新鮮沙律菜同少少檸檬汁，食落清新又健康，份量啱啱好，唔會太heavy。不過就略嫌檸檬汁有啲多，食到最底D菜好酸，酸到食唔到，所以最好係可以汁另上。不過呢間始終係食過咁多次都間中想Encore嘅餐廳，啱晒想hea下/見客/或者搵個地方同朋友慢慢嘆。😋…查看更多

荔枝角長沙灣廣場3樓嘅越巴，主打平民價越南菜🇻🇳，裝修簡約光猛，坐得舒服。午市勁多上班族幫襯，$70左右有齊主菜+小食+飲品，性價比高過同區茶記！ .今次試咗燒雞扒喇沙套餐，雞扒超滑冇得輸😍 雞皮燒到微焦脆口，肉質嫩滑到一咬落去肉汁滲出嚟！蘸埋喇沙湯底更惹味🙌🏻 喇沙湯底夠正宗，椰香同蝦膏味平衡，辣度溫和，撈埋油麵同豆卜索晒湯精華。小食有炸蝦餅同埋越式春卷等等，嘢飲有鮮炸西柚汁或鮮榨橙汁等，好夠誠意🫶🏻.環境乾淨上菜快，平日午市要早少少嚟避人龍。想平平地食高質越南粉麵，呢間可以encore～ …查看更多

油麻地登打士廣場呢間Bestow主打手工西式甜點同精品咖啡☕️，環境走簡約木系風，白色牆身配暖黃燈夠晒光猛，坐得舒服又chill。主打每日新鮮製作嘅蛋糕同季節芭菲，人均$100左右歎到高質甜品，難怪OpenRice長期上榜嘅文青打卡熱點！ .今次試咗草莓拿破崙蛋糕，酥皮脆到「咔嚓」聲⚡️！酥皮同吉士嘅平衡做得幾好，層層疊起嘅薄脆餅夾住滿瀉嘅吉士醬，香滑溜唔甜膩，唯一彈係切嗰陣易散，要用叉鎮壓住先食到😂 .環境方面好綠化又坐得舒服，無論Me time定同friend傾偈都好適合，想食精緻甜品又唔想過海，呢間油麻地隱藏小店值得試👍🏻…查看更多