Ning_Sum4的个人专页

在觀塘鬧市中的一間小店，座位有啲逼夾，但充滿人情味。大約20個座位，不是休閒舒適聊聊天坐兩三小時的那種餐廳，是貼地 走進來 用便宜的價錢，享受上到水準的用餐。叫了一個雞絲撈麵，少少辣好惹味，雞絲的表面達到很有效的掛汁效果。另外點了一份細煎餃子，有五隻，份量相當足夠，價錢大眾化。 加多一罐zero , 埋單都都只係$53餃子應該係自家製，性價比高。唔介意座位迫少少，行過好應該入嚟食吓下次會試埋湯麵同其他餃子。…查看更多

馬拉糕脆片配芝麻醬驚我哋空肚醉茶，比少少嘢食我哋食餐廳先提供三小杯茶我哋試綠茶，梅子香普洱 .紅茶，薔薇香紅茶。烏龍茶，武夷山岩茶。好飲就紅茶 岩茶好味但最後我哋揀咗綠茶，口味清新淡口，感覺比較適合配搭食物。 仲可以揀專用茶杯同碟。點心一共有五款竹笙卷開心果醬春卷蝦餃燒賣，生煎包當中竹笙卷開心果醬 是一種第一次食，竹苼網層爽口，果醬綿密，味道較清淡。 生煎包都幾好食主菜有個花膠扒prama ham 南瓜做湯底 襯25頭花膠，好好食👍🏻日本魚沼越光米 一口剛好燒火山蕃薯薑糖忌廉，三種薑煮嘅薑糖烹調，加個焦糖面為這次品餐下午畫上完美句號…查看更多

因為揸車無位泊車，只能食外賣我打去order 外賣自取問了店員怎樣行過去，佢話你泊唔到車我一陣整好拎過嚟比你喇，你揸咩車 車牌係咩我只點了八十多元食物他們真的太好了講返食物蒜香雞撈麵 好食唔係果啲倒蠔油比你撈果啲麵身Q 彈，帶甜味，好味，推薦撈麵👍🏻蒜香雞，炸得好好好脆，卟卟聲，咬到入面有啲咖喱香味，估計係薑黃，香口惹味👍🏻 有用心醃和烹調，唔似叫貨台灣腸 不過不失 翻食的話會食撈麵由於我連舖頭都無入過，唔知咩樣，未能形容食物同服務都很好，下次去試吓堂食…查看更多

海景加涼浸浸吊扇，位置很多都可以望無敵大海景。 裝修以大自然色調為主。 店員都帶健康膚色，而且好友善，我哋問咗好多無聊問題佢哋都一一耐心回答。店舖好像有儲物櫃太陽遮出租，因為我們計劃只逗留大約1小時，所以就沒有租用，不知道價錢。我們點了兩杯沙冰，一杯西瓜沙冰，一杯係拿鐵沙冰。 拿鐵沙冰咖啡味濃，有少少苦甘味，喜歡飲咖啡的人會喜歡喝，但是喝大半杯後有點飽。西瓜沙冰，用了西瓜肉打碎，上面的西瓜更雪至冰硬，吃一口非常爽快，是夏日首選。…查看更多

室內座位及佈置都非常舒服，而且放輕音樂， 忙碌的工作下找到一個舒服的放鬆空間。 因為帶了小狗的關係，我們選擇了外面的位置，看着藍天，聽着小鳥的唱歌，雖然天氣有些炎熱，但伴隨着海風來得自在。我們點了all day breakfast, 腸對我來說太咸，個sourdough 包包好出色。 喜歡黑松露的人定會喜歡這隻炒蛋海鹽焦糖咖啡卷蛋 好食咖啡味香濃，卷蛋綿密軟熟，帶少苦甘味，配合上面的honey comb, 是非常完美的配搭。法式焦糖燉蛋卷蛋甜度很好，不會太甜，好食，上面的焦糖如果多一些更正。 好味，但層次不及海鹽焦糖咖啡卷蛋。整體環境，食物都好好。 長洲好選擇…查看更多

在黃埔新開的芋圓甜品專門店店舖室內裝修以白色為主色調，再以木紋配合，簡約舒適店內那裏約有26個座位座位安排有少少密但當時我們在7:15到達，現場只有10多位顧客都可以一邊食一邊傾偈最舒服黑糖味好，仲煮到有少少焦糖化令佢更香更濃。芋圓很軟糯，冇少量冰底，吃上來很涼快。仙草就沒有台灣吃的那種Q彈，但都不錯👍🏻因為我們食飯食得有點飽，我們兩個人吃一碗都可以，不用強迫性要一人一碗最低消費。 飯後來吃一碗不錯，很合適。…查看更多

今日有特別工作喺祖堯邨做野，同同事搵🧐下午餐有咩啱食，呢度真係幾荒蕪，得兩間茶餐廳，一間酒樓，仲有一間就係三幸糖❤！三幸福主打輕食，土司、芋圓糖水、all day breakfast、同台式飲品🥤🧋。我地都叫左個最豐富嘅C餐(all day breakfast )，芝士鮮奶炒蛋、胡麻沙律菜、車打芝士腸、白豬肉腸、煙肉、炒雜菇、牛油多士🍞、厚切煎蕃茄🍅、茄汁焗豆，真係即叫即整，熱辣辣嘅。味道唔錯，份量仲幾多下，差啲食唔曬🤣🤣！飲品我叫芝士奶蓋四季春茶🥤，好飲！除左啱啱坐低果陣有三枱客之外，走左之後大部分時間都係得我地兩個，好舒服咁傾偈食左個半鐘，滿足咁再繼續下午嘅工作:)呢度其實唔係住喺附近或工作，真係無機會再嚟！有緣試過一次，感覺良好！但值得改善係抽風系統，油煙比較犀利，食完成身都係油煙味喺身度🙈。…查看更多

呢一年喺度做野，因為出去食飯要搭車🙄，所以多數都係去醫院canteen攪掂個lunch，無期望係唔會有失望嘅😅，所以呢間飯堂都係正正常常，係泛亞集團，即係大家樂啲friend 。佢每日都有兩餸飯，可以加錢要三餸，有個湯，飯仲可以轉紅米飯，真心唔難食，簡簡單單又一餐。但佢有時都真係會俾到驚喜我同埋同事架喎🤣🤣！有時會有薄餅！好食架，即焗架，仲要只係$40幾$50，包一杯飲品，你唔會食得曬🤣呢排夏天出湯飯，我都食過鹵水鴨腿湯飯🍲，係幾正。仲有越式粉麵🍜。都算有唔同種類揀下。順便一提，佢嘅燒味飯係幾好食嘅，好快就俾人賣曬，午餐要提早落去，唔係好快無位。有職員價，係好抵食嘅！…查看更多

朋友住大埔，介紹去良♥️店同幫襯小店，帶我去呢間喺大埔好出名嘅cafe，聽講仲好多人食，我地平日去，晚餐時段，又喺openrice book 左位，所以唔洗等位就入得。我地叫左個小食拼盤、大蝦沙律、同埋all day breakfast、 兩杯飲品。啲沙律好新鮮，小食拼盤有蜜糖雞翼（朋友話就係為左呢隻雞翼再嚟嘅，佢覺得好好味！），其他魚手指、炸蠔正常，芝士薯條略嫌未夠香脆。我叫嘅all day breakfast， 個egg Benedict就覺得可以改善，因為無咩味。另外兩杯凍果茶都正常，唔會太甜。裝修好特別，工業風，但又俾人感覺幾chill，可以靜靜地傾下偈嘅地方。越坐就越多人嚟食🤣🤣呢度真係好受歡迎，不過大埔真係少有呢類cafe，係值得支持。成晚好開心，唔會催人走，侍應好有禮貌，朋友話呢度啲意粉好出名好食，有機會會再嚟試。…查看更多

食完立食壽司，梗係留肚食甜品啦，不過8點鐘都幾多人排隊，但見排4，5張枱，就試下:)呢間位於廣華街，旺中帶靜，近年都多新嘅cafe呀餐廳進駐，帶多啲生氣，唔係剩係得模型舖🤪等左10幾分鐘有位，算快，入到嚟，都係揀左最吸引最多人食嘅其中兩款甜品，都覺得無揀錯😋我地揀左 Waffle with Carmel banana & Chocolate ice-cream同Souffle Pancakes Orange Suzette,飲品揀左green tea latte,佢個pancakes都幾fluffy同時有質感,夠蛋味;橙汁好配合，雪糕好夾。waffles唔會死實，極體唔錯！😋咖啡正常，拉花正常。喺旺角可以開咁耐，證明都有一定人氣，可以一試。但因為間舖全部落地玻璃，如果出面有人排隊等位，會俾人望住曬🙈有啲尷尬。…查看更多

放假約左好朋友去離島玩，搭船之前食左野先上路啦梗係🤣，我地揀左呢間想試好耐嘅burger。我早到左，見到店員拖緊地，唔想阻住佢地，喺門口等，望向上面，勁多白鴿，仲周圍好多白鴿💩💩，幾驚中頭獎😂😂，好在好快夠鐘店員就叫我入去坐喇！😅😅我叫左個芝士牛肉漢堡+熱溶芝士薯條+士多啤梨奶昔。個包有牛油勁香好好味，成個包好足料好墜手，雖然真係相對有啲油，但又未至於油淋淋，好味。反而個熱溶芝士薯條唔太係我喜歡嘅薯條，加上佢較幼身，我喜歡多質感實在啲嘅🤣。個士多啤梨奶昔就真係似外國飲果啲，唔會好似牡丹樓咁甜又假，配埋個burger食，真係好有喺外國feel，無得去旅行都當自己去左。食完好滿足又開心，雖然相對價錢係貴啲，但間中食啲有水準嘅burger ，覺得係值嘅！🤤題外話：我fd遲左好多，我餓得滯食住先，無影到佢果set😅…查看更多

又同班老死相約食飯，好耐無打麻辣邊爐，見呢間有咁多特式配料，加上係好喜歡嘅麻辣火鍋，貪新鮮就試一試佢。一入到去，佢原來分左兩間舖，我訂左位，佢就叫我去對面坐，咁啱落完大雨，好在行過去唔洗濕身。坐低左，好大冷氣，可能諗住打邊爐啲人會好熱掛，揀左好多野食下，但飲品方面比較遜色，都係得啲罐裝樽裝飲品，如果有啲自家制飲品會加分。因為有一個朋友唔係好食得辣，我地揀左清湯同麻辣小辣湯底，但清湯都有味，仲幾好味，相反個小辣一啲都唔辣，藥材味重，但好淡味，要點豉油辣椒蒜蓉先有味:(係可以一試，多人食會抵啲，人均唔算貴。但飲品同湯底嘅進步空間仲有不少。…查看更多

好耐無食海鮮餐喇，大家都喜歡食海鮮，近近地睇下流浮山有咩飯店好食，上網搵到之前蔡瀾專欄介紹呢間海鮮飯店，仲話幫襯左幾十年，應該都有信心保證掛因為近父親節前後，多人訂枱，要分兩輪，我地揀左第2輪，諗住食得無咁趕。一嚟到老細就安排左個姐姐帶我地去揀海鮮，嘩🤩🤩啲海鮮好靚又生猛，仲要最緊要唔貴囉！我地揀左大紅鬼（海蝦的一種，好大隻，長過手掌）、龍躉、奄仔蟹、鮑魚、瀨尿蝦，仲叫左幾個小菜同出名嘅雞翼同埋蝦膏炒飯（有啲小菜唔記得影相🤣🤣），飽到上心口，又勁滿足😛😛，海鮮好靚，師傅功架非常好，海鮮煮得好好食好彈牙好有鮮味，火候又夠，仲要抵讚係佢會逐碟跟次序上菜，唔會一次過上，攪到啲菜凍曬，慢慢傾住偈一路食都得！6個人每人都係$500，海鮮連加工費，幾個餸，好過去西貢鯉魚門果啲又貴又唔抵食😅。…查看更多

近日要去港島上堂，8點幾放梗係搵下附近有咩好西。喺openrice見到呢間人氣唔錯嘅冰室，特登搭兩個站嚟試下，點知一試停唔到，兩個月嘅課程，8堂嚟左4次，足以證明我有幾鍾意食，仲每次食一樣嘅🤣🤣佢嘅好食之處係佢個全日常餐同一般茶餐廳冰室唔同，雖然近年都有好多特式質素好嘅特餐常餐，但都係算大路嘅，而佢特別之處就有酸辣／麻辣魚湯雞片米線🤤🤤🤤，蔥花炒蛋，丹麥多士😍😍🤤🤤。痴線！呢個組合我真係太鍾意啦，仲要好鬼好味囉！！冰室你唔好期望坐得舒服，但職員都好好服務，會主動幫你調位，後生仔好體貼，呢個加分!雖然我每次都情有獨鍾食佢個常餐，但佢其他野食都好有水準，因為朋友點左其他餐，都話好好味，我見到隔離枱個焗豬飯超靚仔，好大份，果啲甚麼一哥焗豬飯都要行埋一邊，下次會試下佢🤭🤭！…查看更多

同事話想食素又想食cafe，上openrice見到呢間多人推介，加上荃灣有分店，就腳，就嚟試下啦:)。預早左幾日book位，喺whatsapp confirmed左夜晚7：30。嚟到侍應搵唔到我個booking，好在有whatsapp record，即時安排返俾我地坐，用餐時間90分鐘，都真係full曬，見好多人等位。我地兩個人叫左個純素沙律碗、黑松露芝士蕃薯條、麻辣青醬墨西哥pizza、奇異果羽衣甘藍富士蘋果燕麥奶、紅菜頭富士蘋果檸檬燕麥奶，食完勁飽。雖然平時都有間中食開素食，但呢間新派日式素食cafe俾到我好唔一樣嘅感覺，蔬菜新鮮唔在講，整法簡單但食到原味，呢樣好緊要，最怕煮嚟煮去無左蔬菜個鮮味（日本料理就係好著重食物本身嘅原味鮮味👍🏻😊），最正係個麻辣pizza，唔係甚麼四川果啲，佢只係加左花椒油同其他醬，而其他配料火箭菜，菇菇同個pizza底都好好味，各樣簡單嘅配料夾埋一齊，令人一再回味，係會再有下一次嘅衝動！樣樣都好味，整體食物中上有誠意，下次再試其他…查看更多