萬麗咖啡室

营业中

休息中

2023年10月14日今日爬完龙舟，要食返餐丰富d 补充体力。今晚黎试吓万丽海景酒店自助餐，用餐时间系晚上1830至2130 。今次主题系青口，有即整青口锅，有三款不同口味，包括意式蕃茄、荷兰传统、泰式咖喱。我食咗蕃茄和荷兰味，厨师非常用心制作，青口好新鲜、鲜嫩。另外沙律方面亦都有青口海鲜沙律。除咗青口，仲有多款冻海鲜选择，包括：冻波士顿龙虾，好多膏好好味。面包蟹、蟹脚、带子、虾⋯⋯必食推介当然系蒸波士顿龙虾，即叫即蒸，好新鲜、好弹牙，仲好多膏。环球风味热荤，就有虾饺、蒸鱼、炸鸡、羊扒⋯⋯而甜品方面，最吸引就系十二款口味XTC意式雪糕，有港式奶茶味、抹茶、咖啡、朱古力、云呢拿、芒果、士多啤梨、海盐焦糖⋯⋯加埋窝夫一齐食就更加好味。整体来讲全部都好好食，而且服务质素好好，店员收碟速度快、有效率、最重要系有礼貌！