金滿庭京川滬菜館 (時代廣場)

Bookmark 左，今日喺銅鑼灣就同朋友去試吓。
叫左擔擔面，小籠包，麻婆豆腐，京燒羊腩，紅油抄手。
下午兩點去，不用排隊，出餐好快。

羊腩外皮係香脆，羊腩肉好滑。
小籠包正常發揮，但已經比好多出邊好食，佢個皮厚度係正常，唔似有啲個皮好厚。
我第一次喺出邊叫麻婆豆腐，好好食，送飯係一流。
擔擔面真係比出邊好多都好食，有啲辣我鍾意，兩個人分一碗唔夠喉。
2個人坐卡位好闊落，舒服
全部都好好食，無一樣係唔得！全部清晒！希望下次再帶其他朋友去都保持一樣水準！