諗住健健康康 飲個燉湯
知佢網上俾人攻擊 已經唔計政治立場 比次機會佢 始終佢啲電視劇都幾好睇
點知失望到冇得再失望...成件事真係得啖笑
行到入去 見到燉湯有好多款選擇
第一次試 就當然係試最貴最出名嗰個 澳洲青邊鮑魚花膠螺頭
$88...貴就真係貴咗少少 但係原本諗住飲個好飲嘅燉湯都叫滿足
由於肺炎肆虐關係 叫咗做外賣返屋企飲
一打開個燉湯 當然係搵下鮑魚花膠螺頭啦
個湯就得一碗 但我真係搵咗5分鐘 都搵唔到塊花膠去咗邊螺頭又唔見 淨係見到一大堆豬肉瘦肉同埋兩粒龍眼肉
搵到第10分鐘 終於比我見到粒鮑魚 細過我隻手指尾個手指頭 心諗 一定係用晒嚟煲湯搞到縮水啦
好 咁我就開始飲佢個湯
咦 例湯嚟嘅？咪就係平時食叉雞飯送嗰啲青紅蘿蔔湯？
再諗返$88...
心諗真係冇下次...今次就當我係無知啦
都係靠你啲fans同埋政治支持者送錢你洗啦
2
