Vivienyoung的个人专页

叫左個番茄雞絲螺絲粉，跟一個豬仔包同炒蛋，個豬仔包一上枱，望落ok，一聞，哇！成浸嘔吐味🤢擺明係上面d煉奶壞左，即刻同個呀姐講話換左佢，另一個呀姐係後面話：係咁嫁，有時d牛油烘唔透係會有浸味嫁！ 下？咁都講得出？？你唔好意思都冇句都算，咁都要抵賴？見佢之後換返個多士比我係正常嘅，咁就諗住快快脆食完就走跟住，本身我哋坐卡位外面搭出嚟嘅二人枱，入面嗰兩個食完，有另外兩位客人入去，咁我起身讓位俾佢地入，個阿姐叫我坐入去，我話：但係我就黎食完，然後個食客都自己已經坐咗入去，阿姐都要抵唔住頸話：你哋有排都未食完啦，又唔坐入去，之後成程係咁想收走我哋啲嘢。。雖然見佢間野個樣咁噏耷都唔expect係有幾好食，但係一定要出呢個post警世！千祈唔好食呢間野，永久blacklist👎🏻👎🏻…查看更多

身為荃灣人好耐之前已經有食過呢間鳥山名，前排放工經過心血來潮想食日本野，就入左去食～ 一路都知佢嘅食物質素唔錯，最近呢次食覺得佢keep到水準，尤其係季節推介個幾款有驚喜，食得出佢食材好新鮮！見佢平日都有lunch set，個價錢都幾抵，推薦大家行過荃灣可以去一試！海鮮七色丼 $168餐牌上面有好多款丼飯，我揀左呢款貪佢樣樣都有哈哈～入面7款刺身包括甜蝦，三文魚，真鯛，油甘魚，拖羅蓉，海膽同帶子，全部都好新鮮，個人最中意甜蝦，真係好鮮甜，同埋佢飯量唔會話好多，咁就唔會有食晒刺身但剩低好多飯呢個問題～竹籤魚/ 秋刀魚/ 拖羅鯖魚壽司 各$50呢幾款壽司都係季節推介嘅，平時少機會食，今次試左覺得有驚喜！季節性嘅魚果然係新鮮d，一d腥味都冇，而且好肥美，秋刀魚同拖羅鯖魚配少少薑末，個味道好夾，另外竹籤魚輕輕燒過，個油香出哂黎，好回味！石垣貝刺身 $68一般食貝類都係夏天食，因為會鮮甜d～趁住而家係夏天嘅尾巴，捉緊機會食多d貝類就岩喇！呢個石垣貝個貝味好出，口感好爽脆，下面仲有海帶墊底，食落好清爽！墨魚鬚串燒 $43
平時好少見有燒墨魚鬚，覺得幾特別就叫左黎試～ 師傅燒得好，上台個陣已經聞到好香，墨魚鬚上面灑左d好似七味粉嘅調味，鹹淡岩岩好，再加埋幾滴檸檬汁，即刻想叫杯啤酒黎送哈哈

另外仲叫左個焦糖布甸，蛋味香滑又唔會過甜，上面仲灑左d糖粉，令個賣相更加靚～ 整體食物質素非常唔錯，環境都舒服乾淨，大家如果食日本野嘅癮起，不妨黎呢間鳥山名試試！…查看更多

如果你問我嘅comfort food係咩，我一定會答burger同薯條! 每次食完都會覺得個人gur d, 心情會好好多～ 最近附近開左呢間BOTH by Texas burger, 行過見到裝修得幾靚，成間餐廳用植物做主題，加埋個落地玻璃，比人好開揚嘅感覺，所以就前2日同屋企人去試！個人覺得佢嘅burger真係整得幾唔錯，另外個pancake都幾好食，好岩weekend同fd黎食個brunchTexas BBQ Beef Burger $128黎到呢到梗係要試burger啦～我叫左佢最signature嘅Texas BBQ Beef burger, 首先佢個包好軟熟，中間夾左煙肉同生菜🥬，塊牛好juicy再加埋融化左嘅cheese，最特別係加左onion ring口感更加好，而且我中意佢個BBQ sauce夠濃！旁邊嘅薯條炸到好脆，burger果然係要配埋薯條一齊食先夠過癮，爽呀Stone Fruits Milk Foam Pancake $118見好多人都推薦佢地嘅pancake, 所以就叫左黎試～ pancake整得好fluffy, fluffy到會彈下彈下哈哈，上面嘅milk foam都幾香幾creamy, 周圍有d生果，桃 士多啤梨 藍莓 仲有walnut, 食到後面都唔會好膩，溫馨提示一下因為pancake需要d時間整，記住早d落單呀 Hawaii Beach $48我地仲另外叫左杯soda飲，係peach加pineapple味，飲落甜甜地幾清爽，岩晒食完burger飲，即刻覺得refreshing好多～…查看更多

上2個禮拜媽咪生日話同事介紹佢食呢間打邊爐，咁岩我係IG度見到好多人去食，食評都幾好就決定試下喇~ 果然係幾有水準，餐廳係以華麗懷舊同花做主題，用左50年代老香港嘅裝修，好有特色，門口仲有個好似teamlab嘅房仔，打卡一流~ 食材夠新鮮，用花黎做點綴賣相好靚，d位夠寬落坐得幾舒服~ 服務都唔錯嘅，一坐低就會比杯荔枝茶你飲，不過就好似唔係好夠人手哈哈，整體黎講非常唔錯，會再encore斐沙圈 $1388（牛肉，豬肉，羊肉，花蟹，帶子，海蝦，鮑魚，馬刀貝，青口）見好多人都叫左肉拼盤(香江拼)，不過我最近食太多肉，所以揀左又有海鮮又有肉嘅斐沙圈~ 好彩揀左呢個，因爲個人覺得佢嘅肉一般，反而海鮮全部好新鮮，又夠大隻，d青口新鮮到隻筷子比佢夾住左，好好笑！湯底揀左沙爹同清湯嘅鴛鴦，海鮮放落清湯就岩岩好，可以食到海鮮嘅鮮味，沙爹湯底都幾好味，不過就比較容易痴底，食個陣要睇住小心燶底花花綠綠 $98其實我打邊爐好中意食菜，所以叫呢個蔬菜拼盤就岩哂，乜菜都有~ 有生菜，旺菜，皇帝菜，南瓜，番茄，金菇，椰菜花，玉米筍，不過4個人食就唔係好夠我另外再叫左個伊比利亞豬$128同冬甩墨魚果子 $78，不過個人覺得麻麻地~ 如果覺得斐沙圈有d貴嘅話，但又想食海鮮，建議可以叫個鍋然後加個華人塔$688~ 另外我見佢個玫瑰牛奶鍋同清酒海鮮鍋都好出名，同埋今次因爲叫左啤酒tower所以冇機會試佢地d特色飲品，決定下次黎會試下哈哈…查看更多

冇錯！我有又食燒肉喇哈哈～ 今次呢間Yakiniki Jumbo我暫時覺得係香港第2正嘅日式燒肉 (永恆嘅第一係Yakiniki Great!) 真心全部肉嘅質素都好好，非常新鮮，牛味十足，而且份量都幾多，環境都幾舒服，我見到有包廂可以book，好啱情侶或者一家人食番餐高質有水準嘅晚餐！Premium Selection of A5 Kuroge Wagyu Beef ($980)非常推薦呢個premium set！個set入面包嘅呢個野原燒真係必點！其實好多日燒店都會有呢款燒肉，但係呢度係我食過最好食嘅～ 首先塊牛嘅油脂分布好平均，偏薄但係佢好大塊，肉質非常軟嫩，入口即化！驚喜之處係個蛋平時係就咁撈勻然後沾黎食，佢呢個係將蛋白打左做泡，然後同蛋黃同醬油一齊撈勻，蛋白泡輕盈嘅texture令到個牛嘅口感再提升左！真心好正呀呀呀其他嘅肉包括有特級牛舌，牛扳鍵，特上肩肉，牛柳，加埋3款廚師精選和牛部位，個人覺得全部肉嘅質素都好好，都係好軟嫩而且肉味濃，唯一唔好食嘅係個牛舌，可能太厚嘅關係所以好韌，如果散叫嘅朋友記住唔好叫牛舌呀另外要讚嘅係佢嘅醬料除左一般嘅燒肉汁同醋汁之外，仲有胡椒麻油洋蔥絲同埋醬油醃過嘅青辣椒比你做配菜，令到燒肉嘅膩度即刻降低，層次再升華左，真心推薦！…查看更多

見到樓下最近開左間食Toast開舖頭，餐廳logo同裝修都好得意，所以趁lunch time就走左落去食～佢d toast有好多款唔同嘅餡揀，好似芝士煙肉/ 薯餅滑蛋/ 椒麻脆辣雞等等，全部都好似好好食哈哈，我最後叫左個軟殼蟹親子滑蛋toast，套餐再加左一個薯條小食同可樂，賣相靚又好食，係一個人食lunch嘅好去處

軟殼蟹親子滑蛋toast 套餐($86)個toast係搽左牛油在烘，所以一咬落去好脆口，同埋入面d餡好足料，大大隻軟殼蟹係入邊，都炸得好脆，滑蛋炒得幾好，唔會炒到老晒，上面有d蟹子鹹鹹地幾提味，重有舊青檸仔比你jit落軟殼蟹度解下膩，塊菜都幾大塊，不過個人覺得如果菜可以再多少少就perfect~ 

整體質素非常唔錯，缺點係食嘅時候會幾le hea下哈哈，套餐個紫菜薯條都炸得幾脆，因為佢係即叫即整，所以熱辣辣好好味，其實都幾大份，如果行行下街突然想食個滿足嘅lunch or下午茶就啱晒喇…查看更多

中環最近新開左一間隱世美國菜Smoke & barrel，係正宗嘅美式Texas煙燻烤肉，佢嘅ribs個人覺得係目前係香港食過最好食嘅ribs！肉質好嫩滑，加埋自家制bbq烤醬非常惹味，啱晒食肉獸～ 餐廳暗暗地有氣氛，d裝修真係好有以前係美國食ribs嘅感覺，仲有好靚嘅霓虹燈Smoke Meat Everyday 打卡位，又係一間非常適合大家放工同同事黎放鬆下嘅好餐廳！Cider Glazed Baby back ribs - full ($378)有得揀要半條定一條，外層烤得非常焦脆，肉比起beef short ribs會實在d有咬口d，夾雜住薄薄一層肥膏同埋煙燻香味，仲用左蘋果酒黎烤，有少少果香味，啖啖肉，正！Beef Short Ribs ($548)呢個必點(雖然個樣一舊黑抆抆)！黎自墨西哥同美國嘅大廚用桃木黎煙燻，肉嘅煙燻味好香，肉質keep住juicy同埋好淋，淋到把刀一切落去d肉已經甩出黎，入口即溶，果然Texas傳統嘅煙燻方法冇得輸，不得了！Mac & Cheese ($88)用左mozzarella同British cheddar黎整，芝士味濃郁，上面灑左d shallot dust, 增加口感同埋香口d，不錯～ 4款自家制bbq烤醬Yellow sauce (Mustard), Alabama sauce (Mayonnaise), Signature sauce (house bbq)同Carolina sauce (Chilli), 個人覺得signature sauce同beef short ribs個味道最夾，如果chilli sauce可以再辣d就仲正Passion @ Wyndham Mansion($88)佢d cocktail都幾好飲，同行朋友一致認同呢杯passion 最好飲～入面係mix左Rum, passion fruit同lime，酒味唔會太濃，飲落好refreshing，好啱一邊食ribs一邊飲…查看更多

其實我本身對醬油蟹有陰影，因為以前去韓國旅行第一次食d蟹勁大陣腥臭味，所以至此之後就好唔中意食醬油蟹～ 上兩個禮拜同同事食飯，佢地介紹我食呢間話好好食～好啦 我就比多一次機會醬油蟹啦～ 又真係幾好食喎！以後又多樣野要去食喇哈哈哈生醬海蟹 (2隻) $348 記住記住一定要打電話去預留先有得食！(醬油蝦都係)醬油蟹佢係2隻2隻咁訂嘅，2隻蟹會送一碗紫菜飯，同朋友同事一齊食就岩晒喇～ 每隻醬油蟹d膏都算多，鮮橙色令人好有食慾，佢個醬油汁鹹淡適中，帶有少少辣椒嘅香味，就咁食撈飯或者加蒜頭加洋蔥食都好味～ 尤其食蟹蓋個陣真心一定要撈飯黎食呀！個人黎講覺得食1-2隻已經夠喇，因為女仔不宜食太多蟹會好寒～炸雞 $158見到我係醬油蟹舖頭推薦炸雞係咪會覺得好搞笑？但係呢度嘅炸雞出奇地好食！本身純碎覺得食完d生冷野要食返d熱嘅野所以先叫炸雞，點知比佢suprise到哈哈～ 岩岩炸起熱辣辣，外面層炸漿唔會好厚，一咬落口勁脆，然後入面好juicy，雞肉好嫩，加埋個甜甜辣辣嘅醬，正我地仲有另外叫左水冷麵，泡菜煎餅，海鮮豆腐湯，海鮮芝士炒年糕，水準都唔錯～其實佢就有好多野可以叫，下次我會想試埋烤肉同埋豬手，好似都幾唔錯哈哈…查看更多

放假梗係要去揾間cafe食個brunch chill下啦~ 琴日去開尖沙咀，行過見到呢間新開嘅cafe, 低調有型嘅黑白色裝修第一眼已經吸引左我，就決定係呢間喇哈哈~ 鋪頭唔算大，一入去就見到有幾張粉紅色高腳皮櫈，加埋個bar 枱位啱晒打卡，同埋雲石枱面同黑色餐具都好靚，成個感覺好舒服，野食都幾有水準，係非常唔錯嘅weekend食brunch之選Avocado bagel ($48)個人最推薦呢個bagel~ 個蛋非常之厚，口感好鬆軟順滑，加埋我最愛嘅牛油果食落好夾，開頭以爲細細個會唔飽，但其實飽足感好夠，隔離仲有d沙律菜同番茄仔伴碟，又靚又好味All day breakfast ($98)呢個性價比幾高~ 總共有7樣野，包括牛油法包，鷄肉腸，煙肉，漢堡扒，番茄，蘑菇炒蛋同牛油粟米，分量都幾大份下， 啱晒男仔食~Iced Americano ($36)我不嬲都唔係好飲Americano，因爲覺得好難整得好飲，通常一係太酸一係太苦，不過呢個我覺得佢整得好好，老闆有介紹係Colombia黎嘅豆，飲到nutty味得黎唔會苦，推薦~Flat White ($43)女仔多數都中意飲有奶嘅咖啡，我都唔例外哈哈 呢杯Flat White個拉花拉得好靚，個透明杯都好精緻，奶同咖啡個比例啱啱好，飲落香滑，不錯…查看更多

前個排見到好多人去左呢間White hse打卡個花花墻，我即刻bookmark左！琴晚就左去食dinner喇哈哈~ 成間餐廳都係用左公主風嘅裝修，一行入去就見到有2大幅玫瑰墻，仲有雲石枱同埋絨面嘅粉紅色凳，連d野食同飲品上面都有花，真係非常之少女心~ 啱晒中意公主少女風嘅人去瘋狂打卡呀韓式泡菜煙鴨胸蝴蝶粉 ($124)Fusion韓式西餐有驚喜！呢個蝴蝶粉個汁用左泡菜黎整，辣辣地好開胃，加埋煙鴨胸嘅咸香味食落幾惹味忌廉煙肉芝士貓耳朵 ($118)個汁好香好濃，忌廉加埋芝士果然冇得輸~煙肉嘅分量都比得好足，貓耳朵嘅軟硬度啱啱好，唔錯玫瑰花釀紅茶 ($45)食完d濃味野飲杯refreshing嘅紅茶就啱啱好喇~玫瑰花味清香，少少甜甜地飲完即刻解膩牛奶曲奇杯 ($69)Signature熊仔曲奇杯都好啱打卡~ 曲奇杯入面有層朱古力coating，一路飲一路食幾過癮，個人覺得佢似甜品多過飲品哈哈…查看更多

Long weekend梗係要周圍去食野啦！前2日去左呢間係灣仔汕頭街嘅Mansons Lot 食dinner，餐廳裝修以黑白色為主，加埋牆上嘅黑膠碟裝飾，環境舒服，氣氛唔錯～我叫左佢地嘅手工啤，推薦Herooes Hangry Donut American Wheat，果香味好香，甜甜地好啱女仔飲～佢其實係主打咖啡嘅，老闆話係用左攞獎嘅澳洲豆，所以都好啱中意咖啡嘅人晏晝黎食個brunch 同fd chill下

Deep Fried Crispy Oyster ($58)
推薦呢個炸蠔～炸漿唔會好厚，入面嘅蠔幾juicy，配埋個沙律醬好夾，送啤酒一流呀！Seasonal Seafood Cream Risotto ($148)海鮮飯個汁係偏番茄味，加埋cream食落好rich好惹味，份量都幾多，入面有大蝦帶子同蜆，飯就係正宗Risotto比較硬有咬口嘅口感，不錯Pan-Fried Pork Loin with Roasted New Potato ($158)豬扒夠厚，煎得都幾香口下，下面墊左d薯仔都幾好食，個人黎講覺得略嫌有d太硬，不過隔離個醬值得一讚，少少檸檬香味好清新，解膩一流Asian Garlic Beef Cubes ($98)除左炸蠔我仲叫左呢個牛柳粒，煎得唔錯幾香口，同埋d蒜片炸過，夾埋一齊食好香…查看更多

一路都好想試呢間壽司店，上個禮拜終於有機會去喇😆第一次食覺得整體唔錯👍🏻食材非常新鮮，師傅同waiter都非常有禮貌，我嗌左佢地嘅Chef’s recommendation set，因為想試下同平時食開嘅omakase有咩唔同 哈哈頭2道刺身搭配幾有心思，特別係拖羅2食，配魚子醬同海膽簡直係絕配！其他單件壽司我中意佢冇加過多嘅調味，可以食到食材嘅鮮味.溫馨提示一下大家最好提前幾日打去訂位，建議要求坐吧台，師傅會同一般omakase一樣一件一件壽司上同介紹，同坐普通枱個感覺差好遠嫁～ .Chef’s recommendations set（$480）炸蓮藕沙拉蟹肉蒸蛋右口魚薄切（配酸汁和蔥花）拖羅2食海膽+拖羅灸燒拖羅+魚子醬深海池魚鰤魚帶子中拖羅海膽拖羅蓉手捲烏冬甜品（厥餅+紅豆泥）…查看更多

雖然我唔係特別中意飲咖啡嘅人，但係都中意趁weekend周圍去搵一d coffee shop食下野影下相chill下～ NOC coffee co. 嘅裝修係簡潔黑白色加木紋，氣氛舒服，文青風好啱影相打卡📸

🥑AVOCADO SMASH ($94)
去左幾次都係覺得Avocado smash最好食，sourdough toast 上面有輕微調左味嘅牛油果蓉，再shum d 石榴籽同feta cheese係上面，食嘅時候唧d檸檬汁一齊食，好清新🍹PEACH TEA ($50)唔太中意飲咖啡嘅朋友可以叫peach tea黎飲，食toast食到口乾乾，飲一啖即刻解渴，passion fruit tea都唔錯，不過我比較酸

🍞AVOCADO TOAST ($94)
同avocado smash一樣係用左sourdough toast，不過牛油果略嫌唔夠味，同埋唔知點解我上次食個包比較硬，不過呢個都係輕食之選
另外ALL DAY BREAKFAST ($148)同APPLE TOAST ($68) 就普通，不過不失，整體黎講野食賣相又靚又好食，係我weekend食brunch嘅首選coffee shop
…查看更多

呢間燒肉其實係我上年聖誕節食嘅，不過而家先寫個食評哈哈 ～ 佢整體嘅和牛質素都幾好，環境裝修都好乾淨舒服，serve我地個waitress 好有心機，每一樣牛都會詳細介紹～ 值得讚👍不過佢地安排訂位嘅同事好有需要改善下，因為我地覺得聖誕節set唔係好抵，所以想叫平日嘅set，去之前前幾日特登whatsapp問餐廳平日set係咪都可以叫，個staff話係，點知聖誕節當日去到先知原來全部人只可以食聖誕節set🤷🏻‍♀️🤷🏻‍♀️同個經理講點解whatsapp答我得，但去到現場有話唔得，佢話我地應該一早同你講左嫁，不過師傅都冇準備其他食材，所以冇辦法，態度惡劣👎🏻就算肉嘅質素okay，但以後都唔會再去食🤪2020 Christmas Menu (每人$1388+10%)前菜 - 胺康魚肝豆腐燒物 - 鰻魚山椒燒刺身 - 北海道馬糞海膽 北海道扇貝 寒鰤魚揚物 - 大閘蟹粉 京都海老芋酢物 - 松葉蟹冬菜捲 蟹膏醋汁燒肉 - A5飛驒牛 2款 A5熊本牛西冷 2款+松露片飯 - 北海道米飯甜品 - 草莓紅豆北海道牛乳雪糕

平時menu 有得揀和牛5品/ 7品，特選和牛5品/ 7品，再加沙律/ 飯/ 前菜，應該都幾抵食嘅，建議揀平日先好去食，避免出現安排唔妥當嘅情況😌…查看更多

前個排係klook度見到Conrad嘅staycation package好抵，3200包4餐！仲要晚餐係Nicholini’s嘅4 courses menu，即刻book左～ 不過呢個經驗話我知千祈唔好貪平，佢包嘅個三餐 (afternoon tea, cocktail & breakfast) 都得好少食物種類，仲要d酒店staff態度好差，搞到我食到一肚氣，真心失望，好彩叫做有Nicholini’s 呢個晚餐補番數，如果唔係我心理會好唔平衡～ 

前菜 - 鵝肝Macaron呢個鵝肝macaron有驚喜，鵝肝外面係開心果碎，食落口有鵝肝嘅鹹香，加埋開心果碎同macaron嘅甜，幾開胃

小菜 - 三文魚他他三文魚嘅份量都算多，加埋蘆筍片感覺好清新，少少茴香味幾香意粉 - 虎蝦長通粉番茄白蘭地汁幾惹味，不過佢menu明明寫虎蝦，當我以為係會有成隻大蝦，點知上菜個下見到係蝦仁黎，失望主菜 - 西冷牛扒全晚最好食係個牛，配紅酒汁都幾唔錯，隔離有個忌廉粟米蓉，牛扒下面嘅烤蘆筍都幾香甜品 - Tiramisu & CasstaTIramisu都幾creamy，Cassta比較硬，不過賣相搭救…查看更多