morrisyuen的个人专页

開頭入去侍應同廚房都好似全部都係泰國人，以為應該D嘢幾好食！點咗所有泰國餐廳最基本嘅兩樣嘢！泰式金邊粉同埋海南雞！金邊粉又濕；係咁意炒埋一碟；真係未食過咁難食嘅金邊粉！但係高潮真係喺條海南雞度！出到嚟一望就知唔會好食得去邊；但係點都估唔到難食過煲老火湯嘅湯渣！更離譜；隻雞根本冇切開；成隻雞髀可以連埋一齊！咬咗一啖根本吞落去；隻雞仲有異味😤非常之唔新鮮！都唔知放咗幾耐！最後即刻埋單走人，根本成餐都冇食過！成隻雞髀根本冇切開，全部連埋一齊都可以比客人食！…查看更多

平時好少見細佬，今日想請佢食飯，諗住請間貴少少，喺沙田新城市見到呢間，諗住會唔差。點知係伏。。不過講真沙田新城市係算多嘢食但冇嘢好食都係真！！平日星期五2pm下午去，餐廳都有人不過唔多。問職員海鮮丼入邊有啲咩，佢好似咩都唔知咁，淨係照返張圖指住有呢個啦有呢個啦，重點都係冇講即係有啲咩。仲要佢係着西裝，不像其他員工一樣着制服，我懷疑是經理。。。但問佢嘢又唔係好答唔出。。最後叫咗滑蛋豚肉飯，海鮮丼，壽司十貫全部都係伏，細佬平時咩都食，佢竟然都話大伏，真心我諗住錫下細佬點知佢都話難食搞到我都唔好意思。唉！1) 滑蛋豚肉飯，細佬話係有腥，岀到黎係暖唔係熱，豚肉勁鞋，又硬。2）海鮮丼，係最貴328，佢話冇海膽，轉左野比我，我問轉左咩佢又答唔出。。我話如果係大拖羅我唔要了。點知真係有大拖羅，睇相都睇到好撚肥。整體質素好一般3）刺身，刺身質素真係好一般，仲要有腥，我有嘔返岀黎。舊飯好散。4)茶碗蒸係餐送嘅，我諗成餐最好食係佢，茶碗蒸咁簡單嘅嘢如果都難食，成間野可以執。細佬仲笑話應該得杯茶係算最好飲。唉細佬真係唔想浪費全部野食晒。。佢呢間野價錢算貴，點知出嚟嘅嘢係難食，完全唔成比例。所以我先想寫評論出嚟。最後呢個係我自己唔鍾意，唔代表其他人嘅，我唔鍾意佢哋職員見到枱面食完一樣就即刻過嚟收，不停過嚟，好chur，我呢期係第五波最嚴重嘅疫情，你不停過嚟，我又擘大個口食緊嘢，我好大壓力，…查看更多

打完拳咁下灣仔區有咩食,bookmark jor 第一次去，其實距離地鐵站係有啲距離近銅鑼灣街市。叫左麻辣牛展木耳刀削麵麻辣堅係好辣,唔食得唔好嘗試。辣到我不停噴鼻涕。我覺得牛展唔係我鍾意食嗰種，佢係一塊塊比較冇質感唔識講。我自己鍾意鞋少少。另外刀削麵好大碗，女仔真係應該會食唔晒，我盡晒力食晒全碗。同埋刀削麵始終都口所以一定好飽肚，今晚應該不吃晚餐了，如果佢可以少麵減錢，好似譚仔咁就正。四點幾去餐廳一個人都冇慢慢食，店員態度服務超好，埋單時才發現原來有九折下午茶價！咁大碗其實抵食。…查看更多

男友岀手揾到大埔扒房，第一次去walk in食白果。原來基本上walk in都9成無位。所以佢叫我地上fb ig book位。只可book 2個時段，6-8pm /8:15-10:15pm有事所以我地7點才到，店員也很好比我們就坐。Watermelon salad with sous vide shor 好開胃，配搭得好。如果係entree就正Dick leg confit 都ok 可以再叫Us Omaha prime hanger steak $331 一塊大約240-250g，不在menu内。都ok ar 肉質正，但失敗在明顯resting太耐，凍了，我們叫medium, 岀來的是medium rare，不過也能接受的。配上2個side dish大啡茹，sautéed spinach。Side dish好好食！所以再叫多個spinach $25唔夠食再叫fat belly burger我自己覺得好食，包又有煎過。男友都話ok但牛煎得不夠香。薯片明顯好手工切，塊塊都唔同，好香好正好食！Crewe brûlée 男友至愛，如果餐廳有，佢通常都叫，食過咁多，呢間算中上，佢like價錢又不貴店員全部好有禮貌，好好！餐廳不收加一，少有！…查看更多

喺大埔睇咗幾間食乜好，一係好full一係感覺麻麻，行行吓見到呢間同隔離德美，上網睇咗相比較之下揀咗御和亭。2個人全日冇食過嘢好餓，叫左9樣野，隔離兩枱男人嚇咗雜菜魚湯稻庭烏冬因為叫咗好多嘢，食呢個嘅時候已經好飽，加上原來好大碗，但係啲烏冬好似河粉，我自己唔鍾意食呢種，盡食咗少少就停了。燒自家製鰻魚好食！呢個真係新鮮！好爽，不過小心好多骨。鹽燒牛舌我最鍾意食燒牛舌，呢度真係算幾厚又大塊，佢仲配埋芥茉醬俾你好好食。出邊嗰啲細細塊完全唔掂。牛油果軟殼蟹卷又係好好食，牛油果又好滑，軟殼蟹要整得好食唔易，呢到做到幾好炙熱帶子壽司，炙熱左口邊壽司，炙熱油甘魚壽司好食！我係最中意炙熱，佢又夠香又唔腥。鰻魚壽司正！夠肥美廚師發板六款全部都好大件好厚好新鮮！但係師傅切得好厚，咁樣好難食到，之後叫佢可唔可以切返薄啲佢又話做唔到只可以切細舊d。。。不如你比把刀我自己切蟹肉櫻花蝦茶碗蒸都ok中規中矩，但係佢最底有粉絲我哋唔鍾意。總括都好有驚喜入去呢間食，刺身壽司嗰啲好新鮮，服務態度幾好，出菜好快，有四廚師，不過無戴帽，衛生程度就有點兒。。。…查看更多

又係bookmark jor！終於去我一直都好鍾意大坑，感覺好多小店美食，係有d遠。我本身以為會好多人，所以叫朋友去排隊攞位先，點知1點去到，朋友話佢係第一枱客，之後再有多一枱，我哋全程食都冇再有新客人入。。完全勁驚訝。。。成餐包場lunch😃佢首先係送餐包配黑松露牛油，好好食!!另外想再要的話一塊$30。沒有水提供，水要另外收費。朋友叫了peach jelly soda ,我自己本身唔鍾意飲甜野我，覺得好糖漿味，自己唔鍾意。之後吃Hokkaido squid salsa，魷魚有燒過好食。fig &parma ham salad 無花果配沙律好好食，佢無好多芝士碎，我唔鍾意放得太過量。Sea urchin pasta ，朋友鍾意食，我自己覺得有啲制，好多cream。反而我鍾意食明太子pasta,我本來就鍾意食明太子。同埋佢啲意粉係手工制，食落較粗身好似食緊炒烏冬嘅感覺。會飽夠大碟，但同時價錢都高。Tiramisu 好大件，真係叫一件就夠了！！主要分布係cream好多，主要食cream,朋友鍾意，我就一般，我中意食tiramisu 但唔中意咁樣。總括主要大部分都好食，但價錢算貴所以我估lunch冇太多人來食，而且佢冇set lunch，任何嘢都要額外俾錢例如水。…查看更多

Bookmark 左，今日喺銅鑼灣就同朋友去試吓。叫左擔擔面，小籠包，麻婆豆腐，京燒羊腩，紅油抄手。下午兩點去，不用排隊，出餐好快。羊腩外皮係香脆，羊腩肉好滑。小籠包正常發揮，但已經比好多出邊好食，佢個皮厚度係正常，唔似有啲個皮好厚。我第一次喺出邊叫麻婆豆腐，好好食，送飯係一流。擔擔面真係比出邊好多都好食，有啲辣我鍾意，兩個人分一碗唔夠喉。2個人坐卡位好闊落，舒服全部都好好食，無一樣係唔得！全部清晒！希望下次再帶其他朋友去都保持一樣水準！…查看更多