咖啡韓食 (已結業)

自從上次行過呢間入左去食之後，自此我就當左呢到係尖沙咀食堂，一黎尖沙咀諗唔到食咩就食呢間。 由於之前去過韓國食過地道既韓國餐，黎到呢度好有響韓國味道，個waitress我估應該係老闆娘，都係韓國人黎。個牛肉湯飯好好味，佢應該係即叫即整，兩個飯上菜時都好熱好香。但可能呢間野既位置有啲入，又唔係好多人知，所以唔太多人食。就因為唔多人食先可以靜靜地傾下計。其實呢間啲泡菜都好好食，呢間d泡菜係入味啲都埋隻辣係岩我食啲，不過今次就冇叫到因爲喉嚨痛唔想食辣，但下次黎我都會叫番套餐，加幾蚊就包埋泡菜同野菜好抵🤣。