大角咀首席食神的个人专页

限聚令前想食好啲但係周圍都好多人一直想試呢間阿爺八鮮鍋好耐 平時book位次次最後都有事食唔到今次行入去竟然仲有空位！正！一開始會有一個鮑魚燉湯 再加一個鮑魚鵝掌冬菇拼盤 個湯真係好好飲 啲鮑魚亦都好淰 仲要有個細火加住熱 超正！之後就到刺身拼盤食完之後仲有個龍蝦沙律然後又有雞煲打邊爐仲要送個海鮮拼盤 係有一隻完整龍蝦㗎！然後打邊爐可以任叫鮑魚龍蝦帶子！仲有手切牛小排同封門柳真係超級飽超滿足！特別推介佢個沙嗲湯底！…查看更多

原本見佢好多廣告 呢排又肺炎諗住健健康康 飲個燉湯 知佢網上俾人攻擊 已經唔計政治立場 比次機會佢 始終佢啲電視劇都幾好睇點知失望到冇得再失望...成件事真係得啖笑行到入去 見到燉湯有好多款選擇 第一次試 就當然係試最貴最出名嗰個 澳洲青邊鮑魚花膠螺頭$88...貴就真係貴咗少少 但係原本諗住飲個好飲嘅燉湯都叫滿足由於肺炎肆虐關係 叫咗做外賣返屋企飲一打開個燉湯 當然係搵下鮑魚花膠螺頭啦個湯就得一碗 但我真係搵咗5分鐘 都搵唔到塊花膠去咗邊螺頭又唔見 淨係見到一大堆豬肉瘦肉同埋兩粒龍眼肉 搵到第10分鐘 終於比我見到粒鮑魚 細過我隻手指尾個手指頭 心諗 一定係用晒嚟煲湯搞到縮水啦好 咁我就開始飲佢個湯咦 例湯嚟嘅？咪就係平時食叉雞飯送嗰啲青紅蘿蔔湯？再諗返$88...心諗真係冇下次...今次就當我係無知啦都係靠你啲fans同埋政治支持者送錢你洗啦:(…查看更多

去的時候已經變返普通自助餐選擇少到想像唔到 生蠔冇 蜆冇 大部份海產都冇 龍蝦只係每人得壹隻 一般中式小菜全部都冇 我估全場選擇加埋冇20款刺身先真係誇張到冇人有 連最基本三文魚都冇 件油甘魚 竟然有骨！我原本以為淨係我嗰塊有 自己唔好彩 點知我女朋友食都有！真係件件有骨 無一倖偭 真係咁大個仔食刺身未食過有骨嘅 爭鮮都唔會咁啦海產 啲蟹腳勁鹹 直情係苦 青口係垃圾質素 佢每人得壹隻嘅龍蝦 坦白講好唔新鮮 都真係幾難食 我自己叫咗清蒸同蒜蓉蒸好啦 本身隻龍蝦難食 咁食下佢每人送一碗嘅酥皮龍蝦湯 真係冇諗過感覺好似苦茶一樣嘅湯 竟然夠膽拎俾人飲 茶餐廳我估都唔夠膽 除非想執笠甜品係稍為好少少 個雪糕唔錯 所以個自助餐由六點開始 七點全場真係已經開始攞甜品 你以為我講得好誇張 我去到見到個食物質素感覺到仲誇張 好失望 …查看更多

而家古早味蛋糕開到周圍都係 原本大部分都好好食 要排隊先有得食 但係最近就間間都好普通 試左呢間的芝士味蛋糕 有種突圍而出的感覺！下面有好多芝士 的確係喜出望外 本身味道亦唔錯！唔錯！…查看更多