HolidayFoodish的个人专页

上環新開飯團店，飲品有85折優惠。門口有個打卡位，充滿少女心的等待期間可以消磨時間。飯團即叫即製。單點了八爪魚飯團。飯底較濕，要煲一煲剛剛好唔爛唔乾的飯真係好難。不意外地幾粒八爪魚只出現於頭尾兩端, 飯團中間是沒有八爪魚粒餡料的。餡料加入大量沙律醬調味，好難唔好食。但亦只有沙律醬味。中間的脆脆捨棄了傳統的油炸鬼，油膩感減低。可惜，滿口只食到沙律醬。台灣的飯團即叫即包，熱到辣手。香港見到店員放入微波爐加熱。攞上手是微暖的。…查看更多

趕上冬天的尾巴雄記平曰唔開夜晚。要撞啱放假或星期六日先去到。終於食到了👍🏼個糯米飯粒粒分明，臘腸潤腸味濃郁。本身個飯啲臘腸粒潤腸粒好多，淡淡充滿油香，唔加錢加多條腸都得。兩個人分都絕對夠食夠飽。煎蝦米腸外賣返去就一定唔夠堂食出色，脆底無了。但絕對唔會油琳琳。仲有個綠豆沙唔記得影。煲到起晒沙又唔會太甜。同路人。對食物有要求。太正了。#好食過灣仔米芝蓮大排檔做到搬入鋪嗰間好多倍😆 #你知唔知灣仔嗰間個綠豆沙，我曾經比$20買一碗無綠豆只有糖水的綠豆沙。佢咁都可以賣比人先係好嘢。…查看更多

遠在GoodGood未有實體文青cafe時，已經幫襯過佢哋買homemade 椒麻麵 Pancake 粉Granola. 當時感覺係單價高少少，但都願意試下支持下。小店人手做嘛，係貴d。食過Good Good cafe 數次，每次都係單人去，非繁忙時間去，就算不是滿座，亦只會被安排面壁bar 枱，不可以自由選擇坐雙人枱。文青cafe 通常標榜坐得舒服又chill的感覺，卻有限用餐時間75分鐘。店面主打日式輕食+素食+自家製家庭味，係不同日子試過以下餐點甜品：茶漬飯菇菇滑蛋飯菠蘿的海首先我想講下最近試嘅『菠蘿的海』甜品。個presentation靚，combination 配搭得宜。可能台灣金鑽鳳梨當造期已過，用了其他產地的菠蘿，可惜塊燒菠蘿唔係酸，唔係甜，唔香，係直頭無味。係一塊貌似菠蘿有菠蘿纖維但無味的食材。或者甜品部每日出餐之前可以試下個菠蘿質素先。我甚至覺得你用罐頭菠蘿片仲好食過呢塊。個菠蘿味sorbet 清新，但個份量係 7－11杯裝雪糕的一半。 全部人手製嘛，唔係買現成貨，係貴d。另外，防疫期間，唔太適合將甜品匙羹直接放枱面。GoodGood 餐點的份量普遍偏少，男仕及肚餓少少的女仕可能都會覺得唔夠食。而且唔知點解熱食d食物溫度永遠只係微熱或暖。個菇菇滑蛋飯，味係好的。餐具亦睇得出唔係ikea，係有心source d精緻餐具。個飯溫度係again 微熱甚至係暖，好似係廚房放咗一陣先攞上嚟。個菇菇滑蛋，極其量用上2隻日本蛋，幾條金菇，4分1洋蔥及1件雞脾菇。配菜每樣少少，約一湯匙的份量，味係好的，一個餐$108, 食物成本佔比應該極低。全部人手製嘛，唔係買現成貨，又係港島區，係貴d。個人喜好，任何有湯的餐點最怕就係唔夠熱。茶漬飯，again，係微熱，攪拌一下幾分鐘後就變涼。唔知個茶漬湯係唔係開粉， 如果全部人手製，唔係買現成貨，又係港島區，係貴d。一個餐108， 甜品48－68，要加一。當日餐廳只係7成滿，最多10個客，目測有5個職員，但唔知點解好似好忙。究竟係菜式工序繁多複雜，定係效率問題？百貨應百客，值吾值得去就見仁見智。我去了幾次，都無法大大力推薦。…查看更多

銅鑼灣廣場二期6樓，同一層有西式扒房，日本菜及泰國菜, 用同一個reception，應該係同一集團營運。今次試下Mini Friday, 餐廳面積寬敞，座位闊落，坐得幾舒服。兩個人，餐廳員工都願意安排卡位俾我哋！卡位大，就算坐上四人亦都不覺迫夾。餐牌精簡，啱晒選擇困難症的我。叫咗兩個dinner set，一個BBQ Ribs，一個和豚肉眼。個粟米餐湯係用新鮮粟米製成，沒有加入大量奶油，鍾意creamy濃湯的可能會覺得少咁d嘢。 粟米湯啖啖粟米蓉，清甜。沙律dressing清新，配上柚子味粒粒爆珠。和豚肉眼先上。熱辣辣上碟，伴以薯蓉。無向員工確認，但薯蓉應該加入黑松露, 味道突出。薯蓉亦保留少量薯粒增加質感。同樣地，鍾意滑滑creamy奶油薯蓉的人又可能會覺得少咁d嘢。真係咸魚白菜各有所愛。肉眼出色，應該係以慢煮嘅方式煮到啱啱好，再炭燒外層增加風味。肉質完全唔韌。Ribs 則難以失手。欣賞個BBQ 汁不會過甜。而且上枱嘅時候熱到出煙，即整即上，沒有在廚房閑置多1秒。同行友人加多一蚊食甜品。個芝士芒果餅不太甜，蛋糕餅底，細細件作為一個完美嘅總結。疫情後，重視餐廳衛生，Mini Friday 乾淨整潔，通風系統開到足保持空氣流通，怕凍的記得帶多件衫。…查看更多

參觀完一級歷史建築雷生春堂，走去對面一間魚蛋粉醫肚。廣東人四大名物，粥粉麵飯，真係各有特色，各有所好。食厭西餐時，我就會來一碗魚蛋粉雲吞麵牛腩河，真正平靚正。田記都幾光猛，疫情期間衛生措施做得不錯。一入門口抬頭就見到超巨型電視。最神奇係傳統粉麵店居然會join 外賣app！與時並進. 點了牛三寶河粉，加$8蚊生菜全走，以及嘴饞眼闊肚窄地點多一碟自家製炸魚皮。先講碗粉，好大碗，河粉有米香不會溶溶爛爛，貨源水準不錯。崩沙腩正，腩肉連着薄膜，爽軟不硬，口感豐富。牛筋諗又入味，蘊含豐富膠質。金錢肚都爽口。九龍區食飯真係化算，牛三寶河粉只需要$43， 港島普通一碗魚蛋粉都接近$40，牛腩粉則動員50，60蚊。炸魚皮較厚身，香酥脆，亦不會過鹹。因為食唔晒，打包咗返屋企。呢隻魚皮用來打邊爐真係一流！門口見到有售火鍋料，下次想試下魚片頭同雲吞。…查看更多

地方整潔，企理，位置方便，但食物普通。點了麻油雞鍋，不是雞片，是雞條，亦只有數條。配料平平無奇，丸類如魚丸，豬肉丸，全部只有一粒。一片鳴門卷，薄又淋。娃娃菜，金菇，豆腐，冬菇，每樣少少。米血糕失了蹤，但我冇向職員了解點解冇米血糕。份量的話男士可能唔夠食。湯底來說，不要期望太高。真係好一般。一般到好似即食包開水，但又應該無味精，最少食完無需要灌水。比超過100蚊， 重要加一，食價值幾毫子一粒的丸類，幾條雞絲，少少菜，其實係有其他更好的選擇。雖然不能直接比較，但個人寧願揀譚仔三哥或者雲吞麵魚蛋粉。譚仔三哥的新出的水煮湯底，或者煳辣湯底都好過呢個 麻油雞湯底，反正都係食差不多的食物。朋友點的胡椒豚骨我就無試過。真係好普通。…查看更多

偷懶唔想煮，又想食無味精住家飯就要落街去閨家買外賣。點了麻辣雞腎及涼拌海蜇手撕雞2個小食，1個鰻魚炒飯（送細湯），另外加多1個大湯，2個人食剛剛好。星期日老火湯係雪梨麥冬百合紅蘿蔔煲豬展。唔駛自己煲幾個鐘都飲到一碗住家湯，落足料煲無味精，冬天來一碗十分滋養潤喉。飲湯當飯都得。日式鰻魚炒飯鋪滿鰻魚粒，炒得乾身，少油。麻辣雞腎爽口有嚼勁，辣度係bbbbbb辣，小朋友都食得。涼拌海蜇手撕雞似麻醬伴雞，無雞皮，雞肉嫰但海蜇較幼。店員配合我用自己的餐盒，亦可免去外賣加$1. 錢事少，背後意義大。買外賣求的是方便，但為了堅持環保，一係堂食，一係自己煮，一係盡量帶餐盒。係麻煩架，食完又要洗。自抗逆以來，外賣數量急增，連帶用的膠盒數量幾何級數上升，對地球的傷害是無可挽救。其實太熱的食物放入膠盒都會釋出塑化劑，對身體有害，簡稱食膠。無可避免用膠盒時，都會清潔完拎去可信的回收商回收。…查看更多

和牛丼及和牛沾麵知道此店客似雲來，店面不大只有十來個座位，所以同朋友兩個人就決定先到先攞位，可惜店員話要人齊才可入座。我到後，前面一行四人仲差一個人未到，話黎緊黎緊, 店員居然比佢哋先入座，咁都冇問題，因為見到近窗口仲有兩個位。殊不知之後同我哋講已經滿座，叫我哋再等多20分鐘。我問點解有兩個空位唔坐得人，店員答因為其中一張凳要比第二間餐廳用，所以其實只有一個位。咁我又再問點解前面未到齊又俾佢哋入左先？我哋比佢哋先齊人又要等多20分鐘？表達完意見後，店員就安排果兩個空位俾我哋坐。直到我哋食完埋單，所謂keep起嗰張櫈從來冇拎去第二間餐廳用。雖然我哋唔係食千幾蚊一餐，但收得中上價錢一碗麵，安排可以好少少. 講返食物質素，根本就以本傷人，食材質素高，手殘都會煮得好食。丼飯材料只有白飯，和牛幾塊，同一隻生雞蛋。雖然冇問，但生雞蛋應該係用蘭王?! 份量偏細，男士可能要食兩碗。和牛油脂多，食到最後都有啲膩。沾麵都不錯，沾汁夠熱，麵條彈牙掛汁。…查看更多

LG Taproom 堅尼地城位於港島嘅最西面，地鐵開通之後方便許多。C出口對面街食肆林立, 愛好小店的我就去左LG Taproom. 平日lunch menu幾抵，望見隔離枱碟意粉份量都大。外賣自取仲有八折。枱櫃桶有圍巾，有需要可以取用。決定試澳洲rib eye 石上燒牛扒套餐。套餐嘅配菜沙律薯角先上. Sidedish 都大份，薯角係現叫現炸。沙律用上我至愛的黑醋汁，酸香清爽。牛扒上枱排場霸氣，燒得火紅的石板，備有香草鹽，自家製紅酒牛肉汁，以及蒜油。廚師會將塊扒煎到3成熟先以蒜油抹上石板, 煎多幾下，再rest 幾十秒，塊扒質素水準高，不加任何調味都好夠味。亦試過連同蒜頭一齊食，試下！有一舊唔小心點得太多鹽，鹹咗少少。枱角有QR code掃一掃就可以俾錢，實行無接觸支付水吧哥哥一腳踢，辛苦晒…查看更多

政府限制食肆人數之下，光顧荃灣石燒牛扒=牛県=的食客依然人流不斷， 6點一開門可供入座的枱已經坐滿。餐牌分石燒牛及小食兩大類, 午市亦有少量炒飯可供外賣. 五款常備美國熟成靚牛, 不同部位, 不同gram份量, 契合不同人的口味要求. 經過店員細心講解, 我們選擇了小牛柳及牛側腹.牛扒會係廚房先煎封肉汁至一成熟, 上菜速度很快, 牛排平躺在燒得火紅的岩石板上, 發出滋滋聲, 香味四溢. 外熟內生，自己邊食邊切件，控制生熟程度. 小牛柳肉質冧身帶油香, 肉味濃，牛側腹扒則油脂較多. 配上店家自制的紅酒汁或青醬, 層次及味道都會得到提升. 兩款醬汁都帶微酸. 加$30就有五選三套餐, 我哋一個叫咗飯+薯條, 一個叫湯+沙律, 再每人一杯嘢飲. 店面不大,自動自覺食完起身交枱, 記得一定要著圍裙啊. …查看更多

HeSheEat疫情持續下要適當保持社交距離, 聚餐event一律歸零,日日煮三餐煮到技窮, 外賣是一個當然選擇. 見HeSheEat 外賣自取$滿100有8折優惠，真的好划算，晚餐係你啦！係銅鑼灣住或返工的人一定不能錯過。甜品以外，亦有很多熱食選擇，一貫文青cafe西餐輕食. 兩人叫了牛油果煙三文魚蛋沙律牛角包伴沙律菜及香辣墨魚汁意粉。天時暑熱，加多杯燕麥奶昔！牛角包雖然是批發貨, 但質素不俗. 外賣回家後仲用焗爐焗一焗, 散發輕微牛油香. 內涵份量好闊綽, 碎蛋沙律滿瀉, 加上半隻牛油果, 好飽.食香辣墨魚汁意粉記住唔好着白色衫。一打開外賣盒立即聞到陣陣蒜香飄來，意粉帶回家亦未有糊掉，配上鹽煎新鮮墨魚，香口不過火，鮮脆爽口。近月多次買外賣，有時自備餐盒，但手邊沒有的時候亦是用一次性外賣盒。現正物色輕便可折疊外賣盒／外賣袋，支持環保。…查看更多

多味精津津一日去到堅尼地城，辦理私事到下午，成日冇粒米落肚，極度肚餓。堅城好多嘢食，為已發展舊區。選擇多，唔似大商場全部都係連鎖店。但地鐵開咗後已經好多好嘢無做。因為唔熟地頭，就隨便衝入街坊小店醫肚。疫情期間，店內特定幾張枱貼了不准使用，但店員無理會照叫客人入座。枱與枱之間不夠1.5米，衛生防疫措施麻麻。叫咗碗火車頭，大碗飽肚，配料有牛丸、牛肉片、牛脷、牛腩及牛筋。件牛腩勁大血水味，茹毛飲血般。食完好口渴，好多味精。應該唔會再去。…查看更多

星期六的中午，終於book到枱食Involtini，座無虛席，無訂枱真係唔好期望walkin有位。要多謝各界經youtube宣傳告急，呢段時間認識了不同的餐廳食店！亦高興有朋友樂意一齊試新餐廳。Involtini的homemade pasta有幾高質毋須多講。龍蝦手工意大利麵是必須要點的。麵質食落似日本蕎麥麵，煙靭掛汁。南瓜BB菠菜意大利飯creamy。所用的食材新鮮不在話下，廚師手藝亦呈現出最好的口味。唯一係份量略少，男女都唔太夠食。價錢以銅鑼灣價位來看較高，但對比中環其實還好。以質素論則是超值。絕對可以encore再encore，仲有carbonara ，紅蝦麵未嘗。。。能做到的不多，唯有身體力行支持，平的貴的都支持。…查看更多

去北角睇完電器後醫肚.閨家係北角舊區之中鶴立雞群，少女味濃的裝潢十分eye catchy. 特別鍾愛呢種擺設。下午茶好抵食, 40大元有一碗house made 手工麵。我揀了不常見的甘荀麵(另一少女味濃的紫薯麵售罄, 要再返來試)。上菜後店員特別提醒要趁新鮮熱吃，浸太耐會糊. 甘荀麵沒有搶眼的鮮豔色彩，代表沒有添加任何化學物，非常好。吃下去有淡淡的胡蘿蔔甜味。手工麵有10款配菜供選擇, 下午茶餐則有6款。蓮藕餅煎得金黃，啖啖肉, 粒粒蓮藕，絕不是開粉！注意手工麵不設外賣，如果店內可以販售麵餅外賣打邊爐就好了。湯list 剛剛更新，$28大元大盅老火湯，湯就係要大大碗嘛！合掌瓜南北杏清熱潤肺, 極度適合而家。同家的感覺一樣，大大碗，足料無味精。飲到一碗好的湯條氣立即順矖~…查看更多

金記千萬不要叫麻婆豆腐肉碎不是絞肉，9成以上為肥豬肉，更甚似餸頭餸尾等剩餘物資用來煮。辣味毫無層次，獻汁生粉水，只有辣味無其他味, 調味做得差, 連現成豆辦醬都唔落, 只落辣椒+豉油. 豆腐用盒裝豆腐, 慶幸係維持完整豆腐狀態, 無爛. 但成碟完全唔好食. …查看更多