fungcrystal的个人专页

終於捱到星期六，早排太忙成半個月冇見過男朋友😭所以諗住搵間靜靜地可以坐耐少少既餐廳傾下計。咁岩又想搵啲特色菜食下，唔洗咁悶食來食去都果啲，就係openrice見到呢間餐廳。入到去餐廳環境十分chill, 所以當然要叫一杯pinacolada配合環境😼 呢間餐廳入面，枱與枱有一定距離，所以唔會太嘈，傾計都傾得舒服啲。跟住叫左個 “Donar Lamb Kebab”（羊肉烤餅），佢係用Lebanese既薄皮包住入面既羊肉，沙律，同埋特色醬而成。入面既羊肉烤得非常可口，而分量其實都幾大份，呢個我覺得係幾值得再encall既菜式黎。另外仲叫左個Chicken Tikka Pizza 印度燒雞肉薄餅，入面既香料好有印度特色，平時好少食到呢種味，最正係佢配合了我最喜歡既Parmesan cheese 同mozzarella cheese（我本身是芝士控！），印度香料加呢兩隻芝士是係意外地夾！淨係叫呢兩碟我地兩個已經超飽，其實呢間餐廳既菜式都幾多元，有土耳其、印度、黎巴嫩等等既菜，如果多人食就正，可以叫多既樣菜，每樣都試到。每枱客人食完職員都會送上兩杯免費shooter，飲落有少少似pinacolada,不過酒精濃度應該好低，類似係菠蘿汁咁，我男朋友平時唔鍾意飲酒都覺得呢杯好飲。最後埋單原來先$370， 仲要唔洗加一，其實都幾抵，兩杯野飲加兩碟菜都唔洗$400，仲要野食都幾大份。最值得一提係職員態度超好，一入去已經好熱情為我地推介特色菜，完左又問番我地feedback，同埋都幾好傾😂👍🏻 值得下次再黎🤤…查看更多

入到黎見到都好多人，差唔多座無虛席。夜晚8點幾見到出面好多人排隊！所以最緊要記得卜位。黎到最想推介北京片皮鴨，即場切出黎，加埋佢啲醬同個薄皮食好正。另外生蠔都好新鮮，不過每次限拎兩隻，仲要好多人排隊。另外豬手好爽口，又脆又軟。芝士龍蝦好大隻，芝士既味完全滲入到龍蝦肉入面。不過甜品就真係麻麻地，個樣幾靚，但食落太甜，但小朋友應該會開心，因為有朱古力噴泉同棉花糖，可以自己整。 果日完左飽到傻左，果晚我地食有信用卡優惠，每人除開先四百幾，我覺得自助餐黎講都算平，而且食物新鮮…查看更多

一入到黎呢度，個裝修同環境都好復古，望真啲佢既電器係真係細個見到果啲！好有童年回憶！而且呢度既環境好岩影女神打卡相，不過影相既話可能有少少暗。講番野食，一個set有湯，花茶同意粉，今日既例湯係南瓜湯。由於本人非常喜歡食南瓜，呢個南瓜湯飲上去好粉，好正。而個意粉就芝士濃左少少，但味道都ok。整體黎講就覺得係食氣氛，同埋呢間鋪既枱唔多，所以都幾靜，岩哂靜靜地同朋友傾心事。…查看更多

自從上次行過呢間入左去食之後，自此我就當左呢到係尖沙咀食堂，一黎尖沙咀諗唔到食咩就食呢間。 由於之前去過韓國食過地道既韓國餐，黎到呢度好有響韓國味道，個waitress我估應該係老闆娘，都係韓國人黎。個牛肉湯飯好好味，佢應該係即叫即整，兩個飯上菜時都好熱好香。但可能呢間野既位置有啲入，又唔係好多人知，所以唔太多人食。就因為唔多人食先可以靜靜地傾下計。其實呢間啲泡菜都好好食，呢間d泡菜係入味啲都埋隻辣係岩我食啲，不過今次就冇叫到因爲喉嚨痛唔想食辣，但下次黎我都會叫番套餐，加幾蚊就包埋泡菜同野菜好抵🤣。…查看更多

約開朋友係旺角，所以諗住早啲上網卜定間餐廳，入到去唔洗等。野食比想像中大份，炒飯果啲都好大碟，二人餐都多野食既，但味道就普普通通不過不失咁。不過值得一讚既係，職員既態度係十分之好，係咁幫我地添水，最尾二人餐既甜品得兩份，但佢見我地四個人所以都比多兩份我地，落單果啲都好快手。同埋坐既環境都闊落同靜啲，適合幾個人傾下計，坐耐少少都可以…查看更多

行行下覺得好肚餓，又未到正餐時間，經過見到呢間新開所以就入去望下。入到去個感覺好日式，好簡潔，而食既就係中式燉湯同蒸飯。望落價錢黎講係咁近地鐵站黎講算係好平，我叫左蟲草花排骨蒸飯，細細碗唔係正餐時間食就岩岩好，食落啲排骨都幾入味，啲飯又滲有排骨同蟲草花既香味，性價比十分高而且鋪頭係自助形式，自己拎餐同食完擺番好個盤，可能咁樣慳番啲人手所以可以平咁多，鋪頭都好闊落，其實係可以擺多左枱。值得一讚既仲有手機充電位，我咁岩手機冇電又唔記得拎尿袋就用得著🙈…查看更多

由於本人係個拉麵控，知道金田家響香港都開左好一段日子，但平日見到銅鑼灣果間金田家多人排隊到傻，今次係元朗見到得五六個人，終於可以有機會試下！我叫左個柚子辛口拉麵，本身聽個名覺得伏伏地（唔知點解🙈），但食落個湯底係好有驚喜，啲柚子味係意外地同個湯底好夾，同埋佢係真係有啲柚子擺左入，食落係幾fresh。但可惜既係個麵既質地就比其他日式拉麵店稍遜，食落口感唔夠彈牙。依個係我朋友叫既，佢都覺得湯底佢係整得幾好，但麵係麻麻地。…查看更多

朋友係新港中心上面收工，我去接佢既時候行過覺得好耐冇食過所以就食下。之前淨係係日本食過，所以都想試下香港呢間。黎到叫左個set 加廿幾蚊就有野飲、雪糕同湯。初頭以為個湯係紅湯白湯果種，點知係洋蔥湯？唔肯定係咪，但係好咸好難飲，勁多油同咪精，建議大家唔好叫湯。但除左湯外其他係十分之好的，個飯幾好食，同響日本食差唔多味，不過飯其實唔太夠，大食既朋友建議比錢加飯。最後最令我驚喜既係個雪糕！本身以為係好hea既便利店杯裝雪糕，但原來係曲奇雪糕，食落係真係幾好味，有啲似H字頭果隻雪糕…查看更多

今次屋企人生日個壽星女想食壽司，平時行過呢間野都見到超多人排隊，有次排左半個鐘都未到就走左，今次醒喇我地，一早係yohomall個app預約左，一去到即刻有得入去，見到出面都好多人下，好彩有book定果日好肚餓，一坐低即刻叫左十幾碟壽司、刺身、同手卷。啲刺身幾新鮮，但有碟壽司唔知點解啲飯係熱lol可能凍唔切。最後上埋蛋糕（我另外自己買），叫啲職員拎出黎，態度好好，叫佢地上蛋糕之前幫手執抬都好快手，又係咁叫佢地幫手影相都態度好好五個人食都係$750 人均先$150，其實啲野食係高質過放題又平好多唔怪得成日都咁多人排🙈…查看更多

今次屋企人生日，想買個靚啲既蛋糕可以影相，又唔想去普吉島周街都有果種連鎖店，就去左makeit度買。呢個個蛋糕好靚😍又唔貴，先$170。通常靚蛋糕都係好睇唔好食，但呢個食落啲muses好香， 切開仲要係流心，食落又唔漏，個壽星女勁開心💕下次都要黎番呢間買蛋糕。最重要係影相又唔會同人撞款，岩哂打卡用。…查看更多

今晚係荃灣心血來潮就去左好出名既老闆娘米線，上幾次上去都太多人唔想排，諗住今日星期四係平日應該冇乜人。上到去果然唔太多人，但都要排大概15分鐘。入到就叫左豬頸肉清湯同豬軟骨酸辣米線，兩樣都$42幾平，又大碗又好食，下次都黎番呢度食，覺得好味過出面好多連鎖米線鋪。…查看更多

我記得同男朋友慶祝拍拖半年既時候就係去左呢間餐廳食飯。一早已經係openrice預約左，不過可能係平日，同埋好早去到（六七點），所以入到去都唔太多人。一入到去就覺得餐廳裝修好靚女仔一定會鐘意，同埋都幾靜幾浪漫。咖啡拉花拉得好靚，不過我覺得我果杯Greentea latte好飲啲，下次黎到都會叫番呢樣。 仲有就係個軟腳蟹飯，我地都覺得好好食，送試黎果時好脆口，加埋個墨汁飯係絕配。仲有個豬手！呢個真係值得推介，好大食又抵，個人覺得性價比極高，但最衰係我唔記得左影相。不過個沙律就一般般，可能我一黎唔太鐘意食沙律，二黎覺得啲醬有少少怪，可能我唔太食得慣，但我男朋友就好鐘意食，成碟比曬佢食lol。…查看更多

琴晚男朋友咁岩係九龍塘收工，佢成日都話品香樓係佢以前讀u既canteen，一定要帶我去食下喎所以就經cityu好快去到。一入去望下隔離枱見到啲餸都幾大碟，於是叫左個魚香茄子煲、雞翼同炒飯。 三樣野都好大份，尤其最鐘意食個雞翼，炸得勁香，呢樣下次一定要encore。而個魚香茄子煲其實要叫埋飯配先好食 不過都十分之唔錯。但我地兩個人食唔曬咁多野。見到人地隔離四個人先叫三碟，我地兩個人叫三碟食完係飽到嘔仲有！個凍朱古力係好出名，黎到一定要一試！好大杯好好飲。但去到都幾多人排隊（應該係因為太出名），所以下次食既話要早少少去拎位。…查看更多