蜜蜂小王子的个人专页

2023年10月14日今日爬完龍舟，要食返餐豐富d 補充體力。今晚黎試吓萬麗海景酒店自助餐，用餐時間係晚上1830至2130 。今次主題係青口，有即整青口鍋，有三款不同口味，包括意式蕃茄、荷蘭傳統、泰式咖喱。我食咗蕃茄和荷蘭味，廚師非常用心製作，青口好新鮮、鮮嫩。另外沙律方面亦都有青口海鮮沙律。除咗青口，仲有多款凍海鮮選擇，包括：凍波士頓龍蝦，好多膏好好味。麵包蟹、蟹腳、帶子、蝦⋯⋯必食推介當然係蒸波士頓龍蝦，即叫即蒸，好新鮮、好彈牙，仲好多膏。環球風味熱葷，就有蝦餃、蒸魚、炸雞、羊扒⋯⋯而甜品方面，最吸引就係十二款口味XTC意式雪糕，有港式奶茶味、抹茶、咖啡、朱古力、雲呢拿、芒果、士多啤梨、海鹽焦糖⋯⋯加埋窩夫一齊食就更加好味。整體來講全部都好好食，而且服務質素好好，店員收碟速度快、有效率、最重要係有禮貌！…查看更多

上次黎仲未有返晚市堂食，上次買燉鮮奶、燉蛋、紫薯燉鮮奶外賣返屋企，今次終於有機會喺度食。今期午市套餐有B1 :叉燒炒滑蛋飯，B2 :蒜香醬雞扒飯 ，C1 : 咖喱牛腩撈出前一丁，C2:芥茉魚柳漢堡配沙律，D1:原條鰻魚滑蛋飯，總共五款選擇。今次揀左蒜香醬雞扒飯$58，塊雞扒好大、即叫即炸，新鮮熱辣。另外叫咗叉燒炒滑蛋飯$58，叉燒半肥瘦適中，雞蛋炒得好香滑，好出色。所有店員都好有禮貌。期待下次再試其他款嘅美食。…查看更多

曾經睇過YouTube 有人介紹呢間金鷺湖，呢度環境舒適，地方大，枱與枱之間有足夠空間，職員個個都很有禮貌，主動執枱。餐牌上只有十八款點心，另外都有炒粉麵。價錢方面唔算經濟，但係食物質素方面達到酒店級水準，絕對物有所值。當日叫咗八款點心，有玫瑰金蝦餃$78 （三件）、流心鵪鶉蛋燒賣（三件）$78、竹炭叉燒餐包（三件）$62、脆脆鮮蝦紅米腸$78 、鹹水角啤梨仔（三件）$58 、田園蘿蔔絲酥（三件）$78、酸菜鱈魚春卷$78 、雙色馬拉糕$58 。 鵪鶉蛋燒賣幾特別，要咬開先見到鵪鶉蛋，仲要係有流心效果。酸菜鱈魚春卷都比較罕見，幾好味。基本上所有點心都好有水準，賣相吸引。想體驗下值唔值得過嚟食，就要預先在網上訂位。…查看更多

今日專誠去燉湯專門店飲湯，今日揀左火瞳干貝花膠濃湯$65和冬菇滑雞蒸飯$27，最喜歡食呢度的蒸雞飯，d雞無皮又無骨，啖啖肉，平時食雞最怕咬到d碎骨，呢度就可以食得好安心。呢碗花膠湯好濃郁，好好味。雖然個蒸雞飯份量唔算大，但係$27真係好抵食，經濟實惠，價錢親民。飲埋湯就夠飽。餐廳裝修整潔，乾淨企理。E加仲推出好多款即食餸包方便大家買返屋企，有蘿蔔牛腩、瑞士汁雞髀、玫瑰頭抽雞翼、南乳冬菇豬手、魚香茄子、紅酒牛腩、咖哩薯仔雞⋯⋯…查看更多

網紅冰室位於佐敦薈附近，好容易搵到。原來餐廳舊址係義順牛奶公司。今日專誠去網紅冰室買外賣，聽講呢度嘅燉蛋好出名，所以就去買返屋企食。我買咗三款不同味道，一個係燉雞蛋$30、一個紫薯燉鮮奶$38、一個薑汁燉鮮奶$38 ，外賣加$2。返到屋企之後再叮翻熱嚟食，但係都冇影響食物質素，好香好滑好好味，三款都各有特色，色香味俱全，食過返尋味。餐廳所有店員都很有禮貌，等外賣期間仲有幸見到華記！下次會試吓過嚟食早餐。…查看更多

2022年1月7日 由於變種病毒omicron近日在香港爆發，政府收緊防疫措施，在2022年1月7號起，再次實施食肆在1800後禁堂食，為期十四日。另外，所有體育場所都要關閉十四日。今日係實施的第一日，我哋選擇喺潮庭買外賣返屋企食，在餐廳門口見到呢張外賣紙就比佢吸引到，呢個抵食外賣四人套餐$498 ，有一款主菜丶湯丶飯或麵，同埋兩款小菜。我地選擇左要芝士牛油焗大蝦伊麵，蝦夠大隻又新鮮。湯就揀咗海皇紅燒仿翅，材料好豐富，份量多。欖菜肉碎炒飯，好好味。最後兩款小菜揀咗脆皮炸子雞和蠔皇牛肉炒芥蘭，基本上所有菜式都好味，而且份量足，好抵食。無得堂食，唯有乖乖地忍耐下，等到疫情受控先可以恢復堂食。…查看更多

2021年12月25日 今年聖誕節選擇左在Mirage 享受聖誕大餐，今年推出期間限定聖誕套餐「MIRAGE 夢幻佳節醉人晚宴」， 有頭盤丶湯丶主菜丶甜品，及一杯氣泡酒。主菜係三選一，適合一些有選擇困難的人。頭盤係海鮮拼盤，有加拿大龍蝦丶法國生蠔丶菲律賓蜆。龍蝦唔算大隻，但係勝在有膏，生蠔和蜆肉好新鮮，湯就係牛肝菌忌廉湯，好香濃好好味。主菜方面有聖誕節一定見到嘅火雞，烤焗火雞胸伴火雞腿丸子，不過我哋無揀火雞。我哋選擇左澳洲和牛牛肩扒 和 松露配日本蘑菇意大利飯，牛扒一如以往咁好味，肉質鮮嫩。意大利飯陣陣松露味，最後到甜品，就係白朱古力雪球，造型好靚好吸引，雪球外滿佈椰絲，切開裡面係雜莓醬，唔太甜好味。對於今次聖誕大餐非常滿意，而且每位職員都好有禮貌丶親切，服務態度很好，雖然節日比較忙碌，但係保持專業服務態度。特別多謝Edward 和 Yan ，佢哋服務貼心。…查看更多

2022年1月1日 The Ritz-Carlton 再度同Steiff 合作，推出「Steiff 小熊節慶下午茶」，呢個Afternoon Tea set 三層架都係熊仔造形，提起一隻腳，好似做運動咁，相當有趣。底層係擺放4款鹹點，醃鯡魚·馬鈴薯及黑麥麵包配芥末子醬丶經典雞蛋沙律及法蘭克福香草醬配黑麥三文治丶黑森林火腿，煙火雞及醃紅捲心菜配迷你芝上麵包丶龍蝦配香草配肉桂忌廉撻。頂層位置就係德國芝士蛋糕，中間果層係焦糖朱古力配香草栗子樹形蛋糕丶烤蘋果醬配肉桂丁香撻，下層就係榛子及紅醋栗忌康迷你小餅丶黑森林杯。另外仲有原味鬆餅及紅莓鬆餅配果醬及奶油忌廉。當中黑森林杯和芝士蛋糕有酒成份。所有鹹甜點都好好味，好精緻。睇得出德國籍行政總廚Peter Find 花盡心思，設計出這些聖誕造型甜品。大堂酒廊位於102樓，景觀好開陽，坐喺咁高嘅地方食嘢，就好似搭緊飛機一樣，高處望住維港景色，別有一番風味。最後要特別多謝兩位職員Liz 和Lincoln，服務態度非常好，同埋好細心，安排一個比較好的位置給我們。…查看更多

2021年12月26日 今日專誠去荃灣試吓呢間點心店「鋿晶館」，聽講係前得獎大師傅現場炮製，點心款式都幾多，除咗有各種點心，仲有蒸飯丶燉湯丶甜品。餐廳環境整潔丶乾淨企理，店員服務態度好，當日點左八款點心，有脆炸北海道牛奶丶薑汁雙皮奶丶脆皮蝦多士丶蒜香蝦春卷丶蝦腸丶月半彎晶瑩鮮蝦餃丶鮮蝦豆苗餃丶上湯鮮竹卷。個人認為脆皮蝦多士唔係太好食，好油膩，有d後悔。其他點心全部都新鮮熱辣，好好味。期待下次再試其他款式點心。逢星期一至五，下午茶時段（1400-1630）有85折優惠。…查看更多

尖沙咀星光行翠園原來於1971年創立，現在翠園的分店已經遍佈港九新界，翠園的食物丶服務質素有保證，多年來都保持到水準。為慶祝星光行翠園分店開業五十年，推出不同優惠，優惠只限於星光行分店，包括：北京樓丶翠園丶潮庭。星光行翠園推出逢星期一至五，晚市主餐牌可享半價優惠。而北京樓就推出十六款美食可享半價優惠，當中有必食嘅北京填鴨原價＄460 半價只需$230丶北京宮爆大蝦球，原價$250 半價只需$125。潮庭都有十六款美食可享半價優惠，其中有鹵水鵝片，鵝片相當入味，鵝片大塊又大碟，好抵食，原價$168半價只需$84。來潮庭點少得食潮洲家鄉煎蠔烙，原價$136 半價只需$68，大大件，好抵食，又足料。紅炆班頭腩，原價$268 半價後$134，班頭腩比較多骨，食果陣要特別小心，呢個餸都好多油。另外仲叫左半隻炸子雞，雞好滑，皮脆肉嫩。如果坐窗口位可以望到鐘樓景色，半價優惠只係做到2021年7月2號。…查看更多

星期日喺康怡廣場，原本想去Aeon food court 食晚餐，但係實在太難搵位，行下行下黎左呢間越南餐廳「品越」，由於我地人數比較多，要分枱坐，等左一陣間先安排入座。今次叫左好多款野食，品越火車頭湯河$88，好大碗丶幾抵食，好足料，有牛展丶牛丸丶生牛肉⋯⋯。香芒軟殻蟹米紙卷$78 ，有6件，幾好味。軟殼蟹柚子沙律$98 ，大大碟，軟殼蟹炸得好香脆。春卷$52，一般。馬拉盞炒通菜$72 ，好入味。蝦醬炒飯$98 ，好大碟。飲品整得出奇。服務態度幾好。…查看更多

第一次黎到新蒲崗呢個Mikiki商場，最近睇YouTube 介紹呢間「山梨花野」餐廳，餐廳位於一田超市附近，係一間日式素食餐廳。最多人食嘅就係富士山造型嘅碟豆花飯，配唔同嘅素肉及醬汁。我地今次一行四人，叫左三款富士山飯丶一個餃子鍋。四合味噌蔬菜濃湯餃子定食$128，有前菜：䈑筍凍豆腐。小食：炸蕃薯條。主菜：野菜炒素雞柳。仲有甜品丶飲品，海鹽焦糖冬甩雪糕。非常豐富，素雞柳賣相和口感都同真雞柳好相似。另外叫左富士山四品定食$88 ，有日式粟米湯丶䈑筍凍豆腐丶吉列素豬扒丶西蘭花菠菜汁富士山蝶豆花飯，仲有甜品。粟米湯份量比較少，素豬扒好得意。富士山飯賣相好吸引不過食唔出蝶豆花味，服務態度好，都幾細心，一坐低已經放低一杯熱水，浸住筷子丶匙羹。…查看更多

馬鞍山游泳池旁邊有間餐廳，在2020年10月左右開張，今次終於有機會黎食。呢度裝修普普通通，如果坐窗口位可以望住馬鞍山游泳池嬉水池，由於疫情關係嬉水池沒有開放比小朋友玩。希望疫情快d消失，回復正常生活。呢度設有卡座丶圓枱，已持有酒牌，只收現金，沒有支付寶丶八達通。當晚叫左六道菜，蜜椒牛柳粒 $118 ，好香好好味，薯仔夠淋，份量多，抵食。欖菜肉碎四季豆$78 ，大大碟。千葉豆腐$88 ，賣相好靚，睇得出廚師的刀功好犀利，係一碟心機菜，又好味。清炒萵筍絲$78，爽脆。肉絲炒麵丶福建炒飯$88，全部都好好味丶好出色。全部野食都大大碟，份量十足。簡直係一間隱世高質餐廳，店員服務態度好好丶非常有禮貌。…查看更多

呢間餐廳每次經過都大排長龍，想食就要預早黎排隊。今次黎碰下運氣，好彩今次唔算等得太耐，應該等左二十分鐘左右，終於有機會黎食野，黎到呢度一定要食原味班戟，真係好味到唔識形容，好似去咗日本旅行咁。必食推介仲有松葉蟹忌廉意粉，整得好出色，未放低已經聞到香味，啖啖蟹肉及蟹膏，撈埋d汁，非常好味，賣相已經好吸引，色香味俱全。另外仲叫左份龍蝦牛油果多士，呢個就無咩特別。我揀左杯綠茶Latte，味道偏淡，我覺得Ralph’s coffee 果杯Green tea latte 好味d。呢度d職員好細心丶有禮貌。意粉價錢貴但質素高。…查看更多

第一次去海洋公園萬豪酒店食自助餐，搭地鐵都可以去到海洋公園，真係好方便。呢度自助餐都好多不同種類嘅食物，有中式丶日式丶西式，同埋好多甜品丶雪糕。雪糕方面有Häagen-Dazs和Mövenpick，仲有一款唔知咩牌子。仲有心太軟丶迷你葡撻丶其他一口蛋糕仔。重點推介：任食清蒸龍蝦，師傅會即場切開一半，每人每次限攞半邊，有兩款醬汁選擇：芝士汁丶泰式汁。我個人認為熱食龍蝦好味過凍食龍蝦，而灣仔萬麗酒店都有蒸龍蝦。當晚仲有韓式和牛供應，師傅會即場煎兩塊和牛，然後自己加配料(泡菜丶生菜)。仲有燉湯，就係瑤柱蟲草花瘦肉湯。蝦籽撈麵，落足料，好多蝦籽。刺身就有帶子丶赤蝦丶北寄貝丶八爪魚⋯⋯好新鮮。服務態度好好，所有職員都有禮貌，仲好細心。環境好靚好有渡假嘅感覺，好舒服，去過會好想再去多次。…查看更多